NEWS

ថ្នាក់ដឹកនាំអាជ្ញាធរជាតិអប្សរាប្រជុំផ្ទៃក្នុងពិនិត្យនិងតាមដានការងារសហគមន៍

Published on 16 October 2019 07:27 PM Post By ៖ Apsara National Authority

រសៀលថ្ងៃពុធ ៣រោជ ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៦ ខែតុលា ឆ្នាំ២០១៩ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា ដឹកនាំកិច្ចប្រជុំតាមដានការអនុវត្តកិច្ចការរបស់ក្រុមការងារសហគមន៍អាជ្ញាធរជាតិអប្សរា និងការទប់ស្កាត់សំណង់អាណាធិបតេយ្យ ដែលបានអនុវត្តកន្លងមកនៅតាមភូមិទាំង១១២ក្នុងតំបន់រមណីយដ្ឋានអង្គរ។

គោលបំណងសំខាន់នៃកិច្ចប្រជុំនេះដើម្បីផ្តល់ជាអនុសាសន៍ដល់នាយកដ្ឋានជំនាញ មន្រ្តី-បុគ្គលិកក្រោមឱវាទជុំវិញការចុះត្រួតពិនិត្យរាល់ការស្នើសុំសាងសង់ឬ ជួសជុលសំណង់លំនៅដ្ឋានរបស់ប្រជាពលរដ្ឋ និងលើកឡើងពីបញ្ហាផ្សេងៗទាក់ទងនឹងការអនុញ្ញាតឬមិនអនុញ្ញាត ព្រមទាំងជំរុញឱ្យមានការសហការរវាងនាយកដ្ឋានពាក់ព័ន្ធផ្សេងៗដើម្បីទប់ស្កាត់ការសាងសង់សំណង់គ្មានច្បាប់អនុញ្ញាតឲ្យកាន់តែមានប្រសិទ្ធភាព។

លើសពីនេះទៀត អង្គប្រជុំទាំងមូលក៏បានជជែកវែកញែកអំពីផលវិជ្ជមាន និងអវិជ្ជមានផ្សេងៗដែលកើតមានកន្លងមក ដើម្បីស្វែងយល់ពីបញ្ហា ភាពខ្វះខាត និងដោះស្រាយបញ្ហាប្រឈមនានាដែលបានកើតឡើង៕










អត្ថបទ៖ លោក យី សុថា
រូបភាព៖ លោក ហាប់ គឹមអាន
ក្នុងឱកាសកិច្ចប្រជុំបច្ចេកទេសលើកទី២៦ នៃគណៈកម្មាធិការអន្តរជាតិសម្របសម្រួល ការគាំពារ និងអភិវឌ្ឍន៍តំបន់ប្រវត្តិសាស្ត្រអង្គរ (ICC-Angkor) នាថ្ងៃទី២៣ ខែមិថុនា ឆ្នាំ២០១៦នេះ លោកសាស្ត្រាចារ្យ Azedine Bechaouch លេខាធិការវិទ្យាសាស្ត្រនៃគណៈកម្មាធិការអាយស៊ីស៊ី-អង្គរ បានប្រកាសថា ទូកបុរាណដែលបានប្រទះឃើញនៅក្នុងការដ្ឋានបូមខ្សាច់ ស្ថិតក្នុងភូមិបំពេញរាជ្យ ឃុំលាងដៃ ស្រុកអង្គរធំ ខេត្តសៀមរាប ហើយត្រូវបានអាជ្ញាធរជាតិអប្សរាយកមករក្សាទុកបណ្តោះអាសន្ននៅក្នុងកសិណអង្គរវត្តកាលពីថ្ងៃទី៨ ខែមេសា ឆ្នាំ២០១៦ កន្លងមក មានកាលបរិច្ឆេទនៅឆ្នាំ១២០៧ ក្នុងរាជ្យព្រះបាទជ័យវរ្ម័នទី៧។
គណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ត្រអង្គរហៅកាត់ថា អាយស៊ីស៊ី-អង្គរ បានដំណើរការកិច្ចប្រជុំបច្ចេកទេសលើកទី២៦របស់ខ្លួនហើយ នៅព្រឹកថ្ងៃ ២២ ខែមិថុនា ឆ្នាំ២០១៦ នៅសាលសន្និសីទអង្គរនៃអាជ្ញាធរជាតិអប្សរា។ កិច្ចប្រជុំនេះគ្រោងនឹងដំណើរការរយៈពេល២ថ្ងៃគឺពីថ្ងៃទី២២ដល់២៣ ខែមិថុនា ឆ្នាំ២០១៦។
គណៈកម្មាធិការអន្តរជាតិដើម្បីសម្របសម្រួលកិច្ចគាំពារនិងអភិវឌ្ឍន៍រមណីយដ្ឋានប្រវត្តិសាស្ត្រអង្គរហៅកាត់ថា អាយស៊ីស៊ី-អង្គរ (International Coordination Committee for the Safeguarding and Development of Historic Site of Angkor : ICC-Angkor) នឹងបើកកិច្ចប្រជុំបច្ចេកទេសលើកទី២៦របស់ខ្លួន នៅថ្ងៃទី២២-២៣ ខែមិថុនា ឆ្នាំ២០១៦ នាសាលសន្និសីទអង្គរ នៅមជ្ឈមណ្ឌលអាជ្ញាធរជាតិអប្សរា។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
1278
Yesterday
:
4619
This Week
:
75957
This Month
:
0232038
Total
:
012739627