សារមន្ទីរព្រះនរោត្តមសីហនុ-អង្គរ ជាបណ្តុំចំណេះដឹងផ្នែកប្រវត្តិសាស្ត្រ ប្រវត្តិសិល្បៈ សម្រាប់កូនខ្មែរសិក្សាស្វែងយល់ថ្នាក់ដឹកនាំអាជ្ញាធរជាតិអប្សរាចូលរួមគោរពព្រះវិញ្ញាណក្ខន្ធព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យជាតិ បូរណភាពទឹកដី និងឯកភាពជាតិខ្មែរ «បរមរតនកោដ្ឋ» គម្រប់ខួប៧ឆ្នាំ
Published on
15 October 2019 10:17 PM Post By ៖ Apsara National Authority
នាព្រឹកថ្ងៃ២រោច ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវថ្ងៃទី១៥ ខែតុលា ឆ្នាំ២០១៩ ថ្នាក់ដឹកនាំអាជ្ញាធរជាតិអប្សរា បានចូលរួមគោរពព្រះវិញ្ញាណក្ខន្ធគម្រប់ខួប៧ឆ្នាំនៃការសោយទិវង្គតរបស់ព្រះបរមរតនកោដ្ឋ ព្រះវររាជបិតាជាតិខ្មែរដែលប្រព្រឹត្តទៅនៅព្រះរាជដំណាក់ខេត្តសៀមរាប។
ប្រជានុរាស្ត្រខ្មែរទូទាំងនគរចងចាំមិនភ្លេចឡើយនូវវេលានេះកាលពី៧ឆ្នាំមុន និងមានការសោកស្តាយជាអនេកដែលបាត់បង់ព្រះមហាវីរក្សត្រដ៏ឆ្នើមនៃព្រះរាជាណាចក្រកម្ពុជា។
កូន ចៅ ចៅទួតទាំងអស់ក៏មិនភ្លេចដែរនូវគុណបំណាច់ ស្នាព្រះហស្ថរបស់សម្តេចឪ សម្តេចតា សម្តេចតាទួតចំពោះប្រជារាស្ត្រខ្មែរនិងប្រទេសខ្មែរទាំងមូល គឺជោគជ័យនៃកម្ពុជាក្នុងការដណ្តើមយកឯករាជ្យជាតិជាផ្លូវការពីអាណានិគមនិយមបារាំងសេសនាឆ្នាំ១៩៥៤ ធ្វើឱ្យកម្ពុជាទទួលបានសិទ្ធិសេរីភាពពេញលេញក្នុងការសម្រេចជោគវាសនាប្រទេសខ្លួនដោយខ្លួនឯង។
ដោយឡែកចំពោះវិស័យបេតិកភណ្ឌវិញ តាមរយៈតុលាការអន្តរជាតិទីក្រុងឡាអេ ព្រះអង្គក៏បានទាមទារប្រាសាទព្រះវិហារខ្មែរមកវិញពីឈ្លានពានរបស់ប្រទេសជិតខាងនាឆ្នាំ១៩៦២។ ពិសេសព្រះអង្គបានឡាយព្រះហស្ថលេខានៅឆ្នាំ១៩៩១ ក្នុងនាមកម្ពុជាបានអំពាវនាវដល់បណ្តាប្រទេសជាដៃគូអន្តរជាតិឱ្យជួយស្រោចស្រង់អង្គរដែលប្រឈមនឹងគ្រោះថ្នាក់ដោយសារអាយុកាលនៃសំណង់ សង្គ្រាម និងជនទុច្ចរិតជួញដូរវត្ថុបុរាណ រហូតបានសម្រេចដាក់អង្គរចូលជាបេតិកភណ្ឌពិភពលោកដោយអង្គការយូណេស្កូនាថ្ងៃទី១៤ ខែធ្នូ ឆ្នាំ១៩៩២។
សូមរំឭកដែរថា ព្រះអង្គប្រសូត្រនៅថ្ងៃអង្គារ ១១កើត ខែកក្ដិក ឆ្នាំច ចត្វាស័ក ព.ស. ២៤៦៥ ត្រូវនឹងថ្ងៃទី៣១ ខែតុលា ឆ្នាំ១៩២២ នៅរាជធានីភ្នំពេញ ព្រះរាជាណាចក្រកម្ពុជា។ ទ្រង់ចូលទិវង្គតនៅថ្ងៃចន្ទ ទី១៥ ខែតុលា ឆ្នាំ២០១២ ត្រូវនឹងថ្ងៃ១៥រោច ខែភទ្របទ ឆ្នាំរោង ចត្វាស័ក ព.ស.២៥៥៦ វេលាម៉ោង ១ និង ២០ នាទីយប់ នៅទីក្រុងប៉េកាំង ប្រទេសចិន៕
អត្ថបទ៖ កញ្ញា ហ៊ីង ស្រីរ័ត្ន
រូបភាព៖ លោក ហាប់ គឹមអាន
ប្រជានុរាស្ត្រខ្មែរទូទាំងនគរចងចាំមិនភ្លេចឡើយនូវវេលានេះកាលពី៧ឆ្នាំមុន និងមានការសោកស្តាយជាអនេកដែលបាត់បង់ព្រះមហាវីរក្សត្រដ៏ឆ្នើមនៃព្រះរាជាណាចក្រកម្ពុជា។
កូន ចៅ ចៅទួតទាំងអស់ក៏មិនភ្លេចដែរនូវគុណបំណាច់ ស្នាព្រះហស្ថរបស់សម្តេចឪ សម្តេចតា សម្តេចតាទួតចំពោះប្រជារាស្ត្រខ្មែរនិងប្រទេសខ្មែរទាំងមូល គឺជោគជ័យនៃកម្ពុជាក្នុងការដណ្តើមយកឯករាជ្យជាតិជាផ្លូវការពីអាណានិគមនិយមបារាំងសេសនាឆ្នាំ១៩៥៤ ធ្វើឱ្យកម្ពុជាទទួលបានសិទ្ធិសេរីភាពពេញលេញក្នុងការសម្រេចជោគវាសនាប្រទេសខ្លួនដោយខ្លួនឯង។
ដោយឡែកចំពោះវិស័យបេតិកភណ្ឌវិញ តាមរយៈតុលាការអន្តរជាតិទីក្រុងឡាអេ ព្រះអង្គក៏បានទាមទារប្រាសាទព្រះវិហារខ្មែរមកវិញពីឈ្លានពានរបស់ប្រទេសជិតខាងនាឆ្នាំ១៩៦២។ ពិសេសព្រះអង្គបានឡាយព្រះហស្ថលេខានៅឆ្នាំ១៩៩១ ក្នុងនាមកម្ពុជាបានអំពាវនាវដល់បណ្តាប្រទេសជាដៃគូអន្តរជាតិឱ្យជួយស្រោចស្រង់អង្គរដែលប្រឈមនឹងគ្រោះថ្នាក់ដោយសារអាយុកាលនៃសំណង់ សង្គ្រាម និងជនទុច្ចរិតជួញដូរវត្ថុបុរាណ រហូតបានសម្រេចដាក់អង្គរចូលជាបេតិកភណ្ឌពិភពលោកដោយអង្គការយូណេស្កូនាថ្ងៃទី១៤ ខែធ្នូ ឆ្នាំ១៩៩២។
សូមរំឭកដែរថា ព្រះអង្គប្រសូត្រនៅថ្ងៃអង្គារ ១១កើត ខែកក្ដិក ឆ្នាំច ចត្វាស័ក ព.ស. ២៤៦៥ ត្រូវនឹងថ្ងៃទី៣១ ខែតុលា ឆ្នាំ១៩២២ នៅរាជធានីភ្នំពេញ ព្រះរាជាណាចក្រកម្ពុជា។ ទ្រង់ចូលទិវង្គតនៅថ្ងៃចន្ទ ទី១៥ ខែតុលា ឆ្នាំ២០១២ ត្រូវនឹងថ្ងៃ១៥រោច ខែភទ្របទ ឆ្នាំរោង ចត្វាស័ក ព.ស.២៥៥៦ វេលាម៉ោង ១ និង ២០ នាទីយប់ នៅទីក្រុងប៉េកាំង ប្រទេសចិន៕
អត្ថបទ៖ កញ្ញា ហ៊ីង ស្រីរ័ត្ន
រូបភាព៖ លោក ហាប់ គឹមអាន
Other Articles
APSARA Authority sponsors athletes and boats from the districts in the Angkor site
ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុកឆ្នាំ 2017 នឹងប្រព្រឹត្តទៅនៅថ្ងៃទី2 និងទី3 ខែវិច្ឆិកា ខាងមុខនេះនៅតាមបណ្តោយដងស្ទឹងខេត្តសៀមរាប។ ដើម្បីជាការលើកទឹកចិត្តដល់ក្រុមកីឡាករ និងចូលរួមលើកតម្កើងប្រពៃណីទំនៀមទម្លាប់ដូនតាក្នុងការប្រារព្ធព្រះរាជពិធីបុណ្យប្រពៃណីជាតិដ៏ធំនេះ អាជ្ញាធរជាតិអប្សរាបានចូលរួមឧបត្ថម្ភថវិកាដល់កីឡាករអុំទូកមកពីស្រុក-ក្រុងចំនួន៥ដែលមកពីភូមិសាស្ត្រក្នុងតំបន់រមណីដ្ឋានអង្គរ រួមមាន ក្រុងសៀមរាប ស្រុកប្រាសាទបាគង ស្រុកបន្ទាយស្រី ស្រុកអង្គរធំ និងស្រុកពួក។( 02 November 2017 )
APSARA staff is trained on the budget processprogram for 2018
ស្របតាមគោលការណ៍របស់រាជរដ្ឋាភិបាលកម្ពុជា ក្នុងការប្រើប្រាស់ថវិកាជាតិឲ្យកាន់តែមានប្រសិទ្ធភាព និងតម្លាភាព អាជ្ញាធរជាតិអប្សរាបានសហការជាមួយអគ្គនាយកដ្ឋានពាក់ព័ន្ធនៃក្រសួងសេដ្ឋកិច្ច និងហិរញ្ញវត្ថុ បានរៀបចំបទបង្ហាញក្រោមប្រធានបទ “នីតិវិធីអនុវត្តថវិកាកម្មវិធីសម្រាប់អាជ្ញាធរជាតិអប្សរា” រយៈពេល២ថ្ងៃ ចាប់ពីថ្ងៃទី៣០-៣១ខែតុលា ឆ្នាំ២០១៧។( 31 October 2017 )
3,000-year-old Skulls are exhibited at Preah Norodom Sihanouk-Angkor Museum
សារមន្ទីរព្រះនរោត្តមសីហនុ-អង្គរ មានដាក់តាំងវត្ថុបុរាណជាច្រើនប្រភេទ រួមមាន បដិមា កុលាលភាជន៍ ផ្នូរបុរាណ សាកសព ឬឆ្អឹងខ្មោចមនុស្សសម័យបុរាណ ។ល។ លលាដ៍ក្បាលមនុស្សបុរាណកាល ក៏ជាកម្មវត្ថុមួយដាក់តាំងបង្ហាញក្នុងសារមន្ទីរនេះដែរ។ លលាដ៍ក្បាលមនុស្សបុរាណកាលនោះត្រូវបានអ្នកសិក្សាស្រាវជ្រាវរកឃើញថា មានអាយុជាង ៣ពាន់ឆ្នាំមកហើយ។( 27 October 2017 )
Speech of H. E. Ms. Phoeurng Sackona, President of APSARA National Authority
Weather Forecast
Angkor Code of Conduct
Angkor Code of Conduct's Video
.jpg){kind=small}
