ព័ត៌មានថ្មីៗ

លោក លឹម គង់៖ មួយជីវិតខ្ញុំគឺដើម្បីការងារអភិរក្សជួសជុល និងសង្គ្រោះប្រាសាទខ្មែរឱ្យល្អដូចពីបុរាណ!

បានផ្សាយនៅ ថ្ងៃទី 07 ខែ ឧសភា ឆ្នាំ2019 04:20 PM ដោយ ៖ អាជ្ញាធរជាតិអប្សរា

មានស្រុកកំណើតនៅភូមិគោកបេង សង្កាត់គោកចក ក្រុងសៀមរាប ខេត្តសៀម លោក លឹម គង់ មានអាយុ៥៧ឆ្នាំ បានចំណាយពេលអស់រយៈពេល១៥ឆ្នាំជា អ្នកជួសជុលប្រាសាទ នៅ ក្នុង រមណីយដ្ឋាន អង្គរ បាត់ដំបង និងបន្ទាយមានជ័យ រហូតក្លាយ ជាអ្នកជំនាញរៀបថ្ម តថ្ម ដែលទទួលបានការងារ ជា ហូរហែ ហើយបានបង្រៀនដល់អ្នកជំនាន់ក្រោយអំពីវិជ្ជាជីវៈជំនាញរបស់ខ្លួនទៀតផង។

សព្វថ្ងៃ លោក លឹម គង់ កំពុងបំពេញភារកិច្ចជាមេក្រុមមួយផ្នែកលើការជួសជុលប្រចាំការដ្ឋានប្រាសាទមេបុណ្យខាងលិច ដែលជាគម្រោងសហប្រតិបត្តិការរវាងអាជ្ញាធរជាតិអប្សរានិងស្ថានទូតបារាំងប្រចាំកម្ពុជា។

បើទោះបីមិនមែនជាអ្នកជំនាញដែលទទួលបានការអប់រំថ្នាក់បរិញ្ញាបត្រឬបណ្ឌិតជំនាញជួសជុលប្រាសាទក៏ពិតមែន ក៏មេ ក្រុម ជួស ជុល ប្រចាំការដ្ឋានប្រាសាទមេបុណ្យខាងលិចរូបនេះ មានបទពិសោធន៍ គ្រប់គ្រាន់ ច្បាស់ លាស់ ក្នុងការតថ្ម រៀបថ្ម ដាប់ថ្ម លាយកាវ និងបង្រៀនកូនក្រុមអំពីការងារបានយ៉ាងល្អ។

ក្នុងនាមជាអ្នកជួសជុលប្រាសាទដូនតាមួយរូប លោក គង់ បានបង្ហាញនូវឆន្ទៈនិងក្តីស្រឡាញ់ចំពោះការងារថា «ខ្ញុំសប្បាយចិត្តណាស់ ខ្ញុំចង់ធ្វើតែប្រាសាទ មួយជីវិតខ្ញុំនៅតែចង់បន្តធ្វើការងារនេះរហូតឱ្យ តែនៅ មាន កម្លាំង ព្រោះខ្ញុំចង់ឱ្យបេតិកភណ្ឌពិភពលោកកាន់តែរីកចម្រើនតទៅមុខ កុំឱ្យរលុះបាក់បែក។ ខ្ញុំសោក ស្តាយ ណាស់ ដែលប្រាសាទខ្មែរជាច្រើនខូចខាត ខ្ទេចខ្ទាំ ខ្ញុំចង់ជួសជុលថ្មីឱ្យបានល្អដូចបុរាណវិញ តាមសមត្ថភាពនិងការចេះដឹងរបស់ខ្ញុំ»។

លោកមេក្រុម គង់ បានបញ្ជាក់ដែរថា បទពិសោធន៍ការងារជាអ្នកជួសជុលប្រាសាទដំបូងឡើយ លោកបានធ្វើការជាមួយអ្នកជំនាញចិន ដែលជួសជុលនៅប្រាសាទចៅសាយទេវតា និងប្រាសាទតាកែវ។ ក្រោយចប់គម្រោង លោកក៏បានបន្តការងារជាមួយអ្នកជំនាញឥណ្ឌានៅប្រាសាទតាព្រហ្ម និងជាមួយ អ្នកជំនាញខ្មែរ ដែលធ្វើការជួសជុលនៅប្រាសាទបាសែត ប្រាសាទនៅអូរជីក និងនៅបន្ទាយឆ្មារ។ ការអនុវត្តជាប្រចាំនេះហើយ ដែល ធ្វើឱ្យលោកអាចស្គាល់ពីគុណភាពថ្ម រៀបថ្មឱ្យជាប់មាំទាំ ជិត ល្អ ដូច បុរាណ ហើយមានសមត្ថភាពអាចសង្គ្រោះប្រាសាទបុរាណបាន។

លោកក៏សង្ឃឹមថា មិនយូរទេប្រាសាទក្នុងប្រទេសខ្មែរនឹងទទួលបានការអភិរក្សជួសជុល ឱ្យរួច ផុតពីហានិភ័យ ហើយសូមឱ្យកូនខ្មែរទាំងអស់ ចេះស្រឡាញ់ ការពារ ថែរក្សាប្រាសាទដូនតាជា បេតិកភណ្ឌពិភពលោកទាំងអស់គ្នា។ ចំពោះលោកវិញ លោកមានមោទនភាពណាស់ ហើយប្តេជ្ញានឹងបន្តការងារនេះរហូត ព្រោះបានបន្សល់នូវស្នាដៃថ្មីលើវត្ថុបុរាណទុកឱ្យកូនចៅជំនាន់ក្រោយបានស្គាល់៕























អត្ថបទ៖ កញ្ញា ហ៊ីង ស្រីរ័ត្ន រូបភាព៖ កញ្ញា ហ៊ីង ស្រីរ័ត្ន/លោក ហ៊ុំ រិទ្ធី
ដើម្បីឱ្យសាធារណៈជនទូទៅ យល់ដឹងឱ្យបានទូលំទំលាយអំពីដីធ្លីនៅក្នុងតំបន់ការពារមណីយដ្ឋានអង្គរ ដែលកំណត់ដោយព្រះរាជក្រឹត្យលេខ០០១នស ចុះថ្ងៃទី២៨ខែឧសភា ឆ្នាំ១៩៩៤ ដែលមានទំហំ៤០១ គីឡូម៉ែត្រក្រឡា រួមមានប្រាសាទ បរិវេណការពារប្រាសាទ ចែកចេញជាឧទ្យានចំនួនបី គឺឧទ្យានបន្ទាយស្រីមានទំហំ២០គីឡូម៉ែត្រក្រឡា ឧទ្យានកណ្តាលមានទំហំ៣៥១គីឡូម៉ែត្រក្រឡា ឧទ្យានរលួសមានទំហំ៣០ គីឡូម៉ែត្រក្រឡា និងគ្រប់ដណ្តប់លើក្រុង/ស្រុកចំនួន៥ ក្រុង/ស្រុក លើឃុំ/សង្កាត់ចំនួន២២ ឃុំ/សង្កាត់ លើភូមិចំនួន១១២ ភូមិ។
រមណីយដ្ឋានអង្គរ ជាទីតាំងប្រវត្តិសាស្ត្រ និងជាទីបុរាណដ្ឋានដែលទទួលបានកិច្ចការពារកម្រិតខ្ពស់បំផុតដែលមានផ្ទៃដីទំហំ ៤០១គីឡូម៉ែត្រក្រឡា គ្របដណ្តប់ភូមិសាស្ត្រក្រុង-ស្រុកចំនួន៥ សង្កាត់-ឃុំចំនួន២២ និងភូមិចំនួន១១២ភូមិ។ ជាមួយនឹងកិច្ចការពារកម្រិតខ្ពស់បំផុត រាល់ការប្រើប្រាស់ដីធ្លីផ្តេសផ្តាស់ និងការអភិវឌ្ឍមិនសមស្រប ដែលធ្វើឱ្យមានផលប៉ះពាល់ដល់តម្លៃសម្បត្តិបេតិកភណ្ឌ និងតម្លៃទេសភាពវប្បធម៌ស្ថិតនៅក្នុងតំបន់១ និងតំបន់២នឹងត្រូវទប់ស្កាត់។
នាព្រឹកថ្ងៃពុធ ៩កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ ខែកក្កដា ឆ្នាំ២០១៩ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា អមដំណើរដោយអគ្គនាយករង ប្រធាននាយកដ្ឋាន មន្ត្រីជំនាញ និងប្រធានគម្រោងនៅតាមការរដ្ឋាននីមួយៗ បានចុះត្រួតពិនិត្យនិងតាមដានដំណើរការវិវត្តការងារផ្សេងៗនៅក្នុងតំបន់អង្គរ។
ក្រុមការងារជួសជុល និងថែទាំផ្លូវរបស់នាយកដ្ឋានទ្រទ្រង់បច្ចេកទេស និងគម្រោងអន្តរវិស័យនៃអាជ្ញាធរជាតិអប្សរា បានបន្តអនុវត្តការងារបំពេញដីនៅតាមគ្រលុកទឹកដក់ជាច្រើនទីតាំងផ្សេងគ្នាបន្តបន្ទាប់ ដើម្បីរក្សាសោភ័ណភាព និងបង្ករលក្ខណៈងាយស្រួលសម្រាប់ធ្វើដំណើរទស្សនារបស់ភ្ញៀវទេសចរតាមប្រាសាទនានាក្នុងរមណីយដ្ឋានអង្គរ។
នៅព្រឹកអង្គារ ៩កើត ខែអាសាឍ ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី០៩ ខែកក្កដា ឆ្នាំ២០១៩ អាជ្ញាធរជាតិអប្សរាបានបន្តដាំកូនឈើគ្រញូង និងគគីរចំនួន៥០០០ដើមនៅបរិវេណព្រៃខាងកើតប្រាសាទបន្ទាយប្រីយ៍ ដោយមានការចូលរួមពីរដ្ឋបាលខេត្តសៀមរាប ព្រះសង្ឃ កាយរិទ្ធនារីកម្ពុជា លោកគ្រូអ្នកគ្រូ គរុសិស្ស និងពុទ្ធបរិស័ទប្រមាណជា៥០០អង្គ/នាក់។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
2557
ម្សិលមិញ
:
15656
សប្តាហ៍នេះ
:
51763
ខែនេះ
:
0135624
សរុប
:
008742632