ព័ត៌មានថ្មីៗ

សំណង់ខុសច្បាប់នៅភូមិស្វាយឃុំខ្នាតស្រុកពួកត្រូវបានផ្អាកការសាងសង់

បានផ្សាយនៅ ថ្ងៃទី 03 ខែ កញ្ញា ឆ្នាំ2019 05:42 PM ដោយ ៖ អាជ្ញាធរជាតិអប្សរា
ថ្ងៃទី ៣០ខែ សីហា ឆ្នាំ២០១៩ ក្រុមការងារនាយកដ្ឋានសណ្តាប់ធ្នាប់ និងសហប្រតិបត្តិការនៃអាជ្ញាធរជាតិអប្សរា បានចុះធ្វើការផ្អាកសកម្មភាពសាងសង់សំណង់ ដែលផ្ទុយទាំងស្រុងពីការស្នើសុំ ដែលមានក្នុងកិច្ចសន្យាសាងសង់ និងបានព្រមព្រៀងលើគំរូប្លង់ស្ថាបត្យកម្មរវាងអ្នកស្នើសុំនិងអាជ្ញាធរជាតិអប្សរា ដែលម្ចាស់សំណង់ឈ្មោះ ញូង សុមាលី ភេទ ស្រី អាយុ ៤៣ ឆ្នាំ នៅភូមិស្វាយ ឃុំខ្នាត ស្រុកពួក ខេត្តសៀមរាប ។

លិខិតអនុញ្ញាតរបស់អជ្ញាធរជាតិអប្សរា តម្រូវអោយម្ចាស់សាងសង់ជាប្រភេទសំណង់ផ្ទះខ្មែរបុរាណ ឈើលើ ថ្មក្រោម ប្រក់សង្កសីពណ៌ក្រហម បណ្តោយមានប្រវែង ៧ម៉ែត្រ ទទឹងមានប្រវែង ៥ម៉ែត្រ សរុបខ្នងដំបូងមានប្រវែង ៧,២ម៉ែត្រ ប៉ុន្តែផ្ទុយទៅវិញ ម្ចាស់សំណង់បានសាងសង់ជាប្រភេទសំណង់ផ្ទះថ្មទៀម ដែលមានបណ្ដោយប្រវែង ១០ម៉ែត្រ ទទឹងមានប្រវែង ៨ម៉ែត្រ និងកម្ពស់មានប្រវែង ៣.៥០ម៉ែត្រ ដែលខុសនឹងលិខិតអនុញ្ញាតទាំងស្រុង។

បន្ទាប់មក ក្រុមការងារបានចុះផ្អាកការសាងសង់ និងធ្វើការណែនាំដល់ម្ចាស់សំណង់ឱ្យកែតម្រូវតាមលិខិតអនុញ្ញាត ហើយម្ចាស់សំណង់ក៏បានយល់ព្រមចូលរួមផ្ដិតមេដៃលើកំណត់ហេតុ និងធ្វើកិច្ចសន្យាផ្អាកការសាងសង់ ព្រមទាំងយល់ព្រមកែតម្រូវទៅតាមច្បាប់ដែលអនុញ្ញាតដោយអាជ្ញាធរជាតិអប្សរា ។

ដើម្បីបញ្ជៀសនូវការប៉ះពាល់ផលប្រយោជន៍ផ្ទាល់របស់ខ្លួន អាជ្ញាធរជាតិអប្សរាសូមអំពាវនាវដល់បងប្អូនប្រជាពលរដ្ឋដែលទទួលបានការអនុញ្ញាតសាងសង់មេត្តាអនុវត្តឲ្យបានខ្ជាប់ខ្ជួន និងម៉ឹងម៉ាត់បំផុតចំពោះការសាងសង់សំណង់របស់ខ្លួន៕











អត្ថបទៈ ចិន ស៊ីយ៉ាំង
រូបភាពៈ នាយកដ្ឋានសណ្តាប់ធ្នាប់ និងសហប្រតិបត្តិការ
នេះជាលើកទី២ហើយដែលម្ចាស់ភោជនីយដ្ឋាន «ផ្ទះបាយតានីខ្មែរអង្គរ» បានស្ម័គ្រចិត្តរុះរើសំណង់ភោជនីយដ្ឋានចំនួនមួយខ្នងបន្ថែមទៀត ដែលជាអតីតភោជនីយដ្ឋាន «ភ្នំស្រី» ដើម្បីសម្រួលដល់ការសាងសង់ទីលានបដិសណ្ឋារកិច្ចមុខប្រាសាទអង្គរវត្ត នៅថ្ងៃទី២៧ ខែឧសភា ឆ្នាំ២០២០នេះ។
ប្រជាពលរដ្ឋដែលជាម្ចាស់ស្រុកក្នុងតំបន់អង្គរ តែងទទួលបានការយកចិត្តទុកដាក់ខ្ពស់ពីសំណាក់អាជ្ញាធរជាតិអប្សរា ក្នុងការអនុញ្ញាតជាគោលការណ៍សាងសង់លំនៅដ្ឋានរបស់ខ្លួនក៏ដូចជាសំណង់ឧបសម្ពន្ធមួយចំនួនទៀត។
នាយកដ្ឋានទ្រទ្រង់បច្ចេកទេស និងអន្តរវិស័យ របស់អាជ្ញាធរជាតិអប្សរា កំពុងចាប់ផ្ដើមអ៊ុតគំនូសចរាចរណ៍នៅលើកំណាត់ទ្រូងផ្លូវប្រវែង២១៨១ម៉ែត្រ ចាប់ពីរង្វង់មូលព្រះបាទជ័យវរ្ម័នទី៧មកដល់ចំណុចព្រលានយន្តហោះ និងកំពុងដាំឧបករណ៍ចំណាំងភ្លើង(គ្រាប់ភ្នែកកង្កែប)លើកំណាត់ទ្រូងផ្លូវប្រវែង៦៧១២ម៉ែត្រទៀត ចាប់ពីចំណុចមុខភោជនីយដ្ឋានប្រាសាទនាងពៅទៅដល់ចំណតឡាន មុខប្រាសាទអង្គរវត្ត។
អាជ្ញាធរជាតិអប្សរា មានកិត្តិយស សូមជូនដំណឹងដល់ក្រសួង ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទេសទេសចរណ៍ សមាគមដឹកជញ្ជូនភ្ញៀវទេសចរណ៍ ក្រុមហ៊ុនទេសចរណ៍ភ្ញៀវទេសចរជាតិ-អន្តរជាតិ សាធារណជន ព្រមទាំងបងប្អូនប្រជាពលរដ្ឋទាំងអស់មេត្តាជ្រាបថា អាជ្ញាធរជាតិអប្សរា នឹងបើកឲ្យដំណើរការឡើងវិញ ជូនភ្ញៀវជាតិ-អន្តរជាតិ និងសារធារណជនទាំងអស់ បានចូលទស្សនា ដោយមិនគិតថ្លៃ ចាប់ពីថ្ងៃទី ០១ ខែមិថុនា ឆ្នាំ២០២០ នេះតទៅ នៅសារមន្ទីទាំងបីរបស់អាជ្ញាធរជាតិអប្សរា។
អាជ្ញាធរជាតិអប្សរាបានលើកទឹកចិត្តប្រជាពលរដ្ឋដែលរស់នៅក្នុងតំបន់ឧទ្យានអង្គរ ឱ្យចាប់អារម្មណ៍និងការសាងសង់លំនៅដ្ឋានតាមគំរូផ្ទះខ្មែរបុរាណ។ ទាំងនេះគឺ ដើម្បីរួមចំណែកថែរក្សាទំនៀមទម្លាប់ ប្រពៃណីពីបុរាណ ការពារទេសភាពវប្បធម៌ ព្រមទាំងជួយលើកគុណតម្លៃរមណីយដ្ឋានប្រវត្តិសាស្រ្តអង្គរ ដែលជាសម្បត្តិបេតិកភណ្ឌពិភពលោកផង។
ដើមដំបូងមុន12345...317318បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
12
ថ្ងៃនេះ
:
11668
ម្សិលមិញ
:
16308
សប្តាហ៍នេះ
:
47818
ខែនេះ
:
0195926
សរុប
:
010876579