ព័ត៌មានថ្មីៗ

ក្រុមការងារសហគមន៍នៃអាជ្ញាធរជាតិអប្សរាអនុញ្ញាតជួសជុលកែលម្អ និងតសំយ៉ាបមុខផ្ទះចំនួន១៩ករណីដល់ប្រជាជនក្នុងតំបន់អង្គរ

បានផ្សាយនៅ ថ្ងៃទី 29 ខែ ឧសភា ឆ្នាំ2019 09:14 AM ដោយ ៖ អាជ្ញាធរជាតិអប្សរា

ក្រៅពីកិច្ចការអភិរក្ស គ្រប់គ្រង និងអភិវឌ្ឍន៍តំបន់អង្គរប្រកបដោយចីរភាព អាជ្ញាធរជាតិអប្សរាតែងតែយកចិត្តទុកដាក់លើការអប់រំអំពីតម្លៃបេតិកភណ្ឌ និងការដោះស្រាយទុក្ខលំបាកផ្សេងៗដែលជាតម្រូវការរបស់ប្រជាពលរដ្ឋនៅក្នុងតំបន់អង្គរ។

ជាក់ស្តែងនៅព្រឹកថ្ងៃពុធ ១១រោច ខែពិសាខ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៩ ខែឧសភា ឆ្នាំ២០១៩ ក្រុមការងារសហគមន៍នៃអាជ្ញាធរជាតិអប្សរាប្រចាំស្រុក-ក្រុងចំនួន៤ បានចុះត្រួតពិនិត្យ និងអនុញ្ញាតការស្នើសុំជួសជុលផ្ទះរបស់ប្រជាពលរដ្ឋបានចំនួន១៩ករណីលើ២៥ករណី ដែលក្នុងនោះរួមមាន៖ ១)ក្រុមការងារសហគមន៍ប្រចាំស្រុកប្រាសាទបាគងបានអនុញ្ញាតបានចំនួន១០ករណី ២)ក្រុមការងារសហគមន៍ប្រចាំក្រុងសៀមរាបបានអនុញ្ញាត៥ករណី ៣)ក្រុមការងារសហគមន៍ប្រចាំស្រុកអង្គរធំបានអនុញ្ញាត១ករណី ៤)ក្រុមការងារសហគមន៍ប្រចាំស្រុកពួកបានអនុញ្ញាតចំនួន៣ករណី៕














អត្ថបទដោយ៖ លោកយី សុថា     រូបភាពដោយ៖ ក្រុមការងារសហគមន៍
នៅព្រឹកថ្ងៃទី២ ខែមីនា ឆ្នាំ២០១៧ ក្រុមការងារសហគមន៍ក្រុមទី៤របស់អាជ្ញាធរជាតិអប្សរា ប្រចាំក្រុងសៀមរាប បានបន្តចុះពិនិត្យសំណើរស្នើសុំរបស់ប្រជាពលរដ្ឋ ដើម្បីជួសជុលផ្ទះសម្បែងនៅភូមិតាប៉ាង សង្កាត់អំពិល ក្រុងសៀមរាប។ ក្នុងការចុះត្រួតពិនិត្យនោះ ក្រុមការងារសហគមន៍ក្រុមទី៤ បានសម្រេចអនុញ្ញាតចំនួន១២ករណី ក្នុងចំណោម១៥ករណី។
នារសៀលថ្ងៃទី២ ខែមីនា អាជ្ញាធរជាតិអប្សរា និងសហភាពសហព័ន្ធយុវជនកម្ពុជា បានជួបពិភាក្សាគ្នាស្តីពីការងាររៀបចំព្រឹត្តិការណ៍អង្គរសង្រ្កាន្តឆ្នាំថ្មី ឆ្នាំរកា អដ្ឋស័ក ពុទ្ធសករាជ២៥៦០ ឈានចូល២៥៦១។ ជំនួបពិភាក្សានេះធ្វើឡើងក្រោមអធិបតីភាពឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា និងឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅទីស្នាក់ការអាជ្ញាធរជាតិអប្សរាខេត្តសៀមរាប។
នៅព្រឹកថ្ងៃទី២៨ ខែកុម្ភៈ ឆ្នាំ២០១៧នេះ ក្រុមការងារសហគមន៍ ទី៥ប្រចាំស្រុកបន្ទាយស្រីដឹកនាំដោយឯកឧត្ដម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរា និងជាប្រធានក្រុមរួមនឹងមន្ត្រីបុគ្គលិកជាច្រើនរូបទៀតបានចុះ ផ្សព្វផ្សាយពីបេតិកភណ្ឌដល់ប្រជាពលរដ្ឋដែលរស់នៅភូមិថ្នល់បណ្តោយ ឃុំព្រះដាក់ ស្រុកបន្ទាយស្រី ខេត្តសៀមរាប ។ គោលបំណង់នៃការចុះផ្សព្វផ្សាយនេះគឺដើម្បីរួមគ្នាថែរក្សា ការពារ និងអភិរក្សបេតិកភណ្ឌ។
អាជ្ញាធរជាតិអប្សរាគ្រោងនឹងចុះកិច្ចព្រមព្រៀង ជាមួយមជ្ឈមណ្ឌល HIST (International Center on Space Technologies for Natural and Cultural Heritage under the auspices of UNESCO) និងវិទ្យាស្ថាន RADI (Institute of Remote Sensing and Digital Earth) នៃបណ្ឌិតសភាវិទ្យាសាស្ត្រចិន(Chinese Academy of Sciences) ដើម្បីបន្តគម្រោងសហប្រតិបត្តិការស្តីពីការប្រើប្រាស់បច្ចេកវិទ្យាអវកាសសម្រាប់ការងារអភិរក្ស និងគ្រប់គ្រងរមណីយដ្ឋានបេតិកភណ្ឌពិភពលោកអង្គរ និងការអភិវឌ្ឍប្រកបដោយចីរភាពនៅតំបន់សៀមរាប នៅចុងខែមីនា ឆ្នាំ២០១៧ខាងមុខនេះ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
2783
ម្សិលមិញ
:
5802
សប្តាហ៍នេះ
:
14512
ខែនេះ
:
0241376
សរុប
:
012067007