ព័ត៌មានថ្មីៗ

សេចក្ដីជូនដំណឹងស្ដីពី ការប្រារព្ធពិធីប្រកាសក្រុមប្រឹក្សាវប្បធម៌អាស៊ីជាផ្លូវការនៅទីលានព្រះជល់ដំរី

បានផ្សាយនៅ ថ្ងៃទី 10 ខែ មករា ឆ្នាំ2019 09:08 AM ដោយ ៖ អាជ្ញាធរជាតិអប្សរា

 
នារសៀលថ្ងៃអង្គារ ៨កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៩ ខែកក្កដា ឆ្នាំ២០១៩ ឯកឧត្តម ហង់ ពៅ អគ្គនាយកអាជ្ញាធរជាតិអប្សរាបានជួបពិភាក្សាការងារមួយចំនួន ជាមួយក្រុមអ្នកជំនាញការជាតិនិងអន្តរជាតិអភិវឌ្ឍន៍វិស័យទេសចរណ៍នៃក្រសួងទេសចរណ៍។
ប្រាសាទទន្លេស្ងួត ជាមន្ទីរពេទ្យមួយក្នុងចំណោមមន្ទីរពេទ្យទាំង១០២របស់ព្រះបាទជ័យវរ្ម័នទី៧ មានទីតាំងស្ថិតនៅទិសខាងជើងក្រុងអង្គរធំ កសាងឡើងនាចុងស.វ.ទី១២។ មកដល់ពេលនេះ តួប្រាសាទ គ្រឹះប្រាសាទ និងរចនាសម្ពន្ធផ្សេងៗទៀតរបស់ប្រាសាទបានរងនូវការខូចខាតជាខ្លាំង ហើយពេលនេះអាជ្ញាធរជាតិអប្សរាក៏កំពុងដំណើរការជួសជុលឡើងវិញ ដោយមានផែនការជួសជុលរយៈពេលប្រមាណពីរឆ្នាំ។
ភ្នាក់ងារអភិរក្សព្រៃឈើនៃនាយកដ្ឋានសណ្ដាប់ធ្នាប់និងសហប្រតិបត្តិការរបស់អាជ្ញាធរជាតិអប្សរា បានចុះទប់ស្កាត់និងឃាត់សកម្មភាពពលរដ្ឋ២នាក់ ដែលបានលួចគាស់កូនឈើប្រណិតក្នុងតំបន់រមណីយដ្ឋានអង្គរ។ ការងារនេះធ្វើឡើងនៅថ្ងៃព្រហស្បតិ៍ ៣កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៤ ខែកក្កដា ឆ្នាំ២០១៩ ដែលស្ថិតនៅភូមិតាកុះ ឃុំព្រះដាក ស្រុកបន្ទាយស្រី ខេត្តសៀមរាប។
តបតាមការអំពាវនាវរបស់អាជ្ញាធរជាតិអប្សរា ឱ្យប្រជាពលរដ្ឋចូលរួមដាំកូនឈើនៅតំបន់រមណីយដ្ឋានអង្គរ នៅព្រឹកថ្ងៃអាទិត្យ ៦កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៧ ខែកក្កដា ឆ្នាំ២០១៩ ព្រះសង្ឃ សមណនិស្សិត រួមនិងពុទ្ធិបរិស័ទសរុបជាង ២០០នាក់បានចូលរួមដាំកូនឈើនៅខាងកើតប្រាសាទប្រិយ៍ ដែលស្ថិតនៅភូមិ-ឃុំលាងដៃ ស្រុកអង្គរធំ ខេត្តសៀមរាប។ កូនឈើដែលត្រូវបានដាំក្នុងពិធីនោះ រួមមាន កូនឈើគ្រញូងចំនួន ១,១៦០ដើម, ធ្នង់៣០០ដើម, និងឈើទាល ៥៤០ដើម។
បដិមាធំមួយដែលលម្អដោយសំពត់រំយោលទម្លាក់មកខាងមុខមានប្រវែងបណ្តោយ១១៤សង់ទីម៉ែត្រ ទំហំស្មា៥៤សង់ទីម៉ែត្រ និងចង្កេះទំហំ៤៤សង់ទីម៉ែត្រ ត្រូវបានប្រទះឃើញនៅជ្រុងឦសាននៃកសិន្ធុប្រាសាទព្រះគោ នាព្រឹកថ្ងៃទី៨ ខែកក្កដា ឆ្នាំ២០១៩។ ព្រឹត្តិការណ៍រកឃើញបដិមានេះស្ថិតក្នុងស្ថានភាពចៃដន្យដោយប្រជាជនដែលរស់នៅភូមិឪឡោក ឃុំបាគង ស្រុកប្រាសាទបាគង បានជីកយកដីទៅបំពេញកន្លែងទឹកដក់ក្រោយផ្ទះ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
1203
ម្សិលមិញ
:
15656
សប្តាហ៍នេះ
:
50409
ខែនេះ
:
0134270
សរុប
:
008741278