ព័ត៌មានថ្មីៗ

សារមន្ទីរវាយនភណ្ឌប្រពៃណីអាស៊ី បើកវគ្គបណ្តុះបណ្តាលស្តីអំពីការអភិរក្សវាយនភណ្ឌ

បានផ្សាយនៅ ថ្ងៃទី 05 ខែ មិថុនា ឆ្នាំ2019 08:59 AM ដោយ ៖ អាជ្ញាធរជាតិអប្សរា

សារមន្ទីរវាយនភណ្ឌប្រពៃណីអាស៊ី បានសហការជាមួយសារមន្ទីរឧក្រិដ្ឋកម្មប្រល័យពូជសាសន៍ទួលស្លែង បើកវគ្គបណ្តុះបណ្តាលស្តីពី «ការអភិរក្សវាយនភណ្ឌ» រយៈពេល១១ថ្ងៃដល់មន្ត្រី-បុគ្គលិកអាជ្ញាធរជាតិអប្សរា ចាប់ពីថ្ងៃទី០៣ ខែមិថុនា ដល់ទី១៣ ខែមិថុនា ឆ្នាំ២០១៩ ដោយផ្តោតសំខាន់លើទ្រឹស្តី និងការអនុវត្តផ្ទាល់។ ពិធីបើកវគ្គបណ្តុះបណ្តាលក្រោមអធិបតីភាពឯកឧត្តម យិត ចាន់ដារដ្ឋ អគ្គនាយករង តំណាងដ៏ខ្ពង់ខ្ពស់ឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា។

អ្នកស្រីម៉ូវ ចរិយា នាយិកាស្តីទីនៃសារមន្ទីរវាយនភណ្ឌប្រពៃណីអាស៊ី បានឱ្យដឹងថា ការថែរក្សា និងតាំងបង្ហាញវត្ថុសិល្បៈវាយនភណ្ឌ ជួបប្រទះការលំបាក ដែលទាមទារអ្នកជំនាញច្បាស់លាស់ក្នុងការថែរក្សាវត្ថុសិល្បៈទាំងនេះ។ ដូច្នេះហើយការបង្កើតវគ្គសិក្សានេះដើម្បីផ្តល់ចំណេះដឹងបន្ថែមដល់មន្រ្តី-បុគ្គលិកបច្ចេកទេសឱ្យស្វែងយល់កាន់តែស៊ីជម្រៅអំពីរបៀបអភិរក្ស ការគ្រប់គ្រងកម្តៅ ជាពិសេសការពារសត្វល្អិតដែលយាយីដល់សមុច្ច័យ ដែលកំពុងថែរក្សា និងតាំងបង្ហាញ។

អ្នកស្រី ខូ ចិន្តា ប្រធានផ្នែកអភិរក្សនិងជួសជុលវាយនភណ្ឌនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង ជាគ្រូបង្គោលនៃវគ្គបណ្តុះបណ្តាលបានឱ្យដឹងថា ការអភិរក្សវាយនភណ្ឌមានសារៈសំខាន់ណាស់ ព្រោះវត្ថុទាំងអស់នេះបានផ្តល់នូវព័ត៌មាន និងទិន្នន័យទាក់ទងនឹងព្រឹត្តិការណ៍ផ្សេងៗក្នុងសង្គម។ អ្នកស្រីបន្ថែមថា ការអភិរក្សវាយនភណ្ឌមានបញ្ហាប្រឈមខ្លះៗដូចជាសំណើម និងសត្វល្អិតជាដើម ហើយបច្ចេកទេសនៃការថែរក្សា គឺអាស្រ័យលើស្ថានភាពវត្ថុ។

សូមបញ្ជាក់ដែរថា សិក្ខាកាមដែលចូលរួមមានចំនួន២១នាក់ មកពីសារមន្ទីរវាយនភណ្ឌប្រពៃណីអាស៊ី១១នាក់ នាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភ ណ្ឌ៣នាក់ ក្រុមបច្ចេកទេសអ៊ីតាលីយ៉ា៤នាក់ សារមន្ទីរព្រះនរោត្តមសីហនុ-អង្គរ២នាក់ សារមន្ទីរឡតានី១នាក់។ ចាប់ពីថ្ងៃទី០៣ ដល់ទី០៥ រៀនទ្រឹស្តី និងអនុវត្តនៅសារមន្ទីរវាយនភណ្ឌប្រពៃណីអាស៊ីដោយផ្ទាល់ ហើយថ្ងៃទី០៦ ដល់ទី១៣ សិក្ខាកាមនឹងធ្វើទស្សនកិច្ចសិក្សាសារមន្ទីរជាតិទូលស្លែង ហ្វឹកហាត់ការងារ មើលការតាំងពិព័រណ៍សមុច្ច័យ និងរោងជាងនៅសារមន្ទីរជាតិភ្នំពេញដើម្បីដកស្រង់បទពិសោធន៍ការងារ៕














អត្ថបទ៖ លោក យី សុថា    រូបភាព៖ កញ្ញា ហ៊ីង ស្រីរ័ត្ន និងលោក យី សុថា
ជាលទ្ធផលការចុះតាមដានភាពអនុលោមជាប្រចាំនៃប្រព័ន្ធគ្រប់គ្រងបរិស្ថានអង្គរ នៃសវនកម្មផ្ទៃក្នុងប្រព័ន្ធគ្រប់គ្រងបរិស្ថាន-អង្គរ ISO 14001: 2015 មកពីគ្រប់យកដ្ឋាន និងអង្គភាពចំណុះទាំង១៦របស់អាជ្ញាធរជាតិអប្សរា រយៈពេល៥ថ្ងៃ ចាប់ពីថ្ងៃទី១៨ ដល់ថ្ងៃទី២២ ខែវិច្ឆកា ឆ្នាំ២០១៩ មកដល់នេះ ទទួលបានការវាយតម្លៃ បង្ហាញថា សូន្យភាពមិនអនុលោម ២ចំណុចតាមសង្កេត ២៥អនុសាសន៍ និង៥ចំណុចប្រសើរ។
បន្ទាប់ពីទទួលបានការអនុញ្ញាតឲ្យជួសជុល កែលម្អគេហដ្ឋាន ឬរុះរើផ្ទះចាស់សាងសង់ផ្ទះថ្មីជំនួស អ្នកស្រុកបានធ្វើការជួសជុល កែលម្អគេហដ្ឋាន ឬរុះរើផ្ទាស់ចាស់សាងសង់ផ្ទះថ្មីជំនួស ខុសពីលិខិតអនុញ្ញាត ដែលធ្វើឱ្យសំណង់របស់ពួកគេក្លាយជាសំណង់ខុសច្បាប់ទៅវិញ។
ប្រាសាទព្រហ្មកិល ជាមន្ទីរពេទ្យបុរាណក្នុងរាជព្រះបាទជ័យវរ្ម័នទី៧ កសាងអំពីថ្មភក់ ចុងសតវត្សរ៍ទី១២ ឧទ្ទិសដល់ព្រះពុទ្ធសាសនាមហាយាន។ នាពេលបច្ចុប្បន្នប្រាសាទនេះមានសភាពទ្រុឌទ្រោម រងការខូចខាតជាខ្លាំង ដោយជញ្ជាំងប្រាសាទមួយផ្នែកនៅជ្រុងនិរតីបានដួលរលំ និងខឿនប្រាសាទរលុះស្ទើរតែទាំងស្រុង។
ក្នុងឱកាសដឹកនាំគណៈប្រតិភូចូលរួមកិច្ចប្រជុំមហាសន្និបាតទូទៅលើកទី៤០នៃអង្គការយូណេស្កូ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា បាននាំយកទៅជាមួយនូវគ្រឿងឥស្សរិយយស សហមេត្រី ថ្នាក់មហាសេនា ដើម្បីបំពាក់ជូនមន្ត្រីថ្នាក់ដឹកនាំសំខាន់ៗនៃអង្គការយូណេស្កូដែលបានខិតខំជួយជ្រោមជ្រែងកម្ពុជាឲ្យសម្រេចបាននូវសមិទ្ធផលធំធេងជាច្រើននាពេលកន្លងមក។
ប្រតិភូអចិន្ត្រៃយ៍រងនៃស្ថានប្រតិភូអចិន្ត្រៃយ៍ព្រះរាជាណាចក្រកម្ពុជាប្រចាំអង្គការយូណេស្កូ ឯកឧត្តម ដេវីត មាសកេត ត្រូវបានជ្រើសរើសធ្វើជាអ្នករាយការណ៍សម្រាប់គណៈកម្មការទី៤ទទួលបន្ទុកកិច្ចការវប្បធម៌និងបេតិកភណ្ឌក្នុងវេទិការដ្ឋមន្ត្រីវប្បធម៌ក្នុងខណៈដែលវេទិកានេះកំពុងតែប្រព្រឹត្តទៅនាទីស្នាក់ការកណ្តាលនៃអង្គការយូណេស្កូ នាទីក្រុងប៉ារីស ប្រទេសបារាំង។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
4987
ម្សិលមិញ
:
15745
សប្តាហ៍នេះ
:
67485
ខែនេះ
:
0078666
សរុប
:
009547423