NEWS

អង្គភាពប្រព័ន្ធគ្រប់គ្រងបរិស្ថាននៃអាជ្ញាធរជាតិអប្សរាបានចុះត្រួតពិនិត្យការងារបរិស្ថាននៅតំបន់អង្គរ

Published on 23 August 2019 02:18 PM Post By ៖ Apsara National Authority
កាលពីថ្ងៃទី២០ ដល់ថ្ងៃទី២១ ខែសីហា ឆ្នាំ២០១៩ ឯកឧត្តម សុខ លក្ខិណា ប្រធានអង្គភាពប្រព័ន្ធគ្រប់គ្រងបរិស្ថាននៃអាជ្ញាធរជាតិអប្សរា បានដឹកនាំក្រុមការងារចុះត្រួតពិនិត្យការងារបរិស្ថាននៅប្រាសាទព្រះគោ និងនៅប្រាសាទបាភួន ដើម្បីតាមដានសកម្មភាពការងារបរិស្ថានទៅតាមកម្មវិធីបរិស្ថានរបស់នាយកដ្ឋាននីមួយៗដែលអនុវត្តតាមស្តង់ដារ ISO 14001 នៃប្រព័ន្ធគ្រប់គ្រងបរិស្ថានរបស់អាជ្ញាធរជាតិអប្សរា។

ការចុះតាមដានសកម្មភាពការងារបរិស្ថាននេះធ្វើឡើងជាទៀងទាត់ក្នុងតំបន់អង្គរ ២ដងក្នុងមួយសប្តាហ៍ តាមទីតាំងផ្សេងគ្នា។ ក្នុងករណីក្រុមការងារបានឃើញថាទីតាំងនោះមានរុក្ខេជាតិ ឬស្មៅដុះតាមប្រាសាទ បញ្ហាសំរាម ស្លឹកឈើជ្រុះមិនបានសម្អាតបានត្រឹមត្រូវ ក្រុមការងារត្រូវធ្វើរបាយការណ៍ជូនថ្នាក់ដឹកនាំ និងស្ថាប័នពាក់ព័ន្ធដើម្បីសម្អាត កែលម្អត្រង់ចំណុចខ្វះខាតឡើងវិញ ហើយនៅសប្តាហ៍ក្រោយក្រុមការងារនឹងចុះទៅពិនិត្យម្តងទៀត។

ចំពោះការចុះត្រួតពិនិត្យ លុះត្រាណាតែមានលទ្ធផលបរិស្ថានស្អាតជាប្រចាំគ្រប់ទីតាំងទាំងនោះ និងសមស្របតាមគោលការណ៍ដែលបានកំណត់ ដើម្បីគូសបញ្ជាក់អំពីបញ្ហារួមទាំងចំណុចគួរកែតម្រូវទាំងឡាយលើបញ្ហាដែលមាន ឱ្យសម្រេចជោគជ័យក្នុងការធ្វើសវនកម្មទទួលវិញ្ញាបនបត្រ ISO-14001:2015។

សូមបញ្ជាក់ថា ក្រៅពីចុះតាមដានសកម្មភាពការងារបរិស្ថាននៅតាមទីតាំង រៀងរាល់១ឆ្នាំម្តង ក្នុងខែតុលា អង្គភាពប្រព័ន្ធគ្រប់គ្រងបរិស្ថាននៃអាជ្ញាធរជាតិអប្សរា នឹងបើកសវនកម្មផ្ទៃក្នុងមកពីគ្រប់នាយកដ្ឋាន និងអង្គភាពចំណុះ រយៈពេល៣ថ្ងៃ ដើម្បីតាមដានប្រសិទ្ធភាព ផ្តោតលើលទ្ធផលសម្រេចបានតាមគោលនយោបាយ និងគោលបំណងបរិស្ថាន។ ស្ថានភាពនៃការគោរពច្បាប់បញ្ញត្តិទាក់ទងបរិស្ថាន ឆ្លើយតបទៅនឹងការប្រាស្រ័យទាក់ទងជាមួយភាគីផ្ទៃក្រៅ ស្ថានភាពនៃការកែតម្រូវ និងការបង្ការភាពមិនអនុលោម កែលម្អការសម្តែងបរិស្ថានទាំងមូល៕
















អត្ថបទ៖ លោក យី សុថា        រូបភាព៖ លោក ផឹង កុសល់
នៅទីស្នាក់ការអាជ្ញាធរជាតិអប្សរា នាថ្ងៃទី១១ ខែកុម្ភៈ ឆ្នាំ ២០២០ បានរៀបចំពិធីបើកសវនកម្មផ្ទៃក្រៅ ប្រព័ន្ធគ្រប់គ្រងបរិស្ថាន ISO14001: 2015 ដោយស្ថាប័នធានាគុណភាពជប៉ុន ហៅកាត់ថា JQA (Japan Quality Assurance)។
គិតត្រឹមថ្ងៃទី១៩ ខែកុម្ភៈ ឆ្នាំ២០២០ខាងមុខនេះ គឺមានរយៈពេល២៥ឆ្នាំហើយ ដែលអាជ្ញាធរជាតិអប្សរាត្រូវបានបង្កើតឡើង អនុលោមទៅតាមគោលការណ៍មួយក្នុងចំណោមគោលការណ៍ទាំង៥ សម្រាប់លក្ខខណ្ឌនៃការចុះបញ្ជីរមណីយដ្ឋានអង្គរ ជាសម្បត្តិបេតិកភណ្ឌពិភពលោក។
ភ្នាក់ងារទេសចរណ៍ប្រចាំប្រាសាទអង្គរវត្ត បាននាំគ្នាសម្អាតបរិស្ថាន រៀបចំអនាម័យនៅក្តារបែន និងតាមបរិវេណប្រាសាទអង្គរវត្តទាំងមូល ដើម្បីលើកកម្ពស់សោភ័ណភាពក្នុងប្រាសាទ និងសុខុមាលភាពភ្ញៀវទេសចរដែលចូលមកទស្សនាក្នុងប្រាសាទដ៏ល្បីល្បាញមួយនេះ មិនឱ្យមានផលប៉ះពាល់ដល់សុខភាពនិងអារម្មណ៍ក្នុងពេលទស្សនា៕
បំណែកជើងបដិមាមួយត្រូវបានក្រុមការងារជួសជុលប្រាសាទទន្លេស្ងួតនៃអាជ្ញាធរជាតិអប្សរារកឃើញកាលពីថ្ងៃទី១៣ ខែមករា ឆ្នាំ២០២០។

បំណែកជើងបដិមានេះត្រូវបានរកឃើញនៅទីតាំងដែលមានចម្ងាយត្រឹមតែ១ម៉ែត្រពីចុងជើងនៃទ្វារបាលដែលបានរកឃើញកាលពីឆ្នាំ២០១៧ ដោយគម្រោងស្រាវជ្រាវរវាងអាជ្ញាធរជាតិអប្សរា វិទ្យាស្ថានបច្ចេកវិទ្យាកម្ពុជា (ITC) និងវិទ្យាស្ថានស្រាវជ្រាវអាស៊ីអាគ្នេយ៍នៃប្រទេសសិង្ហបុរី (ISEAS)។
FirstPrev12345...289290NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
11
Today
:
18467
Yesterday
:
19822
This Week
:
18467
This Month
:
0162909
Total
:
010119056