ព័ត៌មានថ្មីៗ

មន្ត្រី-បុគ្គលិកនៃអាជ្ញាធរជាតិអប្សរា១០រូប បានបិទវគ្គបណ្តុះបណ្តាល English Fellow Program ដោយជោគជ័យ

បានផ្សាយនៅ ថ្ងៃទី 11 ខែ មិថុនា ឆ្នាំ2019 09:37 AM ដោយ ៖ អាជ្ញាធរជាតិអប្សរា

តាមរយៈកិច្ចសហការរវាងអាជ្ញាធរជាតិអប្សរា និងស្ថានទូតសហរដ្ឋអាមេរិក វគ្គបណ្តុះបណ្តាលស្តីអំពី English Fellow Program ក្នុងគោលបំណងសិក្សាភាសាអង់គេ្លសសម្រាប់ប្រើក្នុងការងារអភិរក្ស ការរៀបចំ ការបែងចែកឯកសារ និងការថតរូប ក្នុងវិស័យការពារបេតិកភណ្ឌ ចាប់ពីថ្ងៃខែតុលា ឆ្នាំ២០១៨ បានបញ្ចប់ហើយនៅថ្ងៃទី១០ ខែមិថុនា ឆ្នាំ២០១៩នេះ។

ការបិទបញ្ចប់វគ្គ និងប្រគល់វិញ្ញាបនបត្រនេះ ធើ្វឡើងនៅមជ្ឈមណ្ឌបណ្តុះបណ្តាលអង្គរ ដែលមានលោក អុឹម សុខរិទ្ធី តំណាងឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា លោក Michael A. Neebill តំណាងស្ថានទូតអាមេរិក និងអ្នកស្រី Barbara J. Anello-Adani ជាគ្រូបណ្តុះបណ្តាល។

លោក អុឹម សុខរិទ្ធី ប្រធានមជ្ឈមណ្ឌលបណ្តាលអង្គរ បានបញ្ជាក់ថា វគ្គបណ្តុះបណ្តាលនេះគឺមិនបានផ្តោតលើតែភាសាអង់គ្លេសប៉ុណ្ណោះទេ ថែមទាំងផ្តោតលើបច្ចេកទេសថតរូប និងរៀបចំឯកសារទាក់ទងការអភិរក្សក្នុងវិស័យបេតិកភណ្ឌ ដែលមន្ត្រី-បុគ្គលិកត្រូវការពង្រឹងសមត្ថភាពបន្ថែម។ លោកបញ្ជាក់ថា អាជ្ញាធរជាតិអប្សរា និងស្ថានទូតអាមេរិក និងបន្តគាំទ្រគម្រោងនេះបន្តទៅឆ្នាំក្រោយ ហើយនឹងមានកម្មវិធីសិក្សាថ្មីៗបន្ថែមទៀត។

កញ្ញា ម៉ៅ សេងយាន មន្រ្តីនៃមជ្ឈមណ្ឌលណ្តុះបណ្តាលអង្គរ បានឱ្យដឹងក្រោយពីបញ្ចប់វគ្គបណ្តុះបណ្តាលនេះថា វគ្គសិក្សានេះមានសារៈសំខាន់សម្រាប់សិក្ខាកាម ក្នុងការពង្រឹងភាសាអង់គ្លេសរបស់ខ្លួន ដើម្បីមានភាពងាយស្រួលក្នុងការទំនាក់ទំនងការងារ។ ម្យ៉ាងទៀតអាចចេះថតរូប និងរក្សាទុកឯកសារផ្សេងៗ មានភាពល្អប្រសើរជាងមុន។

លោក សុខ វិសាល បុគ្គលិកមកពីនាយកដ្ឋានអភិរក្សប្រាសាទក្រៅឧទ្យានអង្គរ បានបញ្ជាក់ថា ខ្លួនគាត់មានការអភិវឌ្ឍន៍ជាងច្រើន ហ៊ាននិយាយភាសាអង់គ្លេសទៅកាន់បរទេស ផ្លាស់ប្តូរបទពិសោធន៍ពីគ្រូបរទេសមកខ្មែរ ជាពិសេសផ្តល់អត្ថប្រយោជន៍ដល់ការងារប្រចាំថ្ងៃចំពោះការអភិរក្សប្រាសាទ ទោះបីជួបការលំបាកខ្លះៗ តែវានឹងជំរុញឱ្យមានការផ្លាស់ប្តូរជាវិជ្ជមាន៕










អត្ថបទ៖ កញ្ញា ឆាយ ផាន់នី រូបភាព៖​ លោក ហ៊ុំ រិទ្ធី
សារលិខិតថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរក្នុងសេរីភាព សេចក្តីថ្លៃថ្នូរ និងសុភមង្គល នាឱកាសព្រះរាជពិធីចម្រើនគម្រប់៨៣ព្រះវស្សា យាងចូល៨៤ព្រះវស្សាដែលនឹងប្រព្រឹត្តទៅនៅថ្ងៃអង្គារ ១រោច ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៨ ខែមិថុនា ឆ្នាំ២០១៩។
លោកសាស្ត្រាចារ្យ Pierre BAPTISTE អ្នកជំនាញអភិរក្សវត្ថុសិល្បៈនៃសារមន្ទីរសិល្បៈអាស៊ី Guimet ប្រទេសបារាំង បានធ្វើបាឋកថាចែករំលែកចំណេះដឹងដល់មន្ត្រី-បុគ្គលិកអាជ្ញាធរជាតិអប្សរាស្តីអំពី «សមុច្ច័យពុម្ពចម្លាក់និងប្រាសាទខ្មែរដែលបានតាំងនៅសារមន្ទីរសិល្បៈអាស៊ី Guimet ៖ មណ្ឌលសម្រាប់ការងារអភិរក្សបេតិកភណ្ឌទៅអនាគត?» នៅមជ្ឃមណ្ឌលបណ្តុះបណ្តាលអង្គរ រយៈពេល១ថ្ងៃពេញ នាថ្ងៃទី១៤ ខែមិថុនា ឆ្នាំ២០១៩។
ក្នុងគោលបំណងជំរុញស្មារតីស្រលាញ់ ចូលរួមថែរក្សា បង្កើនការយល់ដឹងអំពីកិច្ចការគ្រប់គ្រងសម្បត្តិបេតិភណ្ឌវប្បធម៌ ព្រមទាំងផ្លាស់ប្តូរបទពិសោធន៍ទៅវិញទៅមក យុវជនមកពីកម្ពុជា ថៃ វៀតណាម ឡាវ បានចូលរួមសិក្ខាសិលាស្តីអំពី «យុវជននិងការគ្រប់គ្រងបេតិកភណ្ឌវប្បធម៌» ចាប់ពីថ្ងៃទី១៣ ដល់ថ្ងៃទី២១ ខែមិថុនា ឆ្នាំ២០១៩ នៅទីស្នាក់ការអាជ្ញាធរជាតិអប្សរា។ សិក្ខាសាលានេះរៀបចំដោយគណៈកម្មាធិការយូណេស្កូជាតិកម្ពុជា ដោយសហការជាមួយអាជ្ញាធរជាតិអប្សរា និងសហភាពសហព័ន្ធយុវជនកម្ពុជា។
កិច្ចប្រជុំបច្ចេកទេសលើកទី៣២នៃគណៈ កម្មា ធិការអន្ដរជាតិសម្របសម្រួល កិច្ចគាំពារ និង អភិវឌ្ឍន៍ តំបន់ ប្រវត្តិ សាស្ត្រអង្គរ ហៅកាត់ថាអាយស៊ីស៊ី-អង្គរ បានបិទបញ្ចប់នៅរសៀលថ្ងៃទី១២ ខែមិថុ នា ឆ្នាំ២០១៩ ប្រកបដោយលទ្ធផលជាវិជ្ជមាន ក្រោមអធិបតីភាពសហប្រធាន លោក Guillaume NARJOLLET ទីប្រឹក្សាស្ថានទូតបារាំង និង លោក Kenichi BESSHO អនុប្រធានបេសកកម្មនៃស្ថានទូតជប៉ុន និងក្រោមអធិបតីភាពដ៏ខ្ពង់ខ្ពស់លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា។
ក្នុងឱកាសផ្តល់បទសម្ភាសន៍ជាមួយអ្នកសារព័ត៌មាន អំពីគណៈ​កម្មា​ធិការអន្ដរជាតិសម្របសម្រួល កិច្ចគាំពារ និង អភិវឌ្ឍន៍តំបន់ប្រវត្តិសាស្ត្រអង្គរ ហៅកាត់ថាអាយស៊ីស៊ី-អង្គរ លោក​ជំទាវ ភឿង សកុណា រដ្ឋមន្ត្រីក្រសួង វប្បធម៌ និង វិចិត្រសិល្បៈ និងជាប្រធានអាជ្ញាធរជាតិ​អប្សរា បានបញ្ជាក់ថា៖ អាយស៊ីស៊ី-អង្គរបានដំណើរការយ៉ាងល្អប្រសើរ និង ជាគំរូសម្រាប់ពិភពលោករយៈពេល​២៥ឆ្នាំ​មកហើយ និងជាជោគជ័យយ៉ាងត្រចះត្រចង់នៃយន្តការអន្តរជាតិមួយ ដែលមានការចូលរួមពីអង្គ​ការយូណេស្កូ ប្រទេសបារាំង ប្រទេសជប៉ុន ក្នុងនាមជាសហប្រធាន រាជរដ្ឋាភិបាលកម្ពុជា និងដៃគូអន្តរជាតិជាច្រើនទៀត។ ទន្ទឹមគ្នានេះដែរ ជោគជ័យ​ទាំងនោះ មិនអាចកើតឡើងបានឡើយ បើគ្មានការ ជោគជ័យពីផ្ទៃក្នុងខ្លួនឯងជាមុន។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
3134
ម្សិលមិញ
:
5613
សប្តាហ៍នេះ
:
20407
ខែនេះ
:
0087452
សរុប
:
008557035