NEWS

មន្រី្តអាជ្ញាធរជាតិអប្សរានិងកងរាជអាវុធហត្ថខេត្តសៀមរាប បានបញ្ចប់វគ្គបណ្តុះបណ្តាល "គ្រូបង្ហាត់វិជ្ជាសង្រ្គោះបឋមជំនាន់ទី១" ដោយជោគជ័យ

Published on 12 October 2019 07:39 PM Post By ៖ Apsara National Authority

នារសៀលថ្ងៃទី១១ ខែតុលា ឆ្នាំ២០១៩ នៅទីស្នាក់ការកាកបាទក្រហមកម្ពុជាសាខាខេត្តសៀមរាប បានរៀបចំពិធីបិទវគ្គបណ្តុះបណ្តាល "គ្រូបង្ហាត់វិជ្ជាសង្រ្គោះបឋម" ដល់សិក្ខាកាមចំនួន១៩រូប ដែលមកពីអាជ្ញាធរជាតិអប្សរាចំនួន១០រូប និងកងរាជអាវុធហត្ថខេត្តសៀមរាបចំនួន៩រូប។

វគ្គបណ្តុះបណ្តាលនេះបានប្រព្រឹត្តទៅចាប់ពីថ្ងៃទី៨ ដល់ថ្ងៃទី១១ ខែតុលា ឆ្នាំ២០១៩ ក្រោមកិច្ចសហការរវាងមជ្ឈមណ្ឌលបណ្តុះបណ្តាលអង្គរ នៃអាជ្ញាធរជាតិអប្សរា កាកបាទក្រហមកម្ពុជាសាខាខេត្តសៀមរាប និងកងរាជអាវុធហត្ថខេត្តសៀមរាប ក្រោមអធិបតីភាពលោក ស៊ុ សំអន នាយកសាខាកាកបាទក្រហមកម្ពុជាខេត្តសៀមរាប លោក អ៊ឹម សុខរិទ្ធី ប្រធានមជ្ឈមណ្ឌលបណ្តុះបណ្តាលអង្គរ នៃអាជ្ញាធរជាតិអប្សរា ជាតំណាងឯកឧត្តមអគ្គនាយក និងលោក សេង វុទ្ធី មេបញ្ជាការរងកងរាជអាវុធហត្ថខេត្តសៀមរាប។

ក្នុងពិធីបិទវគ្គ គណៈអធិបតីទាំង៣រូប ក៏មានមតិផ្តាំផ្ញើនិងសម្តែងនូវការកោតសរសើរចំពោះការខិតខំប្រឹងប្រែងក្រេបជញ្ជក់យកចំណេះវិជ្ជារបស់សិក្ខាកាមដែលមកពីស្ថាប័ន/អង្គភាពទាំងពីរ និងសង្ឃឹមយ៉ាងមុតមាំថានឹងអាចប្រើប្រាស់ជាប្រយោជន៍ដល់អង្គភាពរបស់ខ្លួនទៅថ្ងៃអនាគត។

លោក លីវ ឡន ប្រធានការិយាល័យអភិវឌ្ឍន៍ ជាគ្រូឧទេសវគ្គបណ្តុះបណ្តាលបានឱ្យថា ក្នុងរយៈពេល៤ថ្ងៃនេះ បានផ្តល់នូវចំណេះដឹងយ៉ាងច្រើនដល់សិក្ខាកាមទាំងផ្នែកទ្រឹស្តី និងការអនុវត្ត រួមមាន ប្រព័ន្ធសរីរាង្គក្នុងខ្លួន តួនាទីអ្នកសង្គ្រោះ គោលការណ៍គ្រឹះរបស់អ្នកសង្គ្រោះ ការដាក់ស្ថានភាពដំណេក សភាពស្ហុក សន្លប់ ការធ្វើCPR ស្លាក់ ការលង់ទឹក គ្រោះថ្នាក់ចរាចរណ៍ ការពុល ប្រកាច់ ពស់ចឹក ឆ្កែខាំ របួស ការហូរឈាមគ្រប់ប្រភេទ ការឃាត់ឈាម ការបាក់ឆ្អឹង ការដឹកជញ្ជូន វិធីសាស្ត្រសម្របសម្រួលទ្រឹស្តី និងករណីផ្សេងៗទៀត។

លោក លីវ ឡន ក៏សង្ឃឹមថា ក្រោយបញ្ចប់វគ្គបណ្តុះបណ្តាល សិក្ខាកាមនឹងអាចយកវិជ្ជាដែលខ្លួនបានរៀនទៅបង្ហាត់បង្រៀនបន្តដើម្បីជាប្រយោជន៍នៅតាមស្ថាប័នរៀងៗខ្លួន និងអាចជួយសង្គ្រោះខ្លួនឯង និងអ្នកដទៃបានគ្រប់ស្ថានភាព មុនពេលគ្រូពេទ្យមកដល់៕





























អត្ថបទ: លោក ឌួង សូនី
រូបភាព: លោក ឌួង សូនី និងលោក លឹម ប៊ុនហុង
“ប្រទេសជប៉ុនបានរីកចម្រើនដល់ដំណាក់កាលមួយ ដែលគេលែងចង់ប្រើបច្ចេកទេសបុរាណក្នុងការជួសជុលសំណង់បុរាណ តែកម្ពុជានៅរក្សាបាន ដោយអាជ្ញាធរជាតិអប្សរានៅតែបន្តអនុវត្តការជួសជុលសំណង់ប្រាសាទ និងរចនាសម្ព័ន្ធផ្សេងៗតាមរយៈបច្ចេទេសបុរាណ”។ នេះជាប្រសាសន៍លើកឡើងរបស់លោក OKAZAKI SEIJI អ្នកជំនាញដាប់ថ្មរបស់ជប៉ុននាព្រឹកថ្ងៃទី៥ ខែឧសភា ឆ្នាំ២០១៦ នៅមុខប្រាសាទអង្គរវត្ត ជាទីដែលលោកកំពុងតែងបណ្តុះបណ្តាលកម្មករខ្មែរអំពីវិធីដាប់ថ្មជួសជុលប្រាសាទ។
នៅឆ្នាំ១៩៨៩ ព្រះករុណាព្រះបាទសម្តេចព្រះនរោត្តម សីហនុ ក្នុងព្រះឋានៈជាព្រះប្រធាននៃក្រុមប្រឹក្សាជាតិជាន់ខ្ពស់នៃកម្ពុជា ទ្រង់បានអំពាវនាវដល់សហគមន៍អន្តរជាតិ ជាពិសេសអង្គការយូណេស្កូ ឲ្យជួយការពារនិងស្រោចស្រង់រមណីយដ្ឋានអង្គរជាបន្ទាន់។ តបតាមការអំពាវនាវនេះ គណៈកម្មាធិការបេតិកភណ្ឌពិភពលោកនៃអង្គការយូណេស្កូ បានសម្រេចចុះបញ្ជីរមណីយដ្ឋានអង្គរ ជាសម្បត្តិបេតិកភណ្ឌពិភពលោក នៅថ្ងៃទី១៤ ខែធ្នូ ឆ្នាំ១៩៩២។
គម្រោងបិទចរាចរណ៍ផ្លូវមុខប្រាសាទអង្គរវត្តបានចាប់ផ្តើមអនុវត្តចាប់ពីថ្ងៃទី០១ ខែឧសភា ឆ្នាំ២០១៦តទៅ ។ ការអនុវត្តគម្រោងនេះ យើងសង្កេតឃើញថាសណ្តាប់ធ្នាប់សាធារណៈ បរិស្ថាន ការដើរកំសាន្តរបស់ភ្ញៀវទេសចរណ៍នៅបរិវេណមុខប្រាសាទអង្គរវត្ត បានប្រព្រឹត្តទៅយ៉ាងល្អប្រសើរ។
នៅថ្ងៃទី០៤ ខែឧសភា ឆ្នាំ២០១៦ មន្ត្រីអាជ្ញាធរជាតិអប្សរា ក្រោមការដឹកនាំរបស់ឯកឧត្តម សុខ លក្ខិណា ទីប្រឹក្សានិងជាប្រធានក្រុមការងារសហគមន៍នៃអាជ្ញាធរជាតិអប្សរាប្រចាំស្រុកប្រាសាទបាគង បានចុះពិនិត្យការស្តារត្រពាំងបុរាណប្រវែងបណ្តោយ១៣០ម៉ែត្រ ទទឹង៧០ម៉ែត្រ និងជម្រៅ២ម៉ែត្រ ជូនដល់ប្រជាពលរដ្ឋដែលស្ថិតនៅក្នុងភូមិគោកស្រុក ឃុំរលួស ស្រុកប្រាសាទបាគង ខេត្តសៀមរាប។
នៅថ្ងៃទី៣ ខែឧសភា ឆ្នាំ២០១៦នេះ មន្ត្រីអាជ្ញាធរជាតិអប្សរា ដោយមានការចូលរួមឯកឧត្តម ខូយ គឹមទួ ទីប្រឹក្សា និងជាប្រធានក្រុមការងារសហគមន៍អាជ្ញាធរជាតិអប្សរាប្រចាំក្រុងសៀមរាប និងលោក ឡុង កុសល ប្រធាននាយកដ្ឋានផ្សព្វផ្សាយ បានចុះចែកជូនទឹកប្រមាណជិត១៦០០០លីត ស្មើនឹង ៤ ឡាន ដល់ប្រជាពលរដ្ឋ ដែលស្ថិតនៅក្នុងភូមិប្រិយថ្មី សង្កាត់ទឹកវិល ក្រុងសៀមរាប ខេត្តសៀមរាប។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
9
Today
:
8895
Yesterday
:
10477
This Week
:
84152
This Month
:
0028908
Total
:
013720362