ព័ត៌មានថ្មីៗ

សភាពាណិជ្ជកម្មអឺរ៉ុបនៅកម្ពុជាស្វែងរកកិច្ចសហប្រតិបត្តិការអំពីការគ្រប់គ្រងសំណល់រឹងនិងទឹកកខ្វក់នៅរមណីយដ្ឋានអង្គរជាមួយអាជ្ញាធរជាតិអប្សរា

បានផ្សាយនៅ ថ្ងៃទី 03 ខែ ឧសភា ឆ្នាំ2019 08:43 AM ដោយ ៖ អាជ្ញាធរជាតិអប្សរា

នាព្រឹកថ្ងៃ១៤រោច ខែចេត្រ ឆ្នាំកុរ ឯកស័ក ព.ស.២៥៦២ ព្រឹកថ្ងៃទី០៣ ខែឧសភា ឆ្នាំ២០១៩ សភាពាណិជ្ជកម្មអឺរ៉ុបនៅកម្ពុជា ដឹកនាំដោយលោក ហ្គីយ៉ូម ម៉ាឡតាវ៉ែន (Guillaume MALTAVARNE) មន្រ្តីផ្នែកទាក់ទាញវិនិយោគ បាន ជួបសំណេះសំណាលការងារជាមួយឯកឧត្តម ហង់ ពៅ អគ្គនាយកអាជ្ញាធរជាតិអប្សរា ដើម្បីស្វែងយល់កិច្ចការគ្រប់គ្រងសំណល់រឹង និងគ្រប់គ្រងទឹកកខ្វក់ក្នុងរមណីយដ្ឋានអង្គរ។

កិច្ចប្រជុំនេះ សភាពាណិជ្ចកម្មអឺរ៉ុបបានលើកឡើងនូវការងារសំខាន់ៗជាច្រើន ហើយការងារដែលជាអាទិភាពគឺ ការលើកកម្ពស់ពាណិជ្ជកម្ម ការសិក្សាអំពីសេដ្ឋកិច្ច និងផ្តោតសំខាន់លើការគ្រប់គ្រងសំណល់រឹង និងការគ្រប់គ្រងទឹកកខ្វក់។

ក្នុងនោះ អាជ្ញាធរជាតិអប្សរាក៏បានបង្ហាញនូវកិច្ចការរបស់ខ្លួនពាក់ព័ន្ធនឹងការគ្រប់គ្រងសំណល់រឹង (សំរាម) ទឹកកខ្វក់នៅក្នុងតំបន់អង្គរផងដែរ។ កត្តាពីរដែលបណ្តាលឱ្យមានសំរាម គឺកត្តាភ្ញៀវទេសចរ និងប្រជាជនក្នុងមូលដ្ឋាន ក៏ព្រោះប្រជាជននៅពុំទាន់យល់ដឹងទូលំទូលាយចំពោះការរក្សាសំរាម ការរក្សាអនាម័យឱ្យបានត្រឹមត្រូវជាដើម។

ចំពោះបញ្ហានេះ អាជ្ញាធរជាតិអប្សរាក៏មានសកម្មភាពមួយចំនួនដូចជា ការអប់រំឱ្យស្គាល់តម្លៃបេតិកភណ្ឌ ការគ្រប់គ្រងអនាម័យជុំវិញលំនៅដ្ឋាន និងផលប៉ះពាល់នៃការដុតសំរាម ការចោលថង់ប្លាស្ទិចពាសវាលពាសកាល។ លើសពីនេះ អាជ្ញាធរជាតិអប្សរាក៏មានសកម្មភាពប្រមូលសំរាម ប្រមូលស្លឹកឈើងាប់ សំណល់ផ្ទះបាយ ដើម្បីផលិតជីកំប៉ុសផងដែរ ក្រៅពីការងារដែលអាជ្ញាធរជាតិអប្សរាបានផ្តល់ឱ្យក្រុមហ៊ុនវីហ្គ្រីនសម្អាតជាប្រចាំ។

ក្រោយពីពិភាក្សាស្វែងយល់ពីគ្នាទៅវិញទៅមក សភាពាណិជ្ជកម្មអឺរ៉ុបនៅកម្ពុជា ក៏បានបង្ហាញបំណងចង់ស្វែងយល់លទ្ធភាពដើម្បីធ្វើកិច្ចសហប្រតិបត្តិការជាលក្ខណៈស្ថាប័ននិងស្ថាប័ន ឬវិស័យឯកជនណាមួយ ដើម្បីធ្វើការងាររួមគ្នាលើវិស័យគ្រប់គ្រងសំណល់រឹង និងគ្រប់គ្រងទឹកកខ្វក់នៅរមណីយដ្ឋានអង្គរ៕










អត្ថបទ៖ លោក យី សុថា រូបភាព៖ លោក ហ៊ុំ រិទ្ធី
ការមានបង្គន់ប្រើប្រាស់ត្រឹមត្រូវ គឺជាផ្នែកមួយដ៏សំខាន់ដែលជួយឲ្យបរិស្ថានស្អាត និងទប់ស្កាត់ការចម្លងមេរោគផ្សេងៗ។ នេះជាសារដ៏សំខាន់ដែលអាជ្ញាធរជាតិអប្សរាកំពុងតែផ្សព្វផ្សាយនិងជម្រុញដល់ប្រជាពលរដ្ឋក្នុងតំបន់អង្គរដើម្បីលើកកម្ពស់សុខុមាលភាពរបស់ខ្លួន។
ព្រឹកថ្ងៃទី៣ ខែមករា ឆ្នាំ២០១៧នេះ ឯកឧត្តមបណ្ឌិត ស៊ុំ​ ម៉ាប់ អគ្គនាយកនៃអាជ្ញាធរជាតិអប្សរា បានអនុញ្ញាតឲ្យក្រុមប្រតិភូខេត្តជាំងស៊ី (Jiangxi) នៃសាធារណរដ្ឋប្រជាមានិតចិន ដែលដឹកនាំដោយ លោក Yang Huiwen អនុប្រធានមន្ទីរអប់រំខេត្តជាំងស៊ីចូលជួបពិភាក្សាការងារនៅមជ្ឈមណ្ឌលអាជ្ញាធរជាតិអប្សរា។ ជំនួបពិភាក្សានេះផ្តោតសំខាន់លើការបើកវគ្គបណ្តុះបណ្តាលភាសាចិនដល់មន្ត្រីបុគ្គលិកអាជ្ញាធរជាតិអប្សរា។
លទ្ធផលនៃការស្រាវជ្រាវរបស់អាជ្ញាធរជាតិអប្សរា បានប្រទះឃើញសិលាចារឹកជាភាសាភូមាចំនួន១១កន្លែងផ្សេងគ្នា។ លោក អ៊ឹម សុខរិទ្ធី អ្នកស្រាវជ្រាវរបស់អាជ្ញាធរជាតិអប្សរា បញ្ជាក់ថាទីតាំងដែលរកឃើញនោះមាន៩កន្លែងនៅប្រាសាទអង្គរវត្ត និង២កន្លែងទៀតក្នុងក្រុងអង្គរធំក្បែរប្រាសាទបាយ័ន។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
10
ថ្ងៃនេះ
:
11699
ម្សិលមិញ
:
16308
សប្តាហ៍នេះ
:
47848
ខែនេះ
:
0195956
សរុប
:
010876609