ព័ត៌មានថ្មីៗ

អគ្គនាយកអាជ្ញាធរជាតិអប្សរាថ្វាយព្រះពរព្រះចៅអធិរាជជប៉ុននៅស្ថានឯកអគ្គកុងស៊ុលជប៉ុនប្រចាំខេត្តសៀមរាប

បានផ្សាយនៅ ថ្ងៃទី 06 ខែ ឧសភា ឆ្នាំ2019 08:46 AM ដោយ ៖ អាជ្ញាធរជាតិអប្សរា

នារសៀលថ្ងៃទី៦ ខែឧសភា ឆ្នាំ២០១៩ ឯកឧត្តម ហង់ ពៅ អគ្គនាយកអាជ្ញាធរជាតិអប្សរាបានថ្វាយព្រះពរនិង​អបអរសាទរដល់ការ​ឡើងគ្រង​រាជ្យសម្បត្តិរបស់ព្រះករុណា ណារឺហិតូ ព្រះចៅអធិរាជជប៉ុន ដែលព្រះអង្គបានឡើងគ្រងរាជ្យសម្បត្តិជាផ្លូវការក្នុងនាមជាព្រះចៅអធិរាជជប៉ុនទី១២៦ កាលពីថ្ងៃទី០១ ខែឧសភា ឆ្នាំ២០១៩។

ក្នុងនាមអាជ្ញាធរជាតិអប្សរា ទូលបង្គំយើងខ្ញុំសូមសម្តែងនូវកតញ្ញូតាធម៌ចំពោះប្រទេសជប៉ុន ប្រជាជនជប៉ុន អ្នកជំនាញជនជាតិជប៉ុន ដែលបានចូលរួមចំណែកយ៉ាងសកម្មក្នុងកិច្ចសហការស្រាវជ្រាវ ការបណ្តុះបណ្តាលធនធានមនុស្សផ្នែកអភិរក្សនិងជួសជុលប្រាសាទនៅរមណីយដ្ឋានអង្គរ និងជំនួយ​គ្រប់បែបយ៉ាងចំពោះអាជ្ញាធរជាតិអប្សរានិងប្រជាជនកម្ពុជា។

ទូលបង្គំយើងខ្ញុំប្តេជ្ញាថែរក្សាចំណងមិត្តភាពដ៏ល្អថ្លៃថ្លានេះជាមួយប្រជាជាតិជប៉ុន ឱ្យបានរឹងមាំ ត្រចះត្រចង់ និងល្អប្រសើរជានិច្ចនិរន្តរ៍៕

អត្ថបទ៖ កញ្ញា ហ៊ីង ស្រីរ័ត្ន រូបភាព៖ លោក ហ៊ុំ រិទ្ធី
សូមតាមដានបទសម្ភាសន៍ ឯកឧត្តម សុខ សង្វារ អគ្គនាយករងអាជ្ញាធរជាតិអប្សរាស្តីពីបាតុភូត សមរាត្រី Equinox ដែលព្រះអាទិត្យនឹងរះចំកំពូលប្រាង្គកណ្តាលនៃប្រាសាទអង្គរវត្ត នាព្រឹកព្រលឹមថ្ងៃទី២៣ ខែកញ្ញា ឆ្នាំ២០១៦ ខាងមុខនេះ។
ចាប់ពីថ្ងៃ១រោចដល់ថ្ងៃ១៥រោច ខែភទ្របទ គឺជារដូវបុណ្យភ្ជុំបិណ្ឌដែលប្រជាជនខ្មែរ ទូទាំងប្រទេសតែងតែប្រារព្ធធ្វើឡើងរៀងរាល់ឆ្នាំតពីដូនតាមិនដែលខកខាន។ ដោយឡែកតាមទំនៀមរបស់អ្នកស្រុកអង្គរ នៅថ្ងៃ១៥កើតខែភទ្របទ ពោលគឺមួយថ្ងៃមុនពិធីកាន់បិណ្ឌទី១ ពួកគាត់តែងយកម្ហូបអាហារ នំអន្សម បង្អែមចម្អាបទៅកាន់ទីវត្តអារាមជុំគ្នា ដើម្បីវេរប្រគេនព្រះសង្ឃឧទ្ទិសកុសលផលបុណ្យជូនដូនតាដែលបាក់បែកចែកឋានទៅហើយ នៅក្នុងពិធីមួយដែលតែងហៅថា «បិណ្ឌតូច»
ក្រមប្រតិបត្តិអង្គរ ជាគោលការណ៍សីលធម៌ដែលរៀបចំឡើងសម្រាប់អ្នកចូលលទស្សនាអង្គរក្នុងគោលដៅទប់ស្កាត់ផលប៉ះពាល់ ដែលអាចកើតមានឡើងពីសំណាក់ភ្ញៀវទេសចរចំពោះបេតិកភណ្ឌអង្គរ និងដើម្បីលើកតម្លៃបេតិកភណ្ឌអង្គរឲ្យសមជានិមិត្តរូប និងជាទីសក្ការៈនៃប្រជាជាតិខ្មែរ។ ក្រមប្រតិបត្តិអង្គរត្រូវបានរៀបចំ និងផ្សព្វផ្សាយឲ្យប្រើប្រាស់ជាផ្លូវការចាប់តាំងពីចុងឆ្នាំ២០១៥មក។
នៅព្រឹកថ្ងៃទី១៥ ខែកញ្ញា ឆ្នាំ២០១៦នេះ ពស់ថ្លាន់ប្រវែង៣ម៉ែត្រ ត្រូវបានអ្នកភូមិសហការជាមួយភ្នាក់ងារព្រៃឈើនៃអាជ្ញាធរជាតិអប្សរា ដោយមានការចូលរួមពីនគរបាលការពារបេតិកភណ្ឌផង បានយកមកព្រលែងនៅក្នុងព្រៃអង្គរ ត្រង់ចំណុចមាត់កសិន្ធុខាងកើតនៃប្រាសាទអង្គរវត្ត។
ដើម្បីអបអរព្រឹត្តិការណ៍ “សមរាត្រី” Equinox ដែលព្រះអាទិត្យនឹងរះចំកំពូលប្រាង្គកណ្តាលនៃប្រាសាទអង្គរវត្ត នាព្រឹកព្រលឹមថ្ងៃទី២៣ ខែកញ្ញា ឆ្នាំ២០១៦ ខាងមុខនេះ អគ្គនាយកដ្ឋានអាជ្ញាធរជាតិអប្សរាសហការជាមួយមជ្ឈមណ្ឌលបណ្តុះបណ្តាលជំនាញ និងទទួលថតភាពយន្តនៅកម្ពុជា (Cambodia Film Commission) នឹងរៀបចំការតាំងពិព័រណ៍រូបថតដោយភ្ញៀវទេសចរ ក្រោមប្រធានបទ “អង្គរក្នុងកែវភ្នែកភ្ញៀវទេសចរ” ចាប់ពីថ្ងៃទី២៤ ខែកញ្ញា ដល់ថ្ងៃទី០៣ ខែតុលា ឆ្នាំ២០១៦ នៅខាងមុខប្រាសាទអង្គរវត្ត។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
10609
ម្សិលមិញ
:
23792
សប្តាហ៍នេះ
:
10609
ខែនេះ
:
0091886
សរុប
:
009274168