ព័ត៌មានថ្មីៗ

អគ្គនាយកអាជ្ញាធរជាតិអប្សរាចុះពិនិត្យមើលទីតាំងរៀបចំផ្លូវទស្សនាប្រាសាទបាយ័នថ្មី

បានផ្សាយនៅ ថ្ងៃទី 12 ខែ តុលា ឆ្នាំ2019 07:56 PM ដោយ ៖ អាជ្ញាធរជាតិអប្សរា

នៅរសៀលថ្ងៃទី១១ ខែតុលា ឆ្នាំ២០១៩ ថ្នាក់ដឹកនាំអាជ្ញាធរជាតិអប្សរា ដឹកនាំដោយអគ្គនាយក ឯកឧត្តម ហង់ ពៅ តំណាងលេខាធិការដ្ឋានគណៈកម្មាធិការអាយស៊ីស៊ី-អង្គរ ក្រុមការងារJASA រួមជាមួយមន្រ្តីជំនាញពាក់ព័ន្ធ បានចុះពិនិត្យមើលទីតាំងរៀបចំផ្លូវទស្សនាប្រាសាទបាយ័នថ្មីនៅពេលដែលការជួសជុលតួប៉មមួយចំនួននៅជាន់ទី៣កាន់តែខិតជិតមកដល់។

វង់ទស្សនានេះនឹងត្រូវរៀបចំឡើងដោយក្រុមការងារនៃនាយកដ្ឋានជំនាញពាក់ព័ន្ធមួយចំនួននៃអាជ្ញាធរជាតិអប្សរា ព្រមទាំងយកផែនទីវង់ទស្សនានេះដាក់ពិនិត្យឆ្លងយោបល់របស់អ្នកជំនាញរបស់គណៈកម្មាធិការអាយស៊ីស៊ី-អង្គរនាពេលខាងមុខ។

គួរបញ្ជាក់ថា គម្រោងជួសជុលតួប៉មមួយចំនួននៅជាន់ទី៣នៃប្រាសាទបាយ័នត្រូវបានគណៈកម្មាធិការអាយស៊ីស៊ី-អង្គរអនុម័តឯកភាពឲ្យជួសជុលក្នុងកិច្ចប្រជុំនាពេលកន្លងមក និងផ្នែកខ្លះនៃប្រាសាទបាយ័នត្រូវបិទដើម្បីដំណើរការជួសជុលអភិរក្ស។ ប៉ុន្តែដោយមូលហេតុ ប្រាសាទបាយ័នជាប្រាសាទដែលភ្ញៀវទេសចរចាំបាច់ត្រូវទស្សនាខានមិនបាន អាជ្ញាធរជាតិអប្សរាមានការចាំបាច់ត្រូវធ្វើការសិក្សាអំពីផែនទីហានិភ័យ និងរៀបចំវង់ទស្សនាថ្មីមួយដែលអនុញ្ញាតឲ្យភ្ញៀវអាចទស្សនាប្រាសាទបាយ័នផង និងសកម្មភាពជួសជុលអភិរក្សតួប៉មប្រាសាទអាចប្រព្រឹត្តទៅដោយរលូនផង៕















អត្ថបទ៖ នាយកដ្ឋានផ្សព្វផ្សាយ
រូបភាព៖ លោក ហាប់ គឹមអាន
ដើមឈើងាប់រស់ និងដួលរលំដោយសារភ្លៀងខ្យល់ចំនួន០៦ដើម ត្រូវបាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរាកាប់ និងកាត់ក្រីមែកឈើចំនួន០៥ដើមក្នុងតំបន់ឧទ្យានអង្គរ ដើម្បីបង្ការហានិភ័យដែលអាចនឹងកើតមានឡើងដល់ប្រជាពលរដ្ឋ និងភ្ញៀវទេសចរ នៅពេលពួកគាត់ធ្វើដំណើរតាមដងផ្លូវ និងទស្សនាប្រាង្គប្រាសាទផ្សេងៗក្នុងតំបន់ឧទ្យានអង្គរ ដោយយថាហេតុណាមួយដែលយើងមិនអាចដឹងទុកជាមុនបាន។
ចម្លាក់ថ្មបុរាណ២ដុំ ដែលមានរូបរាងជាកូនប្រាសាទចម្លងធ្វើពីថ្មភក់ ត្រូវបានរដ្ឋបាលព្រៃឈើប្រចាំស្រុកបន្ទាយស្រី រឹបអូសបានពីជនល្មើសនៅក្នុងករណីចុះបង្ក្រាបបទល្មើសព្រៃឈើនៅចំណុចភូមិត្បែងលិច ឃុំត្បែង ស្រុកបន្ទាយស្រី ខេត្តសៀមរាប នាយប់ថ្ងៃទី២០ ខែកញ្ញា ឆ្នាំ២០១៦។ តាមការសន្និដ្ឋានបឋមនៃបុរាណវិទូអាជ្ញាធរជាតិអប្សរា​ចម្លាក់នេះអាចស្ថិតនៅក្នុងសតវត្សទី១០​ តែអ្នកជំនាញមិនទាន់អាចកំណត់អត្តសញ្ញាណបានថាចម្លាក់នេះត្រូវជនល្មើសនាំចេញពីតំបន់ណានៅឡើយ។​ អ្នកជំនាញនឹងសិក្សាលម្អិតអំពីចម្លាក់នេះនៅពេលក្រោយ​ នៅពេល​ដែលនីតិវិធីផ្លូវច្បាប់បានបញ្ចប់ជាស្ថាពរ។​
កំពែងក្រុងអង្គរធំជ្រុងខាងជើង ផ្នែកខាងកើតខ្លោងទ្វារដីឆ្នាំងប្រវែង៤៥ម៉ែត្រ ដែលរងការខូចខាតដោយឥទ្ធិពលខ្យល់ព្យុះកេតសាណានាឆ្នាំ២០០៩កន្លងមក បានជួសជុលរួចជាស្ថាពរហើយនៅខែកញ្ញា ឆ្នាំ២០១៦នេះ ដោយនាយកដ្ឋានអភិរក្សប្រាសាទក្នុងឧទ្យាននិងបុរាណវិទ្យាបង្ការនៃអាជ្ញាធរជាតិអប្សរា បន្ទាប់ពីបំពេញការងារអស់រយៈពេល៤ឆ្នាំ។
នាថ្ងៃទី២៣ ខែកញ្ញា ឆ្នាំ២០១៦នេះ ព្រះអាទិត្យនឹងរះចំពីលើកំពូលកណ្តាលនៃប្រាសាទអង្គរវត្ត ចាប់ពីម៉ោង៥ទៅម៉ោង៦ព្រឹក។ ព្រឹត្តិការណ៍នេះ តែងកើតមានឡើងជាទៀងទាត់ក្នុងមួយឆ្នាំពីរដងនៅពេលដែលយប់ និងថ្ងៃមានរយៈពេលស្មើគ្នា គឺ នៅថ្ងៃទី២០-២១ខែមីនា និងថ្ងៃទី២១-២២ ខែកញ្ញា។ សម្រាប់ខែកញ្ញា ឆ្នាំ២០១៦នេះ ដោយសារសមរាត្រីនឹងត្រូវកើតមានឡើងនៅម៉ោង៩និង២១នាទីយប់ថ្ងៃទី២២ខែកញ្ញា ដូច្នេះ គេអាចទស្សនាព្រះអាទិត្យរះចំពីលើកំពូលប្រាង្គកណ្តាលនៃប្រាសាទអង្គរវត្តនៅព្រឹកថ្ងៃទី២៣ខែកញ្ញា។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
12
ថ្ងៃនេះ
:
18597
ម្សិលមិញ
:
17889
សប្តាហ៍នេះ
:
54785
ខែនេះ
:
0292902
សរុប
:
014352757