ព័ត៌មានថ្មីៗ

អាជ្ញាធរជាតិអប្សរានឹងរៀបចំសណ្ដាប់ធ្នាប់តូបលក់ដូរនៅមុខប្រាសាទព្រះពិធូរ

បានផ្សាយនៅ ថ្ងៃទី 07 ខែ មិថុនា ឆ្នាំ2019 09:48 AM ដោយ ៖ អាជ្ញាធរជាតិអប្សរា

នៅព្រឹកថ្ងៃសុក្រ ៥កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៧ ខែមិថុនា ឆ្នាំ២០១៩ នៅស្នាក់ការអាជ្ញាធរជាតិអប្សរាបានរៀបចំកិច្ចប្រជុំពិភាក្សាស្ដីពីការរៀបចំកែលម្អសោភ័ណភាពនិងសណ្ដាប់ធ្នាប់ការលក់ដូរនៅមុខប្រាសាទព្រះពិធូរ ដោយមានការចូលរួមពីមន្រ្តីពាក់ព័ន្ធនៃអាជ្ញាធរជាតិអប្សរា រួមនិងអ្នកជំនាញការអាដហុកនៃគណៈកម្មាធិការអាយស៊ីស៊ី-អង្គរ។

កិច្ចប្រជុំបានពិភាក្សាលើផលប៉ះពាល់បណ្ដាលមកពីការលក់ដូរគ្មានសណ្ដាប់ធ្នាប់ ព្រោះទីតាំងលក់ដូរក្នុងពេលបច្ចុប្បន្នបានធ្វើឱ្យប៉ះពាល់ធ្ងន់ធ្ងរដល់តម្លៃនិងសោភ័ណភាពរបស់ប្រាសាទព្រះពិធូរ។ ហេតុដូច្នេះហើយ កិច្ចប្រជុំបានពិភាក្សាស្វែងរកដំណោះស្រាយសមស្របផ្សេងៗនាពេលខាងមុខធ្វើយ៉ាងណាឱ្យតំបន់នោះមានសោភ័ណភាព របៀបរៀបរយឡើងវិញ។

ដើម្បីអនុវត្តន៍ការងារនេះ អាជ្ញាធរជាតិអប្សរាបានបង្កើតក្រុមការងារជំនាញរួចហើយ ដែលក្រុមការងារនេះកំពុងធ្វើការយ៉ាងខ្ជាប់ខ្ជួន ស្វែងរកដំណោះស្រាយសមស្របអំពីបញ្ហាខាងលើ៕












អត្ថបទ៖ អ៊ីសា រ៉ហ៊ីណី រូបភាព៖ លោក ហាប់ គឹមអាន
ប្រាសាទទន្លេស្ងួត គឺជាមន្ទីរពេទ្យបុរាណកសាងឡើងក្នុងរាជព្រះបាទជ័យវរ្ម័នទី៧ នាចុងស.វ.ទី១២ និងដើមទី១៣។ បច្ចុប្បន្ន ប្រាសាទនេះរងនូវការខូចខាតជាខ្លាំង ដែលអ្នកជំនាញអាជ្ញាធរជាតិអប្សរាកំពុងកាត់យកចេញនូវដើមឈើដែលដុះលើតួប្រាសាទ និងដំណើរការរុះរើថ្មប្រាសាទទន្លេស្ងួត ដើម្បីធ្វើការអភិរក្សនិងជួសជុលពង្រឹងឡើងវិញ។
យោងតាមអនុសាសន៍ណែនាំរបស់សម្តេចអគ្គមហាសេនាបតីតេជោ ហ៊ុន សែន ជូនលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា ឱ្យមានការកែលម្អផ្លូវសម្តេចវិបុលបញ្ញា សុខ អាន (ផ្លូវ៦០ម៉ែត្រ) ទើបអាជ្ញាធរជាតិអប្សរាបានប្រកាសរកនិស្សិតដែលមានសមត្ថភាពបញ្ចេញស្នាដៃលើគម្រោងកែលម្អផ្លូវនេះដែលបញ្ចូលទាំងគំនិតអភិវឌ្ឍន៍និងអភិរក្ស។
នៅព្រឹកថ្ងៃទី២ ខែកញ្ញា ឆ្នាំ២០១៩នេះ ក្រុមនិស្សិតវិទ្យាស្ថានបច្ចេកវិទ្យាព័ត៌មាននៃសាកលវិទ្យាល័យ ហេង សំរិន ត្បូងឃ្មុំ ផ្នែកព័ត៌មានវិទ្យាជំនាន់ទី១ និងទី២ បានធ្វើទស្សនកិច្ចសិក្សាស្វែងយល់ពីការងារទូទៅរបស់អាជ្ញាធរជាតិអប្សរា។ ទស្សនកិច្ចសិក្សានេះធ្វើឡើងក្នុងបំណងដើម្បីស្វែងយល់ពីការគ្រប់គ្រងទូទៅរបស់អាជ្ញាធរជាតិអប្សរា។
តាមរយៈការស្នើសុំរបស់សាលាសង្កាត់ស្លរក្រាម រួមទាំងព្រះចៅអធិការវត្តព្រះឥន្ទកោសីយ៍ នៅពីថ្ងៃទី០១ ខែកញ្ញា ឆ្នំា២០១៩ នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរា បានអនុវត្តការងារកាត់ក្រៃមែកឈើ និងកាប់ដើមឈើដែលមានហានិភ័យខ្ពស់នៅជុំវិញបរិវេណវត្តព្រះឥន្ទកោសីយ៍។
នាព្រឹកថ្ងៃទី៣១ ខែសីហា ឆ្នាំ២០១៩ ឯកឧត្តម យិត ចាន់ដារដ្ឋ អគ្គនាយករងអាជ្ញាធរជាតិអប្សរា កងកម្លាំងមានសមត្ថកិច្ច ក្រសួង មន្ទីរចំណុះឲ្យរដ្ឋ សិស្សានុសិស្ស សសយក កាកបាទក្រហម និងប្រជាពលរដ្ឋជាច្រើយរយនាក់ បានអញ្ជើញចូលរួមក្នុងពិធីដាំកូនឈើចំនួន១៧១៧៩ដើមនៅលើភ្នំគូលែន ក្រោមប្រធានបទ «សៀមរាបផ្ទះខ្ញុំ ភ្នំគូលែនខ្ញុំ» ក្រោមអធិបតីភាព សម្តេចពិជ័យសេនា ទៀ បាញ់ ឧបរដ្ឋមន្ត្រី រដ្ឋមន្ត្រីទទួលបន្ទុកក្រសួងការពារជាតិ នាភូមិតាពេញ ឃុំខ្នងភ្នំ ស្រុកស្វាយលើ ខេត្តសៀមរាប។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
3162
ម្សិលមិញ
:
12815
សប្តាហ៍នេះ
:
15977
ខែនេះ
:
0098932
សរុប
:
009058503