NEWS

ថ្នាក់ដឹកនាំអាជ្ញាធរជាតិអប្សរាជួបសំណេះសំណាលគណៈប្រតិភូមកពីខេត្តបារៀ-វង់តាវ ប្រទេសវៀតណាម

Published on 19 October 2019 04:42 PM Post By ៖ Apsara National Authority

នៅរសៀលថ្ងៃទី១៨ ខែតុលា ឆ្នាំ២០១៩ នៅទីស្នាក់ការអាជ្ញាធរជាតិអប្សរា មានជំនួបពិភាក្សាការងាររវាងថ្នាក់ដឹកនាំនៃអាជ្ញាធរជាតិអប្សរា និងគណៈប្រតិភូមកពីខេត្តបារៀ-វង់តាវ នៃប្រទេសវៀតណាម ក្នុងបំណងស្វែងរកកិច្ចសហប្រតិបត្តិការទៅវិញទៅមក ការផ្លាស់ប្តូរបទពិសោធន៍លើវិស័យទេសចរណ៍ និងការគ្រប់គ្រង អភិរក្សសម្បត្តិបេតិកភណ្ឌ។

ឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា បានស្វាគមន៍គណៈប្រតិភូមកពីខេត្តបារៀ-វង់តាវ យ៉ាងកក់ក្តៅ និងបានលើកអំពីកាលប្រវត្តិសំខាន់ៗនូវការរីកចម្រើនក្នុងមណីយដ្ឋានអង្គរ តួនាទីរបស់អាជ្ញាធរជាតិអប្សរា និងការអភិរក្ស ព្រមទាំងការអភិវឌ្ឍប្រកបដោយចីរភាព។ ដូច្នេះ២០ឆ្នាំមកនេះ តំបន់រមណីយដ្ឋានអង្គររក្សាបាននូវតម្លៃលេចធ្លោជាសកលរបស់ខ្លួនតាំងពីដំបូងរហូតដល់បច្ចុប្បន្ន។

ឯកឧត្តម ង្វៀន ហុងលិញ (Nguyen Hong Linh) សមាជិកគណៈកម្មាធិការមជ្ឈិមបក្សកុម្មុយនីស្តវៀតណាម លេខាបក្សខេត្ត និងជាប្រធានក្រុមប្រឹក្សាប្រជាជនខេត្ត បានថ្លែងថា ប្រទេសកម្ពុជាជាទឹកដីសម្បូរបែប ពិសេសបេតិកភណ្ឌវប្បធម៌ ហើយភាពជោគជ័យលើផ្នែកអភិរក្សបេតិកភណ្ឌវប្បធម៌នេះ មិនត្រឹមតែជាមោទនភាពរបស់ប្រជាជនកម្ពុជាទេ តែក៏ជាមោទនភាពរបស់មនុស្សជាតិទាំងមូល។ ឯកឧត្តម ក៏បានស្នើឲ្យមានការចែករំលែកផ្លាស់ប្តូរបទពិសោធន៍រវាងគ្នាទៅវិញទៅមក និងពង្រឹងកិច្ចសហប្រតិបត្តិការនាពេលអនាគត សម្រាប់អភិវឌ្ឍន៍វិស័យទេសចរណ៍ និងការគ្រប់គ្រងសម្បត្តិបេតិកភណ្ឌវប្បធម៌៕














អត្ថបទ៖ លោក យី សុថា រូបភាព៖ លោក ហ៊ុំ រិទ្ធី
ជាលទ្ធផលការចុះតាមដានភាពអនុលោមជាប្រចាំនៃប្រព័ន្ធគ្រប់គ្រងបរិស្ថានអង្គរ នៃសវនកម្មផ្ទៃក្នុងប្រព័ន្ធគ្រប់គ្រងបរិស្ថាន-អង្គរ ISO 14001: 2015 មកពីគ្រប់យកដ្ឋាន និងអង្គភាពចំណុះទាំង១៦របស់អាជ្ញាធរជាតិអប្សរា រយៈពេល៥ថ្ងៃ ចាប់ពីថ្ងៃទី១៨ ដល់ថ្ងៃទី២២ ខែវិច្ឆកា ឆ្នាំ២០១៩ មកដល់នេះ ទទួលបានការវាយតម្លៃ បង្ហាញថា សូន្យភាពមិនអនុលោម ២ចំណុចតាមសង្កេត ២៥អនុសាសន៍ និង៥ចំណុចប្រសើរ។
បន្ទាប់ពីទទួលបានការអនុញ្ញាតឲ្យជួសជុល កែលម្អគេហដ្ឋាន ឬរុះរើផ្ទះចាស់សាងសង់ផ្ទះថ្មីជំនួស អ្នកស្រុកបានធ្វើការជួសជុល កែលម្អគេហដ្ឋាន ឬរុះរើផ្ទាស់ចាស់សាងសង់ផ្ទះថ្មីជំនួស ខុសពីលិខិតអនុញ្ញាត ដែលធ្វើឱ្យសំណង់របស់ពួកគេក្លាយជាសំណង់ខុសច្បាប់ទៅវិញ។
ប្រាសាទព្រហ្មកិល ជាមន្ទីរពេទ្យបុរាណក្នុងរាជព្រះបាទជ័យវរ្ម័នទី៧ កសាងអំពីថ្មភក់ ចុងសតវត្សរ៍ទី១២ ឧទ្ទិសដល់ព្រះពុទ្ធសាសនាមហាយាន។ នាពេលបច្ចុប្បន្នប្រាសាទនេះមានសភាពទ្រុឌទ្រោម រងការខូចខាតជាខ្លាំង ដោយជញ្ជាំងប្រាសាទមួយផ្នែកនៅជ្រុងនិរតីបានដួលរលំ និងខឿនប្រាសាទរលុះស្ទើរតែទាំងស្រុង។
ក្នុងឱកាសដឹកនាំគណៈប្រតិភូចូលរួមកិច្ចប្រជុំមហាសន្និបាតទូទៅលើកទី៤០នៃអង្គការយូណេស្កូ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា បាននាំយកទៅជាមួយនូវគ្រឿងឥស្សរិយយស សហមេត្រី ថ្នាក់មហាសេនា ដើម្បីបំពាក់ជូនមន្ត្រីថ្នាក់ដឹកនាំសំខាន់ៗនៃអង្គការយូណេស្កូដែលបានខិតខំជួយជ្រោមជ្រែងកម្ពុជាឲ្យសម្រេចបាននូវសមិទ្ធផលធំធេងជាច្រើននាពេលកន្លងមក។
ប្រតិភូអចិន្ត្រៃយ៍រងនៃស្ថានប្រតិភូអចិន្ត្រៃយ៍ព្រះរាជាណាចក្រកម្ពុជាប្រចាំអង្គការយូណេស្កូ ឯកឧត្តម ដេវីត មាសកេត ត្រូវបានជ្រើសរើសធ្វើជាអ្នករាយការណ៍សម្រាប់គណៈកម្មការទី៤ទទួលបន្ទុកកិច្ចការវប្បធម៌និងបេតិកភណ្ឌក្នុងវេទិការដ្ឋមន្ត្រីវប្បធម៌ក្នុងខណៈដែលវេទិកានេះកំពុងតែប្រព្រឹត្តទៅនាទីស្នាក់ការកណ្តាលនៃអង្គការយូណេស្កូ នាទីក្រុងប៉ារីស ប្រទេសបារាំង។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
3
Today
:
1259
Yesterday
:
14863
This Week
:
87365
This Month
:
0219491
Total
:
009688248