ព័ត៌មានថ្មីៗ

អាជ្ញាធរជាតិអប្សរាបើកវគ្គអប់រំយុវជនស្ម័គ្រចិត្តការងារបេតិកភណ្ឌមកពី១០ប្រទេសផ្សេងគ្នា

បានផ្សាយនៅ ថ្ងៃទី 09 ខែ សីហា ឆ្នាំ2018 04:00 PM ដោយ ៖ អាជ្ញាធរជាតិអប្សរា

នៅព្រឹកថ្ងៃទី០៩ ខែសីហា ឆ្នាំ២០១៨ នៅសាលសន្និសីទអង្គរ នៃអាជ្ញាធរជាតិអប្សរាបានបើកកម្មវិធីអប់រំយុវជនស្ម័គ្រចិត្តបេតិកភណ្ឌពិភពលោក ដែលមានរយៈពេល១២ថ្ងៃនៅតំបន់អង្គរ ចាប់ផ្តើមពីថ្ងៃទី០៩ ដល់ថ្ងៃទី២១ ខែសីហា ឆ្នាំ២០១៨ ដោយមានយុវជស្ម័គ្រចិត្តចូលរួមប្រមាណ២០រូប មកពី១០ប្រទេសនិងកម្ពុជាផង។

កម្មវិធីនេះ រៀបចំដោយកិច្ចសហការរវាងអង្គការយូណេស្កូ អាជ្ញាធរជាតិអប្សរា សហភាពសហព័ន្ធយុវជនកម្ពុជា និងវិទ្យាស្ថានកូរ៉េ-អង្គរដើម្បីបេតិកភណ្ឌ ក្នុងគោលបំណងជំរុញឱ្យយុវជនមានការចូលរួមការងារពាក់ព័ន្ធនឹងបេតិកភណ្ឌដើម្បីឲ្យពួកគេបានស្វែងយល់ពីវប្បធម៌របស់គ្នាទៅវិញទៅមក ដឹងពីវិធីថែរក្សា ការពារបេតិកភណ្ឌនៃប្រទេសផ្សេងៗ។

តាមគម្រោង រយៈពេល១២ថ្ងៃនៃកម្មវិធីនេះ យុវជនស្ម័គ្រចិត្ត នឹងចូលរួមស្តាប់បទបង្ហាញពីមន្ត្រីជំនាញ ទាក់ទងនឹងការវិវត្ត ការអភិរក្ស ការគ្រប់គ្រងទឹក សហគមន៍ និងមានការចុះទៅតាមប្រាសាទផ្សេងៗដើម្បីស្វែងយល់ពីសំណង់ប្រវត្តិសាស្រ្ត ការរស់នៅរបស់សហគមន៍ និងការសិក្សាពីកុលាលភាជន៍ និងសារមន្ទីរជាដើម។

ឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា និងជាប្រធានយុវជនបេតិកភណ្ឌនៃសហភាពសហព័ន្ធយុវជនកម្ពុជា មានប្រសាសន៍ថា យុវជនមានតួនាទីសំខាន់ណាស់ក្នុងការងារអភិរក្ស និងអភិវឌ្ឍន៍បេតិកភណ្ឌរបស់ខ្លួន។ កម្មវិធីនេះ នឹងជួយឲ្យយុវជនយល់ដឹងពីវប្បធម៌ចម្រុះនៃប្រទេសផ្សេងៗ ហើយមានគំនិតស្រឡាញ់ថែរក្សាវប្បធម៌របស់ខ្លួន ជាពិសេស គឺបង្កើតភាពស្និទ្ធស្នាល គោរពឲ្យតម្លៃដល់បេតិកភណ្ឌរបស់ជាតិសាសន៍ផ្សេងៗពីខ្លួន។

លោក ឃីម ហ្វីណង់ អនុប្រធានសហភាពសហព័ន្ធយុវជនកម្ពុជាប្រចាំខេត្តសៀមរាប លើកឡើងថា លោកពិតជារីករាយដែលបានរួមចំណែកសហការលើការរៀបចំអប់រំបេតិកភណ្ឌនេះ។ លោកបញ្ជាក់ថា យុវជនស្ម័គ្រចិត្តសហភាពសហព័ន្ធយុវជនកម្ពុជា បានរួមចំណែកជំរុញឱ្យយុវជនវ័យក្មេងចូលរួកម្មវិធីអប់រំបេតិកភណ្ឌ ជាក់ស្តែងកម្មវិធីអង្គរសង្ដ្រានដែលមានការចូលរួមពីយុវជន ដែលបានចូលរួមកម្មវិធីបេតិកភណ្ឌ បង្ហាញបេតិកភណ្ឌ និងចូលរួមថែរក្សាបេតិកភណ្ឌ។

ឯកឧត្តម ហង់ ពៅ អគ្គនាយករង និងជាតំណាងឯកឧត្តមបណ្ឌិត ស៊ុ ម៉ាប់ អគ្គនាយកអាជ្ញាធរជាតិអប្សរា មានប្រសាសន៍ថា សិក្ខាកាមដែលមកសិក្សានៅពេលនេះពិតជាបានស្គាល់ខ្លះៗមិនខាន អំពីវប្បធម៌ និងអារ្យយធម៌របស់ខ្មែរ ព្រោះអង្គរគឺជាដែនដីនៃវប្បធម៌។ ឯកឧត្តមសង្ឃឹមថា សិក្ខាកាមទាំងអស់នឹងទទួលបាននូវចំណេះដឹង និងបទពិសោធន៍ល្អៗពីការចែករំលែកនូវទ្រឹស្តី និងមេរៀនស្តីអំពីវប្បធម៌ អារ្យធម៌ខ្មែរ និងការអភិរក្សតំបន់អង្គរ តាមរយៈអ្នកជំនាញរបស់អាជ្ញាធរជាតិអប្សរានៅរយៈពេលប៉ុន្មានថ្ងៃខាងមុខនេះ។

សូមបញ្ជាក់ថាសិក្ខាកាម១៥រូប មកពីប្រទេស Austria, France, Korea, Lebanon, Tunisia, China, Czech Republic, India, Philippines និងមានការចូលរួមពីយុវជនថ្នាក់ជាតិមាន១០រូប ក្នុងនោះ៥រូបមកពីសហភាពសហព័ន្ធយុវជនកម្ពុជា ៣រូបមកពីអាជ្ញាធរជាតិអប្សរា ១រូបមកពីអាជ្ញាធរជាតិព្រះវិហារ និង១រូបមកពីអាជ្ញាធរជាតិសំបូរព្រៃគុក សរុបចំនួន២០នាក់។
នេះជាលើកទីពីរហើយដែលអាជ្ញាធរជាតិអប្សរាបានបើកវគ្គបណ្តុះបណ្តាលដូចគ្នានេះឡើងនៅឆ្នាំ២០១៦ ដើម្បីបង្កើនចំណេះយុវជន និងបណ្តុះគំនិតយុវជនឱ្យមានចិត្តស្រលាញ់បេតិកភណ្ឌ និងចូលរួមថែរក្សានូវតម្លៃបេតិកភណ្ឌពិភពលោក ទោះបីជាជាតិសាសន៍អ្វីក៏ដោយ៕

















តាមការសង្កេតជាក់ស្តែង ប្រជាជននៅក្នុងតំបន់អង្គរមានជីវភាពរស់នៅល្អប្រសើរពីមួយថ្ងៃទៅមួយថ្ងៃ ប៉ុន្តែ មានគ្រួសារតិចណាស់ដែលមានបង្គន់ប្រើប្រាស់ជាលក្ខណៈគ្រួសារ ព្រោះខ្វះវិធីសាស្ត្រក្នុងការកែច្នៃបង្គន់ប្រើប្រាស់ និងមិនបានចាប់អារម្មណ៍ចំពោះផលប៉ះពាល់សុខភាពតាមរយៈការបន្ទោបង់ពាសវាលពាសកាល។
នៅព្រឹកថ្ងៃទី២៩ ខែធ្នូ ឆ្នាំ២០១៦ ក្រុមការងារសហគមន៍របស់អាជ្ញាធរជាតិអប្សរាប្រចាំស្រុកពួកបានចុះយកលិខិតអនុញ្ញាតជួសជុលផ្លូវក្រាលគ្រួសក្រហមចំនួន៣ខ្សែ មានប្រវែងសរុប១៤០០០ម៉ែត្រទៅប្រគល់ជូនសាលាឃុំដូនកែវ ដោយមានការចូលរួមពីអាជ្ញាធរភូមិ ឃុំ និងប្រជាពលរដ្ឋផងដែរ។ ពិធីប្រគល់ជូននេះត្រូវបានប្រារព្ធធ្វើឡើងនៅសាលាឃុំដូនកែវ ស្រុកពួក ខេត្តសៀមរាប។
ដើម្បីដាស់ស្មារតីសិស្សានុសិស្ស និងប្រជាពលរដ្ឋទាំងអស់ឲ្យចូលរួមថែរក្សាបរិស្ថាននៅក្នុងឧទ្យានអង្គរ ឲ្យបានស្អាតជាប្រចាំនោះ នាព្រឹកថ្ងៃទី២៨ ខែធ្នូ ឆ្នាំ២០១៦នេះ អាជ្ញាធរជាតិអប្សរាបានដឹកនាំសិស្សានុសិស្សប្រមាណជាង២០០នាក់មកពីអនុវិទ្យាល័យហ៊ុនសែនបាគង ចុះសម្អាតបរិស្ថានតាមដងផ្លូវពីវិទ្យាល័យរហូតដល់ផ្លូវចូលទៅប្រាសាទបាគង។ កម្មវិធីនេះរៀបចំឡើងក្រោមអធិបតីភាពលោក ភ័ន ផល្លា ប្រធាននាយកដ្ឋានរដ្ឋបាល បុគ្គលិក និងសម្ភារៈ តំណាងអគ្គនាយកអាជ្ញាធរជាតិអប្សរា និងមានការចូលរួមពីថ្នាក់ដឹកនាំ មន្ត្រី បុគ្គលិកនៃអាជ្ញាធរជាតិអប្សរា លោកនាយកសាលា លោកគ្រូ អ្នកគ្រូជាច្រើនរូបទៀត។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
1816
ម្សិលមិញ
:
17743
សប្តាហ៍នេះ
:
55708
ខែនេះ
:
0203816
សរុប
:
010884469