ព័ត៌មានថ្មីៗ

មជ្ឈមណ្ឌលបណ្តុះបណ្តាលអង្គរ ចូលរួមទិវាពិព័រណ៌ការងារតម្រង់ទិសអាជីព (Career Fair) លើកទី២ ក្នុងឆ្នាំ២០១៩

បានផ្សាយនៅ ថ្ងៃទី 08 ខែ មិថុនា ឆ្នាំ2019 11:02 AM ដោយ ៖ អាជ្ញាធរជាតិអប្សរា

កាលពីថ្ងៃទី៦-៧ ខែមិថុនា ឆ្នាំ២០១៩ ក្រុមការងារមជ្ឈមណ្ឌលបណ្តុះបណ្តាលអង្គរបានចូលរួមកម្មវិធីតាំងពិព័រណ៍ការងារសម្រាប់ថ្នាក់មធ្យមសិក្សាទុតិយភូមិ នៅវិទ្យាល័យ ហ៊ុន សែន ប្រាសាទបាគង ស្ថិតក្នុងភូមិឪឡោក ឃុំបាគង ស្រុកប្រាសាទបាគង និងនៅវិទ្យាល័យ អារញ្ញសាគរ ស៊ី អែហ្វ ស៊ី ស្ថិតក្នុងភូមិអារញ្ញ សង្កាត់សៀមរាប ក្រុងសៀមរាប ដែលរៀបចំឡើងដោយអង្គការថែរក្សាដើម្បីកម្ពុជា(Caring for Cambodia)។

កម្មវិធីនេះធ្វើឡើងដើម្បីរួមចំណែកក្នុងការលើកកម្ពស់ការយល់ដឹងដល់សិស្សានុសិស្សដែលត្រៀមប្រឡងបញ្ចប់ថ្នាក់មធ្យមសិក្សាទុតិយភូមិ និងត្រៀមបន្តការសិក្សាទៅមហាវិទ្យាល័យ ដោយផ្តល់ជាបទពិសោធន៍ដល់សិស្សានុសិស្សឲ្យមានការសម្រេចចិត្តបានត្រឹមត្រូវ ដោយផ្តោតលើគោលបំណង៖ 
១. សិស្សគ្រប់រូបទទួលបានពត៌មាន និងចំណេះដឹងថ្មីៗ មានការសម្រេចចិត្តបានត្រឹមត្រូវដើម្បីបន្តការសិក្សានៅសាកលវិទ្យាល័យ ឬសាលាជំនាញបច្ចេកទេសវិជ្ជាជីវៈផ្សេងៗ
២. សិស្សត្រៀមស្វែងរកការងារអាជីពមួយ ដែលតម្រូវទៅនឹងទីផ្សារការងារប្រកបដោយជោគជ័យ នៅក្នុងជីវភាពរស់នៅរបស់ពួកគេទៅថ្ងៃអនាគត ក៏ដូចជាឈានជើងចូលក្នុងវិស័យការងារផ្សេងៗឲ្យពួកគេបានយល់ដឹងពីពត៌មានផ្សេងៗទាក់ទងនឹងការងារ ការដាក់ពាក្យរៀនបន្តទៅឧត្តមសិក្សា ការដាក់ពាក្យស្នើសុំអាហារូបករណ៍ និងបានស្គាល់ពីលក្ខខណ្ឌ ឬតម្រូវការផ្សេងៗក្នុងការជ្រើសរើសបុគ្គលិកនានា។

អង្គការ/ស្ថាប័នដែលបានចូលរួមជាសមាជិកក្នុងការតាំងពិព័រណ៌ការងារមាន ២០អង្គការ/ស្ថាប័ន រួមមាន៖
- អាជ្ញាធរជាតិអប្សរា APSARA Authority
- សាលា Bai Hotel & Restaurant School
- មជ្ឈមណ្ឌលអូស្ត្រាលីសម្រាប់ការបណ្តុះបណ្តាល Australian Centre For Eduction (ACE)
- សាលារៀនសណ្ឋាគារ “អ្វីៗគ្រប់យ៉ាងនឹងមិនអីទេ” Everything’s Gonna Be Ok (EGBOK)
- សាកលវិទ្យាល័យបញ្ញាសាស្ត្រ Pahnasastra University of Cambodia
- សាកលវិទ្យាល័យសៅស៍អ៊ីសអេយសៀ University Of South-East Asia
- សាកលវិទ្យាល័យបៀលប្រាយ Build Bright University Siem Reap
- វិទ្យាស្ថានវ៉ាន់ដា Vanda Institute of Siem Reap Campus
- វិទ្យាស្ថានពហុបច្ចេកទេសភូមិភាគតេជោសែន Regional Polytechnic Institute Techo Sen
- មជ្ឈមណ្ឌលការងារខេត្តសៀមរាប Siem Reap Job Center
- នាយកដ្ឋានអប់រំយុវជន និងកីឡា ខេត្តសៀមរាប Provincial Department Of Education Siem Reap
- មន្ទីរពេទ្យកុមារអង្គរ Angkor Hospital for Children
- អង្គការ Friend International
- សណ្ឋាគារតារាអង្គរ Tara Angkor Hotel
- ក្លឹបអ្នកអានកម្ពុជា Read Club Cambodia
- សម្ព័ន្ធយុវជនកម្ពុជា
- សណ្ឋាគារ eOcambo Hospitality Group
- មជ្ឈមណ្ឌលធនធានស្រ្តី Women’s Resource Center
- អង្គការដោះមីន CMAC
- អង្គការថែរក្សាដើម្បីកម្ពុជា Caring For Cambodia (CFC)

ក្នុងកម្មវិធីតាំងពិព័រណ៍នេះក្រុមការងារមជ្ឈមណ្ឌលបណ្តុះបណ្តាលអង្គរ នៃអាជ្ញាធរជាតិអប្សរា បាននាំយកនូវសៀវភៅ និងក្រដាសផ្នត់បណ្ណព័ត៌មានផ្សេងៗអំពីការងាររបស់អាជ្ញាធរជាតិអប្សរាក្នុងកិច្ចការពារ និងអភិរក្សរមណីយដ្ឋានអង្គរ និងការងារសហគមន៍ ដាក់តាំងបង្ហាញដល់សិស្សានុសិស្ស និងអ្នកចូលរួមទាំងអស់។

ទន្ទឹមនឹងនេះ ក្រុមការងារបានធ្វើបទបង្ហាញ និងបកស្រាយរាល់សំណួរ និងចម្ងល់របស់សិស្សានុសិស្សដែលបានចោទសួរពីបញ្ហាផ្សេងៗដែលទាក់ទងនឹងការងារអាជ្ញាធរជាតិអប្សរា បេតិកភណ្ឌ វប្បធម៌ទូទៅ និងការងារអភិរក្សរមណីយដ្ឋានបេតិកភណ្ឌពិភពលោកអង្គរ។

ជាចុងបញ្ចប់នៃកម្មវិធីតាំងពិព័រណ៍លោកប្រធានអង្គការបានថ្លែងអំណរគុណ និងចែកជូននូវវត្ថុអនុស្សាវរីយ៍ដល់តំណាងអង្គការ/ស្ថាប័ន ដែលបានសហការណ៍ចូលរួមក្នុងកម្មវិធីពិព័រណ៍នេះ ហើយសង្ឃឹមថាបណ្តាអង្គការ/ស្ថាប័នទាំងនេះនឹងមានវត្តមានចូលរួមសម្រាប់កម្មវិធីក្រោយៗទៀត៕


















-អត្ថបទ៖ លោក ឌួង សូនី -រូបភាព៖ លោក សៀ សុខុន និងលោក សែ សម្បត្តិ
អង្គរជារមណីយដ្ឋានមានជីវិតដែលផ្តុំឡើងដោយសមាសធាតុសំខាន់ៗចំនួន៣គឺ ប្រាង្គប្រាសាទ បរិស្ថាននិងសហគមន៍មនុស្ស ។ ការធ្វើឲ្យមានសុខដុមនីយកម្មទៅនឹងសមាសធាតុខាងលើនេះគឺវាកាន់តែជួយលើកតម្លៃរមណីយដ្ឋានអង្គរឲ្យលេចធ្លោជាសកលឡើងថែមទៀត និងបានក្លាយទៅជាចលករយ៉ាងសំខាន់ក្នុងការទាក់ទាញភ្ញៀវទេសចរចម្រុះជាតិសាសន៍ ឲ្យមកទស្សនារមណីយដ្ឋានអង្គរកាន់តែច្រើនឡើងជារៀងរាល់ឆ្នាំ ។ក្នុងបរិបទនេះហើយបានជាអាជ្ញាធរជាតិអប្សរាត្រូវផ្សព្វផ្សាយ និងបញ្ជ្រាបចំណេះដឹងស្តីពីបេតិកភណ្ឌដល់ប្រជាពលរដ្ឋឲ្យពួកគាត់បានយល់សំដៅធ្វើយ៉ាងណាដើម្បីឲ្យបេតិកភណ្ឌនេះគង់វង្សដល់កូនចៅជំនាន់ក្រោយទៀត។
វិទ្យាស្ថានស្រាវជ្រាវជាតិណារ៉ារបស់ប្រទេសជប៉ុន ក្រោមកិច្ចសហការជាមួយអាជ្ញាធរជាតិអប្សរា បានចាប់ផ្តើមជួសជុលប្រាង្គខាងជើងនៃប្រាសាទតុបខាងលិច ក្នុងជំហានទី២របស់ខ្លួន ចាប់ពីខែកញ្ញា ឆ្នាំ២០១៥មក។ តាមគម្រោង ប្រាង្គនេះអាចនឹងបញ្ចប់ការជួសជុលនៅអំឡុងខែមិថុនា ឆ្នាំ២០១៧ ហើយនឹងចាប់ផ្តើមគម្រោងជួសជុលប្រាង្គកណ្តាលតទៅទៀត។
នៅលើចម្លាក់នៃប្រាសាទបាយ័ន ត្រង់ថែវខាងក្រៅ នាទិសខាងត្បូង មានទិដ្ឋភាពមួយដែលនិយាយអំពីជំនួញផ្លូវទឹករបស់ខ្មែរបុរាណជាមួយប្រទេសជិតខាង ជាពិសេស ប្រទេសចិន។ បើគេមើលមួយភ្លែត ឬមើលដោយក្រសែភ្នែកធម្មតា ដែលមិនមែនជាអ្នកស្រាវជ្រាវ អាចនឹងមិនយល់ពីដំណើរសាច់រឿងនេះឡើយ។
ដើម្បីជំរុញការចូលរួមថែរក្សាបរិស្ថាន ធ្វើឲ្យមានភាពស្រស់ស្អាតនៅក្នុងរមណីយដ្ឋានអង្គរជាចីរភាព អាជ្ញាធរជាតិអប្សរាបានសហការជាមួយស្ថាប័នធានាគុណភាពជប៉ុន JQA និងមន្ទីរអប់រំយុវជននិងកីឡា រៀបចំកម្មវិធីអប់រំកុមារអំពីបរិស្ថានតាមសាលាបឋមសិក្សា និងអនុវិទ្យាល័យមួយចំនួនក្នុងតំបន់អង្គរ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
0304
ម្សិលមិញ
:
25812
សប្តាហ៍នេះ
:
26116
ខែនេះ
:
0143415
សរុប
:
011606011