ព័ត៌មានថ្មីៗ

រយៈពេល៧ខែដើមឆ្នាំ២០១៩អាជ្ញាធរជាតិអប្សរាដាំកូនឈើបានជិត២ម៉ឺនដើម

បានផ្សាយនៅ ថ្ងៃទី 06 ខែ សីហា ឆ្នាំ2019 02:10 PM ដោយ ៖ អាជ្ញាធរជាតិអប្សរា

នារយៈពេល៧ខែដើមឆ្នាំ២០១៩ គឺចាប់ពីថ្ងៃទី១មករា ដល់ថ្ងៃទី២៥ កក្កដា អាជ្ញាធរជាតិអប្សរាបានដាំកូនឈើក្នុងរមណីយដ្ឋានអង្គរបានចំនួន ១៩,៥៤១ដើម ដែលក្នុងនោះរួមមាន ឈើទាល គគីរ គ្រញូង បេង ធ្នង់ ច្រេស នាងនួន កកោះ ផ្តៀក ត្រយឹង ចំបក់ ធ្លក ពពេល បង្កូវ ត្រាច ស្រទ្បៅ អង្កាញ់ ធេ្មញត្រី គុយ រំដួល ផ្កាជើងគោ អំពិលបារាំង ត្របែកព្រៃ និងអង្គារបុស្ស។

ជាមួយគ្នានេះ ដើម្បីជំរុញឱ្យមានភាពបៃតង ក៏ដូចជាដើម្បីបរិស្ថានក្នុងប្រទេសកម្ពុជា អាជ្ញាធរជាតិអប្សរាបានចែកជូនកូនឈើដល់ប្រជាពលរដ្ឋ និងស្ថាប័នផ្សេងៗ ដើម្បីយកទៅដាំនៅតាមវត្តអារាម សាលារៀន តាមផ្ទះ តាមភូមិជាដើម ដែលសរុបមានចំនួន ៤៦,០៣៤ដើម ដែលរួមមានដូចជាដើមឈើទាល គគីរ កកោះ ផ្តៀក ពពេល ស្ពង់ ស្រទ្បៅ អង្កាញ់ ត្រសេក គុយ រំដួល លឿងរាជ ផ្កាជើងគោ ក្ងោកតូច ត្របែកព្រៃ ស្តៅ ដូនកាយ ម៉ាក់ប្រេង ភ្ញៀវ ក្ងោកធំ អង្គារបុស្ស គ្រញូង បេង ធ្នង់ ច្រេស នាងនួន។

អាជ្ញាធរជាតិអប្សរាក៏សូមថ្លែងអំណរគុណដល់ព្រះសង្ឃ សិស្សនិសិ្សត ប្រជាពលរដ្ឋ តាមរយៈស្ថាប័ន និងក្រុមហ៊ុនឯកជននានា ដែលបានចូលរួមក្នុងយុទ្ធនាការដាំកូនឈើក្នុងរមណីយដ្ឋានអង្គរតបតាមការអញ្ជើញរបស់អាជ្ញាធរជាតិអប្សរា។ ជាថ្មីម្ដងទៀត អាជ្ញាធរជាតិអប្សរាសូមបញ្ជាក់ថា ការដាំកូនឈើក្នុងរមណីយដ្ឋានអង្គរ ក៏ដូចជាកិច្ចការអភិរក្សមិនមែនជាការងារផ្តាច់មុខរបស់អាជ្ញាធរជាតិអប្សរាឡើយ គឺត្រូវការការចូលរួមពីប្រជាពរដ្ឋខ្មែរគ្រប់រូប។ ក្នុងនោះដែរ សម្រាប់បងប្អូនដែលមានបំណងចង់ដាំកូនឈើ ឬត្រូវការកូនឈើយកទៅដាំនោះ សូមទំនាក់ទំនងមកអាជ្ញាធរជាតិអប្សរា៕








អត្ថបទនិងរូបភាព៖ នាយកដ្ឋានផ្សព្វផ្សាយ
អាជ្ញាធរជាតិអប្សរាអនុញ្ញាតឱ្យព្រះចៅអធិការវត្តកេតកន្យារាម ដែលស្ថិតនៅខាងក្រោយប្រាសាទបន្ទាយក្តីសាងសង់សំណង់ព្រះវិហារព្រះពុទ្ធសាសនាថ្មី ធ្វើអំពីឈើបែបបុរាណ នៅលើខឿនបេតុងមួយជាន់ ហើយគូសប្លង់ប្រគេនដោយឥតគិតថ្លៃ តាមការស្នើសុំ ក្រោយពិនិត្យឃើញថា ព្រះវិហារចាស់មានសភាពទ្រុឌទ្រោមខ្លាំង។
អាជ្ញាធរជាតិអប្សរាកំពុងរៀបចំកែលម្អផ្លូវថ្នល់ ផ្លូវដេីរ សួនច្បារ កន្លែងបដិសណ្ឋារកិច្ច និងផ្តល់សេវាកម្មកម្រិតអន្តរជាតិនៅបរិវេណមុខប្រាសាទអង្គរវត្តជាបណ្តេីរៗ។ នាព្រឹកថ្ងៃពុធ ទី២០ ខែឧសភា ឆ្នាំ២០២០ នេះ អាជ្ញាធរជាតិអប្សរាបានសម្រេចរុះរេីរោងឈេីប្រក់ក្បឿងមួយខ្នងនៅក្បែរត្រពាំងសេះ ដែលរងការខូចខាត ដេីម្បីប្រែក្លាយទីតាំងធ្វើជាវាលស្មៅនិងសួនឈេីប្រណីត សម្រាប់ជាប្រយោជន៏សាធារណជន និងភ្ញៀវទេសចរជាតិ និងអន្តរជាតិក្នុងការដេីរកម្សាន្ត ព្រមទាំងលេីកគុណតម្លៃរណីយដ្ឋានអង្គរ។
ពិធីយោងបំណែកព្រះពុទ្ធបដិមាក្នុងរណ្តៅកំណាយមុខថែវព្រះរយព្រះពាន់នៅប្រាសាទអង្គរវត្ត ត្រូវបានរៀបចំឡើងក្រោមអធិបតីភាពឯកឧត្តម ហង់ ពៅ អគ្គនាយកអាជ្ញាធរជាតិអប្សរា និងក្រុមការងារកំណាយ នាព្រឹកថ្ងៃទី១៩ ខែឧសភា ឆ្នាំ២០២០។
ឆ្លើយតបតាមអនុសាសន៍របស់អ្នកជំនាញនៃគណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់អង្គរ(ICC-Angkor) ក្នុងកិច្ចប្រជុំពេញអង្គលើកទី២៦ និងប្រជុំបច្ចេកទេសលើកទី៣៣ និងតាមការអង្កេតយ៉ាងយកចិត្តទុកដាក់ពីក្រុមគ្រប់គ្រងហានិភ័យដើមឈើរបស់នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន នៃអាជ្ញាធរជាតិអប្សរា បាន និងកំពុងមមាញឹកក្នុងការងារកាត់ដកហូតដើមឈើងាប់ គល់ឈើពុកផុយ និងកាត់ក្រីមែកឈើ
តាមរបាយការណ៍របស់នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរា ឱ្យដឹងថា ចាប់ពីថ្ងៃទី៧ដល់ថ្ងៃទី១២ ខែឧសភា ឆ្នាំ២០២០ ក្រុមការងារបានចុះពិនិត្យនិងជួយសម្រួលលក្ខណៈបច្ចេកទេសដល់ប្រជាពលរដ្ឋដែលសាងសង់លំនៅដ្ឋានចំនួន១៥០គ្រួសារនៅក្នុងឧទ្យានអង្គរ។
ដើមដំបូងមុន12345...316317បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
1186
ម្សិលមិញ
:
3125
សប្តាហ៍នេះ
:
01186
ខែនេះ
:
0149294
សរុប
:
010829947