NEWS

ស្ថានទូតឥណ្ឌាបើកសម្ពោធពិព័រណ៍ «ខាឌី-ផលិតផលសិប្បកម្មក្រណាត់ឥណ្ឌា»

Published on 12 October 2019 07:48 PM Post By ៖ Apsara National Authority

នៅព្រឹកថ្ងៃទី១២ ខែតុលា នេះ ស្ថានទូតឥណ្ឌាប្រចាំកម្ពុជា សហការជាមួយអាជ្ញាធរជាតិអប្សរា និងក្រុមហ៊ុនវិចិត្រាឥណ្ឌា បានរៀបចំពិធីសម្ពោធនូវពិព័រណ៍ ខាឌី-ផលិតផលសិប្បកម្មក្រណាត់ឥណ្ឌា។ ពិធីនេះ មានការចូលរួមពីមន្រ្តីស្ថានទូតឥណ្ឌា អភិបាលរងខេត្តសៀមរាប ថ្នាក់ដឹកនាំអាជ្ញាធរជាតិអប្សរា សភាពាណិជ្ជកម្មខេត្តសៀមរាប-ឧត្ដរមានជ័យ និងតំណាងមកពីស្ថាប័នពាក់ព័ន្ធសរុបប្រមាណ ១០០នាក់។

មានប្រសាសន៍ក្នុងពិធីបើកពិព័រណ៍នោះ លោកជំទាវ Manika Jain ឯកអគ្គរដ្ឋទូតឥណ្ឌាប្រចាំកម្ពុជា បានលើកឡើងថា ការរៀបចំពិព័រណ៍ ខាឌី-ផលិតផលសិប្បកម្មក្រណាត់ឥណ្ឌា នេះឡើងក្នុងបំណងរំឭកដល់ខួបនៃការកើតរបស់មហាត្មៈគន្ធី (១៨៦៩- ១៩៤៨) ដែលមកដល់ពេលនេះគឺមានរយៈពេល១៥០ឆ្នាំហើយ។ លោកជំទាវបន្តថា ក្នុងនាមជាអ្នកដឹកនាំម្នាក់ លោកមហាត្មះ គន្ធី បានកែប្រែជោគវាសនារបស់ប្រទេសមួយដែលមានប្រជាជនច្រើន មានពូជសាសន៍ ភាសា វប្បធម៌ និងវណ្ណៈ ខុសគ្នានៅលើទឹកដីមួយដ៏ធំធេង។ បន្ថែមពីនេះ លោកជំទាវឯកអគ្គរដ្ឋទូត ថា បដិវត្តន៍ដ៏អស្ចារ្យបំផុតប្រចាំសតវត្សរ៍ប្រឆាំងទៅនឹងការធ្វើអណានិគម ការរើសអើងពូជសាសន៍ និងការកៀងប្រវ័ញ្ចត្រូវបានធ្វើឡើងតាមរយៈការធ្វើបដិវត្តន៍សម្លៀកបំពាក់ ដោយក្នុងនោះលោកមហាត្មះ គន្ធី ដែលជាវីរៈបុរសឥណ្ឌា បានឱ្យប្រជាជនត្បាញក្រណាត់សម្រាប់ស្លៀកពាក់ដោយខ្លួនឯង ដោយមិនត្រូវលក់វត្ថុធាតុដើមឱ្យទៅប្រទេសអាណានិគមលើស្រុកខ្លួន ដែលគេផលិតដោយម៉ាស៊ីន រួចយកផលិតផលសម្រេចមកលក់ឱ្យប្រជាជនឥណ្ឌាវិញក្នុងតម្លៃថោកជាងផលិតផលក្នុងស្រុក។

ជាមួយគ្នានេះ ដោយជំទាវ Manika Jain ពន្យល់ទៀតថា ការស្លៀកពាក់គឺបង្ហាញពីខ្លួនឯង ថាយើងជាអ្នកណា របៀបស្លៀកពាក់មិនត្រឹមតែបង្ហាញពីអត្តសញ្ញាណខ្លួនយើងប៉ុណ្ណោះទេ តែវាបានបង្ហាញអាកប្បកិរិយា និងទំនាក់ទំនងរបស់យើងទៅអ្នកដទៃផងដែរ។

មានប្រសាសន៍ក្នុងពិធីនោះដែរ ឯកឧត្តម ស៊ុន សេងហ៊ួត អនុរដ្ឋលេខាធិការ តំណាងដ៏ខ្ពង់ខ្ពស់ទេសរដ្ឋមន្រ្តី ចម ប្រសិទ្ធ រដ្ឋមន្រ្តីក្រសួងឧស្សាហកម្ម និងសិប្បកម្ម បានវាយតម្លៃខ្ពស់ចំពោះពិព័រណ៍ ខាឌី របស់ឥណ្ឌានៅពេលនេះ។ ឯកឧត្តមថា កម្ពុជាមានមោទកភាពណាស់ដែលស្ថានទូតឥណ្ឌាធ្វើពិព័រណ៍នេះឡើង ដែលបានបង្ហាញពីស្នាដៃ សិល្បៈត្បាញក្រណាត់ដ៏ទំនើបមួយ ដែលរក្សាបានជាយូរ និងជាគំនិតផ្តួចផ្តើមរបស់លោកមហាត្មះ គន្ធី។ មន្រ្តីក្រសួងឧស្សាហកម្ម និងសិប្បកម្ម យល់ថា ជាការសំខាន់ដែលប្រជាជនមួយ ប្រើប្រាស់ផលិតផលដែលកើតចេញពីការខិតខំប្រឹងប្រែងដោយស្នាដៃប្រជាជនខ្លួនបែបនេះ ហើយនេះបង្ហាញពីការរក្សាប្រពៃណី ធ្វើបាននូវប្រភពគំនិតមួយ រក្សាប្រពៃណី ប្រើប្រាស់របស់ឥណ្ឌា ដែលច្នៃដោយឥណ្ឌា។

គួរបញ្ជាក់ថា ពិព័រណ៍ជាលើកទី១នេះ រៀបចំឡើងរយៈពេល៣ថ្ងៃ គឺចាប់ពីថ្ងៃទី១២ ដល់ទី១៤ ខែតុលា នៅក្នុងសារមន្ទីរវាយនភ័ណ្ឌប្រពៃណីអាស៊ី ដែលសាធារណជនអាចចូលទស្សនាបានដោយសេរី ចាប់ពីម៉ោង៩ព្រឹក ដល់ម៉ោង៧ល្ងាច៕

























អត្ថបទនិងរូបភាព៖ នាយកដ្ឋានផ្សព្វផ្សាយ
In Sofia, Republic of Bulgaria is organizing an international congress on "world civilization and innovation in the tourism sector." As hosts of the congress, the Ministry of Tourism of the Republic of Bulgaria has cooperated with UNWTO organized this historic event in order to discuss the role of tourism in the conservation and promote heritage, tangible and intangible, as well as to contribute to economic and social. This congress was attended by experts, researchers and those involved in the tourism sector from 40 countries around the world.
25 trainees are from Apsara Authority, Preah Vihear Authority, and the Ministry of Culture and Fine Arts, have received certificates after completing a training course on preventing conservation successfully, which is held at Angkor Training Center in the presence of H.E Mr. Ros Borath, Deputy Director General, who is representative of H.E Dr. Sum Map, Director General of Apsara.
Recently Apsara Authority has provided the supporting packages to new mothers and babies of 134 families in five districts of Siem Reap Angkor.
H.E Dr. Sum Map, Director General of Apsara Authority meets H.E Mr. Ingo Karsten, German Ambassador based in Cambodia to discuss about cooperation between Apsara and German institutions, which are running their projects in the region of Angkor.
Miyun delegation of China led by Deputy Governor Jiang Xeufu of Miyun meets Director General of Apsara Authority to discuss on the future collaboration.

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
4
Today
:
3152
Yesterday
:
17878
This Week
:
105992
This Month
:
0223291
Total
:
011685887