ព័ត៌មានថ្មីៗ

អាជ្ញាធរជាតិអប្សរាត្រៀមខ្លួនចូលរួមសហការក្នុងការរៀបចំព្រឹត្តិការណ៍សង្ក្រាន្តឆ្នាំ២០១៨

បានផ្សាយនៅ ថ្ងៃទី 14 ខែ មិនា ឆ្នាំ2018 09:41 AM ដោយ ៖ អាជ្ញាធរជាតិអប្សរា

ដើម្បីអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំវកសំរឹទ្ធិស័ក ព.ស ២៥៦១ឈានចូល២៥៦២ខាងមុខនេះ ព្រឹត្តិការណ៍អង្គរសង្ក្រាន្តដែលនឹងត្រូវរៀបចំឡើងនៅរមណីយដ្ឋានអង្គរ នឹងមានទម្រង់កាន់តែធំជាងឆ្នាំមុនៗ។

មានប្រសាសន៍ក្នុងពិធីជួបពិភាក្សាការងាររវាងសហភាពសហព័ន្ធយុវជនកម្ពុជា និងថ្នាក់ដឹកនាំអាជ្ញាធរជាតិអប្សរាស្តីពីដំណើរឆ្ពោះទៅកាន់ព្រឹត្តិការណ៍អង្គរសង្ក្រាន្តឆ្នាំ២០១៨ នារសៀលថ្ងៃទី១៣ ខែមីនា ឆ្នាំ២០១៨ ឯកឧត្តម ហ៊ុន ម៉ានី បានបញ្ជាក់ថា ព្រឹត្តិការណ៍អង្គរសង្ក្រាន្តឆ្នាំថ្មីនេះនឹងបង្កើនកម្មវិធីរហូតដល់៣២កម្មវិធី ដែលបង្ហាញអំពីប្រពៃណី ទំនៀមទម្លាប់ និងវប្បធម៌របស់ខ្មែរដ៏សំបូរបែប ជាមួយការជួយរួមពីយុវជនស្ម័គ្រចិត្តដល់ទៅជាង៤ពាន់នាក់។

យោងតាមបទបង្ហាញដោយ ឯកឧត្តម សុខ សប្បាយណា ប្រធានផ្នែកប្រតិបត្តិនៃព្រឹត្តការណ៍អង្គរសង្រ្កាន្ត បញ្ជាក់ថា អង្គរសង្ក្រាន្តឆ្នាំនេះនឹងកែសម្រួល និងបន្ថែមនូវកម្មវិធីថ្មីៗមួយចំនួនទៀត ដើម្បីឲ្យមានទាក់ទាញកាន់តែខ្លាំង ដូចជា សហស្សវិចិត្រវាយនា ដែលជាការកម្មវិធីបង្ហាញក្រមាខ្មែរដ៏វិចិត្រប្រវែង១០០០ម៉ែត្រ កម្មវិធីព្រៃប្រសិទ្ធីដើម្បីបណ្តុះការស្រឡាញ់ព្រៃឈើនិងសត្វព្រៃ និងកម្មវិធីបាញ់ព្រួញជាដើម។ល។

ឯកឧត្តមបណ្ឌិត ស៊ុ ម៉ាប់ អគ្គនាយកអាជ្ញាធរជាតិអប្សរាមានប្រសាសន៍ក្នុងកិច្ចប្រជុំពិភាក្សានេះថា អាជ្ញាធរជាតិអប្សរា បានត្រៀមខ្លួនរួចរាល់ដើម្បីសហការរៀបចំព្រឹត្តិការណ៍ដ៏សំខាន់នេះហើយ។ ជាក់ស្តែង ក្រុមការងារនៃអាជ្ញាធរជាតិអប្សរាបានដោះស្រាយជូននូវសំណូមពរ១០១ចំណុច ក្នុងចំណោយម១០៤សំណូមពរ ដែលក្រុមការងាររៀបចំព្រឹត្តិការណ៍បានស្នើមកអាជ្ញាធរជាតិអប្សរា។ ចំណុចដែលនៅសេសសល់តិចតួច ក្រុមការងារកំពុងបន្តដោះស្រាយជូនក្រុមការងាររៀបចំព្រឹត្តិការណ៍បន្ថែមទៀត។

គួររំឭកថា ព្រឹត្តិការណ៍អង្គរសង្ក្រាន្តត្រូវបានរៀបចំឡើងដោយសហភាពសហព័ន្ធយុវជនកម្ពុជា ក្រោមកិច្ចសហការពីក្រសួង និងស្ថាប័នពាក់ព័ន្ធជាច្រើន។ ព្រឹត្តិការណ៍នេះបានទាក់ទាញនូវភ្ញៀវទេសចរជាតិ និងអន្តរជាតិមកកាន់តំបន់រមណីយដ្ឋានអង្គរកាន់តែច្រើនឡើងៗជាក់ស្តែងនៅឆ្នាំ២០១៧កន្លងទៅ ភ្ញៀវទេសចរមានចំនួនជាង១លាន៦សែន ដែលមានកំណើនដល់ទៅ៧២៥% ធៀបនឹងឆ្នាំ២០១៣ ដែលជាឆ្នាំដំបូងនៃការរៀបចំព្រឹត្តិការណ៍៕





















អាជ្ញាធរជាតិអប្សរាសហការជាមួយរាជរដ្ឋាភិបាលបារាំងក្រោមគម្រោង PAAGERA(ប៉ាជឺរ៉ា) បាននឹងកំពុងអនុវត្តសាកល្បងគម្រោងប្រព័ន្ធចម្រោះទឹកកខ្វក់ខ្នាតតូចមួយកន្លែងស្ថិតនៅភូមិរហាល សង្គាត់នគរធំ ក្រុងសៀមរាបនៃរមណីយដ្ឋានអង្គរ។ ប្រព័ន្ធចម្រោះទឹកនេះត្រូវបានអនុវត្តក្នុងបំណងលើកកម្ពស់សុខមាលភាព អនាម័យរបស់ប្រជាជននិងកាត់បន្ថយទឹកកខ្វក់ជ្រាបចូលក្រោមដី។
នៅរសៀលថ្ងៃទី១៧ មករា ឆ្នាំ ២០១៩ នៅស្នាក់ការអាជ្ញាធរជាតិអប្សរា មានជំនួបពិភាក្សាការងាររវាងថ្នាក់ដឹកនាំនៃអាជ្ញាធរជាតិអប្សរា និងគណៈប្រតិភូប្រទេសកាណាដា ដើម្បីពិភាក្សាលើកិច្ចសហប្រតិបត្តិការមួយចំនួនទៅថ្ងៃអនាគត។ តំណាងអាជ្ញាធរជាតិអប្សរា ដឹកនាំដោយឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ និងគណៈប្រតិភូកាណាដា ដឹកនាំដោយឯកឧត្តម Geng Tan សមាជិករដ្ឋសភានៃរដ្ឋ Ontario។
គម្រោង ប៉ាជឺរ៉ា (PAAGERA) ដែលជាកិច្ចសហការរវាងអាជ្ញាធរជាតិអប្សរា និងរដ្ឋាភិបាលបារាំង បាននិងកំពុងអនុវត្តន៍ដោយផ្តល់ថវិកាបដិភាគសង់បង្គន់អនាម័យសម្រាប់ប្រជាពលរដ្ឋរស់នៅរមណីយដ្ឋានអង្គរ។ គម្រោងនេះគ្របដណ្តប់លើភូមិទាំងអស់ក្នុងតំបន់រមណីយដ្ឋានអង្គរ គឺផ្តល់ជូនគ្រួសារនានាកំពុងរស់នៅតំបន់រមណីយដ្ឋានអង្គដែលមានបំណងចង់បានបង្គន់អនាម័យប្រើប្រាស់ជាលក្ខណៈឯកជន តែខ្វះថវិកាដើម្បីសង់បង្គន់អនាម័យដែលមានភាពល្អប្រសើរ។
អ្នកជំនាញអភិរក្សថ្មនៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការបស់អាជ្ញាធរជាតិអប្សរា សហការជាមួយស្ថាប័ន GIZ រួមទាំងអ្នកស្រាវជ្រាវកូរ៉េ បានពិភាក្សាផ្លាស់ប្តូរយោបល់លម្អិតតាមជំនាញនីមួយៗ ដើម្បីបំពេញការងារអភិរក្សក្នុងការប្រើប្រាស់បច្ចេកទេសនិងសម្ភារៈដែលមិនប៉ះពាល់ដល់ការជួសជុលព្រះពុទ្ធរូបពីរអង្គសម័យក្រោយអង្គរស្ថិតនៅប្រាង្គកណ្តាលនៃប្រាសាទប្រែរូប។
ឆ្លៀតក្នុងឱកាសអញ្ជើញទស្សនកិច្ចនៅខេត្តសៀមរាបរយៈពេល២ថ្ងៃ ពីថ្ងៃទី៤-៥ ខែធ្នូ ឆ្នាំ២០១៨ ដើម្បីចូលរួមជាអធិបតីក្នុងពិធីបើកជាផ្លូវការខួបលើកទី ២៥ឆ្នាំ នៃការបង្កើតគណៈកម្មាធិការអន្ដរជាតិ អាយស៊ីស៊ី-អង្គរ និងកិច្ចប្រជុំបច្ចេកទេសលើកទី៣១ កិច្ចប្រជុំពេញអង្គលើកទី២៥ នៃអាយស៊ីស៊ី-អង្គរ លោកជំទាវ Audrey AZOULAY អគ្គនាយិកាយូណេស្កូ បានធ្វើទស្សនកិច្ចតាមការដ្ឋានជួសជុល តាមប្រាសាទមួយចំនួនក្នុងរមណីយដ្ឋានអង្គរ ដោយមានការអមដំណើរដោយឯកឧត្តម ហង់ ពៅ អគ្គនាយករងនៃអាជ្ញាធរជាតិអប្សរា និងមន្ត្រីមួយចំនួននៃអង្គការយូណេស្កូ។
ដើមដំបូងមុន12345...192193បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
11060
ម្សិលមិញ
:
12189
សប្តាហ៍នេះ
:
23249
ខែនេះ
:
0106433
សរុប
:
007833452