ព័ត៌មានថ្មីៗ

ថ្នាក់ដឹកនាំអាជ្ញាធរជាតិអប្សរាយកបទពិសោធន៍គ្រប់គ្រងរមណីយដ្ឋានអង្គរទៅបង្រៀននិស្សិតនៅប្រទេសជប៉ុន

បានផ្សាយនៅ ថ្ងៃទី 14 ខែ មិនា ឆ្នាំ2018 10:15 AM ដោយ ៖ អាជ្ញាធរជាតិអប្សរា

ថ្នាក់ដឹកនាំនៃអាជ្ញាធរជាតិអប្សរា ឯកឧត្តម ហង់ ពៅ អគ្គនាយករង បាននាំយកបទពិសោធន៍ និងការរកឃើញថ្មីៗនៃការងារគ្រប់គ្រងរមណីយដ្ឋានអង្គរ ទៅបង្រៀនដល់និស្សិតពីរថ្នាក់ នៃសាកលវិទ្យាល័យ Kanazawa នៃប្រទេសជប៉ុន។

ការបង្រៀននេះធ្វើឡើងតាមរយៈកិច្ចសហប្រតិបត្តិការរវាងអាជ្ញាធរជាតិអប្សរា និងសាកលកវិទ្យាល័យរដ្ឋរបស់ជប៉ុន Kanazawa ដែលបានធ្វើការសិក្សាស្រាវជ្រាវរួមគ្នាលើបញ្ហាទឹក បរិស្ថាន ជីវភាពរបស់ប្រជាពលរដ្ឋ និងវប្បធម៌របស់ប្រទេសកម្ពុជា និងជប៉ុន។ កិច្ចសហប្រតិបត្តិការនេះធ្វើឡើងតាំងពីឆ្នាំ២០០៥ និងបន្តរហូតដល់មកដល់បច្ចុប្បន្ន។

ក្រោយបញ្ចប់ការធ្វើបទបង្ហាញចុងក្រោយ នាពេលថ្មីកន្លងទៅនេះ ឯកឧត្តម ហង់ ពៅ បានលើកឡើងថា តាមរយៈកិច្ចសហប្រតិបត្តិការនេះ ចាប់ពីឆ្នាំ២០០៧មក នៅកំឡុងខែមករា និងខែកុម្ភៈ ថ្នាក់ដឹកនាំនៃសាកលវិទ្យាល័យ Kanazawa តែងអញ្ជើញរូបគាត់មកបង្រៀន ឬធ្វើបទបង្ហាញដល់និស្សិតជារៀងរាល់ឆ្នាំ។ ចាប់ពីឆ្នាំ២០១៤មក ដោយសាកលវិទ្យាល័យ Kanazawa យល់ឃើញថា ការបង្រៀន និងការធ្វើបទបង្ហាញនេះមានសារៈសំខាន់ ទើបបានតែងតាំងឯកឧត្តមជាសាស្ត្រាចារ្យ Visiting Professor ដើម្បីធ្វើបទបង្ហាញអំពីបទពិសោធន៍នៃការងារគ្រប់គ្រងរមណីយដ្ឋានអង្គរ ដោយផ្តោតសំខាន់លើការគ្រប់គ្រងទឹក បរិស្ថាន និងជីវភាពរបស់ប្រជាពលរដ្ឋជាដើម។

យោងតាមបទពិសោធន៍នៃការបង្រៀន និងបទបង្ហាញដ៏មានសារៈសំខាន់នេះ សាកលវិទ្យាល័យក៏បានបញ្ជូននិស្សិតឲ្យមកធ្វើកម្មសិក្សា ស្វែងយល់អំពីវប្បធម៌ខ្មែរ និងសិក្សាអំពីការគ្រប់គ្រងរមណីយដ្ឋានអង្គរនៅអាជ្ញាធរជាតិអប្សរារយៈពេល២សប្តាហ៍ សម្រាប់និស្សិតពី៨ទៅ១០នាក់ ជារៀងរាល់ឆ្នាំ។

ក្រៅពីធ្វើបទបង្ហាញនៅសាកលវិទ្យាល័យ ឯកឧត្តម ហង់ ពៅ ក៏បានឆ្លៀតពេលដ៏មានតម្លៃទៅបំពេញទស្សនកិច្ចសិក្សា នៅទីក្រុងKomatsu និងសាកលវិទ្យាល័យKomatsu និងបានជួបពិភាក្សាជាមួយថ្នាក់ដឹកនាំក្រុង និងសាកលវិទ្យាល័យដើម្បីរឹតចំណងសហប្រតិបត្តិការបន្ថែមទៀតរវាងខេត្ត Komatsu និងរមណីយដ្ឋានអង្គរ ក៏ដូចជាខេត្តសៀមរាបទាំងមូល។

នេះជាមោទនភាពមួយ ដែលថ្នាក់ដឹកនាំនៃអាជ្ញាធរជាតិអប្សរាមានសមត្ថភាព ហើយត្រូវបានទទួលស្គាល់ដោយសាកលវិទ្យាល័យរដ្ឋរបស់ប្រទេសជប៉ុនលើឆាកអន្តរជាតិ ពីការងារស្រាវជ្រាវ និងការគ្រប់គ្រងរមណីយដ្ឋានអង្គរ ក៏ដូចជាការចែករំលែកចំណេះដឹងល្អៗនេះដល់និស្សិតបរទេស នៃប្រទេសដ៏ជឿនលឿនទៀតផង៕

រូបភាពពី ៖ ឯកឧត្តម ហង់ ពៅ















អាជ្ញាធរជាតិអប្សរាសហការជាមួយរាជរដ្ឋាភិបាលបារាំងក្រោមគម្រោង PAAGERA(ប៉ាជឺរ៉ា) បាននឹងកំពុងអនុវត្តសាកល្បងគម្រោងប្រព័ន្ធចម្រោះទឹកកខ្វក់ខ្នាតតូចមួយកន្លែងស្ថិតនៅភូមិរហាល សង្គាត់នគរធំ ក្រុងសៀមរាបនៃរមណីយដ្ឋានអង្គរ។ ប្រព័ន្ធចម្រោះទឹកនេះត្រូវបានអនុវត្តក្នុងបំណងលើកកម្ពស់សុខមាលភាព អនាម័យរបស់ប្រជាជននិងកាត់បន្ថយទឹកកខ្វក់ជ្រាបចូលក្រោមដី។
នៅរសៀលថ្ងៃទី១៧ មករា ឆ្នាំ ២០១៩ នៅស្នាក់ការអាជ្ញាធរជាតិអប្សរា មានជំនួបពិភាក្សាការងាររវាងថ្នាក់ដឹកនាំនៃអាជ្ញាធរជាតិអប្សរា និងគណៈប្រតិភូប្រទេសកាណាដា ដើម្បីពិភាក្សាលើកិច្ចសហប្រតិបត្តិការមួយចំនួនទៅថ្ងៃអនាគត។ តំណាងអាជ្ញាធរជាតិអប្សរា ដឹកនាំដោយឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ និងគណៈប្រតិភូកាណាដា ដឹកនាំដោយឯកឧត្តម Geng Tan សមាជិករដ្ឋសភានៃរដ្ឋ Ontario។
គម្រោង ប៉ាជឺរ៉ា (PAAGERA) ដែលជាកិច្ចសហការរវាងអាជ្ញាធរជាតិអប្សរា និងរដ្ឋាភិបាលបារាំង បាននិងកំពុងអនុវត្តន៍ដោយផ្តល់ថវិកាបដិភាគសង់បង្គន់អនាម័យសម្រាប់ប្រជាពលរដ្ឋរស់នៅរមណីយដ្ឋានអង្គរ។ គម្រោងនេះគ្របដណ្តប់លើភូមិទាំងអស់ក្នុងតំបន់រមណីយដ្ឋានអង្គរ គឺផ្តល់ជូនគ្រួសារនានាកំពុងរស់នៅតំបន់រមណីយដ្ឋានអង្គដែលមានបំណងចង់បានបង្គន់អនាម័យប្រើប្រាស់ជាលក្ខណៈឯកជន តែខ្វះថវិកាដើម្បីសង់បង្គន់អនាម័យដែលមានភាពល្អប្រសើរ។
អ្នកជំនាញអភិរក្សថ្មនៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការបស់អាជ្ញាធរជាតិអប្សរា សហការជាមួយស្ថាប័ន GIZ រួមទាំងអ្នកស្រាវជ្រាវកូរ៉េ បានពិភាក្សាផ្លាស់ប្តូរយោបល់លម្អិតតាមជំនាញនីមួយៗ ដើម្បីបំពេញការងារអភិរក្សក្នុងការប្រើប្រាស់បច្ចេកទេសនិងសម្ភារៈដែលមិនប៉ះពាល់ដល់ការជួសជុលព្រះពុទ្ធរូបពីរអង្គសម័យក្រោយអង្គរស្ថិតនៅប្រាង្គកណ្តាលនៃប្រាសាទប្រែរូប។
ឆ្លៀតក្នុងឱកាសអញ្ជើញទស្សនកិច្ចនៅខេត្តសៀមរាបរយៈពេល២ថ្ងៃ ពីថ្ងៃទី៤-៥ ខែធ្នូ ឆ្នាំ២០១៨ ដើម្បីចូលរួមជាអធិបតីក្នុងពិធីបើកជាផ្លូវការខួបលើកទី ២៥ឆ្នាំ នៃការបង្កើតគណៈកម្មាធិការអន្ដរជាតិ អាយស៊ីស៊ី-អង្គរ និងកិច្ចប្រជុំបច្ចេកទេសលើកទី៣១ កិច្ចប្រជុំពេញអង្គលើកទី២៥ នៃអាយស៊ីស៊ី-អង្គរ លោកជំទាវ Audrey AZOULAY អគ្គនាយិកាយូណេស្កូ បានធ្វើទស្សនកិច្ចតាមការដ្ឋានជួសជុល តាមប្រាសាទមួយចំនួនក្នុងរមណីយដ្ឋានអង្គរ ដោយមានការអមដំណើរដោយឯកឧត្តម ហង់ ពៅ អគ្គនាយករងនៃអាជ្ញាធរជាតិអប្សរា និងមន្ត្រីមួយចំនួននៃអង្គការយូណេស្កូ។
ដើមដំបូងមុន12345...192193បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
10456
ម្សិលមិញ
:
12189
សប្តាហ៍នេះ
:
22645
ខែនេះ
:
0105829
សរុប
:
007832848