ព័ត៌មានថ្មីៗ

បាឋកថាស្ដីពី ប្រវតិ្ដសង្ខេបតំបន់អង្គរ ដោយលោកសាស្រ្ដាចារ្យ អាំង ជូលាន បង្ហាញថាគ្មានពេលណាមួយ ដែលខ្មែរបោះបង់ចោលអង្គរ ឲ្យក្លាយជាព្រៃរហោឋាននោះទេ

បានផ្សាយនៅ ថ្ងៃទី 04 ខែ កញ្ញា ឆ្នាំ2019 01:10 PM ដោយ ៖ អាជ្ញាធរជាតិអប្សរា

បាឋកថាស្ដីពី «ប្រវត្តិសង្ខេបតំបន់អង្គរ» ដែលធ្វើឡើងដោយលោកសាស្រ្ដាចារ្យ អាំង ជូលាន នៅថ្ងៃទី៣ ខែកញ្ញា នៅសាលសន្និសីទអង្គរនៃអាជ្ញាធរជាតិអប្សរា បានទាក់ទាញមហាជនជាខ្លាំង ដោយមានអ្នកចូលរួមស្ដាប់ផ្ទាល់ប្រមាណ២០០នាក់ និងអ្នកតាមដាន ការផ្សាយផ្ទាល់តាមបណ្តាញសង្គមជិត១០០០នាក់បន្ថែមទៀត។ ជាបាឋកថា បង្ហាញប្រវត្តិសាស្រ្តយ៉ាងទូលំទូលាយ ចាប់ពីវត្តមានមនុស្សដំបូងមករស់នៅក្នុងតំបន់អង្គររហូតដល់ដើមសម័យទំនើប។ លោកសាស្រ្តាចារ្យ អាំង ជូលាន បានព្យាយាមពន្យល់អ្នកចូលរួមស្ដាប់បានយ៉ាងក្បោះក្បាយតាមរយៈចំណេះដឹងនិងការសិក្សាស្រាវជា្រវរបស់លោក ចេញពីទស្សនៈខាងនរវិទ្យា សាសនា សិលាចារឹកនិងបុរាណវិទ្យា។ បទបង្ហាញរបស់លោកសាស្រ្តាចារ្យ បានរៀបរាប់ពីសម័យប្រវត្តិសាស្រ្ដសំខាន់ៗរបស់ប្រទេសកម្ពុជា គឺចាប់ពីសម័យមុនអង្គរ សម័យអង្គរ សម័យកណ្ដាល និងដើមសម័យបច្ចុប្បន្ន ដោយបានលើកបរិយាយអំពីសារសំខាន់ភូមិសាស្រ្តតំបន់អង្គរ ការកកើតដំបូងនៃអាណាចក្រខ្មែរ ការរៀបចំទឹកដីនិងកែប្រែធម្មជាតិរបស់ព្រះមហាក្សត្រខ្មែរ ចាប់ពីភ្នំគូលែន (ឬមហេន្រ្ទបវ័ត) ដែលជាប្រភពនិងក្បាលម៉ាស៊ីនទឹក ចុះមកអាងទឹកគឺទន្លេសាប។ល។

ខ្លឹមសារសំខាន់ៗនៃបាឋកថានេះ អ្នកចូលរួមអាចចាប់បានថា អង្គរជាមរតវប្បធម៌គ្មានអ្វីប្រៀបផ្ទឹមនៃប្រជាជាតិខ្មែរ។ តំណែលបុរាណដ៏មានសារសំខាន់នេះ ញ៉ាំងឲ្យខ្មែរមានស្មារតីចងចាំពីអតីតកាលរបស់ខ្លួនមិនដែលដាច់ ព្រមទាំងផ្តល់ក្តីសង្ឃឹមទៅថ្ងៃអនាគតផង។ តំណែលដ៏រស់រវើកនេះ បានឆ្លងកាត់ច្រើនសតវត្សមកហើយ រហូតដល់បង្កើតជាគ្រឹះនៃអត្តសញ្ញាណខ្មែរទាំងមូល។ អង្គរមិនត្រឹមតែជាតំបន់ភូមិសាស្ត្រ និងវត្ថុបុរាណគ្រប់បែបយ៉ាងដែលមាននៅសល់ដល់បច្ចុប្បន្នទេ តែលើសពីនេះទៅទៀត អង្គរសំដៅទៅលើអារ្យធម៌ដ៏ធំធេងមួយ ដែលលាតសន្ធឹងហួសឆ្ងាយពីព្រំដែនប្រទេសផង។ អារ្យធម៌មួយនេះជ្រួតជ្រៀបនិងចាក់ឫសគ្រប់ទិដ្ធភាពនៃសង្គមខ្មែរ។ បន្ថែមលើសនេះទៅទៀត កង្វល់និងការយកចិត្តទុកដាក់ ក្នុងការថែរក្សាមរតកអង្គរឲ្យគង់វង្សនោះ តែងមានក្នុងចិត្តគំនិតខ្មែរតាំងពីបុរាណកាលមកម្ល៉េះ។ នេះជាការបញ្ជាក់បន្ថែមពីលោកសាស្រ្ដាចារ្យ អាំង ជូលាន។

ទន្ទឹមគ្នានេះដែរ លោកសាស្រ្តាចារ្យ អាំង ជូលាន ក៏បានពន្យល់ណែនាំដល់យុវជន ដែលតែងតែមកចូលរួមក្នុងបាឋកថាដូច្នេះថា ដើម្បីឲ្យភ្ញៀវទេសចរគោរពបុរាណដ្ឋានរបស់យើង ទាល់តែយើងបង្ហាញដូចករណីនៅអង្គរវត្ត ដែលជាង៤០០ឆ្នាំក្រោយហើយ ខ្មែរនៅតែគោរពបុរាណដ្ឋានរបស់ខ្លួនឲ្យដូចបុរាណ ទាល់តែយើងឲ្យឧទាហរណ៍ ពេលឃើញគេធ្វើផ្តេសផ្តាស់ យើងហ៊ានថាឲ្យ ទាល់តែយើងកុំមានអកប្បកិរិយាផ្តេសផ្តាស់នៅតាមទីកន្លែងបុរាណដ្ឋាន ព្រោះយើងជាម្ចាស់ផ្ទះ ត្រូវធ្វើឲ្យត្រឹមត្រូវ និងជាគំរូដល់ទេសចរទាំងនោះ។ល៕










អត្ថបទ៖ នាយកដ្ឋានផ្សព្វផ្សាយ        រូបភាព៖ លោក ហ៊ុំ រិទ្ធី
នេះជាលើកទី២ហើយដែលម្ចាស់ភោជនីយដ្ឋាន «ផ្ទះបាយតានីខ្មែរអង្គរ» បានស្ម័គ្រចិត្តរុះរើសំណង់ភោជនីយដ្ឋានចំនួនមួយខ្នងបន្ថែមទៀត ដែលជាអតីតភោជនីយដ្ឋាន «ភ្នំស្រី» ដើម្បីសម្រួលដល់ការសាងសង់ទីលានបដិសណ្ឋារកិច្ចមុខប្រាសាទអង្គរវត្ត នៅថ្ងៃទី២៧ ខែឧសភា ឆ្នាំ២០២០នេះ។
ប្រជាពលរដ្ឋដែលជាម្ចាស់ស្រុកក្នុងតំបន់អង្គរ តែងទទួលបានការយកចិត្តទុកដាក់ខ្ពស់ពីសំណាក់អាជ្ញាធរជាតិអប្សរា ក្នុងការអនុញ្ញាតជាគោលការណ៍សាងសង់លំនៅដ្ឋានរបស់ខ្លួនក៏ដូចជាសំណង់ឧបសម្ពន្ធមួយចំនួនទៀត។
នាយកដ្ឋានទ្រទ្រង់បច្ចេកទេស និងអន្តរវិស័យ របស់អាជ្ញាធរជាតិអប្សរា កំពុងចាប់ផ្ដើមអ៊ុតគំនូសចរាចរណ៍នៅលើកំណាត់ទ្រូងផ្លូវប្រវែង២១៨១ម៉ែត្រ ចាប់ពីរង្វង់មូលព្រះបាទជ័យវរ្ម័នទី៧មកដល់ចំណុចព្រលានយន្តហោះ និងកំពុងដាំឧបករណ៍ចំណាំងភ្លើង(គ្រាប់ភ្នែកកង្កែប)លើកំណាត់ទ្រូងផ្លូវប្រវែង៦៧១២ម៉ែត្រទៀត ចាប់ពីចំណុចមុខភោជនីយដ្ឋានប្រាសាទនាងពៅទៅដល់ចំណតឡាន មុខប្រាសាទអង្គរវត្ត។
អាជ្ញាធរជាតិអប្សរា មានកិត្តិយស សូមជូនដំណឹងដល់ក្រសួង ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទេសទេសចរណ៍ សមាគមដឹកជញ្ជូនភ្ញៀវទេសចរណ៍ ក្រុមហ៊ុនទេសចរណ៍ភ្ញៀវទេសចរជាតិ-អន្តរជាតិ សាធារណជន ព្រមទាំងបងប្អូនប្រជាពលរដ្ឋទាំងអស់មេត្តាជ្រាបថា អាជ្ញាធរជាតិអប្សរា នឹងបើកឲ្យដំណើរការឡើងវិញ ជូនភ្ញៀវជាតិ-អន្តរជាតិ និងសារធារណជនទាំងអស់ បានចូលទស្សនា ដោយមិនគិតថ្លៃ ចាប់ពីថ្ងៃទី ០១ ខែមិថុនា ឆ្នាំ២០២០ នេះតទៅ នៅសារមន្ទីទាំងបីរបស់អាជ្ញាធរជាតិអប្សរា។
អាជ្ញាធរជាតិអប្សរាបានលើកទឹកចិត្តប្រជាពលរដ្ឋដែលរស់នៅក្នុងតំបន់ឧទ្យានអង្គរ ឱ្យចាប់អារម្មណ៍និងការសាងសង់លំនៅដ្ឋានតាមគំរូផ្ទះខ្មែរបុរាណ។ ទាំងនេះគឺ ដើម្បីរួមចំណែកថែរក្សាទំនៀមទម្លាប់ ប្រពៃណីពីបុរាណ ការពារទេសភាពវប្បធម៌ ព្រមទាំងជួយលើកគុណតម្លៃរមណីយដ្ឋានប្រវត្តិសាស្រ្តអង្គរ ដែលជាសម្បត្តិបេតិកភណ្ឌពិភពលោកផង។
ដើមដំបូងមុន12345...317318បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
10464
ម្សិលមិញ
:
16308
សប្តាហ៍នេះ
:
46613
ខែនេះ
:
0194721
សរុប
:
010875374