ព័ត៌មានថ្មីៗ

ការចូលចាក់ដីដោយគ្មានការអនុញ្ញាតក្នុងតំបន់រមណីយដ្ឋានអង្គរគឺខុសច្បាប់!

បានផ្សាយនៅ ថ្ងៃទី 11 ខែ កក្កដា ឆ្នាំ2019 09:19 AM ដោយ ៖ អាជ្ញាធរជាតិអប្សរា
រមណីយដ្ឋានអង្គរ ជាទីតាំងប្រវត្តិសាស្ត្រ និងជាទីបុរាណដ្ឋានដែលទទួលបានកិច្ចការពារកម្រិតខ្ពស់បំផុតដែលមានផ្ទៃដីទំហំ ៤០១គីឡូម៉ែត្រក្រឡា គ្របដណ្តប់ភូមិសាស្ត្រក្រុង-ស្រុកចំនួន៥ សង្កាត់-ឃុំចំនួន២២ និងភូមិចំនួន១១២ភូមិ។ ជាមួយនឹងកិច្ចការពារកម្រិតខ្ពស់បំផុត រាល់ការប្រើប្រាស់ដីធ្លីផ្តេសផ្តាស់ និងការអភិវឌ្ឍមិនសមស្រប ដែលធ្វើឱ្យមានផលប៉ះពាល់ដល់តម្លៃសម្បត្តិបេតិកភណ្ឌ និងតម្លៃទេសភាពវប្បធម៌ស្ថិតនៅក្នុងតំបន់១ និងតំបន់២នឹងត្រូវទប់ស្កាត់។

អាជ្ញាធរជាតិអប្សរានឹងចាត់វិធានការដាច់ខាត ចំពោះរាល់ការដឹកដីទៅបំពេញឬសាងសង់ដោយគ្មានការអនុញ្ញាត និងការពុះដីឡូតិ៍លក់ក្នុងតំបន់រមណីយដ្ឋានអង្គរ។ ចំពោះរថយន្តដឹកដីណាដែលរកឃើញថាបានដឹកដីយកទៅចាក់បំពេញក្នុងទីតាំងណាមួយក្នុងរមណីយដ្ឋានអង្គរដោយគ្មានការអនុញ្ញាតពីក្រុមការងារមានសមត្ថកិច្ចនៃអាជ្ញាធរជាតិអប្សរា រថយន្តនោះនឹងត្រូវឃាត់ទុកក្នុងរយៈពេលយូរដោយគ្មានកាលកំណត់៕













អត្ថបទ៖ លោក ចិន ស៊ីយ៉ាំង        រូបភាព៖ នាយកដ្ឋានសណ្តាប់ធ្នាប់និងសហប្រតិបត្តិការ
អាជ្ញាធរជាតិអប្សរានឹងរៀបចំបាឋកថាស្ដីអំពី «វប្បធម៌សំស្រ្កឹត និងការសិក្សានៅសម័យមុនអង្គរនិងសម័យអង្គរ» នៅថ្ងៃទី២៧ ខែសីហា ឆ្នាំ២០១៩ នៅសាលសន្និសីទអង្គរ នៃមជ្ឈមណ្ឌលអាជ្ញាធរជាតិអប្សរា នាវេលាម៉ោង៩ ដល់ម៉ោង១២ថ្ងៃត្រង់។ បាឋកថានេះ ធ្វើឡើងដោយបណ្ឌិត ឆោម គន្ធា អ្នកជំនាញផ្នែកសិលាចារឹករបស់អាជ្ញាធរជាតិអប្សរា។
នាយដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអាជ្ញាធរជាតិអប្សរា សហការជាមួយកម្មវិធីប្រព័ន្ធគ្រប់គ្រងបរិស្ថានអង្ករ ISO14001 2015 រៀបចំកម្មវិធីអប់រំបរិស្ថានដើម្បីផ្សព្វផ្សាយ និងអប់រំផ្នែកបរិស្ថានដល់ពលករជួសជុលប្រាសាទ និងពលករសម្អាតក្នុងរមណីយដ្ឋានអង្គរ ៣គោលដៅដែលកំពុងប្រចាំការនៅវង់តូច វង់ធំ និងតំបន់រលួស សរុបប្រមាណ១៦០នាក់។
ព្រឹកថ្ងៃពុធ ៦រោជ ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២១ ខែសីហា ឆ្នាំ២០១៩ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា ដឹកនាំកិច្ចប្រជុំតាមដានអនុសាសន៍ដែលទទួលបានជាផ្លូវការតាមរយៈកិច្ចប្រជុំបច្ចេកទេសលើកទី៣២នៃគណៈកម្មាធិការអាយស៊ីស៊ី-អង្គរកន្លងមក លើគោលដៅអនុវត្តការងារនៅតាមការដ្ឋានក្នុងតំបន់អង្គរទាំងផ្នែកអភិរក្ស និងអភិវឌ្ឍន៍។
រឿងរ៉ាវប្រវត្តិសាស្រ្ដខ្មែរជាច្រើនសន្ធឹក ត្រូវបានអ្នកស្រាវជ្រាវសិក្សាតាមរយៈវត្ថុតាងជាច្រើន ក្នុងនោះសិលាចារឹកក៏ជាភស្ដុតាងដ៏សំខាន់មួយដែរ។ សិលាចារឹកដែលចារដោយបុព្វបុរសខ្មែរ បានរៀបរាប់នូវរឿងរ៉ាវជាច្រើនដែលអាចឱ្យមនុស្សសម័យថ្មីដឹងពីសាច់រឿងនិងរបៀបរស់នៅរបស់មនុស្សបុរាណ។ អ្នកសិក្សាស្រាវជ្រាវយល់ថា មនុស្សពីដើមចារអក្សរលើថ្មដើម្បីមូលហេតុសាសនា។
គ្រឹះស្ថានបោះពុម្ពសៀវភៅសិក្សាប្រចាំប្រទេសជប៉ុន TAISHUKAN (តៃស៊ូកាន់) បានស្នើសុំអ្នកស្រាវជ្រាវបុរាណវិទ្យារបស់អាជ្ញាធរជាតិអប្សរា ដើម្បីជ្រើសរើសអត្ថបទមួយដែលលទ្ធផលនៃកិច្ចការស្រាវជ្រាវអំពីបណ្តាញគមនាគមន៍បុរាណសម័យអង្គរ យកទៅប្រែសម្រួលបោះពុម្ពផ្សាយក្នុងសៀវភៅសិក្សាអប់រំថ្មី។ អត្ថបទដែលគ្រឹះស្ថាន TAISHUKAN ស្នើយកទៅបកប្រែនិងបោះពុម្ពនេះ គឺបានផ្សព្វផ្សាយនៅប្រទេសសិង្ហបុរីនៅឆ្នាំ២០១៦ មានចំណងជើងជាភាសាអង់គ្លេសថា «From Living Angkor Road Project to Cultural Relationship Study in Mainland Southeast Asia Research Center: Cross Culture and Cross Border ឬប្រែសម្រួលជាភាសាខ្មែរមានន័យថា «ពីបណ្ដាញផ្លូវសម័យអង្គរទៅកាន់ទំនាក់ទំនងវប្បធម៌ក្នុងតំបន់អាស៊ីអាគ្នេយ៍ដីគោក៖ គម្រោងស្រាវជ្រាវទំនាក់ទំនងវប្បធម៌និងការអភិវឌ្ឍន៍ឆ្លងព្រំដែន»។
ដើមដំបូងមុន12345...237238បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
2682
ម្សិលមិញ
:
4193
សប្តាហ៍នេះ
:
13164
ខែនេះ
:
0080773
សរុប
:
008924916