NEWS

ម្ចាស់សំណង់ខុសច្បាប់នៅត្រពាំងហែផ្កាចូលខ្លួនមកដោះស្រាយការងារជាមួយអាជ្ញាធរជាតិអប្សរា

Published on 22 October 2019 09:24 AM Post By ៖ Apsara National Authority

នៅរសៀលថ្ងៃទី២២ ខែតុលា ឆ្នាំ២០១៩នេះ ម្ចាស់សំណង់ខុសច្បាប់ចំនួន៣ទីតាំង ដែលសង់បំពាននៅត្រពាំងហែផ្កា ស្ថិតនៅភូមិបុស្សក្រឡាញ់ សង្កាត់ជ្រាវ ក្រុង-ខេត្តសៀមរាប បានចូលមកដោះស្រាយការងារនៅទីស្នាក់ការអាជ្ញាធរជាតិអប្សរា។ ម្ចាស់សំណង់ទាំងនោះរួមមានឈ្មោះ ឃត់ សុខន ដែលសង់របងថ្មជាប់លើទួលត្រពាំងហែផ្កា ឈ្មោះ ឈិត សុឌាំង ចាក់ដីនិងធ្វើរបងបង្គោលសីុម៉ង់ត៍លើខ្នងត្រពាំង។ ដោយឡែក ឈ្មោះ ពុម សុគន្ធា អវត្តមានដោយមូលហេតុគ្រួសារ។

ជាកិច្ចចាប់ផ្តើមមន្រ្តីជំនាញនៃនាយកដ្ឋានអភិរក្សប្រាសាទក្រៅប្រាសាទ និងបុរាណវិទ្យាបង្ការនៃអាជ្ញាធរជាតិអប្សរា បានបង្ហាញពីផែនទីលើទីតាំងបុរាណដ្ឋាន និងទួលប្រាសាទនានានៅតំបន់ជុំវិញត្រពាំងហែផ្កា ដែលទីតាំងទាំងនេះត្រូវបានចុះក្នុងបញ្ជីសារពើភណ្ឌរួចរាល់ និងស្ថិតក្រោមសមត្ថកិច្ចគ្រប់គ្រង អភិរក្សដោយអាជ្ញាធរជាតិអប្សរា។ ជាមួយគ្នានោះ មេធាវីអាជ្ញាធរជាតិអប្សរា បានបញ្ជាក់ថា បើទោះបីជាការរំលោភបំពានលើបុរាណដ្ឋាននេះដោយចេតនាឬអចេតនាក្តី សកម្មភាពរបស់ម្ចាស់សំណង់ខាងលើគឺជាសកម្មភាពល្មើសច្បាប់ដែលប្រឈមទោសទណ្ឌស្របតាមច្បាប់ភូមិបាលអំពីការប៉ះពាល់ដល់កម្មសិទ្ធិសាធារណៈរបស់រដ្ឋ និងច្បាប់ស្ដីពីការការពារបេតិកភណ្ឌវប្បធម៌អំពីការបំផ្លិចបំផ្លាញបុរាណដ្ឋាន។

នៅចំពោះមុខអ្នកជំនាញអាជ្ញាធរជាតិអប្សរា ម្ចាស់សំណង់ខុសច្បាប់ខាងលើបានទទួលស្គាល់កំហុសរបស់ខ្លួនដោយសារពួកគេមិនបានដឹងថាទីនោះជាតំបន់បុរាណដ្ឋានដែលហាមឃាត់ការសាងសង់នានា។ ក្នុងកាយវិការដឹងពីកំហុសរបស់ខ្លួន ម្ចាស់សំណង់ទាំងនោះបានសុំពេល២ថ្ងៃដើម្បីផ្តល់ចម្លើយថានឹងរុះរើដោយស្ម័គ្រចិត្តឬយ៉ាងណា។

ចំពោះសំណូមពរនេះ មន្ត្រីជំនាញអាជ្ញាធរជាតិអប្សរាបានអនុញ្ញាតផ្តល់ការឯកភាពតាមសំណើរ ប៉ុន្តែក្នុងករណីម្ចាស់សំណង់ខុសច្បាប់ពុំព្រមធ្វើការរុះរើដោយស្ម័គ្រចិត្តនោះទេ អាជ្ញាធរជាតិអប្សរានឹងដាក់ពាក្យបណ្តឹងទៅតុលាការ និងធ្វើការចុះរុះរើសំណង់ទាំងនោះផងដែរ៕

អត្ថបទ និងរូបភាព៖ នាយកដ្ឋានផ្សព្វផ្សាយ
ក្នុងរយៈពេលជាងមួយខែនៃយុទ្ធនាការដាំ និងចែកចាយកូនឈើក្នុងរដូវវស្សាឆ្នាំ២០២០នេះ អាជ្ញាធរជាតិអប្សរា បានចែកចាយកូនឈើគ្រប់ប្រភេទដូចជា គ្រញូង ធ្នង់ បេង ច្រេស ឈើទាល គគីរ កកោះ រំដួល គុយ សិរមាន់ ផ្កាក្ងោក ផ្កាឥន្ទនេលជាដើម ជូនដល់ស្ថាប័នរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅបានចំនួនជិត៥មុឺនដើម ដើម្បីចូលរួមជាមួយរាជរដ្ឋាភិបាលក្នុងការស្តារ និងបង្កើនគម្របព្រៃឈើឲ្យប្រសើរឡើងវិញ ទាំងក្នុងតំបន់សៀមរាប អង្គរ និងតាមបណ្តាខេត្តនានា។
នៅព្រឹកថ្ងៃទី១១ ខែកក្កដា ឆ្នាំ២០២០នេះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានដឹកនាំក្រុមការងារចូលរួមដាំកូនឈើឡើងវិញនៅបញ្ជាការដ្ឋានយោធភូមិភាគទី៤។ ពិធីប្រព្រឹត្តិទៅក្រោមអធិបតីភាព ឯកឧត្តមឧត្តមសេនីយឯក ពៅ ហេង មេបញ្ជាការដ្ឋានយោធភូមិភាគទី៤ ឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប តំណាងកងឯកភាពកំចាត់មីនទី៤ ព្រមទាំងមន្រ្តី បុគ្គលិកអាជ្ញាធរជាតិអប្សរា និងពលទាហានប្រមាណជាង៤០០នាក់។ កូនឈើដែលបានដាំនៅពេលនោះសរុបចំនួន ៥០០០ដើម មាន១៨ប្រភេទ ដែលជាការឧបត្ថម្ភដោយអាជ្ញាធរជាតិអប្សរា៕
១៖ លោកជំទាវ ភឿង សកុណា ចូលរួមកិច្ចប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាប ឆ្នាំ២០២០-២០៣៥
នៅថ្ងៃទី៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប
ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
FirstPrev12345...329330NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
6
Today
:
2111
Yesterday
:
3859
This Week
:
02111
This Month
:
0244850
Total
:
011707446