ព័ត៌មានថ្មីៗ

ខែវស្សាគ្មានភ្លៀង អ្នកភូមិព្រះដាក់ធ្វើពិធីបួងសួងសុំទឹកភ្លៀងនៅប្រាសាទមេបុណ្យខាងកើតតាមទំនៀមបុរាណ

បានផ្សាយនៅ ថ្ងៃទី 15 ខែ កក្កដា ឆ្នាំ2019 03:41 PM ដោយ ៖ អាជ្ញាធរជាតិអប្សរា

នៅព្រឹកថ្ងៃ១៣កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៤ ខែកក្កដា ឆ្នាំ២០១៩ ប្រជាជនភូមិព្រះដាក់ ឃុំព្រះដាក់ ស្រុកបន្ទាយស្រី ខេត្តសៀមរាប បានរៀបចំពិធីបួងសួងផ្សងសុំទឹកភ្លៀង ខណៈពេលដែលរដូវវស្សាចូលមកដល់ តែពុំមានភ្លៀង ដើម្បីឱ្យភ្លៀងបង្អុរគ្រប់គ្រាន់ ឱ្យប្រជាកសិករធ្វើស្រែចម្ការទទួលបានភោគផលល្អ និងបន់ស្រន់សុំសេចក្តីសុខដល់ភូមិករ ដែលជាទំនៀមអ្នកស្រុកអង្គរតាំងពីបុរាណ។

ពិធីបួងសួងនេះធ្វើនៅបរិវេណ មុខប្រាសាទមេបុណ្យខាងកើត ហើយអ្នកភូមិធ្វើបាយសម្លមកប្រគេនព្រះសង្ឃ និងរៀបចំគ្រឿងសែនព្រេនដល់អ្នកតា ម្ចាស់ទឹកម្ចាស់ដែលរក្សាក្នុងភូមិឋាននេះ ដែលមានប្រជាជនចូលរួមយ៉ាងច្រើនកុះករ។

លោកយាយ ហ៊ឹម ប្រឹម អាយុ៦១ឆ្នាំ ជាអ្នកដឹកនាំធ្វើពិធីបួងសួងសុំទឹកភ្លៀង បានឱ្យដឹងថា ជារៀងរាល់ឆ្នាំឱ្យតែដល់ខែអាសាឍ កំណត់យកថ្ងៃណាមួយក្នុងខែនេះ ពេលគ្មានភ្លៀង ឬភ្លៀងធ្លាក់តិចតួចក្តី ប្រជាជនក្នុងភូមិទាំងអស់បានមូលមាត់គ្នា និងរ៉ៃអង្គាសបច្ច័យតាមកម្លាំងសទ្ធាដើម្បីយកមកធ្វើបាយម្ហូបប្រគេនព្រះសង្ឃ និងរៀបចំគ្រឿងសម្រាប់សែនព្រេន និងផ្គត់ផ្គង់តម្រូវការកម្មវិធីទាំងមូល។

លោកយាយបន្តថា ពិធីបួងសួងសុំទឹកភ្លៀង ត្រូវបានប្រារព្ធឡើងជារៀងរាល់ឆ្នាំមិនដែលខកខានទេ ទោះមានឬគ្មានភ្លៀងក៏ដោយ ហើយក្រៅពីអ្នកភូមិព្រះដាក់ក៏មានអ្នកភូមិផ្សេងៗមកចូលរួម និងធ្វើចង្ហាន់មកប្រគេនព្រះសង្ឃក្នុងឱកាសនេះ រួមទាំងសែនព្រេនអ្នកតា ម្ចាស់ទឹកដី ម្ចាស់ប្រាសាទផងដែរ។ បន្ទាប់ពីធ្វើពិធីតាមទំនៀមព្រះពុទ្ធសាសនាចប់សព្វគ្រប់ ក៏មានបញ្ចូលរូបអ្នកតារហូតដល់ទៅ៩រូប តែពិសេសជាងគេគឺអ្នកតាប្រចាំនៅប្រាសាទមេបុណ្យខាងកើតនេះ គឺអ្នកតាខូច ដើម្បីសួរនាំសុខទុក្ខ សុំទឹកភ្លៀង ឱ្យអ្នកតារាំរែក សេពសោយអាហារ។ល។

លោកយាយបញ្ចាក់ថា រាល់ឆ្នាំក្រោយធ្វើពិធីបួងសួងតែងមានភ្លៀងបង្អុរមក ហើយប្រជាជនចាប់ផ្តើមធ្វើស្រែចម្ការ ទំនៀមនេះមានតាំងពីបរមបុរាណមកម្ល៉េះ តាំងពីលោកយាយដឹងក្តីមក ហើយគ្រួសារលោកយាយក៏ជាអ្នកដឹកនាំធ្វើច្រើនដំណរមកហើយ។ ចាស់ទុំក្នុងភូមិតែងតែធ្វើមិនខកខានលើកលែងតែក្នុងសម័យប៉ុល ពតប៉ុណ្ណោះ៕










អត្ថបទ៖ លោក យី សុថា        រូបភាព៖ លោក តូច សុភៈ ​និងលោក តែម ចន្ថា
អាជ្ញាធរជាតិអប្សរានឹងរៀបចំបាឋកថាស្ដីអំពី «វប្បធម៌សំស្រ្កឹត និងការសិក្សានៅសម័យមុនអង្គរនិងសម័យអង្គរ» នៅថ្ងៃទី២៧ ខែសីហា ឆ្នាំ២០១៩ នៅសាលសន្និសីទអង្គរ នៃមជ្ឈមណ្ឌលអាជ្ញាធរជាតិអប្សរា នាវេលាម៉ោង៩ ដល់ម៉ោង១២ថ្ងៃត្រង់។ បាឋកថានេះ ធ្វើឡើងដោយបណ្ឌិត ឆោម គន្ធា អ្នកជំនាញផ្នែកសិលាចារឹករបស់អាជ្ញាធរជាតិអប្សរា។
នាយដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអាជ្ញាធរជាតិអប្សរា សហការជាមួយកម្មវិធីប្រព័ន្ធគ្រប់គ្រងបរិស្ថានអង្ករ ISO14001 2015 រៀបចំកម្មវិធីអប់រំបរិស្ថានដើម្បីផ្សព្វផ្សាយ និងអប់រំផ្នែកបរិស្ថានដល់ពលករជួសជុលប្រាសាទ និងពលករសម្អាតក្នុងរមណីយដ្ឋានអង្គរ ៣គោលដៅដែលកំពុងប្រចាំការនៅវង់តូច វង់ធំ និងតំបន់រលួស សរុបប្រមាណ១៦០នាក់។
ព្រឹកថ្ងៃពុធ ៦រោជ ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២១ ខែសីហា ឆ្នាំ២០១៩ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា ដឹកនាំកិច្ចប្រជុំតាមដានអនុសាសន៍ដែលទទួលបានជាផ្លូវការតាមរយៈកិច្ចប្រជុំបច្ចេកទេសលើកទី៣២នៃគណៈកម្មាធិការអាយស៊ីស៊ី-អង្គរកន្លងមក លើគោលដៅអនុវត្តការងារនៅតាមការដ្ឋានក្នុងតំបន់អង្គរទាំងផ្នែកអភិរក្ស និងអភិវឌ្ឍន៍។
រឿងរ៉ាវប្រវត្តិសាស្រ្ដខ្មែរជាច្រើនសន្ធឹក ត្រូវបានអ្នកស្រាវជ្រាវសិក្សាតាមរយៈវត្ថុតាងជាច្រើន ក្នុងនោះសិលាចារឹកក៏ជាភស្ដុតាងដ៏សំខាន់មួយដែរ។ សិលាចារឹកដែលចារដោយបុព្វបុរសខ្មែរ បានរៀបរាប់នូវរឿងរ៉ាវជាច្រើនដែលអាចឱ្យមនុស្សសម័យថ្មីដឹងពីសាច់រឿងនិងរបៀបរស់នៅរបស់មនុស្សបុរាណ។ អ្នកសិក្សាស្រាវជ្រាវយល់ថា មនុស្សពីដើមចារអក្សរលើថ្មដើម្បីមូលហេតុសាសនា។
គ្រឹះស្ថានបោះពុម្ពសៀវភៅសិក្សាប្រចាំប្រទេសជប៉ុន TAISHUKAN (តៃស៊ូកាន់) បានស្នើសុំអ្នកស្រាវជ្រាវបុរាណវិទ្យារបស់អាជ្ញាធរជាតិអប្សរា ដើម្បីជ្រើសរើសអត្ថបទមួយដែលលទ្ធផលនៃកិច្ចការស្រាវជ្រាវអំពីបណ្តាញគមនាគមន៍បុរាណសម័យអង្គរ យកទៅប្រែសម្រួលបោះពុម្ពផ្សាយក្នុងសៀវភៅសិក្សាអប់រំថ្មី។ អត្ថបទដែលគ្រឹះស្ថាន TAISHUKAN ស្នើយកទៅបកប្រែនិងបោះពុម្ពនេះ គឺបានផ្សព្វផ្សាយនៅប្រទេសសិង្ហបុរីនៅឆ្នាំ២០១៦ មានចំណងជើងជាភាសាអង់គ្លេសថា «From Living Angkor Road Project to Cultural Relationship Study in Mainland Southeast Asia Research Center: Cross Culture and Cross Border ឬប្រែសម្រួលជាភាសាខ្មែរមានន័យថា «ពីបណ្ដាញផ្លូវសម័យអង្គរទៅកាន់ទំនាក់ទំនងវប្បធម៌ក្នុងតំបន់អាស៊ីអាគ្នេយ៍ដីគោក៖ គម្រោងស្រាវជ្រាវទំនាក់ទំនងវប្បធម៌និងការអភិវឌ្ឍន៍ឆ្លងព្រំដែន»។
ដើមដំបូងមុន12345...237238បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
2679
ម្សិលមិញ
:
4193
សប្តាហ៍នេះ
:
13161
ខែនេះ
:
0080770
សរុប
:
008924913