NEWS

សហគមន៍អ្នកប្រើប្រាស់ទឹកបារាយណ៍ទឹកថ្លាធ្វើការជ្រើសរើសប្រធានថ្មីក្រោមការសម្របសម្រួលអាជ្ញាធរជាតិអប្សរា

Published on 12 March 2018 09:21 AM Post By ៖ Apsara National Authority

នៅព្រឹកថ្ងៃទី៩ ខែមីនា ឆ្នាំ២០១៨ អាជ្ញាធរជាតិអប្សរា បានសម្របសម្រួលរៀបចំបោះឆ្នោតប្រធានសហគមន៍អ្នកប្រើប្រាស់ទឹកបារាយណ៍ទឹកថ្លាអណត្តិទី២ បន្ទាប់ពីអណត្តិចាស់ដែលបានជ្រើសរើសកាលពីឆ្នាំ២០១៤ ត្រូវបានបញ្ចប់។ ការបោះឆ្នោតនេះក្នុងអណត្តិថ្មីនេះ លោក សុខ ម៉ក់ ត្រូវជាប់ជាអ្នកដឹកនាំនៅអណត្តិទី២នេះ។

ក្រោយរាជរដ្ឋាភិបាលប្រគល់សិទ្ធិឱ្យអាជ្ញាធរជាតិអប្សរា គ្រប់គ្រងទឹកបារាយណ៍ទឹកថ្លា នៅឆ្នាំ២០១៤មក អាជ្ញាធរជាតិអប្សរា បានសម្របសម្រួលរៀបចំឱ្យមានសហគមន៍ប្រើប្រាស់ទឹកឲ្យបានត្រឹមត្រូវ សម្រាប់ទាញយកទឹកបារាយណ៍ទឹកថ្លាយកទៅប្រើប្រាស់ជាប្រយោជន៍ដល់ការងារកសិកម្ម។ នៅឆ្នាំ២០១៤ តាមរយៈការបោះឆ្នោតជ្រើសរើសប្រធានសហគមន៍នេះ លោក ហួត ហាយ បានជាប់ជាប្រធាន និងបានដឹកនាំសហគមន៍អ្នកប្រើប្រាស់ទឹកបារាយណ៍ទឹកថ្លា រយៈពេល៣ឆ្នាំ។

លោក សុខ ម៉ក់ ដែលទើបជាប់ជាប្រធាន និងមានទីលំនៅក្នុងសង្កាត់ទឹកវិល បានឱ្យប្តេជ្ញានឹងខិតខំប្រឹងប្រែង ធ្វើយ៉ាងណាឱ្យស័ក្តិសមចំពោះការបោះឆ្នោតគាំទ្រពីប្រជាពលរដ្ឋ។ លោកបន្ថែមថា នឹងស្វែងរកគ្រប់មធ្យោបាយ រិះរកដើម្បីឱ្យពលរដ្ឋមានទឹកប្រើប្រាស់គ្រប់គ្រាន់។

លោក ជូរ៉ា ឌីណា អនុប្រធាននាយកដ្ឋានគ្រប់គ្រងទឹក នៃអាជ្ញាធរជាតិអប្សរា ដែលបានដឹកនាំក្រុមការងាររៀបចំកម្មវិធីបោះឆ្នោតនៅសហគមន៍អ្នកប្រើប្រាស់ទឹកបារាយណ៍ទឹកថ្លា បានឱ្យដឹងថា ជាគោលការណ៍របស់អាជ្ញាធរជាតិអប្សរា គឺរៀបចំឱ្យមានអាណត្តិបោះឆ្នោត៣ឆ្នាំម្តង។ លោកបញ្ជាក់ថា កាលពីអាណត្តិមុន ក្រោមការដឹកនាំរបស់លោក ហួត ហាយ គឺធ្វើឱ្យប្រជាពលរដ្ឋសប្បាយរីករាយ ពេលដែលពួកគេមានទឹកប្រើប្រាស់បានគ្រប់គ្រាន់។

តាមការលើកឡើងរបស់មន្រ្តីជំនាញទឹក ដើម្បីឱ្យការប្រើប្រាស់ទឹកនៅបារាយណ៍ទឹកថ្លាមាននិរន្តរភាព គឺអាជ្ញាធរជាតិអប្សរា ចង់ឱ្យពលរដ្ឋទាំងអស់ ផ្លាស់ប្តូរពីការធ្វើស្រែមកដាំដំណាំវិញ។ លោក ជូរ៉ា ឌីណា ពន្យល់ថា ការដាំដំណាំ ប្រើប្រាស់ទឹកអស់តិច ហើយគេអាចបង្វែរទាំងក្នុងបារាយណ៍ទៅធ្វើទឹកស្អាតវិញ ព្រោះតម្រូវការក្នុងទីក្រុងសៀមរាបបច្ចុប្បន្នមានការកើនឡើងខ្ពស់។ លោកបន្ថែមទៀតថា ការដាំដំណាំ ក្រៅពីប្រើទឹកអស់តិចហើយនោះ ក៏អាចលក់បានថ្លៃជាងទៀត ដូច្នេះលើកទឹកចិត្តឱ្យពលរដ្ឋ គួរងៀកទៅដាំដំណាំ និងបន្លែជំនួសវិញ។

សូមបញ្ជាក់ថា កាលពីថ្ងៃទី១ ខែកក្កដា ឆ្នាំ២០១៤ រាជរដ្ឋាភិបាលបានប្រគល់ការងារគ្រប់គ្រងទឹក និងទ្វារទឹកនៅបារាយណ៍ទឹកថ្លា (បារាយណ៍ខាងលិច) ជូនអាជ្ញាធរជាតិអប្សរា ដោយត្រូវទទួលខុសត្រូវទាំងស្រុងលើតម្រូវការទឹកសម្រាប់ស្រូវចំនួន១២០០០ហិកតា (ស្រូវវស្សា៨០០០ហិកតា ស្រូវប្រាំង៤០០០ហិកតា) និងដំណាំរួមផ្សំផ្សេងទៀតចំនួន១០០០ហិកតា និងធានាដោះស្រាយរាល់បញ្ហាគ្រោះទឹកជំនន់ និងភាពរាំងស្ងួត ដែលអាចកើតមានឡើងជាយថាហេតុ។ បន្ទាប់ពីបានទទួលគោលការណ៍នេះហើយ អាជ្ញាធរជាតិអប្សរាបានជួសជុល ស្តារឡើងវិញជាបន្ទាន់នូវទ្វារទឹក និងប្រព័ន្ធប្រឡាយនៃបារាយណ៍ខាងលិច ដែលការងារនេះ ធ្វើឲ្យប្រជាពលរដ្ឋមានទឹកគ្រប់គ្រាន់សម្រាប់ការបង្កបង្កើនផលបានគ្រប់រដូវ៕













អាជ្ញាធរជាតិអប្សរាសហការជាមួយសមាគមធនធានមនុស្សខេត្តសៀមរាប និងសមាគមទេសចរណ៍ខេត្តសៀមរាប បានបង្កើតកម្មវិធីដាំដើមឈើប្រភេទកម្រចំនួនជាង២០០០ដើម នៅតំបន់បរិវេណខ្លោងទ្វារខាងកើតប្រាសាទតាព្រហ្ម កាលពីថ្ងៃទី១៤ ខែកក្កដា ឆ្នាំ២០១៨ ដែលមានសមាជិកជាង៥០សណ្ឋាគារ និងក្រុមហ៊ុនបម្រើឱ្យវិស័យទេសចរណ៍ចូលរួម។ រីឯចំនួនអ្នកចូលរួមដាំមានប្រមាណជាង២០០០នាក់ ថែមទាំងមានអ្នកផ្តល់ឧបត្ថមកម្មវធី ៧ក្រុមហ៊ុនផងដែរ។
ដោយមើលឃើញពីទុក្ខលំបាកក្នុងការធ្វើដំណើររបស់ប្រជាជនក្នុងឃុំដូនកែវ ស្រុកពួក ដែលត្រូវធ្វើដំណើរកាត់ស្ពានចាស់ទ្រុឌទ្រោម ឆ្លងមកក្រុងសៀមរាប អាជ្ញាធរជាតិអប្សរា បានស្ថាបនាស្ពានបេតុងថ្មី ដើម្បីជាប្រយោជន៍ដល់អ្នកឃុំដូនកែវទាំងមូល។ ស្ពានបេតុងថ្មីនេះ នឹងសម្រួលដល់ការធ្វើដំណើររបស់ប្រជាពលរដ្ឋក្នុងឃុំដូនកែវ ទាំងរដូវប្រាំង និងវស្សា។
ក្រុមលេខាធិការដ្ឋានសហគមន៍ប្រចាំស្រុកអង្គរធំ ដែលដឹកនាំដោយអគ្គនាយករងអាជ្ញាធរជាតិអប្សរា ឯកឧត្តម ហង់ ពៅ កាលពីសប្ដាហ៍កន្លងទៅ បានចុះជួយធ្វើផ្ទះរបស់ប្រជាពលរដ្ឋមួយខ្នង និងបានបុកអណ្ដូងទឹកចំនួន២ ដល់ពលរដ្ឋដែលមានជីវភាពខ្វះខាត។
FirstPrev12345...169170NextLast

Speech of H. E. Ms. Phoeurng Sackona, President of APSARA National Authority

Welcome Remark by H.E Dr. SUM Map, Director General of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
8
Today
:
4621
Yesterday
:
5944
This Week
:
35866
This Month
:
0216836
Total
:
006153727