ព័ត៌មានថ្មីៗ

អគ្គនាយកអាជ្ញាធរជាតិអប្សរាចុះពិនិត្យមើលទីតាំងរៀបចំផ្លូវទស្សនាប្រាសាទបាយ័នថ្មី

បានផ្សាយនៅ ថ្ងៃទី 12 ខែ តុលា ឆ្នាំ2019 07:56 PM ដោយ ៖ អាជ្ញាធរជាតិអប្សរា

នៅរសៀលថ្ងៃទី១១ ខែតុលា ឆ្នាំ២០១៩ ថ្នាក់ដឹកនាំអាជ្ញាធរជាតិអប្សរា ដឹកនាំដោយអគ្គនាយក ឯកឧត្តម ហង់ ពៅ តំណាងលេខាធិការដ្ឋានគណៈកម្មាធិការអាយស៊ីស៊ី-អង្គរ ក្រុមការងារJASA រួមជាមួយមន្រ្តីជំនាញពាក់ព័ន្ធ បានចុះពិនិត្យមើលទីតាំងរៀបចំផ្លូវទស្សនាប្រាសាទបាយ័នថ្មីនៅពេលដែលការជួសជុលតួប៉មមួយចំនួននៅជាន់ទី៣កាន់តែខិតជិតមកដល់។

វង់ទស្សនានេះនឹងត្រូវរៀបចំឡើងដោយក្រុមការងារនៃនាយកដ្ឋានជំនាញពាក់ព័ន្ធមួយចំនួននៃអាជ្ញាធរជាតិអប្សរា ព្រមទាំងយកផែនទីវង់ទស្សនានេះដាក់ពិនិត្យឆ្លងយោបល់របស់អ្នកជំនាញរបស់គណៈកម្មាធិការអាយស៊ីស៊ី-អង្គរនាពេលខាងមុខ។

គួរបញ្ជាក់ថា គម្រោងជួសជុលតួប៉មមួយចំនួននៅជាន់ទី៣នៃប្រាសាទបាយ័នត្រូវបានគណៈកម្មាធិការអាយស៊ីស៊ី-អង្គរអនុម័តឯកភាពឲ្យជួសជុលក្នុងកិច្ចប្រជុំនាពេលកន្លងមក និងផ្នែកខ្លះនៃប្រាសាទបាយ័នត្រូវបិទដើម្បីដំណើរការជួសជុលអភិរក្ស។ ប៉ុន្តែដោយមូលហេតុ ប្រាសាទបាយ័នជាប្រាសាទដែលភ្ញៀវទេសចរចាំបាច់ត្រូវទស្សនាខានមិនបាន អាជ្ញាធរជាតិអប្សរាមានការចាំបាច់ត្រូវធ្វើការសិក្សាអំពីផែនទីហានិភ័យ និងរៀបចំវង់ទស្សនាថ្មីមួយដែលអនុញ្ញាតឲ្យភ្ញៀវអាចទស្សនាប្រាសាទបាយ័នផង និងសកម្មភាពជួសជុលអភិរក្សតួប៉មប្រាសាទអាចប្រព្រឹត្តទៅដោយរលូនផង៕















អត្ថបទ៖ នាយកដ្ឋានផ្សព្វផ្សាយ
រូបភាព៖ លោក ហាប់ គឹមអាន
នាព្រឹកថ្ងៃទី២៥​ ខែវិច្ឆិកា​ ឆ្នាំ២០១៦នេះ​ អាជ្ញាធរ​ជាតិ​អប្សរា​សហការ​នឹងបណ្តាញព្រះសង្ឃឯករាជ្យដើម្បីយុត្តិធម៌សង្គម​ បានប្រារព្ធពិធីសាសនា​ និងធ្វើ​របងព័ទ្ធគល់គ្រញូង​ដែលត្រូវ​បានជនល្មើសលួចអារកាត់កាលពីពេលថ្មីៗកន្លងទៅនេះ។​​
អង្គភាពប្រព័ន្ធគ្រប់គ្រងបរិស្ថានអង្គរនៃអាជ្ញាធរជាតិអប្សរា បានសហការនឹងស្ថាប័នធានាគុណភាពនៃប្រទេសជប៉ុន (JQA) បើកវគ្គអប់រំបរិស្ថានដល់កុមារនៅសាលាបឋមសិក្សាគ្រើល ស្ថិតក្នុងឃុំស្វាយចេក ស្រុកអង្គរធំ ខេត្តសៀមរាប នាព្រឹកថ្ងៃទី២៤ ខែវិច្ឆិកា ឆ្នាំ២០៦។
ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា បានអនុញ្ញាតឱ្យលោកសាស្ត្រាចារ្យ Huang Kezhong អ្នកជំនាញជាន់ខ្ពស់នៃបណ្ឌិតសភាចិនសម្រាប់បេតិកភណ្ឌវប្បធម៌ រួមទាំងក្រុមការងារចូលជួបសម្តែងការគួរសម និងពិភាក្សាអំពីគម្រោងជួសជុលអភិរក្សប្រាសាទតាកែវ។
នារសៀលថ្ងៃទី២៤ ខែវិច្ឆិកា ឆ្នាំ២០១៦នេះ ឯកឧត្ដមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរាបានទទួលជួបគណៈប្រតិភូរដ្ឋសភាខេត្តក្វាងស៊ីនៃសាធារណរដ្ឋប្រជាមានិតចិន ដែលដឹកនាំដោយលោកស្រី HE LONGQUN ប្រធានគណៈកម្មការកិច្ចការជនជាតិភាគតិចនៃរដ្ឋសភាខេត្តក្វាងស៊ី។
កូនគ្រញូងចំនួន១០០ដើម ត្រូវបានអាជ្ញាធរជាតិអប្សរាយកទៅប្រគេនព្រះសង្ឃ ដើម្បីដាំក្នុងបរិវេណវត្តថ្មីដំរីសែនជ័យ នៅក្នុងភូមិនគរក្រៅ សង្កាត់គោកចក ក្រុងសៀមរាប ស្ថិតនៅក្នុងតំបន់ការពារនៃឧទ្យានអង្គរ។ ការប្រគេនដើមគ្រញូងនេះ ធ្វើឡើងដើម្បីបញ្ជាក់ពីកិច្ចសហការរវាងអាជ្ញាធរជាតិអប្សរា និងបណ្តាញព្រះសង្ឃឯករាជ្យដើម្បីយុត្តិធម៌សង្គម ដើម្បីជំរុញឲ្យមានការចូលរួមពីសំណាក់ប្រជាពលរដ្ឋក្នុងឧទ្យានអង្គរ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
16
ថ្ងៃនេះ
:
28204
ម្សិលមិញ
:
23810
សប្តាហ៍នេះ
:
297760
ខែនេះ
:
0297760
សរុប
:
015367563