ព័ត៌មានថ្មីៗ

ព្រឹត្តិការណ៍កីឡា RAID Amazones លើកទី២បានចាប់ផ្តើមហើយនៅលើទឹកដីអង្គរនាព្រឹកមិញនេះ!

បានផ្សាយនៅ ថ្ងៃទី 04 ខែ ធ្នូ ឆ្នាំ2017 03:22 PM ដោយ ៖ អាជ្ញាធរជាតិអប្សរា

RAID Amazones ជាព្រឹត្តិការណ៍កីឡាអន្តរជាតិមួយដ៏មានប្រជាប្រិយភាពបំផុតនៅលើពិភពលោក មានសុទ្ធតែនារីជាអ្នកចូលរួម ដោយចាប់គូគ្នា២នាក់ ឬ៣នាក់ដើម្បីរត់ ជិះកង់ និងចែវទូក។ កីឡានេះ បង្កើតឡើងដោយអតីតពិធីករទូរទស្សន៍ជនជាតិបារាំងឈ្មោះ ALEXANDER DEBANNE មានរយៈពេល១៥ឆ្នាំមកហើយ និងបានធ្វើនៅតាមបណ្តាប្រទេសជាច្រើន ក្នុងនោះនេះជាលើកទី២សម្រាប់កម្ពុជាជាម្ចាស់ផ្ទះ ដែលរៀបចំឡើងនៅក្នុងទឹកដីអង្គរ។

កម្មវិធីនេះបានប្រារព្ធពិធីបើកនៅសណ្ឋាគារប៉ារ៉ាឌីស វីឡា អង្គរ កាលពីព្រឹកថ្ងៃទី០៤ ខែធ្នូ ឆ្នាំ២០១៧ ក្រោមវត្តមានរបស់ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា និងសហការី លោក ALEXANDER DEBANNE អ្នករៀបចំកម្មវិធី និងលោក ហ៊ុន សុជាតិ អ្នកសម្របសម្រួលកម្មវិធី។

លោក ហ៊ុន សុជាតិ បានឲ្យដឹងថា នេះជាមោទនភាពណាស់សម្រាប់កម្ពុជា ដែលបានធ្វើជាម្ចាស់ផ្ទះជាលើកទី២នៅលើទឹកដីអង្គរសម្រាប់ព្រឹត្តិការណ៍កីឡា RAID Amazones លំដាប់ពិភពលោក។ នៅក្នុងឆ្នាំនេះ មានកីឡាការនីចូលរួមចំនួន៣៤៧នាក់ មានអាយុចាប់ពី២៨ឆ្នាំដល់៥០ឆ្នាំ មកពីប្រទេសបារាំង ស្វីស បែលហ្សិក កាណាដា និងបណ្តាប្រទេសមួយចំនួនតូចទៀតដែលនិយាយភាសាអង់គ្លេស។

លោក សុជាតិ បន្តទៀតថា កម្មវិធីកីឡានេះធ្វើឡើងក្នុងគោលបំណងលើកទឹកចិត្តស្ត្រីថា ពួកគាត់ក៏អាចធ្វើការងារនិងចូលរួមកីឡាបានដូចបុរសដែរ ទាំងរត់ចម្ងាយ ជិះកង់ និងចែវទូក ដែលនេះជាវិញ្ញាសារបានកំណត់ក្នុងកម្មវិធីរយៈពេល៥ថ្ងៃ គឺចាប់ពីថ្ងៃទី០៤ដល់ទី០៩ ខែធ្នូ ឆ្នាំ២០១៧។ តាមរយៈព្រឹត្តិការណ៍កីឡានេះ បានធ្វើឲ្យពិភពលោកស្គាល់កម្ពុជាកាន់តែច្រើន ជាក់ស្តែងពេលរត់ចម្ងាយ ពួកគេនឹងបានស្គាល់ពីប្រាង្គប្រាសាទដ៏ច្រើនសន្ធឹករបស់ខ្មែរ ពេលជិះកង់ពួកគេបានស្គាល់ពីការរស់នៅរបស់ប្រជាជន ភូមិសាស្រ្ត ទិដ្ឋភាពវាលស្រូវ វាលស្រែដ៏ស្រស់ស្អាត និងពេលចែវទូក ពួកគេនឹងបានស្គាល់ពីសក្តានុពលទេសចរណ៍នៅបឹងទន្លេសាបនៃកម្ពុជាផងដែរ។

គួរបញ្ជាក់ផងដែរថា RAID Amazones នឹងរៀបចំជាលើកទី៣នៅលើទឹកដីអង្គរម្តងទៀត នាខែមីនា ឆ្នាំ២០១៨ ដែលមានកីឡាការនីចូលរួមចំនួន២៥០នាក់បន្ថែមទៀត។ ចំនួននេះគឺដោយសារអ្នកចូលរួមនៅវគ្គទី២មានច្រើនលើសកំណត់។ នេះជាមោទនភាពណាស់ ដែលការរៀបចំកីឡា RAID Amazones កាលពីឆ្នាំ២០១៤បានជោគជ័យយ៉ាងខ្លាំង ធ្វើឲ្យអ្នកចូលរួមចាស់ថ្មី មានបំណងចង់មកកាន់ទឹកដីអង្គរជាថ្មី៕
















ឆ្លៀតក្នុងឱកាសអញ្ជើញទស្សនកិច្ចនៅខេត្តសៀមរាបរយៈពេល២ថ្ងៃ ពីថ្ងៃទី៤-៥ ខែធ្នូ ឆ្នាំ២០១៨ ដើម្បីចូលរួមជាអធិបតីក្នុងពិធីបើកជាផ្លូវការខួបលើកទី ២៥ឆ្នាំ នៃការបង្កើតគណៈកម្មាធិការអន្ដរជាតិ អាយស៊ីស៊ី-អង្គរ និងកិច្ចប្រជុំបច្ចេកទេសលើកទី៣១ កិច្ចប្រជុំពេញអង្គលើកទី២៥ នៃអាយស៊ីស៊ី-អង្គរ លោកជំទាវ Audrey AZOULAY អគ្គនាយិកាយូណេស្កូ បានធ្វើទស្សនកិច្ចតាមការដ្ឋានជួសជុលតាមប្រាសាទមួយចំនួនក្នុងរមណីយដ្ឋានអង្គរ ដោយមានការអមដំណើរដោយឯកឧត្តម ហង់ ពៅ អគ្គនាយករងនៃអាជ្ញាធរជាតិអប្សរា និងមន្ត្រីមួយចំនួននៃអង្គការយូណេស្កូ។
ថ្លែងក្នុងសន្ទរកថានៃកិច្ចប្រជុំបច្ចេកទេសលើកទី៣១ និងពេញអង្គលើកទី២៥នៃការបង្កើតគណៈកម្មាធិការអន្តរជាតិសម្របសម្រួលកិច្ចគាំពារនិងអភិវឌ្ឍន៍តំបន់អង្គរ ហៅកាត់ថាអាយស៊ីស៊ី-អង្គរ (ICC-Angkor) លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា បានបង្ហាញពីគោលបំណងនៃការប្រារព្ធខួបលើកទី២៥ឆ្នាំ គឺដើម្បីរំឭកឡើងវិញនូវការប្តេជ្ញាចិត្តរបស់យើងទាំងអស់គ្នាកាលពី២៥ឆ្នាំមុន ក៏ដូចជាបង្ហាញពីភាពជោគជ័យដែលរាជរដ្ឋាភិបាលកម្ពុជានិងសហគមន៍អន្តរជាតិទទួលបាន ដោយជម្នះនូវបញ្ហាប្រឈមនានាដែលជួបប្រទះកន្លងមក ហើយដែលនឹងកំពុងដោះស្រាយជាមួយគ្នាទៅតាមមាគ៌ាដែលបានត្រួសត្រាយឱ្យបានសម្រេចតាមគោលដៅនាពេលខាងមុខ។
ដើម្បីរួមចំណែកជាមួយរាជរដ្ឋាភិបាលក្នុងការលើកកម្ពស់ជីវភាពរបស់ប្រជាពលរដ្ឋ ដែលកំពុងរស់នៅភូមិធម្មជាតិរុនតាឯក នាព្រឹកថ្ងៃទី៣ ខែធ្នូ ឆ្នាំ២០១៨នេះ សោម៉ាគ្រុប បាននាំយកកង់ និងសម្ភារសិក្សាជាច្រើនសម្រាប់ផ្តល់ជូនដល់សិស្សានុសិស្ស ដែលកំពុងសិក្សានៅសាលាបឋមសិក្សាជាលាធំក្នុងគម្រោងអភិវឌ្ឍន៍ភូមិធម្មជាតិរុនតាឯក។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
1844
ម្សិលមិញ
:
2569
សប្តាហ៍នេះ
:
07597
ខែនេះ
:
0100756
សរុប
:
007691455