NEWS

និស្សិតស្ថាបត្យកម្ម៤៥នាក់ចុះកម្មសិក្សាស្វែងយល់ពីទីតាំងភូមិសាស្ត្រក្នុងប្រកួតប្រជែងការកែលម្អផ្លូវសម្តេចវិបុលបញ្ញា សុខ អាន

Published on 02 September 2019 05:02 PM Post By ៖ Apsara National Authority

យោងតាមអនុសាសន៍ណែនាំរបស់សម្តេចអគ្គមហាសេនាបតីតេជោ ហ៊ុន សែន ជូនលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា ឱ្យមានការកែលម្អផ្លូវសម្តេចវិបុលបញ្ញា សុខ អាន (ផ្លូវ៦០ម៉ែត្រ) ទើបអាជ្ញាធរជាតិអប្សរាបានប្រកាសរកនិស្សិតដែលមានសមត្ថភាពបញ្ចេញស្នាដៃលើគម្រោងកែលម្អផ្លូវនេះដែលបញ្ចូលទាំងគំនិតអភិវឌ្ឍន៍និងអភិរក្ស។
rn
rnជាក់ស្តែង នៅព្រឹកថ្ងៃទី០២ ខែកញ្ញា ឆ្នាំ២០១៩ និស្សិតឆ្នាំទី៤នៃសាកលវិទ្យាល័យភូមិន្ទវិចិត្រសិល្បៈ សាកលវិទ្យាល័យន័រតុន សាកលវិទ្យាល័យវេស្ទើន សាកលវិទ្យាល័យបញ្ញាសាស្ត្រ វិទ្យាស្ថានបច្ចេកទេសកម្ពុជា និងវិទ្យាស្ថានជាតិបណ្តុះបណ្តាលបច្ចេកទេសមកពីរាជធានីភ្នំពេញចំនួន៤៥នាក់ បានជួបជុំគ្នាស្តាប់បទបង្ហាញពីអ្នកជំនាញអាជ្ញាធរជាតិអប្សរានិងចុះទៅត្រួតពិនិត្យទីតាំងផ្ទាល់ ដើម្បីត្រៀមខ្លួនបញ្ចេញគំនិតក្នុងការប្រកួតប្រជែងពីគម្រោងកែលម្អផ្លូវសម្តេចវិបុលបញ្ញា សុខ អាន (ផ្លូវ៦០ម៉ែត្រ) ដែលមានរយៈពេលមួយខែ ដោយដំណើរការចាប់ពីថ្ងៃទី០២ ខែកញ្ញា ឆ្នាំ២០១៩ តទៅ។ ចំពោះជ័យលាភីនឹងទទួលបានទឹកប្រាក់ចំនួន១០០០ដុល្លារសម្រាប់លើកទឹកចិត្ត ហើយតាមរយៈការប្រកួតប្រជែងបញ្ចេញស្នាដៃនេះ គឺជាការផ្តល់ឱកាសឱ្យនិស្សិតបានបញ្ចេញស្នាដៃខ្លួនក្នុងការងារអភិវឌ្ឍន៍ដើម្បីអភិរក្សនៅក្នុងតំបន់អង្គរផងដែរ។
rn
rnតាមការឱ្យដឹងពីលោក សោម សុផារ៉ាត់ មន្ត្រីបច្ចេកទេសនាយកដ្ឋានទ្រទ្រង់បច្ចេកទេសនិងគម្រោងអន្តរវិស័យ បានឱ្យដឹងថា កំណាត់ផ្លូវដែលត្រូវកែលម្អគឺចាប់ពីរង្វង់មូលស្រីគ្រប់លក្ខណ៍ទៅដល់ផ្លូវហ្សាលឌឺហ្គោលទល់មុខមន្ទីរពេទ្យគន្ធបុប្ផា ដែលត្រូវកែច្នៃឱ្យមានសោភ័ណភាព សុវត្ថិភាព និងផាសុកភាព។
rn
rnលោក សុផារ៉ាត់ បន្តថា គម្រោងកែលម្អផ្លូវនេះ គឺក្នុងបំណងស្ថាបនាឱ្យកំណាត់ផ្លូវដ៏មមាញឹកក្នុងការបម្រើសេវាកម្មទេសចរណ៍ ក៏ដូចជាការឆ្លងកាត់របស់ប្រជាជន ក្លាយជាផ្លូវគំរូមួយសម្រាប់ខេត្តសៀមរាបដោយការរៀបចំឱ្យមានសួនច្បារ ផ្លូវដើរ ផ្លូវកង់ ការដាំដើមឈើ កែលម្អចិញ្ចើមថ្នល់ឱ្យស្អាត ធ្វើឱ្យប្រឡាយមានទឹកជាប្រចាំ ដើម្បីទាក់ទាញទេសចរ និងការធ្វើលំហាត់ប្រាណរបស់ប្រជាជន៕
rn
rn
rn
rn
rn
rn
rn
rn
rn
rn
rn
rn
rn
rn
rn
rn
rn
rn
rn
rnអត្ថបទ៖ កញ្ញា ហ៊ីង ស្រីរ័ត្ន
rnរូបភាព៖ លោក ហាប់ គឹមអាន
នាឆ្នាំ២០០៤ ស្រះស្រង់ និងកសិន្ធុប្រាសាទអង្គរវត្តត្រូវបានរីងទឹកនារដូវប្រាំង។ នៅពេលនោះ មានសំណួរចំនួន២ដែលអ្នកជំនាញផ្នែកគ្រប់គ្រងទឹកត្រូវស្វែងរកដំណោះស្រាយ ១)តើបុព្វបុរសបង្កើតកសិន្ធុទឹក និងបារាយណ៍ធំៗមកដើម្បីអ្វីបើគ្មានមធ្យោបាយបញ្ចូលទឹក? ២)តើបុព្វបុរសបង្កើតកសិន្ធុទឹក បារាយណ៍ និងអាងទឹកតាមប្រាសាទដើម្បីអ្វី?
តាមការបញ្ជាក់របស់ឯកឧត្តម យិត ចាន់ដារដ្ឋ អគ្គនាយករង តំណាងដ៏ខ្ពង់ខ្ពស់របស់ឯកឧត្តម ហង់ ពៅ អគ្គនាយកអាជ្ញាធរជាតិអប្សរា ក្នុងពេលចុះពិនិត្យបច្ចេកទេស និងផលប៉ះពាល់នៅការដ្ឋានសាងសង់នាព្រឹកថ្ងៃទី១៧ខែកុម្ភៈឆ្នាំ២០២០ នេះ បានឱ្យដឹងថា អាជ្ញាធរជាតិអប្សរាកំពុងដំណើរការជួសជុលកែលម្អ និងស្ថាបនាថ្មីចំនួន០២ខ្សែ គឺទីមួយ ជុំវិញប្រាសាទបាយ័ន្តប្រវែង១០២៤ម៉ែត្រ ទទឹង០៥ម៉ែត្រ និងទីពីរ ផ្លូវវាងព្រះលានជល់ដំរី ប្រវែង១៤២៧ម៉ែត្រ ទទឹង៦ម៉ែត្រ ជាប្រភេទអ៊ុតបេតុងកៅស៊ូ (AC) ពណ៌ក្រហម ដើម្បីសម្រួលដល់ការធ្វើដំណើររបស់ភ្ញៀវទេសចរ និងសាធារណជន ជាពិសេសកាត់បន្ថយបញ្ហាចរាចរ និងផលប៉ះពាល់ទៅលើប្រាសាទ និងមនុស្ស ព្រមទាំងរក្សាបាននូវតម្លៃទេសភាពវប្បធម៌ក្នុងតំបន់ប្រាង្គប្រាសាទផងដែរ។ ការកែលម្អ និងស្ថាបនាផ្លូវនេះគ្រោងនឹងបញ្ចប់ក្នុងខែមិថុនាឆ្នាំ២០២០ខាងមុខនេះ។
ក្រៅពីប្រាសាទដ៏ល្បីលាញ ឧទ្យានអង្គរនៅមានមរតករស់ដែលគេហៅថាជា បេតិកភណ្ឌអរូបីដូចជា ទំនៀមទម្លាប់ ប្រពៃណី ពិធីបុណ្យទាន បន់ស្រន់ សាសនា ព្រមទាំងសិប្បកម្ម និងរបៀបរបបរស់នៅប្រចាំថ្ងៃដែលអ្នកស្រុកនៅតំបន់អង្គរបានប្រកាន់ខ្ជាប់ខ្ជួន និងប្រតិបត្តិតៗគ្នារាប់ជំនាន់មកហើយ។
ដើម្បីអបអរសាទរខួបទី២៥ឆ្នាំរបស់ខ្លួន អាជ្ញាធរជាតិអប្សរាបានធ្វើការតាំងបង្ហាញពិព័រណ៍រូបភាពស្តីពីសមិទ្ធផលការងារដែលសម្រេចបានជូនសាធារណជនជាភ្ញៀវជាតិ-អន្តរជាតិដើម្បីទស្សនានិងស្វែងយល់។
អាជ្ញាធរជាតិអប្សរានៅព្រឹកថ្ងៃទី១៥ ខែកុម្ភៈនេះ បានរៀបចំពិធីបើកពិព័រណ៍ជាផ្លូវការក្នុងការបង្ហាញពីសមិទ្ធផលនានាដែលសម្រេចបាននាពេលកន្លងមក ដើម្បីអបអរខួប២៥ឆ្នាំ ថ្ងៃបង្កើតស្ថាប័នអាជ្ញាធរជាតិអប្សរា ១៩ កុម្ភៈ ១៩៩៥-១៩ កុម្ភៈ ២០២០។ សាធារណជនអាចចូលរួមទស្សនាស្ដង់ពិព័រណ៍រយៈពេលពេញមួយសប្ដាហ៍ គឺចាប់ពីថ្ងៃទី១៥ ដល់ថ្ងៃទី២២ ខែកុម្ភៈ នៅបរិវេណមុខប្រាសាទអង្គរវត្ត និងបរិវេណព្រះលានជល់ដំរី នៃក្រុងអង្គរធំ។
FirstPrev12345...290291NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
4
Today
:
11022
Yesterday
:
19908
This Week
:
11022
This Month
:
0291851
Total
:
010247998