ព័ត៌មានថ្មីៗ

«ពិព័រណ៍ផលិតផលសិប្បកម្មក្រណាត់ឥណ្ឌា» លើកទី១នឹងរៀបចំឡើងនៅសារមន្ទីរវាយនភណ្ឌប្រពៃណីអាស៊ី

បានផ្សាយនៅ ថ្ងៃទី 10 ខែ តុលា ឆ្នាំ2019 02:55 PM ដោយ ៖ អាជ្ញាធរជាតិអប្សរា

សារមន្ទីរវាយនភណ្ឌប្រពៃណីអាស៊ីនឹងរៀបចំតាំងពិព័រណ៍ «ខាឌី-ផលិតផលសិប្បកម្មក្រណាត់ឥណ្ឌា” លើកទី១នៅលើទឹកដីសៀមរាប នាថ្ងៃទី១២-១៤ ខែតុលា ឆ្នាំ២០១៩ ដើម្បីអបអរសាទរខួបលើកទី១៥០ឆ្នាំរបស់មហាត្មៈគន្ធី (Mohatma Gandhi) សហការជាមួយអាជ្ញាធរជាតិអប្សរា ស្ថានទូតឥណ្ឌាប្រចាំទីក្រុងភ្នំពេញ និងក្រុមហ៊ុនវិចិត្រាឥណ្ឌានាំចេញ ក្រោមអធិបតីភាពឯកឧត្តម ចម ប្រសិទ្ធ ទេសរដ្ឋមន្ត្រី រដ្ឋមន្ត្រី ក្រសួងឧស្សាហកម្មនិងសិប្បកម្ម។

ទាក់ទងនឹងព្រឹត្តិការណ៍នេះ លោកស្រីសាស្រ្តាចារ្យ Archana Shastri ប្រធានសារមន្ទីរវាយនភណ្ឌប្រពៃណីអាស៊ីបានឱ្យដឹងថា ការប្រារព្ធពិព័រណ៍ «ខាឌី-ផលិតផលសិប្បកម្មក្រណាត់ឥណ្ឌា» ក្នុងបំណងរំឭកដល់ខួបនៃការកើតរបស់មហាត្មៈគន្ធី (១៨៦៩- ១៩៤៨) ដែលមកដល់ពេលនេះគឺមានរយៈពេល១៥០ឆ្នាំហើយ។ ក្នុងរយៈពេលនៃការរស់នៅរបស់វីរៈបុរសឥណ្ឌារូបនេះ បានបន្សល់នូវមរតកវប្បធម៌ក្នុងការឱ្យប្រជាជនឥណ្ឌាងាកមកផលិត និងប្រើប្រាស់ក្រណាត់ដែលផលិតដោយខ្លួនឯង ដើម្បីរក្សាបាននូវអត្តសញ្ញាណជាតិ និងការលើកកម្ពស់សេដ្ឋកិច្ចជាតិដោយប្រជាជនឥណ្ឌាផ្ទាល់។

លោកស្រីសាស្ត្រាចារ្យបញ្ជាក់ថា មហាត្មៈ គន្ធី គឺជាវីរៈបុរសបដិវត្តន៍អហិង្សារបស់ឥណ្ឌាដែលព្រួយបារម្ភពីការបាត់បង់ចំណូលក្នុងគ្រួសារឥណ្ឌា សេដ្ឋកិច្ចប្រទេសឥណ្ឌា ប្រជាជនគ្មានការងារធ្វើ ត្រូវបង់ពន្ធលើទំនិញទិញចូល បាត់បង់របរប្រពៃណី បាត់បង់ការដាំដុះវត្ថុធាតុដើម និងបាត់បង់ទេពកោសល្យក្នុងការផលិតសិប្បកម្មប្រពៃណីមួយនេះ នៅពេលប្រជាជនឥណ្ឌាឈប់ផលិតក្រណាត់ប្រើប្រាស់ដោយខ្លួនឯង ហើយបែរជ្រើសយកវត្ថុធាតុដើមទៅលក់ឱ្យអង់គ្លេសដែលដាក់អាណានិគមលើប្រទេសខ្លួន ដែលគេផលិតដោយម៉ាស៊ីន រួចយកផលិតផលសម្រេចមកលក់ឱ្យប្រជាជនឥណ្ឌាវិញក្នុងតម្លៃថោកជាងផលិតផលក្នុងស្រុក។

លោកស្រីសាស្រ្តាចារ្យបន្តថា ទស្សនៈសំខាន់របស់មហាត្មៈគន្ធី គឺនៅប្រទេសឥណ្ឌាមានវណ្ណៈច្រើន មានសាសនាច្រើន មានប្រជាជនច្រើន តែតាមរយៈការស្លៀកសម្លៀកបំពាក់ដូចគ្នា ដែលធ្វើដោយជនជាតិឥណ្ឌា នឹងធ្វើឱ្យប្រជាជនឥណ្ឌាមើលទៅមានភាពស្មើគ្នា ចេះសហការគ្នា ហើយទោះទៅដល់ទីណា កន្លែងណា សាសនាអ្វី វណ្ណៈអ្វី ក៏នៅតែមើលទៅគេដឹងថាជាជនជាតិឥណ្ឌា។ ដូច្នេះហើយ ក្រណាត់ដែលផលិតដោយជនជាតិឥណ្ឌា គឺជាផ្នែកដ៏សំខាន់ក្នុងការបង្រួបបង្រួមប្រជាជនឥណ្ឌាឱ្យរក្សាបាននូវរបរប្រពៃណី វត្ថុធាតុដើមក្នុងការផលិតក្រណាត់ ការកសាងសេដ្ឋកិច្ចជាតិ និងការរើបម្រះពីអាណានិគមអង់គ្លេសផងដែរ។ ពិសេសគឺបានធ្វើប្រជាជនឥណ្ឌាឈប់ឱ្យតម្លៃលើផលិតផលបរទេស (អង់គ្លេស) ហើយងាកមកឱ្យតម្លៃលើផលិតផលក្នុងស្រុកវិញ និងរក្សាបាននូវអត្តសញ្ញាណជាតិ ឆ្លុះបញ្ចាំងពីខ្លួនឯងតាមរយៈការស្លៀកពាក់សម្លៀកបំពាក់នេះតែម្តង។

សូមបញ្ជាក់ថា ការរៀបចំពិធីតាំងពិព័រណ៍ «ខាឌី-ផលិតផលសិប្បកម្មក្រណាត់ឥណ្ឌា» នេះ នឹងបើកជូនសាធារណជនចូលទស្សនា សិក្សាស្វែងយល់ពីវប្បធម៌ឥណ្ឌា ដោយសេរី ចាប់ពីម៉ោង៩ព្រឹក រហូតដល់ម៉ោង៧យប់ នៅថ្ងៃទី១២-១៤ ខែតុលា ឆ្នាំ២០១៩ នៅសារមន្ទីរប្រពៃណីអាស៊ី មានទីតាំងនៅផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប៕


































អត្ថបទ៖ កញ្ញា ហ៊ីង ស្រីរ័ត្ន
រូបភាព៖ សារមន្ទីរវាយនភណ្ឌប្រពៃណីអាស៊ី
កម្មវិធីសម្ដែងសិល្បៈ «រាត្រីចងចាំ» ដើម្បីអបអរខួបមួយឆ្នាំក្នុងការចុះបញ្ជីល្ខោនខោលចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិ ២៨ វិច្ឆិកា ឆ្នាំ២០១៨-២៨ វិច្ឆិកា ឆ្នាំ២០១៩ នាល្ងាចថ្ងៃទី២៨ ខែវិច្ឆិកា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា និងមានការចូលរួមពីថ្នាក់ដឹកនាំក្រសួងទេសចរណ៍ រដ្ឋបាលខេត្តសៀមរាប មន្រ្តីអាជ្ញាធរជាតិអប្សរា ព្រមទាំងមហាជនជាទេសចរជាតិ-អន្ដរជាតិ ចូលរួមទស្សនាយ៉ាងច្រើនកុះករ។
រយៈពេល០៩ថ្ងៃហើយ ដែលមជ្ឈមណ្ឌលបណ្តុះ បណ្តាលនៃអាជ្ញាធរជាតិអប្សរា បានបើកវគ្គបណ្តុះបណ្តាល អ្នកបន្តវេនបច្ចេកទេសជួសជុល អភិរក្ស និងស្រាវជ្រាវប្រាសាទបុរាណ ដែលចាប់ផ្ដើមតាំងពីថ្ងៃទី១៩ ខែវិច្ឆិកា ឆ្នាំ២០១៩ មក។
ប្រតិភូសមាជិកបណ្ឌិតសភាវិទ្យាសាស្រ្តសង្គមនិងបច្ចេកវិទ្យានៃប្រទេសវៀតណាម លោក NGUYEN GIANG HAI បានចូលរួមធ្វើបាឋកថាស្ដីពី «វិស័យស្រាវជ្រាវបុរាណវិទ្យានិងការរកឃើញថ្មីៗនៅប្រទេសវៀតណាម» ដែលបានចែករំលែកចំណេះដឹងទាក់ទងនឹងវិស័យបុរាណវិទ្យាដល់មន្រ្តី បុគ្គលិក និងសាធារណជន ដែលសរុបប្រមាណ៥០នាក់។
វត្តរាជបូណ៌ជាវត្តដ៏ចំណាស់មួយក្នុងចំណោមវត្តដទៃទៀត ដែលស្ថិតនៅតាមដងស្ទឹងសៀមរាប ស្ថិតក្នុងភូមិសាស្ត្រភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ អារាមនេះមានព្រះវិហារមួយដែលមានលក្ខណៈស្ថាបត្យកម្មល្អឯក ហើយប្រហែលជាសាងសង់ឡើងក្នុងរាជ្យព្រះបាទនរោត្តម។
យោងតាមរបាយការណ៍របស់នាយកដ្ឋានអភិវឌ្ឍន៍ទេសចរណ៍នៃអាជ្ញាធរជាតិអប្សរាក្នុងអំឡុងខែតុលា ឆ្នាំ២០១៩នេះ ក្រុមការងារបានជួយសង្រ្គោះភ្ញៀវទេសចរដែលរងរបួសចំនួន១០ករណី ក្នុងនោះមាន រអិលឬជំពប់ជើងដួល គ្រិច ថ្លោះដៃជើង ខ្យល់គរ ដួលសន្លប់ និងចុកពោះ ជាដើមបាន។ បញ្ហាទាំងនេះកើតឡើងដោយសារភ្ញៀវខ្លះមានការធ្វេសប្រហែស និងមិនគោរពតាមការណែនាំ ឬផ្លាកសញ្ញាហាមឃាត់ និងបញ្ហាសុខភាពផ្ទាល់ខ្លួន។
ដើមដំបូងមុន12345...271272បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
21263
ម្សិលមិញ
:
21159
សប្តាហ៍នេះ
:
104920
ខែនេះ
:
0116101
សរុប
:
009584858