ព័ត៌មានថ្មីៗ

ដំណើរការផលិតជីកំប៉ុស្តិ៍របស់អាជ្ញាធរជាតិអប្សរានៅស្ថានីយ៍កសិកម្មធម្មជាតិស្ពានអង្គរ

បានផ្សាយនៅ ថ្ងៃទី 03 ខែ សីហា ឆ្នាំ2019 08:56 AM ដោយ ៖ អាជ្ញាធរជាតិអប្សរា

ការផលិតជីកំប៉ុស្តិ៍មានអត្ថប្រយោជន៍ច្រើនយ៉ាងដែលអាចយកមកប្រើប្រាស់ក្នុងវិស័យកសិកម្មសម្រាប់កាត់បន្ថយការប្រើប្រាស់ជីគីមី ជួយកែប្រែគុណភាពដី និងបានប្រមូលសំរាមសរីរាង្គក្នុងតំបន់រមណីយដ្ឋានអង្គរមកកែច្នៃជាជីធម្មជាតិ ពិសេសជាផ្នែកមួយបញ្ជាក់ពីការយល់ដឹងនៃការសម្អាតបរិស្ថានតាមរយៈការផលិតជីកំប៉ុស្តិ៍ផងដែរ។ មិនតែប៉ុណ្ណោះ វាក៏មានភាពងាយស្រួលផលិតដោយពុំចាំបាច់ចំណាយថវិកាដើម្បីទិញវត្ថុធាតុដើមឡើយ និងមិនប្រើប្រាស់ពេលយូរ ហើយអាចប្រើប្រាស់ប្រកបដោយសុវត្ថិភាព។

លោក លី ផល្លី មន្រ្តីបច្ចេកទេសនៃនាយកដ្ឋានអភិវឌ្ឍន៍កសិកម្មនិងសហគមន៍ ប្រចាំស្ថានីយ៍កសិកម្មស្ពានអង្គរនៃអាជ្ញាធរជាតិអប្សរា ដែលមានបទពិសោធន៍ផលិតជីកំប៉ុស្តិ៍តាំងពីឆ្នាំ២០០៨មក បានឱ្យដឹងថា ជីកំប៉ុស្តិ៍គោក ជាជីធម្មជាតិម្យ៉ាងបានមកពីការពុកផុយ រលួយ និងការបំបែកវត្ថុសរីរាង្គផ្សេងៗដូចជាកាកសំណល់ លាមកសត្វ និងរុក្ខជាតិផ្សេងៗ ហើយការធ្វើជីកំប៉ុស្តិ៍គោកបានល្អអាស្រ័យលើវត្ថុធាតុដើម ដែលមានស្លឹកឈើស្រស់ៗ កន្រ្ទាំងខែត ស្មៅ កំប្លោក ចក បន្លែផ្លែឈើ កាកសំណល់ផ្ទះបាយ។ល។ រីឯដំណើរការផលិតសំខាន់មាន៤ប្រភេទ ១) វត្ថុធាតុដើម ២)សំណើម ៣) អុកស៊ីសែន ៤) បាក់តេរី។

លោកបន្តថា រៀងរាល់ថ្ងៃក្រុមការងារបានទៅប្រមូលកាកសំណល់សរីរាង្គតាមផ្សារ កាកសំណល់ផ្ទះបាយតាមភោជនីយដ្ឋាននានាក្នុងក្រុងសៀមរាប និងសំរាមស្លឹកឈើស្រស់/ស្ងួត ចំបើង មែកឈើ ស្មៅ តាមដងផ្លូវ និងបរិវេណប្រាសាទក្នុងតំបន់រមណីយដ្ឋានអង្គរមកកាន់ស្ថានីយ៍។ ពេលប្រមូលបានយកមកកិនឱ្យល្អិតល្មម រួចគរជាគំនរស្រទាប់ៗដោយប្រើសំរាមស្ងួត៥០% និងសំរាមស្រស់៥០% រហូតមានកម្ពស់១.២០សង់ទីម៉ែត្រ ទៅ១.៥០ម៉ែត្រ ទើបល្អសម្រាប់ការផលិតជី។

លោក ផល្លី ឱ្យដឹងទៀតថា បន្ទាប់ពីគរជាគំនររួចហើយ ត្រូវស្រោចទឹក២ដងក្នុង១សប្តាហ៍ ហើយប្រែត្រឡប់២សប្តាហ៍ម្តងដើម្បីឱ្យមានអុកស៊ីសែនចេញចូលបានល្អ ធ្វើឱ្យកំប៉ុស្តិ៍ឆាប់រលួយ រីឯបាក់តេរីដំណើរការបានល្អ និងជីមានគុណភាពខ្ពស់។ ធ្វើដូចនេះដដែលៗរយៈពេល៤ទៅ៥ខែ រហូតវត្ថុធាតុដើមរលាយចូលគ្នាក្លាយជាជីកំប៉ុស្តិ៍ ហើយមុននឹងយកទៅប្រើប្រាស់ត្រូវរែងយកតែភាពល្អិតនៃជីសម្រាប់ដាក់បន្លែ ឯកម្ទេចធំប្រើសម្រាប់ដាំរុក្ខជាតិធំៗ។

បន្ថែមពីនោះ អ្នកជំនាញរូបនេះ ក៏បានបញ្ចាក់ថា កន្លងមកស្ថានីយ៍កសិកម្មធម្មជាតិស្ពានអង្គរ ផលិតជីកំប៉ុស្តិ៍បាន៨០តោនក្នុងមួយឆ្នាំ និងបានផ្គត់ផ្គង់ដល់ការដាំដុះបន្លែ និងបណ្តុះកូនឈើរាប់ម៉ឺនដើម។ ក្នុងនោះដែរ នាពេលបច្ចុប្បន្នអាជ្ញាធរជាតិអប្សរា ក៏នាំចូលម៉ាស៊ីនកិនកាកសំណល់ប្រភេទធំសម្រាប់ប្រើប្រាស់ ដើម្បីផលិតជីកំប៉ុស្តិ៍ឱ្យបាន១៦០តោនក្នុងមួយឆ្នាំនៅឆ្នាំ២០២០ដើម្បីផ្គត់ផ្គត់ជីប្រើប្រាស់ឱ្យបានគ្រប់គ្រាន់ក្នុងតំបន់អង្គរ៕














អត្ថបទ៖ លោក យី សុថា        អត្ថបទ៖ លោក ហាប់ គឹមអាន លោក យីសុថា
នាព្រឹកថ្ងៃ២រោច ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវថ្ងៃទី១៥ ខែតុលា ឆ្នាំ២០១៩ ថ្នាក់ដឹកនាំអាជ្ញាធរជាតិអប្សរា បានចូលរួមគោរពព្រះវិញ្ញាណក្ខន្ធគម្រប់ខួប៧ឆ្នាំនៃការសោយទិវង្គតរបស់ព្រះបរមរតនកោដ្ឋ ព្រះវររាជបិតាជាតិខ្មែរដែលប្រព្រឹត្តទៅនៅព្រះរាជដំណាក់ខេត្តសៀមរាប។
អាជ្ញាធរជាតិអប្សរាមានកិត្តិយសសូមជម្រាបជូនដំណឹងដល់អាជ្ញាធរមូលដ្ឋាន លោក លោកស្រី និងបងប្អូនប្រជាពលរដ្ឋ ដែលបានទទួលការអនុញ្ញាតឲ្យជួសជុល ឬរុះរើផ្ទះចាស់សាងសង់ផ្ទះថ្មីជំនួស មេត្តាជ្រាបថា៖ តាមរយៈការចុះត្រួតពិនិត្យបច្ចេកទេសរបស់មន្ត្រីមានសមត្ថកិច្ច អាជ្ញាធរជាតិអប្សរាសង្កេតឃើញមានសំណង់មួយចំនួនបានកំពុងអនុវត្តត្រឹមត្រូវតាមការអនុញ្ញាត និងមានមួយចំនួនទៀតពុំត្រឹមត្រូវតាមការអនុញ្ញាតឡើយ។ សូមពិនិត្យមើលសេចក្តីជូនដំណឹងដូចមានភ្ជាប់មកជាមួយខាងក្រោម៖
អាជ្ញាធរជាតិអប្សរាមានកិត្តិយសសូមជម្រាបជូនដំណឹងដល់អាជ្ញាធរមូលដ្ឋាន លោក លោកស្រី និងបងប្អូនប្រជាពលរដ្ឋ ដែលបានដាក់ពាក្យស្នើសុំសាងសង់ ឬរុះរើផ្ទាស់ចាស់សាងសង់ផ្ទះថ្មីជំនួស នៅក្នុងតំបន់ការពារនៃរមណីយដ្ឋានអង្គរ មេត្តាជ្រាបថា៖ ក្រោយពីការចុះពិនិត្យដល់ទីតាំង និងពិនិត្យនូវរាល់ឯកសារពាក់ព័ន្ធចាំបាច់ទាំងឡាយ អាជ្ញាធរជាតិអប្សរាសូមធ្វើការអនុញ្ញាតនូវពាក្យស្នើសុំទាំងនោះដូចខាងក្រោម៖
មហាអង្គកឋិនទានដើម្បីនាំយកសំពត់ចីវរ ចំនួន៤៥,៦៧៨ មកវេរប្រគេនដល់ព្រះភិក្ខុសង្ឃដែលគង់ចាំព្រះវស្សាអស់កាលត្រីមាសក្នុងព័ន្ធសីមា ទាំង២៥ខេត្ត-រាជធានី បានប្រព្រឹត្តទៅយ៉ាងអធឹកអធម នាវត្តឥន្រ្ទបត្តបុរី ( ហៅវត្ត អង្គរតូចខាងត្បូង) ដោយមានការផ្តួចផ្តើមពីលោកជំទាវឧកញ៉ា សៀង ចាន់ហេង អគ្គនាយិកាក្រុមហ៊ុន ហេង អភិវឌ្ឍន៍ និងពុទ្ធបរិស័ទជិតឆ្ងាយ២៥ខេត្ត/ក្រុង ចូលរួមប្រមាណជិត១ម៉ឺនអង្គ/នាក់។
នាព្រឹកថ្ងៃទី១២ ខែតុលា ឆ្នាំ២០១៩ ក្រុមការងារចម្រុះរួមមាន នាយកដ្ឋានទ្រទ្រង់បច្ចេកទេស និងគម្រោងអន្តរវិស័យ នាយកដ្ឋានព្រៃឈេី ទេសភាពវប្បធម៌ និងបរិស្ថាន និងនាយកដ្ឋានគ្រប់គ្រងទឹក បានចុះរៀបចំសោភ័ណភាព អនាម័យ និងបរិស្ថាន ក្នុងបរិវេណវត្តអង្គរខាងត្បូង (ក្បែរបន្ទប់អនាម័យ) ។
ដើមដំបូងមុន12345...256257បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
10
ថ្ងៃនេះ
:
33265
ម្សិលមិញ
:
34420
សប្តាហ៍នេះ
:
67685
ខែនេះ
:
0148962
សរុប
:
009331244