ព័ត៌មានថ្មីៗ

ក្រុមបាល់ទាត់អាជ្ញាធរជាតិអប្សរាទទួលបានជើងឯករងក្នុងពានរង្វាន់រដ្ឋបាលខេត្តសៀមរាបរដូវកាលទី៣

បានផ្សាយនៅ ថ្ងៃទី 05 ខែ កុម្ភៈ ឆ្នាំ2018 09:09 AM ដោយ ៖ អាជ្ញាធរជាតិអប្សរា

ពានរង្វាន់បាល់ទាត់ខេត្តសៀមរាប ដែលប្រមូលផ្តុំដោយក្រុមកីឡាករមកពីបណ្តាមន្ទីរនិងស្ថាប័នជុំវិញខេត្តសៀមរាបលើកទី៣បានបិទបញ្ចប់ហើយ ដោយក្រុមបាល់ទាត់អាជ្ញាធរជាតិអប្សរាទទួលបានជើងឯករង ក្រោយបរាជ័យក្រោមថ្វីជើងរបស់ក្រុមកីឡាបាល់ទាត់ក្រុងសៀមរាប ក្នុងលទ្ធផល១-១ ក្នុងម៉ោងធម្មតា និង០-២ ដោយបាល់១១ម៉ែត្រកាត់សេចក្តី ក្នុងវគ្គផ្តាច់ព្រ័ត្រនាព្រលប់ថ្ងៃទី២ ខែកុម្ភៈ ឆ្នាំ២០១៨នេះ។

បរាជ័យតែ១លើកនៃក្រុមបាល់ទាត់របស់អាជ្ញាធរជាតិអប្សរាក្នុងរដូវកាលនេះ បានន័យថា ក្រុមបាល់ទាត់អាជ្ញាធរជាតិអប្សរាពុំអាចការពារតំណែងជើងឯករបស់ខ្លួនបានឡើយ ក្រោយគ្រងជើងឯកពានរង្វាន់មួយនេះអស់២រដូវកាលកន្លងមក។

ទោះជាយ៉ាងណា នេះជាមោទនភាពមួយនៃក្រុមបាល់ទាត់របស់អាជ្ញាធរជាតិអប្សរា ដែលបានប្រឹងប្រែងអស់ពីសមត្ថភាពរបស់ខ្លួន ដើម្បីរួមចំណែកលើកកម្ពស់វិស័យកីឡាបាល់ទាត់នៅកម្ពុជា។ ក្នុងតំណែងជើងឯករងក្នុងរដូវកាលនេះ ក្រុមបាល់ទាត់អាជ្ញាធរជាតិអប្សរាទទួលបានពានមួយអមដោយទឹកប្រាក់ចំនួន៨០ម៉ឺនរៀល៕














អាជ្ញាធរជាតិអប្សរាកំពុងតែរៀបចំកែសម្រួលផ្លូវថ្មើរជើងតូចៗ នៅសងខាងស្ពានហាលប្រាសាទអង្គរវត្ត ចន្លោះពីគុកតារាជ្យទៅក្តារបែន។ តាមគម្រោង ការកែសម្រួលនេះនឹងធ្វើឡើងដោយត្រូវលុបបំបាត់ផ្លូវដើរខ្លះដែលមិនសមរម្យ កែសម្រួលផ្លូវចាស់ដែលមានស្រាប់ និងបង្កើតផ្លូវថ្មីពីរខ្សែបន្ថែមទៀត ដែលត្រូវចំណាយប្រហែលពីរខែនឹងរួចរាល់។
ភាពល្បីល្បាញនៃរមណីយដ្ឋានអង្គរមិនត្រឹមតែទាក់ទាញអ្នកស្រាវជ្រាវ និងភ្ញៀវទេសចរទូទៅប៉ុណ្ណោះទេ បុគ្គលល្បីៗក្នុងលោក រួមនឹងអ្នកមានៗលំដាប់ពិភពលោកច្រើនរូបក៏ទាក់ចិត្តមិនខកខានក្នុងដំណើរមកទស្សនាអង្គរដែរ។ ថ្ងៃទី១២ ខែមីនា ឆ្នាំ២០១៩នេះ ចាត់ទុកជាថ្ងៃពិសេសមួយទៀត ដែលមហាសេដ្ឋីស្រុកចិន និងជាប្រធានក្រុមហ៊ុន Alibaba គឺ លោក ចេក ម៉ា (Jack Ma) បានមកបំពេញទស្សនកិច្ចពេញមួយថ្ងៃនៅប្រាសាទនានាក្នុងតំបន់អង្គរ។
នៅព្រឹកថ្ងៃទី១១ ខែមិនា ឆ្នាំ២០១៩ ឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា បានអនុញ្ញាតឱ្យប្រតិភូចិនដឹកនាំដោយលោក CHOU Ming អនុប្រធាននៃពិព័រណ៍សិល្ប:ចិនក្រោមការគ្រប់គ្រងនៃរដ្ឋបាលបេតិកភណ្ឌវប្បធម៌ជាតិចិន ចូលជួបសំណេះសំណាល ដើម្បីពិភាក្សាស្តីអំពីការស្នើខ្ចីរូបបដិមាខ្មែរដើម្បីយកទៅចូលរួមតាំងពិព័រណ៍អរិយធម៌អាស៊ីនៅប្រទេសចិន ។
នៅថ្ងៃទី៧ មីនា ឆ្នាំ២០១៩ គម្រោងអបរំបេតិកភណ្ឌបានចាប់ផ្តើមបង្រៀនដល់សិស្សវិទ្យាល័យ ហ៊ុន សែន ប្រាសាទបាគង និងសាលាបឋមសិក្សា លលៃ។ គម្រោងនេះចាប់ផ្តើមបង្រៀននៅរមណីយដ្ឋានអង្គរចាប់ពីឆ្នាំ២០១៨ នៅសាលាបឋមសិក្សាស្រះស្រង់ និងវិទ្យាល័យ នគរធំ។ នៅឆ្នាំ២០១៩នេះ គម្រោងបានពង្រីកការអប់រំមកដល់វិទ្យាល័យ ហ៊ុន សែន ប្រាសាទបាគង និងសាលាបឋមសិក្សា លលៃ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
1
ថ្ងៃនេះ
:
0490
ម្សិលមិញ
:
2406
សប្តាហ៍នេះ
:
05008
ខែនេះ
:
0113579
សរុប
:
008269546