NEWS

មជ្ឈមណ្ឌលបណ្តុះបណ្តាលអង្គរ ចូលរួមទិវាពិព័រណ៌ការងារតម្រង់ទិសអាជីព (Career Fair) លើកទី២ ក្នុងឆ្នាំ២០១៩

Published on 08 June 2019 11:02 AM Post By ៖ Apsara National Authority

កាលពីថ្ងៃទី៦-៧ ខែមិថុនា ឆ្នាំ២០១៩ ក្រុមការងារមជ្ឈមណ្ឌលបណ្តុះបណ្តាលអង្គរបានចូលរួមកម្មវិធីតាំងពិព័រណ៍ការងារសម្រាប់ថ្នាក់មធ្យមសិក្សាទុតិយភូមិ នៅវិទ្យាល័យ ហ៊ុន សែន ប្រាសាទបាគង ស្ថិតក្នុងភូមិឪឡោក ឃុំបាគង ស្រុកប្រាសាទបាគង និងនៅវិទ្យាល័យ អារញ្ញសាគរ ស៊ី អែហ្វ ស៊ី ស្ថិតក្នុងភូមិអារញ្ញ សង្កាត់សៀមរាប ក្រុងសៀមរាប ដែលរៀបចំឡើងដោយអង្គការថែរក្សាដើម្បីកម្ពុជា(Caring for Cambodia)។--

កម្មវិធីនេះធ្វើឡើងដើម្បីរួមចំណែកក្នុងការលើកកម្ពស់ការយល់ដឹងដល់សិស្សានុសិស្សដែលត្រៀមប្រឡងបញ្ចប់ថ្នាក់មធ្យមសិក្សាទុតិយភូមិ និងត្រៀមបន្តការសិក្សាទៅមហាវិទ្យាល័យ ដោយផ្តល់ជាបទពិសោធន៍ដល់សិស្សានុសិស្សឲ្យមានការសម្រេចចិត្តបានត្រឹមត្រូវ ដោយផ្តោតលើគោលបំណង៖ 
១. សិស្សគ្រប់រូបទទួលបានពត៌មាន និងចំណេះដឹងថ្មីៗ មានការសម្រេចចិត្តបានត្រឹមត្រូវដើម្បីបន្តការសិក្សានៅសាកលវិទ្យាល័យ ឬសាលាជំនាញបច្ចេកទេសវិជ្ជាជីវៈផ្សេងៗ
២. សិស្សត្រៀមស្វែងរកការងារអាជីពមួយ ដែលតម្រូវទៅនឹងទីផ្សារការងារប្រកបដោយជោគជ័យ នៅក្នុងជីវភាពរស់នៅរបស់ពួកគេទៅថ្ងៃអនាគត ក៏ដូចជាឈានជើងចូលក្នុងវិស័យការងារផ្សេងៗឲ្យពួកគេបានយល់ដឹងពីពត៌មានផ្សេងៗទាក់ទងនឹងការងារ ការដាក់ពាក្យរៀនបន្តទៅឧត្តមសិក្សា ការដាក់ពាក្យស្នើសុំអាហារូបករណ៍ និងបានស្គាល់ពីលក្ខខណ្ឌ ឬតម្រូវការផ្សេងៗក្នុងការជ្រើសរើសបុគ្គលិកនានា។

អង្គការ/ស្ថាប័នដែលបានចូលរួមជាសមាជិកក្នុងការតាំងពិព័រណ៌ការងារមាន ២០អង្គការ/ស្ថាប័ន រួមមាន៖
- អាជ្ញាធរជាតិអប្សរា APSARA Authority
- សាលា Bai Hotel & Restaurant School
- មជ្ឈមណ្ឌលអូស្ត្រាលីសម្រាប់ការបណ្តុះបណ្តាល Australian Centre For Eduction (ACE)
- សាលារៀនសណ្ឋាគារ “អ្វីៗគ្រប់យ៉ាងនឹងមិនអីទេ” Everything’s Gonna Be Ok (EGBOK)
- សាកលវិទ្យាល័យបញ្ញាសាស្ត្រ Pahnasastra University of Cambodia
- សាកលវិទ្យាល័យសៅស៍អ៊ីសអេយសៀ University Of South-East Asia
- សាកលវិទ្យាល័យបៀលប្រាយ Build Bright University Siem Reap
- វិទ្យាស្ថានវ៉ាន់ដា Vanda Institute of Siem Reap Campus
- វិទ្យាស្ថានពហុបច្ចេកទេសភូមិភាគតេជោសែន Regional Polytechnic Institute Techo Sen
- មជ្ឈមណ្ឌលការងារខេត្តសៀមរាប Siem Reap Job Center
- នាយកដ្ឋានអប់រំយុវជន និងកីឡា ខេត្តសៀមរាប Provincial Department Of Education Siem Reap
- មន្ទីរពេទ្យកុមារអង្គរ Angkor Hospital for Children
- អង្គការ Friend International
- សណ្ឋាគារតារាអង្គរ Tara Angkor Hotel
- ក្លឹបអ្នកអានកម្ពុជា Read Club Cambodia
- សម្ព័ន្ធយុវជនកម្ពុជា
- សណ្ឋាគារ eOcambo Hospitality Group
- មជ្ឈមណ្ឌលធនធានស្រ្តី Women’s Resource Center
- អង្គការដោះមីន CMAC
- អង្គការថែរក្សាដើម្បីកម្ពុជា Caring For Cambodia (CFC)

ក្នុងកម្មវិធីតាំងពិព័រណ៍នេះក្រុមការងារមជ្ឈមណ្ឌលបណ្តុះបណ្តាលអង្គរ នៃអាជ្ញាធរជាតិអប្សរា បាននាំយកនូវសៀវភៅ និងក្រដាសផ្នត់បណ្ណព័ត៌មានផ្សេងៗអំពីការងាររបស់អាជ្ញាធរជាតិអប្សរាក្នុងកិច្ចការពារ និងអភិរក្សរមណីយដ្ឋានអង្គរ និងការងារសហគមន៍ ដាក់តាំងបង្ហាញដល់សិស្សានុសិស្ស និងអ្នកចូលរួមទាំងអស់។

ទន្ទឹមនឹងនេះ ក្រុមការងារបានធ្វើបទបង្ហាញ និងបកស្រាយរាល់សំណួរ និងចម្ងល់របស់សិស្សានុសិស្សដែលបានចោទសួរពីបញ្ហាផ្សេងៗដែលទាក់ទងនឹងការងារអាជ្ញាធរជាតិអប្សរា បេតិកភណ្ឌ វប្បធម៌ទូទៅ និងការងារអភិរក្សរមណីយដ្ឋានបេតិកភណ្ឌពិភពលោកអង្គរ។

ជាចុងបញ្ចប់នៃកម្មវិធីតាំងពិព័រណ៍លោកប្រធានអង្គការបានថ្លែងអំណរគុណ និងចែកជូននូវវត្ថុអនុស្សាវរីយ៍ដល់តំណាងអង្គការ/ស្ថាប័ន ដែលបានសហការណ៍ចូលរួមក្នុងកម្មវិធីពិព័រណ៍នេះ ហើយសង្ឃឹមថាបណ្តាអង្គការ/ស្ថាប័នទាំងនេះនឹងមានវត្តមានចូលរួមសម្រាប់កម្មវិធីក្រោយៗទៀត៕


















-អត្ថបទ៖ លោក ឌួង សូនី -រូបភាព៖ លោក សៀ សុខុន និងលោក សែ សម្បត្តិ
ការលើកកម្ពស់សេដ្ឋកិច្ចក្រុមគ្រួសាររបស់អ្នកស្រុកអង្គរ គឺជាការងារមួយក្នុងចំណោមការងារជាច្រើនទៀត ដែលអាជ្ញាធរជាតិអប្សរាតែងតែគិតគូរ និងយកចិត្តទុកដាក់ខ្ពស់ ធ្វើយ៉ាងណាឲ្យប្រជាពលរដ្ឋដែលកំពុងរស់នៅក្នុងតំបន់នេះ មានជីវភាពកាន់តែល្អប្រសើរឡើងថែមទៀត តាមរយៈការអភិវឌ្ឍវិស័យកសិកម្ម។
After Apsara Authority cut back the undergrowth that covered the road along the dam of the West Barayon 27 September 2016, both local travellers and villagers expressed their satisfaction. ‘’During Pchum Ben, the tourists who went to visit West Baray were pleased to find a wider road making it easy to travel.’’ Mr. Yin Sovat, Deputy Director of the Department of Forestry, Cultural Landscapes and Environmental Management said.
Legal residents in the Angkor Park are not restricted in repairing or replacing their existing houses. Moreover, small constructions may also be permitted by the various community team of Apsara, which go to meet the villagers every week -- a service created to help villagers by saving their time and expenses to travel to the Apsara headquarters.
នៅព្រឹកថ្ងៃទី០៦ ខែតុលា ឆ្នាំ២០១៦នេះ ក្រុមការងារសហគមន៍ទី៣ប្រចាំស្រុកពួក ដឹកនាំដោយលោក គង់ មរកត តំណាង ឯកឧត្ដម ឈរ ថាណាត អគ្គនាយករងអាជ្ញាធរជាតិអប្សរារួមនឹងមន្ត្រីបុគ្គលិកជាច្រើនរូបទៀត បានចុះសាកសួរសុខទុក្ខប្រជាពលរដ្ឋ និងនាំយកកញ្ចប់ទ្រទ្រង់សុខុមាលភាពម្តាយ និងទារក (ឃីត) និងថវិកាមួយចំនួនទៅចែកជូនដល់ស្ត្រីទើបឆ្លងទន្លេរួចចំនួន៣៣គ្រួសារ នៅសាលាឃុំខ្នាត ស្រុកពួក ខេត្តសៀមរាប ។
Apsara Authority will cooperate with the US Embassy in Cambodia to provide English language training for technical staff to use in their daily life, as well in work related to their skills. The training will be held at the Angkor Training Centre of Apsara by Mrs. Kitty Johnson, an English teacher from the United States.

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
7975
Yesterday
:
26968
This Week
:
34943
This Month
:
0179385
Total
:
010135532