ព័ត៌មានថ្មីៗ

លោកជំទាវ ភឿងសកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា អញ្ជើញចូលរួមពិធីបិទពិព័រណ៍វប្បធម៌អន្តរជាតិផ្លូវសូត្រលើកទី៤ និងពិធីបុណ្យទេសចរណ៍ផ្លូវសូត្រលើកទី៩ នៅប្រទេសចិន

បានផ្សាយនៅ ថ្ងៃទី 31 ខែ សីហា ឆ្នាំ2019 05:26 PM ដោយ ៖ អាជ្ញាធរជាតិអប្សរា
នៅថ្ងៃទី៣១ ខែសីហា ឆ្នាំ២០១៩ នេះ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា អមដំណើរដោយឯកឧត្តម ហង់ពៅ អគ្គនាយកអាជ្ញាធរជាតិអប្សរា ឯកឧត្តម ពៅ ពិសិដ្ឋ អភិបាលរងខេត្តសៀមរាប និងមន្រ្តីផ្សេងទៀត បានដឹកនាំគណប្រតិភូកម្ពុជា ដើម្បីចូលរួមក្នុងពិធីបិទ “ពិព័រណ៍វប្បធម៌អន្តរជាតិផ្លូវសូត្រ លើកទី៤ និងពិធីបុណ្យទេសចរណ៍ផ្លូវសូត្រអន្តរជាតិលើកទី៩” (The 4th Silk Road (Dunhuang) International Culture Expo and the 9th Dunhuang Tour-Silk Road International Tourism Festival) នៅក្រុង Dunhuang ខេត្ត Gansu នៃសាធារណរដ្ឋប្រជាមានិតចិន។

ក្នុងឱកាសដ៏ឧត្តុងឧត្តមនោះ លោកជំទាវរដ្ឋមន្រ្តីត្រូវបានអង្គពិធីទាំងមូល ជ្រើសតាំងជាអ្នកតំណាង ដើម្បីថ្លែងសុន្ទរកថា ក្នុងនាមប្រតិភូសរុប ១០០០ នាក់ មកពី ៣០ ប្រទេស ដែលមានទំនាក់ទំនងជាមួយនឹងផ្លូវសូត្រ។ ក្រៅពីអត្ថប្រយោជន៍ផ្នែកសេដ្ឋកិច្ច ទេសចរណ៍ និងវប្បធម៌ លោកជំទាវរដ្ឋមន្ត្រី ក៏បានលើកឡើងថា ព្រឹត្តិការណ៍នេះមានតម្លៃដ៏វិសេសវិសាលសម្រាប់សហគមន៍អន្តរជាតិទាំងមូល ជានិមិត្តរូបនៃសន្តិភាព ការរួបរួម បើកទូលាយ ភ្ជាប់ទំនាក់ទំនង និងរៀនសូត្រពីគ្នាទៅវិញទៅមក ហើយវាគឺជាកិច្ចសហប្រតិបត្តិការឈ្នះឈ្នះរវាងបណ្តាប្រទេសនៅតាមផ្លូវសូត្រទាំងអស់។

លើសពីនេះ លោកជំទាវរដ្ឋមន្រ្តី បានជួបសម្តែងការគួរសម និងពិភាក្សាការងារដាច់ដោយឡែកពីគ្នា ជាមួយឯកឧត្តម Zhang Xu អនុរដ្ឋមន្រ្តីវប្បធម៌ និងទេសចរណ៍ចិន និងឯកឧត្តម Tang Renjian អភិបាលខេត្ត Gansu ។

គណប្រតិភូក៏បានអញ្ជើញទស្សនាខ្សែភាពយន្តឯកសារដែលមានចំណងជើងថា “កិច្ចសន្ទនារវាង Mogao Grottoes និងប្រាសាទអង្គរវត្ត” ដែលជាបេតិកភណ្ឌពិភពលោក និងសាមន្ទីរ Dunhuang ផងដែរ។



















នៅទីស្នាក់ការអាជ្ញាធរជាតិអប្សរា នាថ្ងៃទី១១ ខែកុម្ភៈ ឆ្នាំ ២០២០ បានរៀបចំពិធីបើកសវនកម្មផ្ទៃក្រៅ ប្រព័ន្ធគ្រប់គ្រងបរិស្ថាន ISO14001: 2015 ដោយស្ថាប័នធានាគុណភាពជប៉ុន ហៅកាត់ថា JQA (Japan Quality Assurance)។
គិតត្រឹមថ្ងៃទី១៩ ខែកុម្ភៈ ឆ្នាំ២០២០ខាងមុខនេះ គឺមានរយៈពេល២៥ឆ្នាំហើយ ដែលអាជ្ញាធរជាតិអប្សរាត្រូវបានបង្កើតឡើង អនុលោមទៅតាមគោលការណ៍មួយក្នុងចំណោមគោលការណ៍ទាំង៥ សម្រាប់លក្ខខណ្ឌនៃការចុះបញ្ជីរមណីយដ្ឋានអង្គរ ជាសម្បត្តិបេតិកភណ្ឌពិភពលោក។
ភ្នាក់ងារទេសចរណ៍ប្រចាំប្រាសាទអង្គរវត្ត បាននាំគ្នាសម្អាតបរិស្ថាន រៀបចំអនាម័យនៅក្តារបែន និងតាមបរិវេណប្រាសាទអង្គរវត្តទាំងមូល ដើម្បីលើកកម្ពស់សោភ័ណភាពក្នុងប្រាសាទ និងសុខុមាលភាពភ្ញៀវទេសចរដែលចូលមកទស្សនាក្នុងប្រាសាទដ៏ល្បីល្បាញមួយនេះ មិនឱ្យមានផលប៉ះពាល់ដល់សុខភាពនិងអារម្មណ៍ក្នុងពេលទស្សនា៕
បំណែកជើងបដិមាមួយត្រូវបានក្រុមការងារជួសជុលប្រាសាទទន្លេស្ងួតនៃអាជ្ញាធរជាតិអប្សរារកឃើញកាលពីថ្ងៃទី១៣ ខែមករា ឆ្នាំ២០២០។

បំណែកជើងបដិមានេះត្រូវបានរកឃើញនៅទីតាំងដែលមានចម្ងាយត្រឹមតែ១ម៉ែត្រពីចុងជើងនៃទ្វារបាលដែលបានរកឃើញកាលពីឆ្នាំ២០១៧ ដោយគម្រោងស្រាវជ្រាវរវាងអាជ្ញាធរជាតិអប្សរា វិទ្យាស្ថានបច្ចេកវិទ្យាកម្ពុជា (ITC) និងវិទ្យាស្ថានស្រាវជ្រាវអាស៊ីអាគ្នេយ៍នៃប្រទេសសិង្ហបុរី (ISEAS)។
ដើមដំបូងមុន12345...289290បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
7460
ម្សិលមិញ
:
22285
សប្តាហ៍នេះ
:
56713
ខែនេះ
:
0201155
សរុប
:
010157302