ព័ត៌មានថ្មីៗ

មន្ត្រី-បុគ្គលិកជំនាញនៃអាជ្ញាធរជាតិអប្សរា និងអាជ្ញាធរជាតិព្រះវិហារធ្វើការផ្លាស់ប្តូរបទពិសោធន៍ការងារទៅវិញទៅមក

បានផ្សាយនៅ ថ្ងៃទី 02 ខែ មិថុនា ឆ្នាំ2019 09:38 AM ដោយ ៖ អាជ្ញាធរជាតិអប្សរា

មន្ត្រី-បុគ្គលិកចំនួន៤៧រូបមកពីអាជ្ញាធរជាតិអប្សរា និងអាជ្ញាធរជាតិព្រះវិហារ បានផ្លាស់ប្តូរបទពិសោធន៍លើកិច្ចការអភិរក្ស គ្រប់គ្រង និងអភិវឌ្ឍន៍ប្រកបដោយចីរភាពរមណីយដ្ឋានបេតិកភណ្ឌពិភពលោកតាមរយៈកម្មវិធីបណ្តុះបណ្តាលTechnical Exchange NAPAV/APSARA ក្រោមកិច្ចសហការរបស់ស្ថានទូតអាមេរិក ដឹកនាំដោយអ្នកស្រីសាស្រ្តាចារ្យ Barbara J. Anello-Adnani ចាប់ពីថ្ងៃទី៣១ ខែឧសភា ដល់ថ្ងៃទី០៣ ខែមិថុនា ឆ្នាំ២០១៩។

អ្នកស្រីសាស្រ្តាចារ្យ Barbara J. Anello-Adnani ឱ្យដឹងថា ការបង្កើតវគ្គបណ្តុះបណ្តាលនេះ សម្រាប់ឱ្យមន្រ្តី-បុគ្គលិកជំនាញគ្រប់គ្រងបេតិកភណ្ឌពិភពលោកតំបន់អង្គរនិងប្រាសាទព្រះវិហារផ្តល់បទពិសោធន៍ការងារទៅវិញទៅមក លើផ្នែកគ្រប់គ្រងបេតិកភណ្ឌ ប្រវត្តិសិល្បៈ ការចងក្រងឯកសា ការថតរូប ការស្រាវជ្រាវ សិក្សាភាសាអង់គ្លេស និងមានទំនាក់ទំនងរវាងអ្នកធ្វើការពាក់ព័ន្ធផ្នែកវប្បធម៌នៅកម្ពុជា និងនៅអាស៊ានកាន់តែជិតស្និទ្ធិ ហើយទូលំទូលាយជាងមុន។ សម្រាប់នាពេលអនាគត កម្មវិធីនេះនឹងសិក្សាស្វែងយល់នៅក្រៅតំបន់អង្គរ ហើយក៏ស្វាគមន៍ដល់ស្ថាប័នដែលពាក់ព័ន្ធមកចែករំលែកជាមួយគ្នា។

គួរញ្ជាក់ដែរថា កាលពីខែមករាកន្លងទៅ មន្រ្តី-បុគ្គលិកនៃអាជ្ញាធរជាតិអប្សរាបានទៅចុះទស្សនកិច្ចសិក្សានៅតំបន់ប្រាសាទព្រះវិហារ ដែលទទួលបានការចែករំលែកបទពិសោធន៍ល្អៗពីមន្រ្តី-បុគ្គលិកនៃអាជ្ញាធរព្រះវិហារដូចគ្នានឹងពេលនេះដែរ៕











អត្ថបទ៖ លោកយី សុថា រូបភាព៖ លោកហ៊ុំម រឹទ្ធី និងលោកហាប់ គឹមអាន
គម្រោងបិទចរាចរណ៍ផ្លូវមុខប្រាសាទអង្គរវត្តបានចាប់ផ្តើមអនុវត្តចាប់ពីថ្ងៃទី០១ ខែឧសភា ឆ្នាំ២០១៦តទៅ ។ ការអនុវត្តគម្រោងនេះ យើងសង្កេតឃើញថាសណ្តាប់ធ្នាប់សាធារណៈ បរិស្ថាន ការដើរកំសាន្តរបស់ភ្ញៀវទេសចរណ៍នៅបរិវេណមុខប្រាសាទអង្គរវត្ត បានប្រព្រឹត្តទៅយ៉ាងល្អប្រសើរ។
នៅថ្ងៃទី០៤ ខែឧសភា ឆ្នាំ២០១៦ មន្ត្រីអាជ្ញាធរជាតិអប្សរា ក្រោមការដឹកនាំរបស់ឯកឧត្តម សុខ លក្ខិណា ទីប្រឹក្សានិងជាប្រធានក្រុមការងារសហគមន៍នៃអាជ្ញាធរជាតិអប្សរាប្រចាំស្រុកប្រាសាទបាគង បានចុះពិនិត្យការស្តារត្រពាំងបុរាណប្រវែងបណ្តោយ១៣០ម៉ែត្រ ទទឹង៧០ម៉ែត្រ និងជម្រៅ២ម៉ែត្រ ជូនដល់ប្រជាពលរដ្ឋដែលស្ថិតនៅក្នុងភូមិគោកស្រុក ឃុំរលួស ស្រុកប្រាសាទបាគង ខេត្តសៀមរាប។
នៅថ្ងៃទី៣ ខែឧសភា ឆ្នាំ២០១៦នេះ មន្ត្រីអាជ្ញាធរជាតិអប្សរា ដោយមានការចូលរួមឯកឧត្តម ខូយ គឹមទួ ទីប្រឹក្សា និងជាប្រធានក្រុមការងារសហគមន៍អាជ្ញាធរជាតិអប្សរាប្រចាំក្រុងសៀមរាប និងលោក ឡុង កុសល ប្រធាននាយកដ្ឋានផ្សព្វផ្សាយ បានចុះចែកជូនទឹកប្រមាណជិត១៦០០០លីត ស្មើនឹង ៤ ឡាន ដល់ប្រជាពលរដ្ឋ ដែលស្ថិតនៅក្នុងភូមិប្រិយថ្មី សង្កាត់ទឹកវិល ក្រុងសៀមរាប ខេត្តសៀមរាប។
កាំជណ្តើរកសិណអង្គរវត្តផ្នែកខាងលិចស្លាបខាងជើងប្រវែង៨០ម៉ែត្រដែលរងការខូចខាតដោយសារការស្រុតដីបាក់រលំ និងការខូចខាតប្រព័ន្ធបញ្ជៀសទឹកក្រោមដីនោះ ត្រូវបានអាជ្ញាធរជាតិអប្សរាសហការជាមួយក្រុមការងារ IGeS របស់ប្រទេសអ៊ីតាលី ធ្វើការជួសជុលអស់រយៈពេល៤ឆ្នាំ គឺតាំងពីឆ្នាំ២០១២នឹងបានបញ្ចប់ជាស្ថាពរនៅចុងឆ្នាំ២០១៥ ។
បច្ចុប្បន្នអាកាសធាតុក្តៅហួតហែង បានបង្កឱ្យមានកង្វះទឹកស្ទើរគ្រប់ខេត្តក្រុងក្នុងប្រទេសកម្ពុជា ពិសេសតំបន់មួយចំនួននៃខេត្តសៀមរាបក៏រងនូវផលប៉ះពាល់នេះដែរ ដែលបណ្តាលឱ្យសត្វ រុក្ខជាតិស្លាប់ជាហូរហែរ និងធ្វើឱ្យមនុស្សពិបាកក្នុងការរស់នៅ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
4856
ម្សិលមិញ
:
34420
សប្តាហ៍នេះ
:
39276
ខែនេះ
:
0120553
សរុប
:
009302835