ព័ត៌មានថ្មីៗ

អគ្គនាយកអាជ្ញាធរជាតិអប្សរាចុះត្រួតពិនិត្យនិងតាមដានការអនុវត្តការងារតាមបណ្តាការដ្ឋានក្នុងរមណីយដ្ឋានអង្គរ

បានផ្សាយនៅ ថ្ងៃទី 10 ខែ កក្កដា ឆ្នាំ2019 03:59 PM ដោយ ៖ អាជ្ញាធរជាតិអប្សរា

នាព្រឹកថ្ងៃពុធ ៩កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ ខែកក្កដា ឆ្នាំ២០១៩ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា អមដំណើរដោយអគ្គនាយករង ប្រធាននាយកដ្ឋាន មន្ត្រីជំនាញ និងប្រធានគម្រោងនៅតាមការរដ្ឋាននីមួយៗ បានចុះត្រួតពិនិត្យនិងតាមដានដំណើរការវិវត្តការងារផ្សេងៗនៅក្នុងតំបន់អង្គរ។

ដំណើរត្រួតពិនិត្យនិងតាមដានការវិវត្តនៃការងារនេះ បានផ្តោតទៅលើដំណើរការជួសជុលកែលម្អបញ្ជរលក់សំបុត្រចាស់ឱ្យទៅជាមជ្ឈមណ្ឌលបម្រើសេវាកម្មរបស់អាជ្ញាធរជាតិអប្សរា គម្រោងអភិវឌ្ឍន៍ផ្លូវកង់សម្រាប់ទេសចរនិងប្រជាជនក្នុងតំបន់ ការដ្ឋានជួសជុលស្រះអង្គរវត្តផ្នែកខាងជើង ការរៀបចំសណ្តាប់ធ្នាប់និងបរិស្ថានល្អតាមដងផ្លូវជុំវិញកសិន្ធុប្រាសាទអង្គរវត្ត និងធ្វើឱ្យប្រសើរឡើងវិញនៅកន្លែងចំណតរថយន្តបណ្តោះអាសន្ន។

ក្រោយពីស្តាប់បទបង្ហាញ ការវិវត្តនៃការងារ ផលលំបាក បញ្ហាប្រឈមនានារបស់អ្នកជំនាញលើគម្រោងនីមួយៗ ឯកឧត្តម ហង់ ពៅ បានវាយតម្លៃខ្ពស់ចំពោះកិច្ចខិតខំប្រឹងប្រែងក្នុងការបំពេញការងារប្រកបដោយជំនាញបច្ចេកទេសនិងទំនួលខុសត្រូវខ្ពស់ ជាពិសេសការគោរពទៅតាមបទដ្ឋានជួសជុល អភិរក្សដែលអ្នកជំនាញការអាយស៊ីស៊ី-អង្គរបានផ្តល់ជូននាពេលកន្លងមក។ បន្ថែមពីនោះ ឯកឧត្តមក៏បានផ្តល់នូវមតិកែលម្អដើម្បីអភិវឌ្ឍន៍ការងារឱ្យកាន់តែប្រសើរ ព្រមទាំងទទួលយកនូវរាល់សំណូមពរពីអ្នកជំនាញ និងពលករជំនាញប្រចាំការដ្ឋានទាំងនោះផងដែរ៕
























អត្ថបទ៖ កញ្ញា ហ៊ីង ស្រីរត័្ន        រូបភាព៖ លោក ហាប់ គឹមអាន/ លោក សឿន ប៊ុនស៊រ

កម្មវិធីសម្ដែងសិល្បៈ «រាត្រីចងចាំ» ដើម្បីអបអរខួបមួយឆ្នាំក្នុងការចុះបញ្ជីល្ខោនខោលចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិ ២៨ វិច្ឆិកា ឆ្នាំ២០១៨-២៨ វិច្ឆិកា ឆ្នាំ២០១៩ នាល្ងាចថ្ងៃទី២៨ ខែវិច្ឆិកា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា និងមានការចូលរួមពីថ្នាក់ដឹកនាំក្រសួងទេសចរណ៍ រដ្ឋបាលខេត្តសៀមរាប មន្រ្តីអាជ្ញាធរជាតិអប្សរា ព្រមទាំងមហាជនជាទេសចរជាតិ-អន្ដរជាតិ ចូលរួមទស្សនាយ៉ាងច្រើនកុះករ។
រយៈពេល០៩ថ្ងៃហើយ ដែលមជ្ឈមណ្ឌលបណ្តុះ បណ្តាលនៃអាជ្ញាធរជាតិអប្សរា បានបើកវគ្គបណ្តុះបណ្តាល អ្នកបន្តវេនបច្ចេកទេសជួសជុល អភិរក្ស និងស្រាវជ្រាវប្រាសាទបុរាណ ដែលចាប់ផ្ដើមតាំងពីថ្ងៃទី១៩ ខែវិច្ឆិកា ឆ្នាំ២០១៩ មក។
ប្រតិភូសមាជិកបណ្ឌិតសភាវិទ្យាសាស្រ្តសង្គមនិងបច្ចេកវិទ្យានៃប្រទេសវៀតណាម លោក NGUYEN GIANG HAI បានចូលរួមធ្វើបាឋកថាស្ដីពី «វិស័យស្រាវជ្រាវបុរាណវិទ្យានិងការរកឃើញថ្មីៗនៅប្រទេសវៀតណាម» ដែលបានចែករំលែកចំណេះដឹងទាក់ទងនឹងវិស័យបុរាណវិទ្យាដល់មន្រ្តី បុគ្គលិក និងសាធារណជន ដែលសរុបប្រមាណ៥០នាក់។
វត្តរាជបូណ៌ជាវត្តដ៏ចំណាស់មួយក្នុងចំណោមវត្តដទៃទៀត ដែលស្ថិតនៅតាមដងស្ទឹងសៀមរាប ស្ថិតក្នុងភូមិសាស្ត្រភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ អារាមនេះមានព្រះវិហារមួយដែលមានលក្ខណៈស្ថាបត្យកម្មល្អឯក ហើយប្រហែលជាសាងសង់ឡើងក្នុងរាជ្យព្រះបាទនរោត្តម។
យោងតាមរបាយការណ៍របស់នាយកដ្ឋានអភិវឌ្ឍន៍ទេសចរណ៍នៃអាជ្ញាធរជាតិអប្សរាក្នុងអំឡុងខែតុលា ឆ្នាំ២០១៩នេះ ក្រុមការងារបានជួយសង្រ្គោះភ្ញៀវទេសចរដែលរងរបួសចំនួន១០ករណី ក្នុងនោះមាន រអិលឬជំពប់ជើងដួល គ្រិច ថ្លោះដៃជើង ខ្យល់គរ ដួលសន្លប់ និងចុកពោះ ជាដើមបាន។ បញ្ហាទាំងនេះកើតឡើងដោយសារភ្ញៀវខ្លះមានការធ្វេសប្រហែស និងមិនគោរពតាមការណែនាំ ឬផ្លាកសញ្ញាហាមឃាត់ និងបញ្ហាសុខភាពផ្ទាល់ខ្លួន។
ដើមដំបូងមុន12345...271272បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
2298
ម្សិលមិញ
:
2032
សប្តាហ៍នេះ
:
90436
ខែនេះ
:
0222562
សរុប
:
009691319