ព័ត៌មានថ្មីៗ

បន្ទាយសំរែ ៖ ជាប្រាសាទតូចតែមានរចនាបថស្រដៀងនឹងប្រាសាទអង្គរវត្ត

បានផ្សាយនៅ ថ្ងៃទី 11 ខែ វិច្ឆិកា ឆ្នាំ2017 02:16 PM ដោយ ៖ អាជ្ញាធរជាតិអប្សរា

ប្រាសាទបន្ទាយសំរែស្ថិតនៅខាងកើតបារាយណ៍យសោធរតដាក (បារាយណ៍ខាងកើត) ប្រហែល២០០ម៉ែត្រ និងមានចម្ងាយប្រហែល២គីឡូម៉ែត្រពីភូមិប្រដាក។

បន្ទាយសំរែស្ថិតនៅក្នុងរចនាបថអង្គរវត្ត ស្ថាបនាឡើងក្នុងសម័យដំណាលគ្នានឹងប្រាសាទអង្គរវត្តដែរ ពោលគឺនៅពាក់កណ្តាលទី១នៃសវទី១២ ក្នុងរាជ្យព្រះបាទសូរ្យវរ្ម័នទី២ (១១១៣-១១៥០) ដើម្បីឧទ្ទិសដល់ព្រះនារាយណ៍នៃព្រហ្មញ្ញសាសនា។

ទម្រង់ស្ថាបត្យកម្មនៃប្រាសាទនេះមានរាងស្ទើរជាបួនជ្រុង ហ៊ុព័ទ្ធដោយកំពែងថ្មបាយក្រៀមពីរជាន់ ដោយមានប្រាង្គកណ្តាលមួយ និងហោត្រៃពីរនៅឈមមុខនឹងប្រាង្គកណ្តាល។ ទម្រង់ប្លង់ស្ថាបត្យកម្ម និងក្បាច់ចម្លាក់ប្លែកពីប្រាសាទអង្គរវត្ត លើកលែងតែប្រាង្គកណ្តាល និងបង្កាន់ដៃនាគមានលក្ខណៈស្រដៀងគ្នាខ្លាំងនឹងប្រាសាទអង្គរវត្ត។

តាំងពីឆ្នាំ១៩៣០មក សាលាបារាំងចុងបូព៌ាប្រទេសបានចូលទៅត្រួសត្រាយសម្អាតផ្លូវ និងបរិវេណជុំវិញប្រាសាទនេះ។ នៅចន្លោះឆ្នាំ១៩៣៦-១៩៤៤ បុរាណដ្ឋានបន្ទាយសំរែទទួលបានការទល់ទ្រ និងពង្រឹងដោយផ្នែកខ្លះ។ កិច្ចគាំពារ និងអភិរក្សនៅសម័យនោះ បានប្រើសម្ភារៈដែកសម្រាប់ធ្វើជាស្នូលដែកទាម និងប្រើបេតុងសម្រាប់ជាជើងទម្រ។ល។

ចាប់ពីឆ្នាំ២០១៥មកទល់នឹងបច្ចុប្បន្ន ក្រុមអភិរក្សថ្មនៃអាជ្ញាធរជាតិអប្សរា បានធ្វើការជួសជុលនិងថែរក្សាបង្កាន់ដៃនាគ និងផ្តែរចំនួនពីរនៅតួប៉មកណ្តាល។ កិច្ចការជួសជុលនេះធ្វើឡើងដោយអ្នកជំនាញខ្មែរសុទ្ធ ដែលទទួលបានការបណ្តុះបណ្តាល និងបទពិសោធន៍ការងារពីស្ថាប័នអន្តរជាតិដូចជា GACP របស់អាឡឺម៉ង់ជាដើម៕
















មនុស្សប្រមាណជាង៤០០នាក់ មកពីវិស័យឯកជនតាមរយៈសមាគមធនធានមនុស្សនិងសមាគមទេសចរណ៍ខេត្តសៀមរាប សហការជាមួយអាជ្ញាធរជាតិអប្សរានៃគម្រោងអប់រំបេតិកភណ្ឌបានជួបជុំគ្នាដាំដើមឈើជាង២០០០ដើមនៅខាងត្បូងបរិវេណប្រាសាទបន្ទាយក្តី កាលពីព្រឹកថ្ងៃទី១ ខែកញ្ញា ឆ្នាំ២០១៨កន្លងទៅនេះ។
នៅក្នុងខែសីហា ឆ្នាំ២០១៨ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរា បានបន្តការងារចុះពិនិត្យ អនុញ្ញាតការសាងសង់ផ្ទះថ្មីជំនួសផ្ទះចាស់ និងជួសជុលសំណង់តូចតាចបានចំនួន១០៩ករណី។

គោលដៅទាំងនោះមានស្រុកប្រាសាទបាគង អនុញ្ញាតបានចំនួន២៨ករណី ស្រុកអង្គរធំ អនុញ្ញាតបានចំនួន១២ករណី ស្រុកពួក អនុញ្ញាតបានចំនួន០៥ករណី ក្រុងសៀមរាប អនុញ្ញាតបានចំនួន៥៤ករណី និងស្រុកបន្ទាយស្រី អនុញ្ញាតបានចំនួន១០ករណី។
រដ្ឋមន្រ្ដីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា លោកជំទាវ ភឿង សកុណា នៅព្រឹកថ្ងៃទី៣១ ខែសីហា បានបើកកិច្ចប្រជុំផ្ទៃក្នុងមួយ ដើម្បីត្រៀមរៀបចំកិច្ចប្រជុំគណៈកម្មាធិការអន្ដរជាតិសម្របសម្រួលគាំពារ និងអភិវឌ្ឍន៍តំបន់ប្រវត្តិសាស្រ្ដអង្គរ ហៅកាត់ថា អាយស៊ីស៊ី-អង្គរ និងរៀបចំខួបលើកទី២៥ឆ្នាំនៃការបង្កើតគណៈកម្មាធិការអាយសីុសីុ-អង្គរ។
លោកជំទាវ ស៊ុសម៉ា ស្វារ៉ាច (Sushma Swaraj) រដ្ឋមន្រ្តីក្រសួងការបរទេសឥណ្ឌា បានមកបំពេញទស្សនកិច្ចផ្លូវការនៅព្រះរាជាណាចក្រកម្ពុជារយៈពេល២ថ្ងៃ គឺចាប់ពីថ្ងៃទី២៩ ដល់ថ្ងៃទី៣០ ខែ សីហា ឆ្នាំ២០១៨។ ក្នុងដំណើរទស្សនកិច្ចមកកាន់ខេត្ដ សៀមរាប នៅព្រឹកថ្ងៃទី៣០ ខែសីហា លោកជំទាវរដ្ឋមន្រ្ដី បានធ្វើទស្សនកិច្ចរមណីយដ្ឋានអង្គរ និងសារមន្ទីរវាយនភណ្ឌប្រពៃណីអាស៊ី អិម ជី ស៊ី ដែលជាគម្រោងកិច្ចសហប្រតិបត្តិការរវាងអាជ្ញាធរជាតិអប្សរា និងរដ្ឋាភិបាលសាធារណរដ្ឋឥណ្ឌា។
នាព្រឹកថ្ងៃទី៣០ ខែសីហា ឆ្នាំ២០១៨ លោកជំទាវ ភឿង សកុណា រដ្ឋមន្ត្រីនៃក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា បានជួបសំណេះសំណាលជាមួយបុគ្គលិកជំនាញនិងអចិន្ត្រៃយ៍ចំនួន៣៥៥នាក់ ដែលត្រូវធ្វើសមាហរណកម្មជាមន្ត្រីរាជការនៃក្រសួងវប្បធម៌និងវិចិត្រសិល្បៈ។ ពិធីនេះរៀបចំឡើងនៅសាលសន្និសីទអង្គរនៃមជ្ឈមណ្ឌលអាជ្ញាធរជាតិអប្សរា ក្នុងបំណងផ្តល់ដំណឹងអំពីលក្ខខណ្ឌមួយចំនួនដែលត្រូវអនុវត្ត និងការទទួលបាននូវផលប្រយោជន៍សាធារណៈជាច្រើនផ្សេងទៀតស្របតាមគោលការណ៍របស់រាជរដ្ឋាភិបាល រាប់បញ្ចូលទាំងឱកាសនៃបង្កើតអាជីពវិជ្ជាជីវៈ ការទទួលបានការផ្តល់សេចក្តីទុកចិត្តតែងតាំងឱ្យទទួលភារកិច្ចថ្មីៗ និងការដំឡើងប្រាក់បៀរវត្សរ៍នៅពេលក្លាយខ្លួនជាមន្ត្រីរាជការ។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
0240
ម្សិលមិញ
:
2952
សប្តាហ៍នេះ
:
143365
ខែនេះ
:
0241418
សរុប
:
007221509