NEWS

មជ្ឈមណ្ឌលបណ្តុះបណ្តាលអង្គរ ចូលរួមទិវាពិព័រណ៌ការងារតម្រង់ទិសអាជីព (Career Fair) លើកទី២ ក្នុងឆ្នាំ២០១៩

Published on 08 June 2019 11:02 AM Post By ៖ Apsara National Authority

កាលពីថ្ងៃទី៦-៧ ខែមិថុនា ឆ្នាំ២០១៩ ក្រុមការងារមជ្ឈមណ្ឌលបណ្តុះបណ្តាលអង្គរបានចូលរួមកម្មវិធីតាំងពិព័រណ៍ការងារសម្រាប់ថ្នាក់មធ្យមសិក្សាទុតិយភូមិ នៅវិទ្យាល័យ ហ៊ុន សែន ប្រាសាទបាគង ស្ថិតក្នុងភូមិឪឡោក ឃុំបាគង ស្រុកប្រាសាទបាគង និងនៅវិទ្យាល័យ អារញ្ញសាគរ ស៊ី អែហ្វ ស៊ី ស្ថិតក្នុងភូមិអារញ្ញ សង្កាត់សៀមរាប ក្រុងសៀមរាប ដែលរៀបចំឡើងដោយអង្គការថែរក្សាដើម្បីកម្ពុជា(Caring for Cambodia)។--

កម្មវិធីនេះធ្វើឡើងដើម្បីរួមចំណែកក្នុងការលើកកម្ពស់ការយល់ដឹងដល់សិស្សានុសិស្សដែលត្រៀមប្រឡងបញ្ចប់ថ្នាក់មធ្យមសិក្សាទុតិយភូមិ និងត្រៀមបន្តការសិក្សាទៅមហាវិទ្យាល័យ ដោយផ្តល់ជាបទពិសោធន៍ដល់សិស្សានុសិស្សឲ្យមានការសម្រេចចិត្តបានត្រឹមត្រូវ ដោយផ្តោតលើគោលបំណង៖ 
១. សិស្សគ្រប់រូបទទួលបានពត៌មាន និងចំណេះដឹងថ្មីៗ មានការសម្រេចចិត្តបានត្រឹមត្រូវដើម្បីបន្តការសិក្សានៅសាកលវិទ្យាល័យ ឬសាលាជំនាញបច្ចេកទេសវិជ្ជាជីវៈផ្សេងៗ
២. សិស្សត្រៀមស្វែងរកការងារអាជីពមួយ ដែលតម្រូវទៅនឹងទីផ្សារការងារប្រកបដោយជោគជ័យ នៅក្នុងជីវភាពរស់នៅរបស់ពួកគេទៅថ្ងៃអនាគត ក៏ដូចជាឈានជើងចូលក្នុងវិស័យការងារផ្សេងៗឲ្យពួកគេបានយល់ដឹងពីពត៌មានផ្សេងៗទាក់ទងនឹងការងារ ការដាក់ពាក្យរៀនបន្តទៅឧត្តមសិក្សា ការដាក់ពាក្យស្នើសុំអាហារូបករណ៍ និងបានស្គាល់ពីលក្ខខណ្ឌ ឬតម្រូវការផ្សេងៗក្នុងការជ្រើសរើសបុគ្គលិកនានា។

អង្គការ/ស្ថាប័នដែលបានចូលរួមជាសមាជិកក្នុងការតាំងពិព័រណ៌ការងារមាន ២០អង្គការ/ស្ថាប័ន រួមមាន៖
- អាជ្ញាធរជាតិអប្សរា APSARA Authority
- សាលា Bai Hotel & Restaurant School
- មជ្ឈមណ្ឌលអូស្ត្រាលីសម្រាប់ការបណ្តុះបណ្តាល Australian Centre For Eduction (ACE)
- សាលារៀនសណ្ឋាគារ “អ្វីៗគ្រប់យ៉ាងនឹងមិនអីទេ” Everything’s Gonna Be Ok (EGBOK)
- សាកលវិទ្យាល័យបញ្ញាសាស្ត្រ Pahnasastra University of Cambodia
- សាកលវិទ្យាល័យសៅស៍អ៊ីសអេយសៀ University Of South-East Asia
- សាកលវិទ្យាល័យបៀលប្រាយ Build Bright University Siem Reap
- វិទ្យាស្ថានវ៉ាន់ដា Vanda Institute of Siem Reap Campus
- វិទ្យាស្ថានពហុបច្ចេកទេសភូមិភាគតេជោសែន Regional Polytechnic Institute Techo Sen
- មជ្ឈមណ្ឌលការងារខេត្តសៀមរាប Siem Reap Job Center
- នាយកដ្ឋានអប់រំយុវជន និងកីឡា ខេត្តសៀមរាប Provincial Department Of Education Siem Reap
- មន្ទីរពេទ្យកុមារអង្គរ Angkor Hospital for Children
- អង្គការ Friend International
- សណ្ឋាគារតារាអង្គរ Tara Angkor Hotel
- ក្លឹបអ្នកអានកម្ពុជា Read Club Cambodia
- សម្ព័ន្ធយុវជនកម្ពុជា
- សណ្ឋាគារ eOcambo Hospitality Group
- មជ្ឈមណ្ឌលធនធានស្រ្តី Women’s Resource Center
- អង្គការដោះមីន CMAC
- អង្គការថែរក្សាដើម្បីកម្ពុជា Caring For Cambodia (CFC)

ក្នុងកម្មវិធីតាំងពិព័រណ៍នេះក្រុមការងារមជ្ឈមណ្ឌលបណ្តុះបណ្តាលអង្គរ នៃអាជ្ញាធរជាតិអប្សរា បាននាំយកនូវសៀវភៅ និងក្រដាសផ្នត់បណ្ណព័ត៌មានផ្សេងៗអំពីការងាររបស់អាជ្ញាធរជាតិអប្សរាក្នុងកិច្ចការពារ និងអភិរក្សរមណីយដ្ឋានអង្គរ និងការងារសហគមន៍ ដាក់តាំងបង្ហាញដល់សិស្សានុសិស្ស និងអ្នកចូលរួមទាំងអស់។

ទន្ទឹមនឹងនេះ ក្រុមការងារបានធ្វើបទបង្ហាញ និងបកស្រាយរាល់សំណួរ និងចម្ងល់របស់សិស្សានុសិស្សដែលបានចោទសួរពីបញ្ហាផ្សេងៗដែលទាក់ទងនឹងការងារអាជ្ញាធរជាតិអប្សរា បេតិកភណ្ឌ វប្បធម៌ទូទៅ និងការងារអភិរក្សរមណីយដ្ឋានបេតិកភណ្ឌពិភពលោកអង្គរ។

ជាចុងបញ្ចប់នៃកម្មវិធីតាំងពិព័រណ៍លោកប្រធានអង្គការបានថ្លែងអំណរគុណ និងចែកជូននូវវត្ថុអនុស្សាវរីយ៍ដល់តំណាងអង្គការ/ស្ថាប័ន ដែលបានសហការណ៍ចូលរួមក្នុងកម្មវិធីពិព័រណ៍នេះ ហើយសង្ឃឹមថាបណ្តាអង្គការ/ស្ថាប័នទាំងនេះនឹងមានវត្តមានចូលរួមសម្រាប់កម្មវិធីក្រោយៗទៀត៕


















-អត្ថបទ៖ លោក ឌួង សូនី -រូបភាព៖ លោក សៀ សុខុន និងលោក សែ សម្បត្តិ
តាមការព្យាករណ៍ទុក នៅព្រលឹមថ្ងៃទី២៣ ខែកញ្ញា ឆ្នាំ២០១៦ខាងមុខនេះ នាវេលាប្រមាណចាប់ម៉ោង៥ទៅ៦ភ្លឺ យើងនឹងឃើញព្រះអាទិត្យនឹងរះឡើងតាមកំពូលប្រាង្គកណ្តាលនៃអង្គរវត្ត។ ហេតុការណ៍នេះតែងបានទាក់ទាញ ចំណាប់អារម្មណ៍ពីសំណាក់ភ្ញៀវទេសចរជាតិនិងអន្តរជាតិយ៉ាងច្រើន ដែលចង់ឃើញព្រឹត្តការណ៍ដ៏អស្ចារ្យ ហើយចង់ផ្តិតយករូបភាពនេះទុកជាអនុស្សាវរីយ៍។ ហេតុអ្វីមានព្រឹត្តិការណ៍បែបនេះកើតឡើង? តើជាព្រឹត្តការណ៍មានពាក់ព័ន្ធអ្វីនឹងសំណង់ស្ថាបត្យកម្មអង្គរវត្ត?
ក្រុមការងារសហគមន៍នីមួយៗរបស់អាជ្ញាធរជាតិអប្សរាត្រូវបានចុះទៅតាមគោលដៅរៀងៗខ្លួន ក្នុងមួយសប្តាហ៍ ២ ដង ដើម្បីបញ្ជ្រាបចំណេះដឹងអំពីបេតិកភណ្ឌសំដៅជម្រុញការចូលរួមរបស់ប្រជាជនក្នុងកិច្ចការអភិរក្ស។ ក្រៅពីនោះទៀត ក្រុមការងារក៏បានសាកសួរសុខទុក្ខ និងស្វែងយល់ឱ្យដឹងពីតម្រូវការរបស់ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ និងផ្តល់នូវសេវាកម្មនានាពាក់ព័ន្ធការសាងសង់សំណង់។ លើសពីនេះ ប្រជាពលរដ្ឋដែលរស់នៅក្នុងតំបន់រមណីយដ្ឋាន ត្រូវបានអាជ្ញាធរជាតិអប្សរាយកចិត្តទុកដាក់យ៉ាងខ្លាំងទាក់ទងនឹងជីវភាពគ្រួសារ និងសុខុមាលភាព។
មជ្ឈមណ្ឌលអាជ្ញាធរជាតិអប្សរា មានកិត្តិយសសូមជម្រាបជូនបងប្អូនប្រជាពលរដ្ឋ ភ្ញៀវជាតិ-អន្តរជាតិ មគ្គុទ្ទេសក៍ទេសចរណ៍ ព្រមទាំងសាធារណជនទាំងអស់មេត្តាជ្រាបថា នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន នៃមជ្ឈមណ្ឌលអាជ្ញាធរជាតិអប្សរានឹងធ្វើការកាត់តួដើមស្ពង់ងាប់ដែលនៅសល់ពីការកាត់លើកមុនចំនួន ០២ដើម ពាក់កណ្តាលបន្ថែមទៀត ដើមជ្រៃងាប់ ០១ដើម និងកាត់ក្រីមែកងាប់ ដើមខ្នុរព្រៃ ០១ដើម នៅក្នុងបរិវេណប្រាសាទតាព្រហ្ម ដើម្បីបង្ការ និងបញ្ចៀសគ្រោះថ្នាក់ជាយថាហេតុដល់អាយុជីវិតរបស់មនុស្ស និងការខូចខាតដល់ថ្មប្រាសាទ។
ការថែរក្សាការពារនិងអភិរក្សប្រាង្គប្រាសាទ ទំនៀមទម្លាប់ប្រពៃណីនិងបរិស្ថានគឺទាមទារឲ្យមានការចូលរួមពីប្រជាពលរដ្ឋនិងគ្រប់គូភាគីដែលពាក់ព័ន្ធទាំងអស់ ដើម្បីលើកកម្ពស់នូវតម្លៃសម្បត្តិបេតិកភណ្ឌដ៏ល្អឯកដល់មនុស្សជាតិជំនាន់ក្រោយទៀត។ ហេតុផលនេះហើយ ដែលអាជា្ញធរជាតិអប្សរាបង្កើតក្រុមការងារសហគមន៍ អប់រំផ្សព្វផ្សាយអំពីបេតិកភណ្ឌជាប្រចាំ ដល់ប្រជាពលរដ្ឋនៅក្នុងតំបន់រមណីយដ្ឋានអង្គរ សាលារៀន និងតាមបណ្តាសាកលវិទ្យាល័យនានាក្នុងក្រុងខេត្តសៀមរាបទាំងមូល ដើម្បីឲ្យគ្រប់គ្នាបានយល់ ហើយរួមគ្នាជួយថែរក្សាការពារនិងអភិរក្សនូវសម្បត្តិបេតិកភណ្ឌទាំងអស់នោះ។
កាលពីថ្ងៃទី៦ ខែកញ្ញា ឆ្នាំ២០១៦កន្លងទៅនេះ គម្រោងអភិវឌ្ឍន៍ភូមិធម្មជាតិរុនតាឯក បានផ្តល់បទពិសោធន៍ការងារកសិកម្ម ដល់សហគមន៍កសិកម្មមួយដែលមកពីភូមិដំណាក់ខ្ចាស់ ឃុំសំបួរ ស្រុកក្រឡាញ់ ខេត្តសៀមរាប។ សហគមន៍កសិកម្មភូមិដំណាក់ខ្ចាស់ ជាសហគមន៍វ័យក្មេងដែលទើបបង្កើតឡើងបានជាងមួយឆ្នាំ ផ្តោតសំខាន់លើការងារកសិកម្ម និងចិញ្ចឹមសត្វ ដែលជាការបង្កើតឡើងដោយប្រជាពលរដ្ឋក្នុងភូមិផ្ទាល់។ ការមកទទួលយកបទពិសោធន៍ពីគម្រោងអភិវឌ្ឍន៍ភូមិធម្មជាតិតាឯកនៅពេលនេះ គឺក្នុងគោលបំណងពង្រឹងចំណេះដឹងលើវិស័យកសិកម្ម និងជាពិសេសគឺការធ្វើជីធម្មជាតិ។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
3
Today
:
1818
Yesterday
:
2530
This Week
:
04348
This Month
:
0276434
Total
:
010587650