ព័ត៌មានថ្មីៗ

ក្រៅពីសិក្សាទ្រឹស្តីក្នុងថ្នាក់ កម្មវិធីអប់រំបេតិកភណ្ឌកុមារក្នុងតំបន់អង្គរ ក៏រៀនបន្ថែមក្រៅថ្នាក់ផ្នែកផាត់ពណ៌ និងអានសៀវភៅ

បានផ្សាយនៅ ថ្ងៃទី 02 ខែ សីហា ឆ្នាំ2019 03:51 PM ដោយ ៖ អាជ្ញាធរជាតិអប្សរា

នាព្រឹកថ្ងៃទី១ ខែសីហា ឆ្នាំ២០១៩ ក្រុមការងារអប់រំបេតិកភណ្ឌ សហការជាមួយអាជ្ញាធរជាតិអប្សរា និងអង្គការគាំពារកេរមរតក ដឹកនាំកុមារចេញក្រៅសាលា ដើម្បីបង្រៀនបន្ថែមអំពីការផាត់ពណ៌ និងអានសៀវភៅទាក់ទងការអប់រំផ្នែកវប្បធម៌ និងបេតិកភណ្ឌ ដើម្បីបញ្រ្ជាបចំណេះដឹងក្រៅពីសិក្សាក្នុងថ្នាក់ ឬសិក្សាតាមរមណីយដ្ឋាន និងយល់អំពីស្ថានភាពជាក់ស្ដែងកំពុងប្រឈមប៉ុណ្ណោះទេ កុមារទាំងនោះថែមទាំងបានបានផ្ដល់ចំណេះដឹងនេះដល់កុមារដទៃ និងសហគមន៍ខ្លួន។ ត្បិតអី នាពេលអនាគតកុមារនឹងក្លាយជាអ្នកស្នងតំណរនិងជាអ្នកថែរក្សាការពារសម្បត្តិវប្បធ៌មទាំងនេះនៅក្នុងសហគមន៍របស់ខ្លួននាពេលអនាគត។

កម្មវិធីនេះអនុវត្តបន្ទាប់ពីផ្ដល់ចំណេះដឹងជាមូលដ្ឋានពីបេតិកភណ្ឌដែលសិក្សាទាំងទ្រឹស្តីក្នុងថ្នាក់ និងចុះសិក្សាតាមរមណីយដ្ឋាននានាដោយផ្ទាល់ចំពោះកុមារថ្នាក់ទី៥ និងទី៦ចំនួន១៦៥នាក់មកពីសាលាបឋមសិក្សាស្រះស្រង់ និងសាលាបឋមសិក្សាលលៃ អស់រយៈកាលជាង៧ខែកន្លងមក។

ការរៀនផាត់ពណ៌ក្នុងគោលបំណងដើម្បីបង្កើតជាល្បែងសម្រាប់កុមារបឋមសិក្សា ផ្ដល់ឱ្យកុមារនូវចំណេះដឹង និងទេព្យកោសល្យចំពោះការផាត់ពណ៌ អប់រំកុមារឱ្យស្គាល់សម្បត្តិវប្បធម៌កាន់តែច្បាស់តាមរូបភាពនីមួយៗ បង្កើនស្មារតីកុមារឱ្យស្រឡាញ់ និងជួយថែរក្សា ការពារបេតិកភណ្ឌបន្ថែមទៀត។

មួយផ្នែកទៀតការអានសៀវភៅ គឺក្នុងគោលបំណងផ្សព្វផ្សាយ អប់រំទាក់ទងពីអត្ថប្រយោជន៍នៃការរួមគ្នាថែរក្សាការពារ និងរួមគ្នាជួយទប់ស្កាត់ការបំផ្លិចបំផ្លាញ ការជីកកកាយ និងការជួញដូរវត្ថុបុរាណ ជួយបំផុសស្មារតីដល់មហាជនទូទៅ សិស្សា-នុសិស្ស ព្រមទាំងប្រជាជនកំពុងរស់នៅក្បែរបណ្ដាស្ថានីយបុរាណដែលមិនទាន់យល់ដឹងពីតម្លៃសម្បត្តិវប្បធម៌ជាតិខ្មែរនៅឡើយដែលអាចបណ្ដាលឱ្យស្ថានីយបុរាណជាច្រើនត្រូវប្រឈមមុខនឹងការគំរាមគំហែងយ៉ាងធ្ងន់ធ្ងរ។

គួរបញ្ចាក់ដែរថា ទាំងខ្លឹមសារ រូបភាព និងពាក្យពេចន៍ជំរុញឱ្យមនុស្សគ្រប់រូបយល់កាន់តែច្បាស់នូវសារៈសំខាន់នៃការថែរក្សា-ការពារ មរតកដូនតា ថែមទាំងជំរុញឱ្យសហគមន៍មនុស្សទាំងនេះ អាចធ្វើជាភ្នែក ជាត្រចៀក ជាច្រមុះ ជួយឃ្លាំមើល ជួយការពារ ជួយអភិរក្សនិងជួយលើក កម្ពស់ដល់កិច្ចអភិរក្សនូវសម្បត្តិវប្បធម៌ទាំងនេះ ឱ្យបានគង់វង្សសម្រាប់ជាគុណប្រយោជន៍ជាតិនាពេល ខាងមុខ៕










អត្ថបទ ៖ លោក អ៊ឺម សុខរិទ្ធី          រូបភាព៖ ក្រុមការងារអប់រំបេតិកភណ្ឌសម្រាប់កុមារក្នុងតំបន់អង្គរ
ក្នុងពេលថ្មីៗកន្លងមកនេះ លោកជំទាវ លី អ៊ុអេង តាមរយៈប្រព័ន្ធសារព័ត៌មានសង្គមមួយចំនួន បានលើកឡើងនូវមតិដែលអាចនាំមកនូវការភ័ន្តច្រឡំជាសាធារណៈមកលើស្ថាប័នអាជ្ញាធរជាតិអប្សរា ពាក់ព័ន្ធនឹងទីតាំងសំណង់ការិយាល័យលក់ដីឡូតិ៍របស់គាត់ លើក្បាលដីលេខ៥២២៩ ស្ថិតនៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។
បន្ទាប់ពីមានយុទ្ធនាការដាំកូនឈើឡើងវិញនៅក្នុងរមណីយដ្ឋានបេតិកភណ្ឌពិភពលោកអង្គ មានប្រជាពលរដ្ឋគ្រប់មជ្ឈដ្ឋាន រួមទាំងព្រះសង្ឃ និងវិស័យឯកជនបានបង្ហាញស្មារតីចូលរួមយ៉ាងច្រើនកុះករដើម្បីបំផុសគំនិតនិងដាស់តឿនស្មារតីមហាជនឲ្យចូលរួមដាំដើមឈើឡើងវិញ។ ជាពិសេស ផ្សព្វផ្សាយទស្សនៈចូលរួមធ្វើ និងចូលរួមទទួលខុសត្រូវទាំងអស់គ្នា ក្នុងសកម្មភាពទប់ស្កាត់ និងការកាប់បំផ្លាញព្រៃក្នុងរមណីយដ្ឋានអង្គរ។
តាមរបាយការណ៍របស់នាយកដ្ឋានគ្រប់គ្រងទឹកនៃអាជ្ញាធរជាតិអប្សរាបានបង្ហាញថា មុនរដូវវស្សាឆ្នាំនេះចូលមកដល់ ក្រុមការងារបានចុះពិនិត្យមើលស្ថានភាព ប្រព័ន្ធប្រឡាយរំដោះទឹកភ្លៀង និងលូរំដោះទឹក និងបានស្តារសម្អាតឡើងវិញនូវកកកំណកដីដែលអាចធ្វើឱ្យស្ទះដល់លំហូរទឹកបាន។
ដូចសព្វមួយដង ឱ្យតែមានគ្រោះរាំងស្ងួត ឬខ្សត់ភ្លៀង អ្នកភូមិលាងដៃ បានកៀងគរគ្នាដើម្បីរៀបចំប្រារព្ធពិធីបួងសួងសុំទឹកភ្លៀងនៅបរិវេណប្រាសាទនាគព័ន្ធដែលជាទំនៀមពីបុរាណ។ នៅឆ្នាំនេះ កម្មវិធីនេះត្រូវបានរៀបចំធ្វើនៅថ្ងៃទី១៣ និង១៤ ខែសីហា ដោយមានអ្នកចូលរួមប្រមាណ២០០អង្គ/នាក់។
រហាត់ទឹកឈើដ៏ធំមួយស្ថិតក្នុងទីតាំងបណ្តុះកូនឈើប្រាសាទតាកែវក្នុងឧទ្យានអង្គរ គឺបានកសាងឡើងតាំងពីសម័យសង្គមរាស្ត្រនិយមមកហើយ អមដោយផ្ទះលម្ហែកាយមួយនៅក្បែរនោះ ប៉ុន្តែត្រូវបានរងនូវការខូចខាតស្ទើរបាត់រូបរាងដោយសារអាយុកាល និងសង្គ្រាមនាសម័យប៉ុលពត។ នេះបើតាមការរៀបរាប់របស់លោក ម៉ៃ មួន ដែលជាអតីតអ្នកគ្រប់គ្រងរដ្ឋបាលព្រៃឈើ ខេត្តសៀមរាប ដែលសព្វថ្ងៃបម្រើការនៅនាយកដ្ឋានគ្រប់គ្រងព្រៃឈើទេសភាពវប្បធម៌និងបរិស្ថាននៃអាជ្ញាធរជាតិអប្សរា។
ដើមដំបូងមុន12345...236237បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
0871
ម្សិលមិញ
:
2464
សប្តាហ៍នេះ
:
03335
ខែនេះ
:
0070944
សរុប
:
008915087