ព័ត៌មានថ្មីៗ

ក្នុងខែតុលា អាជ្ញាធរជាតិអប្សរាបានអនុញ្ញាតការជួសជុលសំណង់តូចៗបានចំនួន ៤៧ករណី

បានផ្សាយនៅ ថ្ងៃទី 13 ខែ វិច្ឆិកា ឆ្នាំ2017 02:23 PM ដោយ ៖ អាជ្ញាធរជាតិអប្សរា

របាយការណ៍របស់ក្រុមការងារសហគមន៍នៃអាជ្ញាធរជាតិអប្សរា ប្រចាំខែតុលា ឆ្នាំ២០១៧ ការអនុញ្ញាតសំណើជួសជុលតូចៗ តាមការស្នើរបស់ប្រជាពលរដ្ឋតាមរយៈក្រុមការងារសហគមន៍ មានចំនួន ៤៧ករណី ក្នុងនោះបានអនុញ្ញាតដល់ប្រជាពលរដ្ឋចំនួន ៣១ករណី។

ក្នុងរបាយការណ៍ដដែល ក្នុងចំណោមការអនុញ្ញាតឱ្យសាងសង់ និងជួសជុលតូចតាចទាំង ៣១ករណីនោះ មាននៅស្រុកប្រាសាទបាគង ៤ករណី ស្រុកពួក ៣ករណី ក្រុងសៀមរាប ២ករណី និងស្រុកបន្ទាយស្រី ២២ករណី ហើយការអនុញ្ញាតទាំងនេះ គឺធ្វើឡើងក្រោយពីក្រុមការងារចុះទៅពិនិត្យឃើញថាជាប្រជាពលរដ្ឋចាស់ និងតម្រូវការជាក់ស្តែង។

ក្រៅពីការងារអនុញ្ញាតសាងសង់ និងជួសជុលហើយនោះ ក្នុងនោះក្រុមការងារសហគមន៍ ក៏បានជួយការងារមួយចំនួនផងដែរ ក្នុងនោះរួមមាន ការងារមនុស្សធម៌ និងកម្មវិធីផ្សេងៗទៀត ដូចជា ចុះពិនិត្យមើលភ្លើងឆេះផ្ទះ២ខ្នងនៅភូមិថ្នល់ទទឹង ឃុំប្រដាក ស្រុកបន្ទាយស្រី ផ្តល់កូនឈើប្រណីតចំនួន ៨០០ដើម ដល់សាលាវិទ្យាល័យ ហ៊ុន សែន ប្រាសាទបាគង ពិនិត្យទីតាំងសុំកាយដីដាក់លូរំដោះទឹក នៅឃុំខ្នាត ស្រុកពួក និងពិនិត្យផ្ទះពលរដ្ឋ១ករណី ដែលដួលរំលំដោយខ្យល់បក់ នៅភូមិដូនកែវ ឃុំដូនកែវ ស្រុកពួក។

ក្រុមការងារសហគមន៍នៃអាជ្ញាធរជាតិអប្សរា ត្រូវបានបង្កើតឡើងដើម្បីផ្សព្វផ្សាយអំពីបេតិកភណ្ឌ បញ្ជ្រាបចំណេះដឹងដល់ប្រជាពលរដ្ឋ ដើម្បីឲ្យពួកគាត់បានចូលរួមក្នុងកិច្ចការពារបេតិកភណ្ឌ។ ទន្ទឹមនឹងនេះ ក្រុមការងារសហគមន៍ក៏បានឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ ដែលស្នើសុំជួសជុលតិចតួច និងអនុញ្ញាតជូនភ្លាមៗនៅនឹងមូលដ្ឋាន ដើម្បីសម្រួលដល់ពេលវេលា និងការធ្វើដំណើររបស់ពួកគាត់។ លើសពីនេះទៀត ក្រុមការងារសហគមន៍ក៏ជាក្រុមជួយសង្គ្រោះបន្ទាន់ ក្នុងករណីគ្រោះថ្នាក់ធម្មជាតិដែលកើតមានឡើងចំពោះប្រជាពលរដ្ឋក្នុងតំបន់អង្គរ និងនាំយកអំណោយចែកជូនស្ត្រីទើបសម្រាលកូនជាដើម៕




ថ្លែងក្នុងពិធីបើកកិច្ចប្រជុំបច្ចេកទេសលើកទី៣១ និងកិច្ចប្រជុំពេញអង្គលើកទី២៥នៃអាយស៊ីស៊ី-អង្គរនាព្រឹកថ្ងៃទី០៤ ខែធ្នូ ឆ្នាំ២០១៨ នៅសណ្ឋាគារសុខាសៀមរាប សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអំពាវនាវដល់បណ្តាប្រទេសជាមិត្តនិងដៃគូសហប្រតិបត្តិការអន្តរជាតិបន្តជួយគាំទ្រទាំងផ្នែកហិរញ្ញវត្ថុនិងធនធានមនុស្សបន្តទៀត។ រីឯក្រសួងស្ថាប័នជាតិដែលពាក់ព័ន្ធ រួមទាំងប្រជាជនកម្ពុជាទាំងអស់ ត្រូវតែចូលរួមសហការគ្នាឱ្យបានល្អក្នុងការការពារបេតិកភណ្ឌមនុស្សជាតិនិងរមណីយដ្ឋានអង្គរ ពោលគឺដើម្បីអង្គរទាំងអស់គ្នា។
នាឱកាសពិធីបើកកិច្ចប្រជុំបច្ចេកទេសលើកទី៣១ និងកិច្ចប្រជុំពេញអង្គលើកទី២៥ នៃគណៈកម្មាធិការអាយស៊ីស៊ី-អង្គរ នាថ្ងៃទី០៤ ខែធ្នូ ឆ្នាំ២០១៨ នៅសាលសន្នីសិទសុខាសៀមរាប លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា ឯកឧត្តម Manabu Miyagawa អនុរដ្ឋមន្ត្រី និងជាអគ្គនាយកទទួលបន្ទុកកិច្ចការវប្បធម៌ នៃក្រសួងការបរទេសជប៉ុន លោកជំទាវ ឯកឧត្តម ជាសហប្រធានអាយស៊ីស៊ី-អង្គរ និងអ្នកជំនាញជាតិ-អន្តរជាតិជាច្រើន បានអញ្ជើញចូលរួមគោរពវិញ្ញាណក្ខន្ធលោកសាស្ត្រាចារ្យ Pierre Andre Lablaude ដែលបានខិតខំ និងលះបង់កម្លាំងកាយ កម្លាំងចិត្ត ចូលរួមចំណែកយ៉ាងខ្លាំងក្លាក្នុងកិច្ចការ ថែរក្សា និងអភិវឌ្ឍន៍ប្រកបដោយចីរភាពរមណីយដ្ឋានអង្គរ ។
នៅព្រឹកថ្ងៃទី៤ ខែធ្នូ ឆ្នាំ ២០១៨ នេះ កម្មវិធីអបអរខួប ២៥ឆ្នាំ នៃការបង្កើតគណៈកម្មាធិការអន្ដរជាតិសម្របសម្រួលការគាំពារ និងអភិវឌ្ឍន៍តំបន់រមណីយដ្ឋានប្រវត្តិសាស្រ្ដអង្គរ ហៅកាត់ថា អាយស៊ីស៊ី-អង្គរ បានចាប់ផ្តើមជាផ្លូវការ ក្រោមវត្តមានដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវ Audrey AZOULAY អគ្គនាយិកាយូណេស្កូ។
កាលពីព្រឹកថ្ងៃទី០២ខែធ្នូ ឆ្នាំ២០១៨ ក្រុមអ្នកជំនាញការអាដហុកនៃអង្គការយូណេស្កូចំនួន៤រូប មន្ត្រីអាជ្ញាធរជាតិអប្សរា រួមទាំងមន្ត្រីបរិស្ថាន និងភាគីក្រុមហ៊ុនសាងសង់ផ្លូវ បានចុះពិនិត្យមើលការសាង់សង់ផ្លូវថ្មីលើភ្នំគូលែន ដើម្បីត្រៀមទទួលយោបល់កែលម្អនៅក្នុងកិច្ចប្រជុំបច្ចេកទេសអាយស៊ីស៊ី-អង្គរលើកទី៣១ ដែលនឹងប្រព្រឹត្តទៅនៅថ្ងៃទី៤-៥ ខែធ្នូ ឆ្នាំ២០១៨ ខាងមុខនេះ។
នៅព្រឹកថ្ងៃទី២ ខែធ្នូ ឆ្នាំ ២០១៨ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា ចូលរួមក្នុងពិធីអបអរខួប១០ ឆ្នាំរបស់សារមន្ទីរព្រះនរោត្តម សីហនុ-អង្គរ និងពិធីពុទ្ធាភិសេកព្រះពុទ្ធអង្គធំ ដែលធ្វើឡើងក្រោមវត្តមានចូលរួមពីមន្រ្តីរាជការ អ្នកជំនាញការជាតិ អន្ដរជាតិ និងភ្ញៀវអន្ដរជាតិប្រមាណ ១០០នាក់។ ក្នុងពិធីពុទ្ធាភិសេកព្រះពុទ្ធអង្គធំ ក៏មានការនិមន្តព្រះសង្ឃ ដើម្បីរៀបចំទៅតាមពិធីសាសនា។ ក្នុងពិធីនេះដែរ លោកជំទាវ ភឿង សកុណា បានឧបត្ថម្ភដល់វត្តរាជបូព៌ជាថវិកាចំនួន ២លានរៀលផងដែរ។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
1784
ម្សិលមិញ
:
2569
សប្តាហ៍នេះ
:
07537
ខែនេះ
:
0100696
សរុប
:
007691395