ព័ត៌មានថ្មីៗ

អ្នកជំនាញការអាដហុកនៃគណៈកម្មាធិការអាយស៊ីស៊ី-អង្គរ ចាត់ទុកការសម្រេចព្រះទ័យរបស់ព្រះសង្ឃវត្តលលៃជាការចូលរួមចំណែកដ៏គួរឱ្យគោរពនិងយកគំរូតាមក្នុងកិច្ចការបេតិកភណ្ឌ

បានផ្សាយនៅ ថ្ងៃទី 03 ខែ មិថុនា ឆ្នាំ2019 09:05 AM ដោយ ៖ អាជ្ញាធរជាតិអប្សរា

នៅក្នុងដំណើរចុះតាមដានអនុសាសន៍ពាក់ព័ន្ធនឹងបច្ចេកទេសនៃកិច្ចការអភិរក្ស ជួសជុលប្រាសាទនៅតំបន់ឧទ្យានរលួស នាព្រឹកថ្ងៃច័ន្ទ ១កើត ខែជេស្ឋ ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី០៣ ខែមិថុនា ឆ្នាំ២០១៩ របស់អ្នកជំនាញអាដហុកនៃគណៈកម្មាធិការអន្ដរជាតិសម្របសម្រួល ការគាំពារ និងអភិវឌ្ឍន៍តំបន់ប្រវត្តិសាស្រ្ដអង្គរ (អាស៊ីស៊ី-អង្គរ) លោកសាស្រ្តាចារ្យ Mounir Bouchenaki បានចាត់ទុកការសម្រេចព្រះទ័យរបស់ព្រះសង្ឃនៅវត្តលលៃដោយព្រមផ្លាស់ទីកុដិមកគង់នៅខាងក្រោមប្រាសាទ គឺជាការចូលរួមចំណែកលើកស្ទួយការអភិរក្សប្រាសាទ ការស្រឡាញ់មរតកដូនតាខ្មែរ និងយល់ពីតម្លៃបេតិកភណ្ឌពិភពលោក។ នេះជាគំរូដ៏ល្អគួរឱ្យគោរពនិងកោតសរសើរ ដែលបុរាណដ្ឋានដទៃទៀតនៅក្នុងតំបន់អង្គរនិងពិភពលោកគួរយកគំរូតាម។

លោកសាស្ត្រាចារ្យបន្តថា អ្នកជំនាញការនៃអាយស៊ីស៊ី-អង្គរ នឹងធ្វើរបាយការណ៍មួយជូនទៅគណៈកម្មការបេតិកភណ្ឌពិភពលោកដើម្បីជម្រាបអំពីភាពជាគំរូរបស់កម្ពុជាក្នុងកិច្ចការអភិរក្សនិងអភិវឌ្ឍន៍រមណីយដ្ឋានបេតិកភណ្ឌពិភពលោក និងភាពស៊ីចង្វាក់គ្នារវាងអាជ្ញាធរជាតិអប្សរា ព្រះសង្ឃ សហគមន៍ និងអាជ្ញាធរមូលដ្ឋានក្នុងការដោះស្រាយបញ្ហាដោយសន្តិវិធីទាក់ទងនឹងតម្លៃជាសាកលរបស់ប្រាសាទត្រូវអភិរក្សនិងការគោរពជំនឿសាសនារបស់ប្រជាជនខ្មែរ។

ក្នុងនាមអ្នកសម្របសម្រួលដ៏សំខាន់ជាមួយព្រះសង្ឃនឹងការអភិរក្សប្រាសាទ ព្រះមេគណខេត្តសៀមរាប ព្រះអង្គ ជុំ គឹមឡេង មានសង្ឃដីកាថា វត្តលលៃជាវត្តដែលព្រះសង្ឃសង់កុដិ សាលាឆាន់ ព្រះវិហារនៅលើខឿនប្រាសាទ ធ្វើឱ្យប៉ះពាល់ដល់គ្រឹះប្រាសាទនិងតម្លៃប្រាសាទ។ ប៉ុន្តែអាត្មាសប្បាយចិត្ត ដែលវត្តលលៃក្លាយជាគំរូទីមួយដែលយល់ពីតម្លៃបេតិកភណ្ឌ ដោយព្រះសង្ឃ អាចារ្យ គណៈកម្មការវត្ត ពុទ្ធបរិស័ទបានចូលរួមការពារសម្បត្តិដូនតាដោយក្តីស្រឡាញ់ ហើយព្រមនិមន្តផ្លាស់ទីកុដិមកគង់នៅខាងក្រោម តាមអនុសាសន៍របស់គណៈកម្មាធិការអាយស៊ីស៊ី-អង្គរ ដើម្បីទុកលទ្ធភាពឱ្យអ្នកជំនាញថែរក្សានិងអភិរក្សប្រាសាទ។

ព្រះតេជគុណក៏បានអរគុណដល់អាជ្ញាធរជាតិអប្សរាចំពោះកិច្ចសម្របសម្រួលផ្សេងៗ និងបានដង្ហែផ្កាប្រាក់សាមគ្គីក្នុងការសាងសង់កុដិថ្មីប្រគេនព្រះសង្ឃថែមទៀត។ ព្រះតេជគុណក៏សំណូមពរឱ្យញោមញាតិចេះស្រឡាញ់ ចេះថែរក្សា ចូលរួមការពារសម្បត្តិដូនតា សម្បត្តិបេតិកភណ្ឌពិភពលោក បើកាលណាយើងនាំគ្នាសាងសង់ផ្ទះ សាលា វត្តអារាមនៅក្បែរប្រាសាទដោយមិនបានថែរក្សា ការពារត្រឹមត្រូវ វានឹងនាំឱ្យមានផលប៉ះពាល់ដល់តម្លៃជាតិ កេរមរតកដូនតាឱ្យខូចខាតមិនខាន៕











អត្ថបទ៖ កញ្ញា ហ៊ីង ស្រីរ័ត្ន រូបភាព៖ លោក សឿន ប៊ុនស៊រ
ការថែរក្សាការពារនិងអភិរក្សប្រាង្គប្រាសាទ ទំនៀមទម្លាប់ប្រពៃណីនិងបរិស្ថានគឺទាមទារឲ្យមានការចូលរួមពីប្រជាពលរដ្ឋនិងគ្រប់គូភាគីដែលពាក់ព័ន្ធទាំងអស់ ដើម្បីលើកកម្ពស់នូវតម្លៃសម្បត្តិបេតិកភណ្ឌដ៏ល្អឯកដល់មនុស្សជាតិជំនាន់ក្រោយទៀត។ ហេតុផលនេះហើយ ដែលអាជា្ញធរជាតិអប្សរាបង្កើតក្រុមការងារសហគមន៍ អប់រំផ្សព្វផ្សាយអំពីបេតិកភណ្ឌជាប្រចាំ ដល់ប្រជាពលរដ្ឋនៅក្នុងតំបន់រមណីយដ្ឋានអង្គរ សាលារៀន និងតាមបណ្តាសាកលវិទ្យាល័យនានាក្នុងក្រុងខេត្តសៀមរាបទាំងមូល ដើម្បីឲ្យគ្រប់គ្នាបានយល់ ហើយរួមគ្នាជួយថែរក្សាការពារនិងអភិរក្សនូវសម្បត្តិបេតិកភណ្ឌទាំងអស់នោះ។
កាលពីថ្ងៃទី៦ ខែកញ្ញា ឆ្នាំ២០១៦កន្លងទៅនេះ គម្រោងអភិវឌ្ឍន៍ភូមិធម្មជាតិរុនតាឯក បានផ្តល់បទពិសោធន៍ការងារកសិកម្ម ដល់សហគមន៍កសិកម្មមួយដែលមកពីភូមិដំណាក់ខ្ចាស់ ឃុំសំបួរ ស្រុកក្រឡាញ់ ខេត្តសៀមរាប។ សហគមន៍កសិកម្មភូមិដំណាក់ខ្ចាស់ ជាសហគមន៍វ័យក្មេងដែលទើបបង្កើតឡើងបានជាងមួយឆ្នាំ ផ្តោតសំខាន់លើការងារកសិកម្ម និងចិញ្ចឹមសត្វ ដែលជាការបង្កើតឡើងដោយប្រជាពលរដ្ឋក្នុងភូមិផ្ទាល់។ ការមកទទួលយកបទពិសោធន៍ពីគម្រោងអភិវឌ្ឍន៍ភូមិធម្មជាតិតាឯកនៅពេលនេះ គឺក្នុងគោលបំណងពង្រឹងចំណេះដឹងលើវិស័យកសិកម្ម និងជាពិសេសគឺការធ្វើជីធម្មជាតិ។
ក្រោមការរៀបចំរបស់មូលនិធិបេតិកភណ្ឌវប្បធម៌កូរ៉េ (KOCHEF) និងភ្នាក់ងារសហប្រតិបត្តិការអន្តរជាតិកូរ៉េ (KOICA) ក្នុងក្របខណ្ឌគម្រោងអភិរក្សប្រាទព្រះពិធូរ មន្ត្រីជំនាញ១០រូបនៃអាជ្ញាធរជាតិអប្សរា ត្រូវបានអញ្ជើញទៅកាន់ប្រទេសកូរ៉េរយៈពេល២សប្តាហ៍ ចាប់ពីថ្ងៃទី២០ ខែសីហា ដល់ថ្ងៃទី៣ខែកញ្ញា ឆ្នាំ២០១៦។ បេសកកម្មនេះ គឺផ្តោតទៅលើការបណ្តុះបណ្តាល និងចែករំលែកបទពិសោធន៍អំពីការងារគ្រប់គ្រងបេតិកភណ្ឌនៃប្រទេសទាំងពីរ។
អាជ្ញាធរជាតិអប្សរាបានផ្តល់បច្ចេកទេសធ្វើជីកំប៉ុស្តិ៍កសិកម្មតាមបែបធម្មជាតិដល់ប្រជាពលរដ្ឋ ដែលភាគច្រើនជាប្រជាកសិករធ្វើស្រែចំការកំពុងរស់នៅក្នុងតំបន់អង្គរ ដើម្បីឲ្យពួកគាត់ចេះរបៀបធ្វើជីកំប៉ុស្តិ៍ដោយខ្លួនឯង ។ ការផ្តល់បច្ចេកទេសធ្វើជីកំប៉ុស្តិ៍នេះគឺ ដើម្បីថែរក្សា ការពារ និងអភិរក្សនូវរបៀបរបបធ្វើកសិកម្មតាមបែបធម្មជាតិរបស់បុព្វបុរសខ្មែរនាសម័យអាណាចក្រអង្គរដ៏រុងរឿងផង និងដើម្បីលើកកម្ពស់សេដ្ឋកិច្ចគ្រួសាររបស់ប្រជាពលរដ្ឋដែលរស់នៅក្នុងតំបន់អង្គរនាពេលបច្ចុប្បន្នឲ្យមានជីវភាពធូរធារឡើងផង ក្រោមទស្សនវិស័យថា«អភិរក្សដើម្បីអភិវឌ្ឍន៍ អភិវឌ្ឍន៍ដើម្បីអភិរក្ស»។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
10566
ម្សិលមិញ
:
19908
សប្តាហ៍នេះ
:
10566
ខែនេះ
:
0291395
សរុប
:
010247542