NEWS

អាជ្ញាធរជាតិអប្សរាអំពាវនាវឱ្យបញ្ឈប់ការកាប់ទន្រ្ទានព្រៃឈើខុសច្បាប់ក្នុងតំបន់ឧទ្យានអង្គរ

Published on 04 September 2019 01:04 PM Post By ៖ Apsara National Authority

ស្របពេលដែលអាជ្ញាធរជាតិអប្សរាមានគម្រោងដាំកូនឈើឡើងវិញដើម្បីបំពេញលើផ្ទៃដីដែលបាត់បង់ក្នុងឧទ្យានអង្គរ ក្នុងនោះមានជនខិលខូចមួយចំនួនបានធ្វើសកម្មភាពកាប់ទន្រ្ទានព្រៃឈើដើម្បីកាន់កាប់បម្រើផលប្រយោជន៍ផ្ទាល់ខ្លួនទៅវិញ។ សកម្មភាពនេះបានបង្ហាញយ៉ាងច្បាស់ពីភាពផ្ទុយគ្នាដែលម្ខាងខំការពារនិងដាំឡើងវិញ តែម្ខាងទៀតបែរជាប្រឹងទន្រ្ទានព្រៃឈើ ពង្រីកផ្ទៃដីដែលខ្លួនកាន់កាប់ ដែលពីមុនដីនោះជាដីព្រៃទៅវិញ។ តំបន់ដែលមានសកម្មភាពខ្លាំងក្លាជាងគេ គឺស្ថិតនៅសង្កាត់នគរធំ ក្រុងសៀមរាប។

សកម្មភាពនេះធ្វើឡើងនៅពេលដែលពួកគេបានឮថា អាជ្ញាធរជាតិអប្សរានឹងជីកប្រឡាយធ្វើព្រំដីព្រៃដើម្បីការពារពីការកាប់ទន្រ្ទានព្រៃឈើខុសច្បាប់នេះនាពេលខាងមុខ។ អាជ្ញាធរជាតិអប្សរាយល់ថា សកម្មភាពនេះមិនមែនជាការចូលរួមក្នុងយុទ្ធនាការស្ដារព្រៃឈើឡើងវិញក្នុងឧទ្យានអង្គរនោះទេ តែជាការបំពានយ៉ាងធ្ងន់ធ្ងរទៅនឹងគោលការណ៍ថែរក្សាគម្របព្រៃឈើក្នុងឧទ្យានជាតិដែលជាសម្បតិ្តបេតិកភណ្ឌជាតិមួយនេះ។

អាជ្ញាធរជាតិអប្សរាសូមធ្វើការអំពាវនាវឱ្យបញ្ឈប់រាល់សកម្មភាពទាំងនេះជាបន្តទៀត ព្រោះវាផ្ទុយនឹងគោលការណ៍ដែលចង់ឱ្យព្រៃឈើក្នុងតំបន់ឧទ្យានអង្គរមានភាពបៃតង និងទាក់ទាញដល់ភ្ញៀវទេសចរ ក៏ដូចជាការពារប្រាង្គប្រាសាទក្នុងឧទ្យានទាំងមូល៕












អត្ថបទ៖ នាយកដ្ឋានផ្សព្វផ្សាយ
រូបភាព៖ ក្រុមភ្ញាក់ងារអភិរក្សព្រៃឈើនៃនាយកដ្ឋានសណ្ដាប់ធ្នាប់ និងសហប្រតិបត្តិការ
នាឆ្នាំ២០០៤ ស្រះស្រង់ និងកសិន្ធុប្រាសាទអង្គរវត្តត្រូវបានរីងទឹកនារដូវប្រាំង។ នៅពេលនោះ មានសំណួរចំនួន២ដែលអ្នកជំនាញផ្នែកគ្រប់គ្រងទឹកត្រូវស្វែងរកដំណោះស្រាយ ១)តើបុព្វបុរសបង្កើតកសិន្ធុទឹក និងបារាយណ៍ធំៗមកដើម្បីអ្វីបើគ្មានមធ្យោបាយបញ្ចូលទឹក? ២)តើបុព្វបុរសបង្កើតកសិន្ធុទឹក បារាយណ៍ និងអាងទឹកតាមប្រាសាទដើម្បីអ្វី?
តាមការបញ្ជាក់របស់ឯកឧត្តម យិត ចាន់ដារដ្ឋ អគ្គនាយករង តំណាងដ៏ខ្ពង់ខ្ពស់របស់ឯកឧត្តម ហង់ ពៅ អគ្គនាយកអាជ្ញាធរជាតិអប្សរា ក្នុងពេលចុះពិនិត្យបច្ចេកទេស និងផលប៉ះពាល់នៅការដ្ឋានសាងសង់នាព្រឹកថ្ងៃទី១៧ខែកុម្ភៈឆ្នាំ២០២០ នេះ បានឱ្យដឹងថា អាជ្ញាធរជាតិអប្សរាកំពុងដំណើរការជួសជុលកែលម្អ និងស្ថាបនាថ្មីចំនួន០២ខ្សែ គឺទីមួយ ជុំវិញប្រាសាទបាយ័ន្តប្រវែង១០២៤ម៉ែត្រ ទទឹង០៥ម៉ែត្រ និងទីពីរ ផ្លូវវាងព្រះលានជល់ដំរី ប្រវែង១៤២៧ម៉ែត្រ ទទឹង៦ម៉ែត្រ ជាប្រភេទអ៊ុតបេតុងកៅស៊ូ (AC) ពណ៌ក្រហម ដើម្បីសម្រួលដល់ការធ្វើដំណើររបស់ភ្ញៀវទេសចរ និងសាធារណជន ជាពិសេសកាត់បន្ថយបញ្ហាចរាចរ និងផលប៉ះពាល់ទៅលើប្រាសាទ និងមនុស្ស ព្រមទាំងរក្សាបាននូវតម្លៃទេសភាពវប្បធម៌ក្នុងតំបន់ប្រាង្គប្រាសាទផងដែរ។ ការកែលម្អ និងស្ថាបនាផ្លូវនេះគ្រោងនឹងបញ្ចប់ក្នុងខែមិថុនាឆ្នាំ២០២០ខាងមុខនេះ។
ក្រៅពីប្រាសាទដ៏ល្បីលាញ ឧទ្យានអង្គរនៅមានមរតករស់ដែលគេហៅថាជា បេតិកភណ្ឌអរូបីដូចជា ទំនៀមទម្លាប់ ប្រពៃណី ពិធីបុណ្យទាន បន់ស្រន់ សាសនា ព្រមទាំងសិប្បកម្ម និងរបៀបរបបរស់នៅប្រចាំថ្ងៃដែលអ្នកស្រុកនៅតំបន់អង្គរបានប្រកាន់ខ្ជាប់ខ្ជួន និងប្រតិបត្តិតៗគ្នារាប់ជំនាន់មកហើយ។
ដើម្បីអបអរសាទរខួបទី២៥ឆ្នាំរបស់ខ្លួន អាជ្ញាធរជាតិអប្សរាបានធ្វើការតាំងបង្ហាញពិព័រណ៍រូបភាពស្តីពីសមិទ្ធផលការងារដែលសម្រេចបានជូនសាធារណជនជាភ្ញៀវជាតិ-អន្តរជាតិដើម្បីទស្សនានិងស្វែងយល់។
អាជ្ញាធរជាតិអប្សរានៅព្រឹកថ្ងៃទី១៥ ខែកុម្ភៈនេះ បានរៀបចំពិធីបើកពិព័រណ៍ជាផ្លូវការក្នុងការបង្ហាញពីសមិទ្ធផលនានាដែលសម្រេចបាននាពេលកន្លងមក ដើម្បីអបអរខួប២៥ឆ្នាំ ថ្ងៃបង្កើតស្ថាប័នអាជ្ញាធរជាតិអប្សរា ១៩ កុម្ភៈ ១៩៩៥-១៩ កុម្ភៈ ២០២០។ សាធារណជនអាចចូលរួមទស្សនាស្ដង់ពិព័រណ៍រយៈពេលពេញមួយសប្ដាហ៍ គឺចាប់ពីថ្ងៃទី១៥ ដល់ថ្ងៃទី២២ ខែកុម្ភៈ នៅបរិវេណមុខប្រាសាទអង្គរវត្ត និងបរិវេណព្រះលានជល់ដំរី នៃក្រុងអង្គរធំ។
FirstPrev12345...290291NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
4
Today
:
10984
Yesterday
:
19908
This Week
:
10984
This Month
:
0291813
Total
:
010247960