ព័ត៌មានថ្មីៗ

ជីកប្រឡាយដើម្បីការពារការទន្រ្ទានព្រៃឈើខុសច្បាប់ក្នុងរមណីយដ្ឋានអង្គរ

បានផ្សាយនៅ ថ្ងៃទី 04 ខែ កញ្ញា ឆ្នាំ2019 03:46 PM ដោយ ៖ អាជ្ញាធរជាតិអប្សរា
សកម្មភាពការកាប់ទន្រ្ទានដីព្រៃក្នុងឧទ្យានអង្គរនៅតែកើតឡើងជាបន្តបន្ទាប់ បើទោះបីជាមានការល្បាតតឹងរឹងយ៉ាងណាក្ដី។ ជនខិលខូច នៅតែធ្វើសកម្មភាពកាប់ទន្រ្ទានដីព្រៃដើម្បីពង្រីកផ្ទៃដីផ្ទះសម្បែង និងដីស្រែចម្ការយកមកធ្វើជាកម្មសិទ្ធិផ្ទាល់ខ្លួន។ ដូច្នេះដើម្បីទប់ស្កាត់ករណីនេះ អាជ្ញាធរជាតិអប្សរានឹងធ្វើការជីកប្រឡាយតាមព្រំដីព្រៃឈើនានាក្នុងតំបន់ឧទ្យានអង្គរ ដែលគម្រោងនេះមានប្រវែងជាង២៧គីឡូម៉ែត្រ។

លោក ជូរ៉ា ឌីណា អនុប្រធាននាយកដ្ឋានគ្រប់គ្រងព្រៃឈើ ទេសភាព វប្បធម៌ និងបរិស្ថាន បានឱ្យដឹងថា ការងារនេះនឹងអនុវត្តន៍ចាប់ពីថ្ងៃទី៥ ខែកញ្ញាតទៅដោយចាប់ផ្តើមពីសង្កាត់នគរធំទៅដែលជាចំណុចរសើបក្នុងករណីនេះ។ លោកបន្តថា គម្រោងជីកប្រឡាយនេះគឺមានប្រវែងសរុបប្រមាណជាង២៧គីឡូម៉ែត្រ ដែលមានចំនួន១៨ខ្សែ ស្ថិតនៅសង្កាត់គោកចក សង្កាត់ស្លក្រាម សង្កាត់នគរធំ និងស្រុកបន្ទាយស្រី។

បើតាមការបញ្ជាក់ពីអនុប្រធាននាយកដ្ឋានព្រៃឈើ ក្រុមការងារដែលមានអាជ្ញាធរជាតិអប្សរា រដ្ឋបាលក្រុងសៀមរាប និងអាជ្ញាធរមូលដ្ឋាន បានចុះកំណត់ទីតាំងដែលត្រូវជីកប្រឡាយរួចហើយ គឺនៅតាមទីតាំងដែលមានដីព្រៃ ដីដែលមិនអាស្រ័យផល និងដីដែលមានព្រៃរិចរិល ដោយមិនប៉ះពាល់ដល់ដីដែលប្រជាពលរដ្ឋកំពុងអាស្រ័យផលឡើយ។ យ៉ាងណាលោក ជូរ៉ា ឌីណា ពន្យល់ថា ការជីកប្រឡាយព្រំការពារព្រៃឈើនេះគ្រាន់តែជាវិធានការបណ្ដោះអាសន្នក្នុងការទប់ស្កាត់ការទន្រ្ទានព្រៃឈើប៉ុណ្ណោះ មិនមែនជាការផ្តល់កម្មសិទ្ធិឬជាព្រំដី ឬជាការទទួលសិទ្ធិស្របច្បាប់នៃការកាន់កាប់ដីខុសច្បាប់ណាមួយដែរ។

ការជីកប្រឡាយតាមព្រំដីព្រៃឈើក្នុងឧទ្យានអង្គរនេះ មិនមែនធ្វើតែនៅពេលនេះនោះទេ។ តាមគម្រោងរបស់នាយកដ្ឋានគ្រប់គ្រងព្រៃឈើរបស់អាជ្ញាធរជាតិអប្សរា គ្រោងនឹងបន្តការងារនេះជាបន្តបន្ទាប់តាមរយៈផែនការដែលបានដាក់ជាប្រចាំឆ្នាំ ក្នុងនោះឆ្នាំ២០២០ខាងមុខ គម្រោងនឹងបន្តជីកតាមព្រំដីប្រវែងជាង១៩គីឡូម៉ែត្រទៀត បន្ទាប់ពីជោគជ័យក្នុងការងារនៅឆ្នាំនេះរួច៕














អត្ថបទ៖ នាយកដ្ឋានផ្សព្វផ្សាយ
រូបភាព៖ ក្រុមភ្នាក់ងារអភិរក្សព្រៃឈើនៃនាយកដ្ឋានសណ្ដាប់ធ្នាប់ និងសហប្រតិបត្តិការ
នៅរសៀលថ្ងៃពុធ៦កើត ខែជេស្ឋ ឆ្នាំជូតទោស័ក ព.ស.២៥៦៤ ត្រូវនឹងថ្ងៃទី២៧ ខែឧសភា ឆ្នាំ ២០២០ ព្រះសុមង្គល សិលាចារ្យ អាភាករោ ជុំ គឹមឡេង ព្រះមេគណ ខេត្ត សៀមរាប និងជាព្រះប្រធានក្រុមប្រឹក្សាកិច្ចការវត្តអារាម រួមនឹងសមាជិក បាននិមន្ដចុះទៅដល់វត្តទេពប្រណម ដែលមានទីតាំងនៅក្នុង បរិវេណ ក្រុងអង្គធំ ដេីម្បី ពិនិត្យ នូវការរៀបចំសាងសង់ ខឿនជុំវិញព្រះវិហារ និងសំណង់ មួយចំនួនទៀត ដែលកំពុងសាងសង់ដោយគ្មានការអនុញ្ញាត។
នេះជាលើកទី២ហើយដែលម្ចាស់ភោជនីយដ្ឋាន «ផ្ទះបាយតានីខ្មែរអង្គរ» បានស្ម័គ្រចិត្តរុះរើសំណង់ភោជនីយដ្ឋានចំនួនមួយខ្នងបន្ថែមទៀត ដែលជាអតីតភោជនីយដ្ឋាន «ភ្នំស្រី» ដើម្បីសម្រួលដល់ការសាងសង់ទីលានបដិសណ្ឋារកិច្ចមុខប្រាសាទអង្គរវត្ត នៅថ្ងៃទី២៧ ខែឧសភា ឆ្នាំ២០២០នេះ។
ប្រជាពលរដ្ឋដែលជាម្ចាស់ស្រុកក្នុងតំបន់អង្គរ តែងទទួលបានការយកចិត្តទុកដាក់ខ្ពស់ពីសំណាក់អាជ្ញាធរជាតិអប្សរា ក្នុងការអនុញ្ញាតជាគោលការណ៍សាងសង់លំនៅដ្ឋានរបស់ខ្លួនក៏ដូចជាសំណង់ឧបសម្ពន្ធមួយចំនួនទៀត។
នាយកដ្ឋានទ្រទ្រង់បច្ចេកទេស និងអន្តរវិស័យ របស់អាជ្ញាធរជាតិអប្សរា កំពុងចាប់ផ្ដើមអ៊ុតគំនូសចរាចរណ៍នៅលើកំណាត់ទ្រូងផ្លូវប្រវែង២១៨១ម៉ែត្រ ចាប់ពីរង្វង់មូលព្រះបាទជ័យវរ្ម័នទី៧មកដល់ចំណុចព្រលានយន្តហោះ និងកំពុងដាំឧបករណ៍ចំណាំងភ្លើង(គ្រាប់ភ្នែកកង្កែប)លើកំណាត់ទ្រូងផ្លូវប្រវែង៦៧១២ម៉ែត្រទៀត ចាប់ពីចំណុចមុខភោជនីយដ្ឋានប្រាសាទនាងពៅទៅដល់ចំណតឡាន មុខប្រាសាទអង្គរវត្ត។
អាជ្ញាធរជាតិអប្សរា មានកិត្តិយស សូមជូនដំណឹងដល់ក្រសួង ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទេសទេសចរណ៍ សមាគមដឹកជញ្ជូនភ្ញៀវទេសចរណ៍ ក្រុមហ៊ុនទេសចរណ៍ភ្ញៀវទេសចរជាតិ-អន្តរជាតិ សាធារណជន ព្រមទាំងបងប្អូនប្រជាពលរដ្ឋទាំងអស់មេត្តាជ្រាបថា អាជ្ញាធរជាតិអប្សរា នឹងបើកឲ្យដំណើរការឡើងវិញ ជូនភ្ញៀវជាតិ-អន្តរជាតិ និងសារធារណជនទាំងអស់ បានចូលទស្សនា ដោយមិនគិតថ្លៃ ចាប់ពីថ្ងៃទី ០១ ខែមិថុនា ឆ្នាំ២០២០ នេះតទៅ នៅសារមន្ទីទាំងបីរបស់អាជ្ញាធរជាតិអប្សរា។
ដើមដំបូងមុន12345...317318បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
7568
ម្សិលមិញ
:
17666
សប្តាហ៍នេះ
:
97780
ខែនេះ
:
0245888
សរុប
:
010926541