ព័ត៌មានថ្មីៗ

មន្រ្តី-បុគ្គលិកជំនាញគ្រប់គ្រងបេតិកភណ្ឌពិភពលោកតំបន់អង្គរ និងព្រះវិហារបានបញ្ចប់ទស្សនកិច្ចសិក្សាដោយជោគជ័យ

បានផ្សាយនៅ ថ្ងៃទី 03 ខែ មិថុនា ឆ្នាំ2019 08:56 AM ដោយ ៖ អាជ្ញាធរជាតិអប្សរា

តាមរយៈកម្មវិធីបណ្តុះបណ្តាល Technical Exchange NAPAV/APSARA ក្រោមកិច្ចសហការរបស់ស្ថានទូតអាមេរិក ដឹកនាំដោយសាស្រ្តាចារ្យ Barbara J. Anello-Adnani រយៈពេល៤ថ្ងៃ ចាប់ពីថ្ងៃទី៣១ ខែឧសភា ដល់ថ្ងៃទី០៣ ខែមិថុនា ឆ្នាំ២០១៩ បានបញ្ចប់ហើយ និងប្រកបដោយជោគជ័យ។ វគ្គសិក្សាថ្មី នឹងចាប់ផ្តើមពីខែកញ្ញា ដល់ខែមិថុនាខាងមុខ។

អ្នកស្រីសាស្រ្តចារ្យ Barbara J. Anello-Adnan បានលើកឡើងថា សិក្ខាកាមបានស្វែងយល់ស៊ីជម្រៅតាមសហគមន៍ ប្រាសាទ និងការដ្ឋានជួសជុលនានាក្នុងតំបន់អង្គរ ហើយសិក្ខាកាមចែករំលែកបទពិសោធន៍ទៅតាមជំនាញរបស់ខ្លួន។ អ្នកស្រីសង្ឃឹមថា តាមរយៈកម្មវិធីនេះនឹងជំរុញឱ្យមន្រ្តី-បុគ្គលិកទាំងអស់យកចិត្តទុកដាក់ស្វែងយល់ ចេះចែករំលែក មានទំនាក់ទំនងកាន់តែជិតស្និទ្ធិជាងនេះ ហើយទៅអនាគតអ្នកទាំងនោះនឹងក្លាយជាអ្នកជំនាញយ៉ាងពិតប្រាក។

កញ្ញា ស៊ីវ ស៊ីណេត សិក្ខាកាមមកពីនាយកដ្ឋានរៀបចំដែនដីនៅក្នុងឧទ្យានអង្គរ បានឱ្យដឹងថា វគ្គបណ្តុះបណ្តាលនេះមានសារៈសំខាន់ណាស់ សូម្បីតែមន្រ្តី-បុគ្គលិកដែលមានជំនាញ និងស្ថាប័នផ្សេងគ្នា មានឱកាសរៀនសូត្រជាមួយគ្នា ស្វែងយល់ពីកិច្ចការអភិរក្ស បច្ចេកទេសនៃការជួសជុលប្រាសាទនៅតំបន់អង្គរ និងការជួបប្រទះការលំបាកផ្សេងៗអំឡុងពេលបំពេញការងារតាមរយៈការចែករំលែកបទពិសោធន៍ក្នុងកម្មវិធីនេះ ដែលកន្លងមកកញ្ញាពុំបានដឹងច្បាស់។

លោក ព្រំ កុសល សិក្ខាកាមមកពីនាយកដ្ឋាន រមណីយដ្ឋាន និងបុរាណវិទ្យា នៃអាជ្ញាធរជាតិព្រះវិហារ បានថ្លែងអំណរគុណដល់ថ្នាក់ដឹកនាំនៃស្ថាប័នទាំងពីរ និងស្ថានទូតអាមេរិក ដែលបានរៀបកម្មវិធីនេះឡើង ក្រៅពីបានបង្ករភាពស្និទ្ធិស្នាលរវាងមន្រ្តី-បុគ្គលិកនៃស្ថាប័នទាំងពីរវាជាឱកាសសម្រាប់មន្រ្តី-បុគ្គលិកជំនាញនៃអាជ្ញាធរជាតិព្រះវិហារបានទទួលបទពិសោធន៍ល្អៗពីការគ្រប់គ្រងភ្ញៀវទេសចរ ការជួសជុល និងអភិរក្សរមណីយដ្ឋានអង្គរ។ លោកបានសំណូមពរឱ្យមានកម្មវិធីនេះនៅបន្តធ្វើរហូត និងចុះធ្វើទស្សនកិច្ចក្នុងនិងក្រៅតំបន់ដើម្បីទទួលបានចំណេះដឹងថ្មីៗផ្នែកវប្បធម៌ និងមានវប្បធម៌ចែករំលែកគ្នាទៅវិញទៅមក៕









អត្ថបទ៖ លោកយី សុថា      រូបភាព៖ លោកហាប់គឹម អាន និងលោកហ៊ុំ រិទ្ធី
រយៈពេល៤ថ្ងៃនៃទិវាឯករាជ្យជាតិនិងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅខេត្តសៀមរាបឆ្នាំ២០១៩ មានភ្ញៀវទេសចរមកទស្សនារមណីយដ្ឋានអង្គរយ៉ាងច្រើនកុះករ។
នៅព្រឹកថ្ងៃទី១២ ខែ វិច្ឆិកា ឆ្នាំ២០១៩ ព្រះសង្ឃនិងគណៈកម្មការវត្តលលៃ បានចាប់ផ្តើមរំកិលកុដិចុះមកខាងក្រោមដើម្បីសម្រួលដល់កិច្ចការអភិរក្ស។ កិច្ចការនេះធ្វើឡើងបន្ទាប់ពីក្រុមប្រឹក្សាកិច្ចការវត្តអារាម ដែលហៅថា CoMAPA, គណៈសង្ឃគ្រប់គ្រង ព្រះសង្ឃ អាចារ្យ គណៈកម្មការវត្តប្រាសាទលលៃ ព្រមទាំងតំណាងមន្ទីរធម្មការនិងកិច្ចការសាសនា បានប្រជុំសម្រេចព្រះទ័យរំកិលកុដិដែលសង់នៅបរិវេណខឿនប្រាសាទលលៃចុះមកគង់នៅខាងក្រោមវិញ។
ពិធីបួងសួងសុំសេចក្តីសុខរៀបចំដោយអាជ្ញាធរជាតិអប្សរាសហការជាមួយក្រុមហ៊ុនហេងអភិវឌ្ឍន៍នៅព្រះលានជល់ដំរី ក្រុងអង្គរធំ នារសៀលថ្ងៃចន្ទ ១៥កើត ខែកត្ដិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១១ ខែវិច្ឆិកា ឆ្នាំ២០១៩ បានប្រព្រឹត្តទៅតាមទំនៀមបុរាណទាំងបែបព្រះពុទ្ធសាសនានិងព្រហ្មញ្ញសាសនានៅលើទឹកដីដ៏ស័ក្តិសិទិ្ធ បរិបូណ៌ទៅដោយគ្រឿងរណ្តាប់សព្វបែបយ៉ាង វង់ភ្លេងបុរាណ របាំ ព្រាហ្មណ៍បុរោហិត ព្រះសង្ឃ ដើម្បីសូត្រមន្តពរជ័យ និងរំដោះកម្មពៀរ។
ព្រឹត្តិការណ៍អបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ត្រូវបានរៀបចំឡើងនៅខេត្តសៀមរាបយ៉ាងអធិកអធម នៅថ្ងៃ១៤-១៥កើត និង១រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០-១១-១២ ខែវិច្ឆិកា ឆ្នាំ២០១៩។
ដើមដំបូងមុន12345...265266បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
2954
ម្សិលមិញ
:
2539
សប្តាហ៍នេះ
:
05493
ខែនេះ
:
0053966
សរុប
:
009427242