ព័ត៌មានថ្មីៗ

កីឡាការិនីជិត២០០នាក់ចូលរួមព្រឹត្តិការណ៍កីឡាRAID Amazones ជាលើកទី២នៅទឹកដីអង្គរ

បានផ្សាយនៅ ថ្ងៃទី 07 ខែ មិនា ឆ្នាំ2018 01:51 PM ដោយ ៖ អាជ្ញាធរជាតិអប្សរា

ព្រឹត្តិការណ៍កីឡាRAID Amazones ដែលប្រមូលផ្តុំដោយអ្នកចូលរួមសុទ្ធតែជាស្ត្រីបានចាប់ផ្តើមហើយនៅព្រឹកព្រលឹមថ្ងៃទី៧ ខែមីនា ឆ្នាំ២០១៨ នៅលើទឹកដីអង្គរខេត្តសៀមរាប។ ព្រឹត្តិការណ៍នេះមានអ្នកចូលរួមប្រមាណ១៧៤នាក់ ចម្រុះជាតិសាសន៍មកពីជុំវិញពិភពលោក។

ក្នុងពិធីបើកព្រឹត្តិការណ៍ជាផ្លូវការព្រឹកមិញនេះ មានការអញ្ជើញចូលរួមពីសំណាក់លោកជំទាវ Eva Nguyen Bin ឯកអគ្គរដ្ឋទូតបារាំងប្រចាំកម្ពុជា ឯកឧត្តម ង៉ាន់ ភិរុណ អភិបាលរងខេត្តសៀមរាប ឯកឧត្តម សុខ សង្វារ អគ្គនាយករង និងជាតំណាងឯកឧត្តមបណ្ឌិត ស៊ុ ម៉ាប់ អគ្គនាយកអាជ្ញាធរជាតិអប្សរា។

មានប្រសាសន៍ក្នុងពិធីបើកព្រឹត្តិការណ៍នេះ ឯកឧត្តម ង៉ាន់ ភិរុណ បានសម្តែងការស្វាគមន៍យ៉ាងកក់ក្តៅចំពោះវត្តមានរបស់គណៈអធិបតី និងក្រុមកីឡារិនីទាំងអស់ដែលបានចូលរួមក្នុងព្រឹត្តិការណ៍ដ៏ធំនេះនៅលើទឹកដីខេត្តសៀមរាបនៃប្រទេសកម្ពុជា។ ឯកឧត្តមក៏បានជូនពរកីឡារិនីបានទទួលបទពិសោធន៍ល្អៗពីការមកកាន់កម្ពុជានៅពេលនេះ៕

ឯកឧត្តម សុខ សង្វារ បានថ្លែងអំណរគុណគណៈអធិបតី សមត្ថកិច្ចពាក់ព័ន្ធ និងដៃគូសហការទាំងអស់ដែលបានផ្តួចផ្តើមឲ្យមានព្រឹត្តិការណ៍នេះឡើង។ ជាមួយគ្នានេះ ឯកឧត្តមក៏បានរំឭកផងដែរអំពីសុខសន្តិភាពដ៏ពេញលេញនៅកម្ពុជាបច្ចុប្បន្ន ដែលកត្តានេះធ្វើឲ្យកម្ពុជាអាចទទួលរៀបចំនូវព្រឹត្តិការណ៍លំដាប់អន្តរជាតិផ្សេងៗ ដូចជាព្រឹត្តិការណ៍RAID Amazonesនៅពេលនេះជាដើម។ ឯកឧត្តមសង្ឃឹមថា តាមរយៈការផ្សព្វផ្សាយលើឆាកអន្តរជាតិនូវព្រឹត្តិការណ៍ដ៏ធំនេះ ប្រជាពលរដ្ឋរាប់លាននាក់ជុំវិញពិភពលោកនឹងស្គាល់កម្ពុជាកាន់តែច្បាស់ ជាពិសេស គឺអង្គរដែលជាសម្បត្តិបេតិកភណ្ឌពិភពលោកដ៏អស្ចារ្យរបស់កម្ពុជា។

ជាមួយគ្នានេះដែរ លោកជំទាវ Eva Nguyen Bin ឯកអគ្គរដ្ឋទូតបារាំងប្រចាំកម្ពុជាក៏បានថ្លែងកីឡារិនីទាំងអស់ ដែលបានធ្វើដំណើរយ៉ាងវែងឆ្ងាយមកចូលរួមព្រឹត្តិការណ៍ដ៏សំខាន់នេះនៅទឹកដីអង្គររបស់កម្ពុជា។ លោកជំទាវក៏បានជូនពរកីឡារិនីទាំងអស់ភ្ជាប់នឹងថ្ងៃ៨មីនា ដែលជាទិវាសិទ្ធិនារីដ៏សំខាន់លើពិភពលោកផងដែរ៕

ព្រឹត្តិការណ៍កីឡា RAID Amazones លើកទី៣នេះប្រព្រឹត្តទៅរយៈ៥ថ្ងៃ ដោយថ្ងៃដំបូងនេះ គឺរត់ប្រណាំងក្នុងតំបន់អង្គរក្នុងចម្ងាយ១៧,៥គម ចេញពីកន្លែងលក់សំបុត្រទៅដល់ខ្លោងទ្វារចូលខាងលិចនៃប្រាសាទបាយ័ន។ ក្រៅពីនេះ RAID Amazones នឹងមានសកម្មភាពកីឡាផ្សេងទៀតដូចជា ការជិះកង់ និងការជិះទូកជាដើម ព្រមទាំងការទស្សនាស្វែងយល់ពីវប្បធម៌ទំនៀមទម្លាប់របស់ប្រជាពលរដ្ឋខ្មែរ។

គួររំឭកថា RAID Amazones ជាព្រឹត្តិការណ៍កីឡាអន្តរជាតិមួយដ៏មានប្រជាប្រិយភាពបំផុតនៅលើពិភពលោក មានសុទ្ធតែនារីជាអ្នកចូលរួម។ កីឡានេះ បង្កើតឡើងដោយអតីតពិធីករទូរទស្សន៍ជនជាតិបារាំងឈ្មោះ ALEXANDER DEBANNE មានរយៈពេល១៥ឆ្នាំមកហើយ និងបានធ្វើនៅតាមបណ្តាប្រទេសជាច្រើន។

នេះជាលើកទី២សម្រាប់កម្ពុជាជាម្ចាស់ផ្ទះ ដែលរៀបចំឡើងនៅលើទឹកដីអង្គរ។ លើកទី១ គឺកាលពីខែធ្នូឆ្នាំ២០១៤ និងលើកទី២ចែកជា២ដំណាក់កាលដោយកត្តាអ្នកចូលរួមច្រើនលើសលុបគឺកាលពីខែធ្នូ ឆ្នាំ២០១៧មួយដំណាក់កាល និងខែមីនានេះមួយដំណាក់កាល។ ព្រឹត្តិការណ៍នេះ សហការរៀបចំដោយអាជ្ញាធរជាតិអប្សរា គណៈកម្មាធិការជាតិអូឡាំពិកកម្ពុជា ក្រសួងទេសចរណ៍ ក្រសួងកិច្ចការនារី និងក្រុមហ៊ុនបារាំងឈ្មោះ ZBO រួមទាំងបណ្តាញផ្សព្វផ្សាយព័ត៌មានបារាំង។

ការរៀបចំព្រឹត្តិការណ៍ RAID Amazones នៅលើទឹកដីអង្គរ គឺជាឧទាហរណ៍ជាក់ស្តែងមួយ ដែលបង្ហាញអំពីសមត្ថកិច្ចរបស់អាជ្ញាធរជាតិអប្សរាលើការគ្រប់គ្រងរមណីយដ្ឋានអង្គរ ដែលមិនត្រឹមគិតគូរលើការងារអភិរក្សប៉ុណ្ណោះទេ តែក៏ផ្តោតសំខាន់លើការអភិវឌ្ឍប្រកបដោយចីរភាព តាមរយៈការរៀបចំកម្មវិធីអន្តរជាតិល្បីៗ ដើម្បីទាក់ទាញទេសចរមកកាន់កម្ពុជាកាន់តែច្រើនឡើងៗជារៀងរាល់ឆ្នាំ៕















នេះជាព្រឹត្តិការណ៍ប្រវត្តិសាស្ត្រនារាត្រីថ្ងៃទី៥ ខែធ្នូ ឆ្នាំ២០១៨ ដែលព្រះករុណាជាម្ចាស់ជីវិតតម្កល់លើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីបិទអបអរសាទរខួប២៥ឆ្នាំនៃការបង្កើតអាយស៊ីស៊ី-អង្គរ និងព្រះរាជពិធីលៀងសាយភោជន៍ នៅព្រះលានជល់ដំរី ក្រុងអង្គរធំ ខេត្តសៀមរាប។
នៅព្រឹកថ្ងៃទី៦ ខែធ្នូ ឆ្នាំ២០១៨ ថ្នាក់ដឹកនាំនៃអាជ្ញាធរជាតិអប្សរាមានកិត្ដិយសដោយបានចូលរួមថ្វាយបដិសណ្ឋារកិច្ច និងថ្វាយដំណើរយាងនិវត្តរបស់ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី និងសម្ដេច មហាក្សត្រី នរោត្តម មុនីនាថ សីហនុ តាមព្រះទីនាំងពិសេសត្រឡប់ទៅរាជធានីភ្នំពេញវិញបន្ទាប់ពីបំពេញព្រះរាជកិច្ចដ៏ថ្លៃថ្លាមួយចំនួននៅខេត្តសៀមរាប។
កិច្ចប្រជុំបច្ចេកទេសលើកទី៣១ និងពេញអង្គលើកទី២៥ នៃគណៈកម្មាធិការអន្ដរជាតិសម្របសម្រួលការគាំពារ និងអភិវឌ្ឍន៍រមណីយដ្ឋានប្រវត្តិសាស្រ្ដអង្គរ ហៅកាត់ថា អាយស៊ីស៊ី-អង្គរ រយៈពេល២ថ្ងៃ គឺចាប់ពីថ្ងៃទី៤-៥ ខែធ្នូ ឆ្នាំ២០១៨ បានបិទបញ្ចប់ជាមួយនឹងលទ្ធផលដ៏គួរឱ្យមោទនភាព។ កិច្ចប្រជុំ ដែលអមជាមួយនឹងការប្រារព្ធខួប ២៥ឆ្នាំ របស់អាយស៊ីស៊ី-អង្គរ ដែលមានការចូលរួមពីព្រះវត្តមានដ៏ថ្លៃថ្លារបស់ ព្រះករុណាព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ត្រូវបានសាទរពីភ្ញៀវជាតិ និងអន្ដរជាតិ។
នាព្រឹកថ្ងៃទី០៥ ខែធ្នូ ឆ្នាំ២០១៨ នៅក្នុងកិច្ចប្រជុំពេញអង្គលើកទី២៥ របស់អាយស៊ីស៊ី-អង្គរ នាសាលសន្និសីទសុខាសៀមរាប បានប្រារព្ធពិធីចុះអនុស្សារណៈយោគយល់គ្នា ដើម្បីបន្តជួសជុល អភិរក្សក្រុមប្រាសាទព្រះពិធូរ និងលានជល់ដំរីនៅក្នុងទីក្រុងអង្គរធំ ក្រោមអធិបតីភាពលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា សហប្រធានអាយស៊ីស៊ី-អង្គរ រួមទាំងអ្នកជំនាញជាតិនិងអន្តរជាតិជាច្រើនទៀត។
ឆ្លៀតក្នុងឱកាសអញ្ជើញទស្សនកិច្ចនៅខេត្តសៀមរាបរយៈពេល២ថ្ងៃ ពីថ្ងៃទី៤-៥ ខែធ្នូ ឆ្នាំ២០១៨ ដើម្បីចូលរួមជាអធិបតីក្នុងពិធីបើកជាផ្លូវការខួបលើកទី ២៥ឆ្នាំ នៃការបង្កើតគណៈកម្មាធិការអន្ដរជាតិ អាយស៊ីស៊ី-អង្គរ និងកិច្ចប្រជុំបច្ចេកទេសលើកទី៣១ កិច្ចប្រជុំពេញអង្គលើកទី២៥ នៃអាយស៊ីស៊ី-អង្គរ លោកជំទាវ Audrey AZOULAY អគ្គនាយិកាយូណេស្កូ បានធ្វើទស្សនកិច្ចតាមការដ្ឋានជួសជុលតាមប្រាសាទមួយចំនួនក្នុងរមណីយដ្ឋានអង្គរ ដោយមានការអមដំណើរដោយឯកឧត្តម ហង់ ពៅ អគ្គនាយករងនៃអាជ្ញាធរជាតិអប្សរា និងមន្ត្រីមួយចំនួននៃអង្គការយូណេស្កូ។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
6846
ម្សិលមិញ
:
14475
សប្តាហ៍នេះ
:
42027
ខែនេះ
:
0076270
សរុប
:
007803289