ព័ត៌មានថ្មីៗ

សៀវភៅផាត់ពណ៌បេតិកភណ្ឌទី៣នឹងលេចរូបរាងសម្រាប់សិស្សអនុវត្តក្នុងពេលឆាប់ៗនេះ

បានផ្សាយនៅ ថ្ងៃទី 17 ខែ មិថុនា ឆ្នាំ2019 09:50 AM ដោយ ៖ អាជ្ញាធរជាតិអប្សរា

វណ្ណកម្មទី៣ដែលមានចំណងជើងថា“ស្វែងយល់អំពីរាជធានីអង្គរ”បន្ទាប់ពីចំណាយពេលអស់២ឆ្នាំ នឹងប្រសូត្រទ្បើងឆាប់ៗនេះតាមកិច្ចសហប្រតិបត្តិការរវាងអាជ្ញាធរជាតិអប្សរា មជ្ឈមណ្ឌលជាតិយុវជនខេត្តសៀមរាប នៃក្រសួងអប់រំ យុវជននិងកីទ្បា ព្រមទាំងមានការគាំទ្រយ៉ាងសកម្មពីសហព័ន្ធជាតិនៃសមាគមយូណេស្កូជប៉ុន ហៅកាត់ថា «NFUAJ»។

ដៃគូសហការទាំងបីបានប្រជុំសម្រេចកំណែសម្រួលចុងក្រោយ តាមការណែនាំរបស់ឯកឧត្តម ហង់ ពៅ អគ្គនាយកអាជ្ញាធរជាតិអប្សរា នារសៀលថ្ងៃទី១៤ ខែមិថុនា ឆ្នាំ២០១៩នៅមជ្ឈមណ្ឌលបណ្តុះបណ្តាលអង្គរនៃអាជ្ញាធរជាតិអប្សរា។

លោក អ៊ឹម សុខរិទ្ធី ប្រធានក្រុមការងាររៀបចំសៀវភៅផាត់ពណ៌ទី៣របស់អាជ្ញាធរជាតិអប្សរា បានឲ្យដឹងថា ក្រុមការងារទាំងបីស្ថាប័នមានការមូលមាត់គ្នារៀបចំចងក្រងឲ្យលេចរូបរាងសៀវភៅនេះទ្បើង ក្នុងស្មារតីរួមមួយ ដើម្បីបង្កើនសម្ភារៈសិក្សាបន្ថែមសម្រាប់សិស្ស សាលាបឋមសិក្សា ផ្តល់ចំណេះដឹងអំពីវប្បធម៌ទូទៅ អប់រំកុមារ និងយុវវ័យឲ្យស្គាល់អំពីសម្បត្តិវប្បធម៌ដែលជាបេតិកភណ្ឌ ដ៏មានតម្លៃរបស់ជាតិនិងរបស់ពិភពលោក បង្កើនស្មារតីស្រលាញ់និងជួយថែរក្សាការពារបេតិកភណ្ឌ ព្រមទាំងឲ្យកុមារ និងអ្នកសិក្សាមានមូលដ្ឋានក្នុងការប្រើពណ៌សម្រាប់ផាត់ផង។

លោក សុខរិទ្ធី ក៏បានប្រាប់ពីសេចក្តីសំខាន់ៗនៅក្នុងសៀវភៅភាគ៣នេះថា វាបង្ហាញសិស្សអំពីរូបភាពនិងទ្រង់ទ្រាយរបស់រាជធានីអង្គរ ប្រព័ន្ធធារាសាស្រ្ត ព្រះបរមរាជវាំង ផ្ទះសម្បែងនិងរបៀបរស់នៅរបស់ខ្មែរនាសម័យអង្គរ ប្រភេទផ្ទះខ្មែរ តំបន់ការពារបេតិកភណ្ឌទី១និងទី២ ទេសភាពវប្បធម៌នៃរមណីយដ្ឋានអង្គរដែលជាបេតិកភណ្ឌពិភពលោក ព្រមទាំងមរតកបេតិកភណ្ឌវប្បធម៌អរូបីមួយចំនួនទៀត ដែលទើបបានទទួលចំណាត់ជាបេតិកភណ្ឌអរូបីពិភពលោកកន្លងមកផង។

គួររំឭកឲ្យដឹងថា សៀវភៅផាត់ពណ៌បេតិកភណ្ឌទី១ បានរៀបចំក្នុងឆ្នាំ២០០៩ និងទី២ផលិតនៅឆ្នាំ២០១១ សុទ្ធតែជាសមិទ្ធផលនៃការសហការគ្នារវាងស្ថាប័នទាំងបីខាងលើ។ សៀវភៅទាំងពីរភាគនេះ ដែលបានដាក់ឲ្យប្រើប្រាស់កន្លងមក ទទួលបានការវាយតម្លៃខ្ពស់ពីលោកស្រីនាយិកា លោកនាយក លោកគ្រូ អ្នកគ្រូ ព្រមទាំសិស្សានុសិស្ស យុវវ័យអំពីខ្លឹមសារ សារៈសំខាន់សម្រាប់ការអប់រំអំពីវប្បធម៌ ប្រពៃណីទូទៅ ព្រមទាំងរមណីយដ្ឋានបេតិកភណ្ឌពិភពលោកអង្គរ។

សូមជម្រាបដែរថា ការរៀបចំសៀវភៅទី៣នេះក៏ដូចគ្នានឹងភាគទី២ដែរ ពោលគឺតម្រូវឲ្យបង្កើតសៀវភៅសម្រាប់ជាជំនួយដល់លោកគ្រូ អ្នកគ្រូ ធ្វើការណែនាំសិស្សនៅក្នុងថ្នាក់រៀនជាមុនសិន។ នេះគឺក្នុងគោលបំណងឲ្យសិស្សបានដឹងអំពី រចនាសម្ព័ន្ធរបស់រាជធានីអង្គរ រូបរាងរបស់ព្រះបរមរាជវាំង ប្រព័ន្ធធារាសាស្រ្ត គំរូផ្ទះសម្បែងជាមុនសិន មុននឹង ទៅទស្សនាស្វែងយល់អំពីរមណីយដ្ឋានអង្គរ ព្រមទាំងបណ្តុះគំនិតការពារតំបន់បេតិកភណ្ឌ និងគំនិតអភិរក្ស ផ្ទះបុរាណខ្មែរផង។

នេះជាសកម្មភាពមួយរបស់អាជ្ញាធរជាតិអប្សរា ក្នុងការចូលរួមបណ្តុះបណ្តាលធនធានមនុស្ស សម្រាប់ក្លាយជាអ្នកបន្តវេនការពារនិងអភិរក្សរមណីយដ្ឋានអង្គរ។ នេះក៏ជាផ្នែកមួយនៃកម្មវិធីអប់រំបេតិកភណ្ឌដល់សិស្សក្នុងតំបន់អង្គរនិងបន្ទាយឆ្មារ ដែលគម្រោងនេះទទួលបានការអបអរសាទរពីអង្គប្រជុំបច្ចេកទេសលើកទី៣២ នៃ ICC-Angkor កាលពីថ្ងៃទី១១ ខែមិថុនា ឆ្នាំ២០១៩កន្លងទៅនេះ។

















អត្ថបទ៖ លោកសាស្ត្រាចារ្យ អ៊ឹម សុខរិទ្ធី     រូបថត៖ ក្រុមការងារមជ្ឈមណ្ឌលបណ្តុះបណ្តាលអង្គរ
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ប្រាសាទបាយក្អែក មានទីតាំងនៅខាងលិចប្រាសាទអង្គរវត្ត ដែលមិនសូវមានអ្នកស្គាល់ ហើយទេសចរភាគច្រើនឆ្លងកាត់ទៅហួសមកហួស។
តំណាងស្ថាប័ន វត្តអារាម ក៏ដូចជាប្រជាពលរដ្ឋជាបន្តបន្ទាប់ បានស្នើសុំកូនឈើពីអាជ្ញាធរជាតិអប្សរា ដើម្បីយកទៅដាំនៅតាមដីភូមិ ចម្ការ វត្តអារាម និងសាលារៀន។ល។ ក្នុងថ្ងៃទី៥ ខែសីហា ឆ្នាំ២០២០ អាជ្ញាធរជាតិអប្សរា បានផ្តល់កូនឈើដល់តំណាងវត្តអារាម និងស្ថាប័នសរុបចំនួន ១,៤០០ដើម។
ក្នុងឱកាសដ៏សែនមហានក្ខត្តឬក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
5534
ម្សិលមិញ
:
5927
សប្តាហ៍នេះ
:
11461
ខែនេះ
:
0238325
សរុប
:
012063956