NEWS

អាជ្ញាធរជាតិអប្សរាទទួលជួបប្រតិភូចិនមកពីទីក្រុង ហ៊ូហ្សូ ខេត្តក្វាងទុង ពិភាក្សាអំពីការចូលរួមចំណែករបស់ជនជាតិចិនក្នុងស្រុកនិងផលប៉ះពាល់នៃទេសចរចិនមកលើតំបន់

Published on 23 October 2019 09:29 AM Post By ៖ Apsara National Authority

ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ បានដឹកនាំក្រុមការងារទទួលជួបប្រតិភូនៃទីក្រុងហ៊ូហ្សូ ខេត្តក្វាងទុង សាធារណរដ្ឋប្រជាមានិតចិន ដើម្បីពិភាក្សាការងារស្តីពី «ការចូលរួមចំណែករបស់ជនជាតិចិនក្នុងស្រុកនិងផលប៉ះពាល់នៃទេសចរចិនមកលើតំបន់» នាព្រឹកថ្ងៃទី២២ ខែតុលា ឆ្នាំ២០១៩ នៅទីស្នាក់ការអាជ្ញាធរជាតិអប្សរា។

លោកស្រី Liu Yun ប្រធានសហព័ន្ធហ៊ូហ្សូនៃនិវត្តជនចិនពីក្រៅប្រទេស ដែលជាអ្នកដឹកនាំប្រតិភូនេះបានបញ្ជាក់ថា លោកស្រី និងក្រុមការងារបានទៅទស្សនាប្រាសាទនានាក្នុងតំបន់អង្គរហើយ ពិតជាមានភាពស្ញប់ស្ញែងនឹងស្ថាបត្យកម្មដ៏អស្ចារ្យនៃប្រាសាទខ្មែរ។ ការបានទស្សនាប្រាសាទនៅតំបន់អង្គរ ពិតជាធ្វើឲ្យលោកស្រីនឹងឃើញដល់មហាកំពែងចិន ដែលសុទ្ធតែបង្ហាញអំពីស្នាដៃដ៏អស្ចារ្យនៃបុព្វបុរស។

ក្រៅពីបង្ហាអំពីភាពរីករាយដែលបានមកឃើញប្រាសាទខ្មែរ លោកស្រីក៏បានបង្ហាញផងដែរអំពីទស្សនីយភាពដ៏ស្រស់ត្រកាលនៃទីក្រុងហ៊ូហ្សូ ដែលជាទីក្រុងគ្របដណ្តប់ដោយភាពបៃតងនៃព្រៃភ្នំ និងសមុទ្រស្មើនឹងពាក់កណ្តាលនៃផ្ទៃទីក្រុងទាំងមូល និងជាទីក្រុងដែលកំពុងមានការអភិវឌ្ឍជឿនលឿនទាំងផ្នែកបច្ចេកវិទ្យា ទន្ទឹមនឹងការរក្សាបាននូវទំនៀមទម្លាប់របស់ជនជាតិដើមភាគតិចជាច្រើនផងដែរ។

ឯកឧត្តម សុខ សង្វារ មានប្រសាសន៍ថា វិស័យទេសចរនៅកម្ពុជាចាប់មានការប្រែប្រួលតាំងពីពេលដែលអង្គរត្រូវបានចុះបញ្ជីជាសម្បត្តិបេតិកភណ្ឌពិភពលោក និងក្រោយពេលដែលស្ថានភាពប្រទេសកម្ពុជាទទួលបានសុខសន្តិភាពពេញលេញក្រោមគោលនយោបាយឈ្នះ-ឈ្នះ របស់រាជរដ្ឋាភិបាលកម្ពុជា ដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឆ្នាំ១៩៩៨មក។

ឯកឧត្តមបញ្ជាក់ថា ភ្ញៀវទេសចរចិនពិតជាបានរួមចំណែកយ៉ាងខ្លាំងក្នុងការជំរុញឲ្យមានកំណើនភ្ញៀវទេសចរប្រចាំឆ្នាំនៃតំបន់អង្គរ ជាពិសេស ចាប់ពីឆ្នាំ២០១៦មក ដែលភ្ញៀវទេសចរចិនបានឈរចំណាត់ថ្នាក់លេខ១ ច្រើនជាងប្រទេសផ្សេងៗទាំងអស់។ កំណើននេះបានជំរុញឲ្យមានការកំណើនសេដ្ឋកិច្ច តាមរយៈការផ្តល់ចំណូលជាតិ និងមុខរបរយ៉ាងច្រើនដល់ប្រជាជនកម្ពុជា។

ជាមួយគ្នានេះ ឯកឧត្តមក៏បានថ្លែងអំណរគុណចំពោះថ្នាក់ដឹកនាំនៃប្រទេសចិន ដែលតែងតែជួយគាំទ្រជំរុញឲ្យមានភ្ញៀវទេសចរមកទស្សនាកម្ពុជា តាមរយៈទំនាក់ទំនងជិតស្និទ្ធរវាងថ្នាក់ដឹកនាំនៃប្រទេសទាំងពីរ។ ឯកឧត្តមក៏បានបង្ហាញជូនប្រតិភូផងដែរនូវផែនការនៃការគ្រប់គ្រងទេសចរណ៍ក្នុងតំបន់អង្គរ ទាំងក្នុងគោលដៅផ្តល់បទពិសោធន៍ទស្សនាល្អដល់ភ្ញៀវ និងឲ្យភ្ញៀវគោរពតម្លៃនៃតំបន់រមណីយដ្ឋានអង្គរ៕












អត្ថបទ៖ កញ្ញា ឆាយ ផាន់នី
រូបភាព៖ លោក ហ៊ុ រិទ្ធី
ក្នុងរយៈពេលជាងមួយខែនៃយុទ្ធនាការដាំ និងចែកចាយកូនឈើក្នុងរដូវវស្សាឆ្នាំ២០២០នេះ អាជ្ញាធរជាតិអប្សរា បានចែកចាយកូនឈើគ្រប់ប្រភេទដូចជា គ្រញូង ធ្នង់ បេង ច្រេស ឈើទាល គគីរ កកោះ រំដួល គុយ សិរមាន់ ផ្កាក្ងោក ផ្កាឥន្ទនេលជាដើម ជូនដល់ស្ថាប័នរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅបានចំនួនជិត៥មុឺនដើម ដើម្បីចូលរួមជាមួយរាជរដ្ឋាភិបាលក្នុងការស្តារ និងបង្កើនគម្របព្រៃឈើឲ្យប្រសើរឡើងវិញ ទាំងក្នុងតំបន់សៀមរាប អង្គរ និងតាមបណ្តាខេត្តនានា។
នៅព្រឹកថ្ងៃទី១១ ខែកក្កដា ឆ្នាំ២០២០នេះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានដឹកនាំក្រុមការងារចូលរួមដាំកូនឈើឡើងវិញនៅបញ្ជាការដ្ឋានយោធភូមិភាគទី៤។ ពិធីប្រព្រឹត្តិទៅក្រោមអធិបតីភាព ឯកឧត្តមឧត្តមសេនីយឯក ពៅ ហេង មេបញ្ជាការដ្ឋានយោធភូមិភាគទី៤ ឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប តំណាងកងឯកភាពកំចាត់មីនទី៤ ព្រមទាំងមន្រ្តី បុគ្គលិកអាជ្ញាធរជាតិអប្សរា និងពលទាហានប្រមាណជាង៤០០នាក់។ កូនឈើដែលបានដាំនៅពេលនោះសរុបចំនួន ៥០០០ដើម មាន១៨ប្រភេទ ដែលជាការឧបត្ថម្ភដោយអាជ្ញាធរជាតិអប្សរា៕
១៖ លោកជំទាវ ភឿង សកុណា ចូលរួមកិច្ចប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាប ឆ្នាំ២០២០-២០៣៥
នៅថ្ងៃទី៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប
ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
FirstPrev12345...329330NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
1887
Yesterday
:
3859
This Week
:
01887
This Month
:
0244626
Total
:
011707222