ព័ត៌មានថ្មីៗ

គម្រោងជួសជុលប្រាសាទមេបុណ្យខាងលិចនឹងត្រូវជួសជុលដោយអាជ្ញាធរជាតិអប្សរាបន្តពីភាគីបារាំង

បានផ្សាយនៅ ថ្ងៃទី 14 ខែ មិថុនា ឆ្នាំ2018 03:29 PM ដោយ ៖ អាជ្ញាធរជាតិអប្សរា

ប្រាសាទមេបុណ្យខាងលិចត្រូវបានអភិរក្ស ជួសជុល និងស្តារឡើងវិញដោយគម្រោងសហការរវាងអាជ្ញាធរជាតិអប្សរានិងរដ្ឋាភិបាលបារាំង តាមរយៈសាលាបារាំងចុងបូព៌ា ដែលចាប់ផ្តើមពីឆ្នាំ២០១២មក និងគ្រោងបញ្ចប់នៅឆ្នាំ២០១៩។ ប៉ុន្តែដោយមានកង្វះខាតផ្នែកថវិកានិងតាមការពិភាក្សាយ៉ាងហ្មត់ចត់រវាងស្ថាប័នពាក់ពន្ធ័ គម្រោងជួសជុលនឹងត្រូវប្រគល់មកអាជ្ញាធរជាតិអប្សរាជាអ្នកទទួលរ៉ាប់រងជួសជុលវិញ។

ជាក់ស្តែង នៅថ្ងៃទី១៣ ខែមិថុនា ឆ្នាំ២០១៨ ឯកឧត្តម ហង់ ពៅ អគ្គនាយករងអាជ្ញាធរជាតិអប្សរា នាពេលដឹកនាំក្រុមអ្នកជំនាញជាតិលើផ្នែកជួសជុលនិងអភិរក្សប្រាសាទទៅប្រាសាទមេបុណ្យខាងលិច បានឱ្យដឹងថា នាពេលអនាគតយ៉ាងខ្លី ការដ្ឋានជួសជុលប្រាសាទមេបុណ្យខាងលិចដែលទទួលខុសត្រូវដោយជំនួយឧបត្ថម្ភរបស់រដ្ឋាភិបាលបារាំងនឹងត្រូវបានបញ្ចប់ទាំងស្រុងមុនកំណត់ ប៉ុន្តែការជួសជុលបន្តនឹងត្រូវប្រគល់ជូនអាជ្ញាធរជាតិអប្សរាគ្រប់គ្រងនិងទទួលខុសត្រូវវិញម្តង។

ឯកឧត្តមបន្តថា បើទោះបីជាមិនគ្រប់គ្រងការជួសជុលពេញដៃពេញជើងដូចមុន ក៏ភាគីបារាំងនៅតែបន្តគាំទ្រនិងជួយផ្តល់យោបល់ប្រឹក្សាបច្ចេកទេសដល់អ្នកជំនាញជាន់ខ្ពស់ខ្មែរគ្រប់ពេល។ មិនតែប៉ុណ្ណោះ ភាគីបារាំងក៏បានផ្តល់ព័ត៌មានលម្អិតអំពីវិធីសាស្ត្រនៃការជួសជុលកន្លងមកដល់អ្នកជំនាញជាតិដើម្បីស្វែងយល់ពីការងារឱ្យបានច្បាស់មុននឹងចាប់ផ្តើមការងារបន្ត។

តាមការពិនិត្យជាក់ស្តែង លទ្ធផលជួសជុលនៅប្រាសាទមេបុណ្យខាងលិចមានដូចជា ជួសជុលជញ្ជាំងផ្នែកខាងកើតនិងប៉មចំនួន២បានរួចរាល់ហើយ រីឯប៉ែកខាងលិច ខាងជើង និងខាងត្បូង បានរៀបចំពង្រឹងគ្រឹះដល់កាំទី៥ និងកាំទី៦។

សូមបញ្ជាក់ដែរថា ប្រាសាទមេបុណ្យខាងលិចជាប្រាសាទបុរាណខ្មែរ មានទីតាំងស្ថិតនៅលើដីទួលមួយកន្លែង ចំកណ្តាលបារាយណ៍ខាងលិច។ ប្រាសាទនេះត្រូវបានស្ថាបនាឡើងនៅអំឡុងពាក់កណ្តាលសតវត្សរ៍ទី១១នៃគ្រិស្តសករាជក្នុងរាជ្យព្រះបាទឧទយាទិត្យវរ្ម័នទី២ ឧទ្ទិសចំពោះព្រហ្មញ្ញសាសនាដែលមានលក្ខណៈប្លែកពិសេស ដោយហេតុថា សំណង់ប្រាសាទផ្សំឡើងដោយកំពែងមួយជាន់ធ្វើអំពីថ្មភក់ ហ៊ុមព័ទ្ធស្រះទឹកធំមួយដែលគេជីកនៅលើដីទួលនោះ។ តាមរយៈការធ្វើកំណាយនៅឆ្នាំ១៩៣៩ គេបានរកឃើញរូបបដិមាជាព្រះវិស្ណុក្នុងឥរិយាបថផ្ទំមួយអង្គដែលសព្វថ្ងៃតម្កល់ទុកនៅសារមន្ទីរជាតិភ្នំពេញ៕














សារមន្ទីរព្រះនរោត្តមសីហនុ-អង្គរ មានពិព័រណ៍អចិន្រ្តៃយ៍ចំនួន៣ សុទ្ធសឹងជាលទ្ធផលកំណាយស្រាវជ្រាវបុរាណវិទ្យានៅក្នុងតំបន់អង្គរ។ ពិព័រណ៍វត្ថុបុរាណដែលបានមកពីកំណាយស្រាវជ្រាវទាំងនោះ នឹងផ្តល់ចំណេះដឹងដល់អ្នកទស្សនាឱ្យយល់បានកាន់តែច្បាស់អំពីបុរាណវិទ្យាលើដីនិងក្រោមដី រួមទាំងប្រវត្តិសិល្បៈជាច្រើនទៀត។
អង្គរ ជាដួងព្រលឹងនិងអត្តសញ្ញាណជាតិ បានក្លាយជាសម្បត្តិបេតិកភណ្ឌវប្បធម៌នៃមនុស្សជាតិរបស់អង្គការយូណេស្កូនៅឆ្នាំ១៩៩២។ តាំងពីពេលនោះមករហូតដល់បច្ចុប្បន្ន ក្រៅតែពីកិច្ចការអភិរក្សនិងអភិវឌ្ឍន៍ប្រកបដោយចីរភាពតំបន់អង្គរ ការបណ្តុះបណ្តាលអ្នកបន្តវេនថែរក្សាអង្គរត្រូវបានចាត់ទុកជាកិច្ចការអាទិភាពយ៉ាងសំខាន់។
ជាស្មារតីរួមចំណែកអបអរសាទរខួបលើកទី២៣នៃទិវាវប្បធម៌ជាតិ ដែលធ្វើឡើងក្រោមប្រធានបទ «យុវជនដើម្បីវប្បធម៌ជាតិ» នៅថ្ងៃទី៣ ខែមីនា ឆ្នាំ២០២១នេះ អាជ្ញាធរជាតិអប្សរា កន្លងមកក៏បានចេញផ្សាយទស្សនាវដ្តី «ព្រះនគរ» ដែលបរិយាយលម្អិតពីទិដ្ឋភាពទំនៀមទម្លាប់ប្រពៃណី ក៏ដូចជាលទ្ធផលស្រាវជ្រាវនានានៅក្នុងតំបន់អង្គរ។
ថ្ងៃទី២ ខែមីនា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន ៣គោលដៅ ដែលមានការសហការចូលរួមជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ថ្ងៃទី៣ ខែមីនា ឆ្នាំ២០២១ គឺជាទិវាវប្បធម៌ជាតិលើកទី២៣ ក្រោមប្រធានបទ « យុវជនដើម្បីវប្បធម៌ ជាតិ »
ដើមដំបូងមុន12345...395396បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
0749
ម្សិលមិញ
:
33427
សប្តាហ៍នេះ
:
00749
ខែនេះ
:
0303732
សរុប
:
015373535