ព័ត៌មានថ្មីៗ

អាជ្ញាធរជាតិអប្សរាបើកវគ្គបណ្តុះបណ្តាលស្តីពី កិច្ចការពារ និងគ្រប់គ្រងរមណីយដ្ឋានអង្គរ បេតិកភណ្ឌពិភពលោកដល់មន្ត្រី-បុគ្គលិកចំនួន១០០នាក់

បានផ្សាយនៅ ថ្ងៃទី 04 ខែ កក្កដា ឆ្នាំ2018 09:56 AM ដោយ ៖ អាជ្ញាធរជាតិអប្សរា

នៅព្រឹកថ្ងៃទី២ ខែកក្កដា ឆ្នាំ២០១៨ នាសាលសន្និសីទ អង្គរ នៃអាជ្ញាធរជាតិអប្សរា បានបើកវគ្គបណ្តុះបណ្តាលពីកិច្ចការពារ និងគ្រប់គ្រងរមណីយដ្ឋានអង្គរ បេតិកភណ្ឌពិភពលោក។ វគ្គបណ្តុះបណ្តាលនេះមានរយៈពេល៥ថ្ងៃ ចាប់ពីថ្ងៃទី២-៦ ខែកក្កដា ឆ្នាំ២០១៨ រៀបចំឡើងក្នុងគោលបំណងបង្កើនចំណេះដឹងបន្ថែមនិងឱ្យមន្ត្រីបុគ្គលិកពាក់ព័ន្ធយល់ដឹងកាន់តែស៊ីជម្រៅអំពីការងារអភិរក្ស និងអភិវឌ្ឍន៍ ក្នុងតំបន់ការពារបេតិកភណ្ឌ«អង្គរ» ឱ្យកាន់តែទូលំទូលាយបន្ថែមទៀត។​

វាគ្មិននៃវគ្គបណ្តុះបណ្តាលខាងលើមានលោកបណ្ឌិតអ៊ា ដារឹទ្ធ លោក អ៉ឹម សុខរិទ្ធី អនុប្រធានមជ្ឍមណ្ឌលអន្តរជាតិស្រាវជ្រាវ និងតម្កល់ឯកសារអង្គរ បានធ្វើបទបង្ហាញដល់សិក្ខាកាមនូវអារ្យធម៌បុរេប្រវត្តិសាស្រ្ត ប្រវត្តិសាស្រ្តពិភពលោកទូទៅ និងសង្ខេបប្រវត្តិសាស្រ្តខ្មែរ តាំងពីសម័យបុរេប្រវត្តិសាស្រ្ត សម័យមុនអង្គរ សម័យអង្គរ ដែលជាអតីតរាជធានី និងជាអាណាចក្រខ្មែរ នាសម័យអង្គរ។

វគ្គបណ្តុះបណ្តាលនេះផ្តោតសំខាន់ទៅលើប្រវត្តិសាស្រ្ត អារ្យធម៌ និងបេតិកភណ្ឌ។ លើសពីនេះគឺគោលការណ៍អភិរក្សតំបន់រមណីយដ្ឋានអង្គរបេតិកភណ្ឌពិភពលោក ការគ្រប់គ្រងបេតិកភណ្ឌវប្បធម៌ និងអនុសញ្ញាបេតិកភណ្ឌពិភពលោក បង្ហាញដល់សិក្ខាកាមផងដែរ មុននឹងលើកឡើងអំពីអាជ្ញាធរជាតិអប្សរា និងលិខិតបទដ្ឋានគតិយុត្តពាក់ព័ន្ធ ទាក់ទងអំពីការគ្រប់គ្រងមន្ត្រី-បុគ្គលិក។

ម្យ៉ាងទៀតខិតខំធ្វើយ៉ាងណាគ្រប់គ្រងប្រព័ន្ធផ្លូវទឹកបុរាណក្នុងឧទ្យានអង្គរ ការគ្រប់គ្រងនិងអភិវឌ្ឍន៍ទេសចរណ៍ប្រកបដោយចីរភាព។ ការគ្រប់គ្រងសំណង់លំនៅដ្ឋានខ្មែរក្នុងតំបន់អង្គរ និងគ្រប់គ្រងលំនៅដ្ឋានខ្មែរ ដែលជាកិច្ចការដ៏មានសារៈសំខាន់ រួមនិងការអភិរក្ស និងអភិវឌ្ឍន៍បេតិកភណ្ឌក្រុងសៀមរាប អង្គរ និងការអភិវឌ្ឍន៍សហគមន៍ក្នុងតំបន់អង្គរ។

គួរបញ្ជាក់ថា សិក្ខាកាមដែលចូលរួមវគ្គបណ្តុះបណ្តានេះ គឺជាមន្រ្តី បុគ្គលិកមកពីនាយកដ្ឋានផ្សេងៗរួមមាននាយកដ្ឋានផ្សព្វផ្សាយ៦នាក់ នាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ ៧នាក់ នាយកដ្ឋានអភិវឌ្ឍន៍ទេសចរណ៍អង្គរ ១២នាក់ នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន ៥នាក់ នាយកដ្ឋានសណ្តាប់ធ្នាប់ និងសហប្រតិបត្តិការ ១០នាក់ មជ្ឍមណ្ឌលអន្តរជាតិស្រាវជ្រាវ និងតម្កល់ឯកសារអង្គរ ៥នាក់ លេខាធិការដ្ឋានសហគមន៍ ៥នាក់ មជ្ឈមណ្ឌលបណ្តុះបណ្តាលអង្គរ ២នាក់ គម្រោងអភិវឌ្ឍន៍ភូមិធម្មជាតិរុនតាឯក ៣នាក់ នាយកដ្ឋានអភិវឌ្ឍន៍បេតិកភណ្ឌក្នុងក្រុងតំបន់សៀមរាប៣នាក់ នាយកដ្ឋានគណៈកម្មការអន្តរក្រសួងបន្តដោះស្រាយគោលនយោបាយដីធ្លីបុរីវប្បធម៌ ទេសចរណ៍២នាក់ នាយកដ្ឋានទ្រទ្រង់បច្ចេកទេស និងគម្រោងអន្តរវិស័យ៣នាក់ នាយកដ្ឋានរៀបចំដែនដី និគ្រប់គ្រងលំនៅដ្ឋានក្នុងឧទ្យានអង្គរ១០នាក់ នាយកដ្ឋានអភិវឌ្ឍន៍កសិកម្ម និងសហគមន៍៤នាក់ នាយកដ្ឋានគ្រប់គ្រង់ទឹក៥នាក់ នាយកដ្ឋានអភិរក្សប្រាសាទក្នុងឧទ្យាន និងបុរាណវិទ្យាបង្ការ៥នាក់ នាយកដ្ឋានអភិរក្សប្រាសាទក្រៅឧទ្យានអង្គរ៦នាក់ នាយកដ្ឋានរដ្ឋបាល បុគ្គលិក និងសម្ភារះ៣នាក់ អង្គភាពគ្រប់គ្រង់បរិស្ថាន “EMS”២នាក់ និងក្រុមការងារអធិការកិច្ច២នាក់ សរុបចំនួន១០០នាក់៕













អាជ្ញាធរជាតិអប្សរាកំពុងដំណើរការដាក់ផ្ទាំងស្លាកឈ្មោះប្រាសាទដែលមានទាំងអក្សរខ្មែរ និងអក្សរអង់គ្លេស ធ្វើពីថ្មភក់ប្រមាណ១១៨ផ្ទាំងដាក់នៅតាមប្រាសាទនានាក្នុងរមណីយដ្ឋានអង្គរឱ្យរួចរាល់ក្នុងរយៈពេល២ខែ។
មន្រ្តី-បុគ្គលិកនៃនាយកដ្ឋានផ្សព្វផ្សាយរបស់អាជ្ញាធរជាតិអប្សរា ទទួលការបណ្ដុះបណ្ដាលលើជំនាញថតរូប ដែលរៀបចំឡើងរយៈពេល៣ថ្ងៃ គឺចាប់ពីថ្ងៃទី៨ ដល់ថ្ងៃទី១០ ខែមេសា នៅមជ្ឈមណ្ឌលបណ្ដុះបណ្ដាលអង្គរ។ វគ្គបណ្ដុះបណ្ដាលនេះ ធ្វើឡើងក្នុងបំណងដើម្បីផ្តល់ឱកាសដល់បុគ្គលិកទទួលបន្ទុកផ្នែកព័ត៌មាននិងថតរូប ឱ្យមានចំណេះដឹងបន្ថែមអំពីរបៀបថតរូប។ ជាមួយគ្នានេះដែរ វគ្គសិក្សានេះគឺជាចំណេះដឹងបន្ថែម សម្រាប់បុគ្គលិកនៃនាយកដ្ឋានផ្សព្វផ្សាយ ឱ្យមានគំនិតចេះថត ដើម្បីយកមកផ្សព្វផ្សាយបម្រើដល់ស្ថាប័នអាជ្ញាធរជាតិអប្សរា។
នាព្រឹកថ្ងៃទី៧ ខែមេសា ឆ្នាំ២០១៩ ឯកឧត្តម ខូយ គឹមទួ ទីប្រឹក្សាអាជ្ញាធរជាតិអប្សរា តំណាងដ៏ខ្ពង់ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា បាននាំយកថវិកា៨លានរៀលជូននាយទាហាន ពលទាហាននៃកងយោធភូមិភាគទី៤ ស្ថិតក្នុងភូមិខ្វៀន សង្កាត់គោកចក ក្រុងសៀមរាប ខេត្តសៀមរាប ក្នុងវេលាចុះសួរសុខទុក្ខ សំណេះសំណាល ជូនពរឆ្នាំថ្មីជាមួយគណៈប្រតិភូក្រសួងទេសចរណ៍ ដែលដឹកនាំដោយឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍។
នៅរសៀលថ្ងៃទី៣ ខែមេសា ឆ្នាំ២០១៩ ឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា បានទទួលជួបប្រតិភូក្រសួងសាធារណការ និងដឹកជញ្ជូន និងអ្នកជំនាញការរបស់ធនាគារអភិវឌ្ឍន៍អាស៊ី ដើម្បីពិភាក្សាអំពីគម្រោងស្ថាបនាផ្លូវក្រវ៉ាត់ក្រុងសៀមរាបផ្នែកខាងជើង ក្រោមឥណទានធនាគារអភិវឌ្ឍន៍អាស៊ី។ កិច្ចប្រជុំពិភាក្សាបានផ្តោតសំខាន់លើការសិក្សាគម្រោងស្ថាបនាផ្លូវក្រវ៉ាត់ក្រុងសៀមរាបផ្នែកខាងជើង ដើម្បីបញ្ជៀសការប៉ះពាល់ដល់រមណីយដ្ឋានអង្គរ និងការដឹកជញ្ជូនទំនិញគ្រប់ប្រភេទដោយរថយន្តប្រភេទធ្ងន់ ព្រមទាំងបញ្ជៀសការកកស្ទះចរាចរណ៍ និងលើកកម្ពស់សុវត្ថិភាពចរាចរណ៍ជូនអ្នកធ្វើដំណើរទូទៅក្នុងក្រុងសៀមរាប។
គម្រោងជួសជុលច្រាំងកសិន្ធុប្រាសាទអង្គរវត្ត ត្រូវបានអនុវត្តជាបន្តបន្ទាប់ ស្របទៅតាមគោលការណ៍នៃកិច្ចការអភិរក្ស។ ច្រាំងកសិន្ធុផ្នែកខាងលិចស្លាបខាងជើង ត្រូវបានជួសជុសដោយប្រទេសអ៊ីតាលីប្រវែង៨០ម៉ែត្រ (បញ្ចប់នៅឆ្នាំ ២០១៥) និងជួសជុលដោយអាជ្ញាធរជាតិអប្សរាជំហានដំបូងប្រវែង ៤០ម៉ែត្រ(បញ្ចប់នៅឆ្នាំ២០១៧)។ យ៉ាងណាគម្រោងជួសជុលទាំងពីរកន្លងមកពុំទាន់បានភ្ជាប់គ្នានៅឡើយ ដូច្នេះពេលនេះអាជ្ញាធរជាតិអប្សរាមានគោលបំណងជួសជុលកសិន្ធុប្រាសាទអង្គរវត្តដើម្បីតភ្ជាប់ចន្លោះប្រវែង១០ម៉ែត្រនៃគម្រោងទាំងពីរ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
0006
ម្សិលមិញ
:
4630
សប្តាហ៍នេះ
:
00006
ខែនេះ
:
0071418
សរុប
:
008442825