NEWS

លោកជំទាវ ភឿង សកុណា៖ គ្មានជោគជ័យពីក្រៅណាមួយកើតឡើង ដោយគ្មានជោគជ័យពីផ្ទៃក្នុងខ្លួនឯងនោះឡើយ!

Published on 12 June 2019 01:44 PM Post By ៖ Apsara National Authority

ក្នុងឱកាសផ្តល់បទសម្ភាសន៍ជាមួយអ្នកសារព័ត៌មាន អំពីគណៈ​កម្មា​ធិការអន្ដរជាតិសម្របសម្រួល កិច្ចគាំពារ និង អភិវឌ្ឍន៍តំបន់ប្រវត្តិសាស្ត្រអង្គរ ហៅកាត់ថាអាយស៊ីស៊ី-អង្គរ លោក​ជំទាវ ភឿង សកុណា រដ្ឋមន្ត្រីក្រសួង វប្បធម៌ និង វិចិត្រសិល្បៈ និងជាប្រធានអាជ្ញាធរជាតិ​អប្សរា បានបញ្ជាក់ថា៖ អាយស៊ីស៊ី-អង្គរបានដំណើរការយ៉ាងល្អប្រសើរ និង ជាគំរូសម្រាប់ពិភពលោករយៈពេល​២៥ឆ្នាំ​មកហើយ និងជាជោគជ័យយ៉ាងត្រចះត្រចង់នៃយន្តការអន្តរជាតិមួយ ដែលមានការចូលរួមពីអង្គ​ការយូណេស្កូ ប្រទេសបារាំង ប្រទេសជប៉ុន ក្នុងនាមជាសហប្រធាន រាជរដ្ឋាភិបាលកម្ពុជា និងដៃគូអន្តរជាតិជាច្រើនទៀត។ ទន្ទឹមគ្នានេះដែរ ជោគជ័យ​ទាំងនោះ មិនអាចកើតឡើងបានឡើយ បើគ្មានការ ជោគជ័យពីផ្ទៃក្នុងខ្លួនឯងជាមុន។

ជោគជ័យផ្ទៃក្នុងទាំងនោះរួមមាន ឆន្ទៈដ៏មោះមុតនិងគោលនយោបាយរបស់រាជរដ្ឋាភិបាលកម្ពុជាក្នុងការ​ថែរក្សាបេតិកភណ្ឌវប្បធម៌ឱ្យបានគង់វង្ស ព្រមទាំងការចូលរួមដោយផ្ទាល់របស់អង្គព្រះមហាក្សត្រ ដែលព្រះ​អង្គ​គង់​ជា​ព្រះ​ប្រធាន​កិត្តិយសនៃអាយស៊ីស៊ី-អង្គរ សម្តេចអគ្គមហាសេនាបតីតេជោ ហ៊ុន សែន ដែលតែងតែយក​ចិត្តទុក​ដាក់​ខ្ពស់ ព្រមទាំងបានផ្តល់នូវការជួយជ្រោមជ្រែងគ្រប់សព្វបែបយ៉ាងលើកិច្ចការថែរក្សាមរតកដូនតាដ៏ឧត្តុងឧត្តមនេះ។ ជាពិសេសកត្តាសុខសន្តិភាពពេញលេញក្នុងផ្ទៃប្រទេសនាំមកនូវការអភិវឌ្ឍគ្រប់វិស័យ បានអនុញ្ញាតឱ្យ​យើង​ពង្រឹង​ខ្លួន ដើម្បីធ្វើ​ការជាមួយអ្នកជំនាញអន្តរជាតិផងនិងខ្លួនឯងផង។

ការគាំទ្រពីមហាជនទូទៅ ការយល់ដឹងពីតម្លៃនៃបេតិកភណ្ឌជាតិ ក៏ជាចំណុច​យ៉ាងសំខាន់ក្នុងការចូល​រួម​ចំណែក​​នៃជោគជ័យ​នេះដែរ។ ឧទាហរណ៍ជាក់ស្តែង​ គឺការ​សម្រេចព្រះទ័យរបស់ព្រះសង្ឃគង់នៅវត្តលលៃ​ដោយស្ម័​គ្រ​ព្រះទ័យ​ធ្វើការផ្លាស់ប្តូរកុដិនិងសំណង់ក្នុងវត្តពីលើខឿនប្រាសាទលលៃ មកគង់នៅផ្នែកខាងក្រោម​នៃបរិវេណ​ប្រា​សាទ​លលៃវិញ។ នេះគឺជាគំរូដ៏ល្អសម្រាប់ជាតិនិងអន្តរជាតិដើម្បីចៀសវាងការប៉ះពាល់ដល់បុរាណដ្ឋាននានា។

កត្តាជោគជ័យចុងក្រោយ គឺការពង្រីកនិងពង្រឹងសមត្ថភាព ចំណេះដឹង ចំណេះធ្វើរបស់អ្នកជំនាញជាតិ។ បច្ចុប្បន្នអ្នកជំនាញខ្មែរ ពិសេសអ្នកជំនាញវ័យក្មេងមានសមត្ថភាព​ក្នុងការបំពេញការងារបានយ៉ាងល្អប្រសើរ និង​ពង្រឹ​ង​សមត្ថភាពខ្លួនបន្ថែម ព្រោះថាបើខ្លួនយើងមិនរឹងមាំ យើងមិនអាចសហការជាមួយស្ថាប័ន​ខាងក្រៅបាន​ឡើយ​។ ជាក់​ស្តែង អ្នកជំនាញខ្មែរកំពុងតែបានដឹកនាំនិងអនុវត្តដោយផ្ទាល់នូវគម្រោងជួសជុលយ៉ាង​ច្រើនក្នុងរមណីយដ្ឋាន​អង្គរ៕







អត្ថបទ៖ កញ្ញា ហ៊ីង ស្រីរ័ត្ន        រូបភាព៖ លោក ហាប់ គឹមអាន / លោក ហ៊ុំ រិទ្ធី / លោក សឿន ប៊ុនស៊រ
នៅព្រឹកថ្ងៃទី១៨ ខែមិនា ឆ្នាំ២០២០ ក្រុមការងារអាជ្ញាធរជាតិអប្សរាបានបោសសម្អាតដី ប្រមូលសំរាមស្លឹកឈើ និងរៀបចំអនាម័យបរិស្ថាននៅប្រាសាទតាព្រហ្ម ដើម្បីលើកកម្ពស់សោភ័ណភាព អនាម័យ បរិស្ថាន និងសុខុមាលភាពរបស់ភ្ញៀវទេសចរដែលមកកម្សាន្តនៅប្រាសាទនេះ។ ការសម្អាតនេះ តែងធ្វើជាប្រចាំ នៅគ្រប់ប្រាសាទ ក្នុងតំបន់រមណីយដ្ឋានអង្គរ។
បរិស្ថាននៅក្នុងតំបន់រមណីយដ្ឋានអង្គរ ទាំងលើគោក ក្នុងទឹក និងបរិយាកាស ត្រូវបានអាជ្ញាធរជាតិអប្សរាយកចិត្តទុកដាក់ក្នុងការសម្អាតជាប្រចាំ។ ជាក់ស្តែងនៅព្រឹកថ្ងៃទី១៧ ខែមិនា ឆ្នាំ២០២០នេះ ក្រុមការងារអាជ្ញាធរជាតិអប្សរា បានចុះសម្អាតនូវវារីជាតិ ដែលដុះក្នុងទឹកនៃកសិន្ធុប្រាសាទអង្គរវត្ត មានលំចង់ សារ៉ាយ កំប្លោកជាដើម ដើម្បីសម្អាតទឹកឱ្យស្អាត និងធ្វើឱ្យទឹកមានគុណភាពល្អ ជំនួយដល់ភាពធំធាត់ដល់សត្វរស់នៅក្នុងទឹកផង។
រដូវប្រាំងចូលមកដល់ បានធ្វើឱ្យស្មៅនិងរុក្ខជាតិមួយចំនួនក្រៀមស្វិតស្រពោននៅក្នុងតំបន់រមណីយដ្ឋានអង្គរ ប៉ុន្តែទោះជាយ៉ាងណា ក៏អាជ្ញាធរជាតិអប្សរាបានប្រឹងប្រែងថែទាំស្រោចស្រពស្មៅនៅតាមសួនកសិន្ធុប្រាសាទអង្គរវត្តឱ្យនៅតែមានពណ៌បៃតង។ ក្នុងនោះដែរ ចំពោះវាលស្មៅនៅក្នុងបរិវេណប្រាសាទអង្គរវត្ត ក៏អាជ្ញាធរជាតិអប្សរា កំពុងរៀបចំប្រព័ន្ធស្រោចស្រពវាលស្មៅទាំងនោះផងដែរ។
រហាត់ទឹកអង្គរដែលមានអាយុកាលតាំងពីទស្សវត្សរ៍ទី៦០ ស្ថិតក្នុងទីតាំងសួនបណ្តុះកូនឈើប្រាសាទតាកែវ ត្រូវបានជួសជុលដោយអ្នកជំនាញអាជ្ញាធរជាតិអប្សរា កាលពីខែកញ្ញា ឆ្នាំ២០១៩ ក្រោមជំនួយថវិការបស់លោកជំទាវឧកញ៉ាមហាឧបាសិកា កិត្តិបណ្ឌិត សៀង ចាន់ហេង អគ្គនាយិកាក្រុមហ៊ុន ហេងអភិវឌ្ឍន៍ នឹងត្រូវបញ្ចប់ការជួសជុលក្នុងពេលឆាប់ៗ ហើយដាក់សម្ពោធឱ្យប្រើប្រាស់ជាផ្លូវការ នៅខែមេសា ឆ្នាំ២០២០ខាងមុខ។
ខ្លោងទ្វារតាកាវ ជាខ្លោងទ្វារមួយក្នុងចំណោមខ្លោងទ្វារទាំង៥នៃក្រុងអង្គរធំ ដែលស្ថិតនៅទិសខាងលិចនៃប្រាសាទបាយ័ន្ត។ ដោយសារអាយុកាល អាកាសធាតុ សង្គ្រាម កង្វះការថែទាំ និងការដុះដាលនៃដើមឈើ បណ្តាលឱ្យរូបចម្លាក់បង្កាន់ដៃយក្សនិងទេវតាជាច្រើនដួលរលំ ហើយក៏បានធ្វើឱ្យរចនាសម្ពន្ធរបស់ខ្លោងទ្វារមួយភាគធំ ពិសេសរូបដំរីទាំង៤បានរងនូវការខូចខាតជាខ្លាំង ដែលតម្រូវឱ្យមានការជួសជុលដើម្បីសង្គ្រោះនិងអភិរក្ស។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
16
Today
:
2225
Yesterday
:
2454
This Week
:
04679
This Month
:
0014659
Total
:
010602757